Levi 13
13
1Jehova i lo wulawula ka Mosi ni ka Aroni, aku:
2Loku munhu a wona lomu ka hlonge ya miri wakwe a sakaveti, kutani xilonza, kutani i ranzaveti ga ku khwezima, legi gi kombako ku hunzuka gi maha ntungu wa hlokonho lomu ka hlonge ya miri wakwe, va ta mu neha ka mupristi Aroni, kutani ka munwe wa vana vakwe lava va nga vapristi.
3Kasi loku mupristi a wonile a nghumbe leyo yi nga lomu ka hlonge ya nyama yakwe, a wona a woya ga wutshamu lego gi nga ni nghumbe na gi hunzukile gi basa loku a ranzaveti gi khwezima hi ku etisa lomu hlongeni, lezo i hlokonho; zonake loku mupristi a zi wonile, i ta mu byela lezaku wena a ku hlazekangi.
4Kanilezi loku a hlonge ya munhu ku woniwa a sakaveti go basa, legi gi nga hatimiko hi ku etisa lomu ka hlonge, ni loku a woya ga wutshamu lego gi nga hunzukangi gi basa, zonake a mupristi a mu valele tlhelweni loye a babyako ntlhanu wa masiku ni mambiri.
5Hi siku ga wuntlhanu ni mambiri, a mupristi i ta mu hlola, zonake loku a pima, a wona lezaku a sakaveti gi yimile a gi anzangi lomu hlongeni, a mupristi i ta engeta a mu valela ga wumbiri ntlhanu wa masiku ni mambiri.
6A mupristi i ta engeta a mu hlola ga wumbiri, lomu ka siku ga wuntlhanu ni mambiri; zonake, loku a sakaveti lego gi nga ha hatimi, gi nga anzangi lomu ka hlonge; a mupristi i ta byela a munhu loye lezaku u hlazekile; mbuhaka ntsena. A munhu i ta hlaza tinguwo takwe, zonake i tava a hlazekile.
7Kanilezi loku a ti kombisile ka mupristi, mupristi a mu byela lezaku i hlazekile, kanilezi a tshasi giya anza lomu hlongeni, a wuye a ta ti kombisa ka wumbiri ka mupristi.
8Zonake loku mupristi a wona lezaku a tshasi lego gi anzile lomu hlongeni, a mupristi i ta mu byela lezaku a nga hlazekangi; i na ni hlokonho.
9Zinghaho loku munhu a hi ni hlokonho, va ta mu neha ka mupristi.
10Zonake loku mupristi a wona a tshasi na gi basile lomu ka hlonge, gi hunzula ni woya ga wutshamu lego gi basa, ni nyama ya laho ka tshasi yi pswhuka,
11lezoke i hlokonho yi enghenileko lomu nyameni yakwe; ni mupristi i ta mu byela lezaku a nga hlazekangi; loyeke a nga ta mu valela hakuva wa yila.
12Kanilezi loku a hlokonho yi anzile ka miri wontihe, zonake yi fenengeta a miri wontihe wa mubabyi, kusukela hlokweni kala milengeni, kota lezo mupristi a ta nga zi wonisa zona,
13zonake laha mupristi a ta nga cuwukisisa a wona lezaku a hlokonho yi enetile a miri wontihe wa mubabyi, i ta mu byela lezaku u hlazekile; na a basile kontlhe, i hlazekile.
14Kanilezi a siku lego ku ta nga humelela a nyama yo pswhuka, i tava a nga hlazekangi.
15Laha a mupristi a ta nga wona a nyama leyo yo pswhuka, i ta mu byela lezaku a nga hlazekangi, hakuva a nyama leyi yo pswhuka ya tshisa, i hlokonho.
16Kasi loku a nyama leyo yo pswhuka yi hunzuka yi basa, i taya ka mupristi.
17Ni mupristi i ta mu hlola; loku a tshasi gi hunzukile gi basa, ni mupristi i ta byela a mubabyi lezaku u hlazekile; zonake i tava a hlazekile.
18Kasi loku a munhu a ngha a hi ni xidlayi xi holileko lomu mirini wakwe;
19zonake ku humelela kwalaho a tshasi go basa, kutani a sakaveti legi gi khwezimako, ni ku pswhukanyana, a munhu loye i ta ti kombisa ka mupristi.
20Loku a mupristi a hlola a sakaveti a wona lezaku gi etile lomu hlongeni lezaku a woya gi hunzukile gi basa, a mupristi i ta mu byela lezaku a nga hlazekangi; i hlokonho yi humako hi laha ku nga hi ni xidlayi.
21Kanilezi loku mupristi a nga woni a woya go basa laha ka sakaveti, ni loku a sakaveti gi nga etangi lomu hlongeni, kanilezi na gi basile kutsongwani, a mupristi i ta mu valela ntlhanu wa masiku ni mambiri.
22Loku gi anza lomu hlongeni, i ta mu byela lezaku a nga hlazekangi, i nani hlokonho.
23Kasi loku a sakaveti gi yima wutshamu ginwe, gi nga anzi, i bawa ga xidlayi; a mupristi i ta mu byela lezaku i hlazekile.
24Loku munhu a swile hi nzilo, zonake laha a swileko ku humelela a sakaveti go basa, hambu ku khwezima, kutani ku basa ntsena;
25loku mupristi a hlola, zonake a wona lezaku a woya gi hunzukile gi basa laha ka sakaveti, ni lezaku gi etile lomu nyameni; lezoke i hlokonho, yi humako hi laha a ngaswa. A mupristi i ta mu byela lezaku a nga hlazekangi; i nani hlokonho.
26Kanilezi loku mupristi a nga wonangi a woya go basa laha ka sakaveti, ni loku gi nga etangi lomu nyameni, kanilezi na gi basile kutsongwani, a mupristi i ta mu valela ntlhanu wa masiku ni mambiri.
27Zonake a mupristi i ta mu hlola hi siku ga wuntlhanu ni mambiri; loku a sakaveti gi anzile lomu hlongeni, a mupristi i ta mu byela lezaku a nga hlazekangi; i nani hlokonho.
28Kanilezi loku a sakaveti gi yimile gi nga anzangi lomu hlongeni, hambu loku ku hunzukile kutsongwani, i bawa ga kuswa ntsena. A mupristi i ta mu byela lezaku i hlazekile, hakuva i bawa ga kuswa ntsena.
29Loku munhu, kutani ngwanuna kutani ngwasati, a hi ni sakaveti laha hlokweni, kutani laha ka xilevu,
30a mupristi i ta hlola a sakaveti lego. Loku gi etile lomu hlongeni, zonake ku woniwa a misisi leyi yo bhalala na yi hi yi tsongwani; a mupristi i ta mu byela ku ngalo a nga hlazekangi; i nani tshasi go kari, ga hlokonho ya laha hlokweni kutani ya laha ka xilevu.
31Kanilezi loku mupristi a hlolile a sakaveti lego, zonake a wona lezaku i sakaveti ga mbanga, a gi etangi lomu ka hlonge, hambu loku misisi ya ntima yi hi hava, mupristi i ta mu valela ntlhanu wa masiku ni mambiri.
32Zonake hi siku ga wuntlhanu ni mambiri, loku mupristi a hlolile a wona lezaku a tshasi a gi anzangi, ni lezaku ku hava misisi yo pswhuka, ni lezaku a mbanga a yi etangi lomu hlongeni,
33a munhu loye i ta cingiwa misisi, kanilezi a nga cingiwi laha ka tshasi; zonake mupristi i ta mu valela ga wumbiri ntlhanu wa masiku ni mambiri.
34Zonake hi siku ga wuntlhanu ni mambiri, a mupristi i ta hlola a tshasi lego; kasi loku gi nga yangi mahlweni, ni loku gi nga etangi lomu hlongeni, a mupristi i ta mu byela lezaku i hlazekile; na yena i ta hlaza tinguwo takwe, zonake i tava a hlazekile.
35Kanilezi loku a tshasi gi ya anza lomu hlongeni anzhako kakuva a byelilwe lezaku i hlazekile,
36a mupristi i ta mu hlola; zonake loku a tshasi gi enzelekile lomu mirini, a mupristi a nga ha lavi kupswhuka ka misisi; i yilile basi.
37Kanilezi loku a tshasi gi yimile kwalaho ka kale, laho na ku milile misisi ya ntima, na tshasi gi holile, gi holele magumo, a mupristi i ta mu byela lezaku i hlazekile.
38Kasi loku wanuna kutani wasati, a hi ni sakaveti lomu mirini wakwe na gi hi sakaveti go basa,
39a mupristi i ta mu hlola; loku a sakaveti ga hlonge ya miri wakwe gi basile kutsongwani, mbuhaka basi gi humeleko mirini wakwe; yena i hlazekile.
40Loku munhu a mbhela misisi ya hloko yakwe, lihandla; yena i hlazekile.
41Ni loku ku mbhelile misisi laha ximombyeni, lihandla la laha ximombyeni; i hlazekile.
42Kanilezi loku ku hi kona laha lihandleni, kutani laha lihandleni la ximombo, a tshasi gi pswhukileko, i hlokonho yi humako.
43Zonake loku mupristi a mu hlolile, a wona lezaku a sakaveti gi basile, na gi pswhukile kutsongwani laha ka lihandla la hloko, kutani ka lihandla la ximombo, na ku fanana ni hlokonho lomu hlongeni ya miri wakwe,
44i hlokonho, a nga hlazekangi. A mupristi i ta mu byela lezaku a nga hlazekangi, mbubabyi gi sanguleko laha hlokweni.
45Loyi a nga ni ntungu lowu wa hlokonho i ta ambala a tinguwo ti hanzulweko, na a nga fenengeti a hloko yakwe; a fenengete a xilevu xakwe. Zonake i ta tshama na huwelela, aku: A nzi hlazekangi, a nzi hlazekangi!
46Ka wontihe masiku ya kubabya kakwe, i tava loyi a nga hlazekangiko. Wa yila; i ta tshama yece; a tenda ga-kwe gi tava le handle ka wugovelo. 2 Tih. 15:5
47Kasi loku ti hi tinguwo, loku ku humelela a hlokonho ka tona, hambu loku yi hi nguwo ya woya ga tiyivu, hambu loku yi hi wukene gi khatilweko,
48kutani leyi yi lukilweko, kutani hi laha ka mawoya, hambu laha ka bhebhe, kutani hi ka wihi ntiro wu mahilweko hi bhebhe;
49loku a sakaveti gi hi ga wukuxe, kutani ga kupswhuka laha ka nguwo, kutani laha ka bhebhe, hambu ka lezi zi lukilweko, hambu ka lezi zi swulilweko, hambu ka lezi zi tiriwako hi bhebhe; zi woneka zi hi ni hlokonho, va ta zi kombisa ka mupristi.
50A mupristi i ta hlola a sakaveti, zonake a valela a zilo lezo zi nga ni sakaveti, ntlhanu wa masiku ni mambiri.
51Hi siku ga wuntlhanu ni mambiri i ta hlola a sakaveti. Kasi loku a sakaveti gi anzile laha ka nguwo, hambu laha ka lezi zi swulilweko, hambu laha ka bhebhe, hambu ni ka wihi ntiro wu mahilweko hi bhebhe, i hlokonho leyi yo karata yi zi gako; a zilo lezo zi yilile.
52Hilezo i ta hisa a nguwo leyo, hambu loku yi hi nguwo leyi yi swulilweko hi mawoya, kutani hi leyi yi lukilweko, hambu loku ku hi wihi ntiro wu mahilweko hi bhebhe, loku wu hi ni tshasi, i hlokonho leyi yo karata; yi fanele ku hiswa nzilweni.
53Kanilezi loku mupristi a hlola a sakaveti na gi nga anzangi laha ka nguwo hambu ka lezi zi swulilweko, hambu ka lezi zi lukilweko, hambu ka wihi ntiro wu mahilweko hi bhebhe,
54a mupristi i ta ya byela ku hlaza a zilo lezo zi nga ni sakaveti, zonake a zi valela ga wumbiri ntlhanu wa masiku ni mambiri.
55Zonake a mupristi i ta hlola a sakaveti anzhako ko ngha gi hlazilwe; zonake loku a sakaveti gi nga hunzukangi, ni loku gi nga anzangi, hambu lezo zi yilile; u ta zi hisa laha nzilweni; zi nani hlokonho, zi gilwe handle kutani lomu nzeni ka zona.
56Kanilezi loku mupristi a hlolile a sakaveti a wona lezaku gi basile kutsongwani hi lezi gi nga hlaziwa, i ta gi pfarula laha ka nguwo, kutani laha kabhebhe, hambu ka lezi zi swulilweko, hambu ka lezi zi lukilweko.
57Kasi loku zi woneka kambe laha ka nguwo, hambu ka lezi zi swulilweko, hambu ka lezi zi lukilweko, hambu ni ka zihi lezi zi mahilweko hi bhebhe, lezoke i hlokonho yi humako; u ta hisa a zilo lezo zi nga ni sakaveti.
58Kasike loku a nguwo, hambu lezi zi swulilweko, kutani lezi zi lukilweko, hambu lezi zi mahilweko hi bhebhe, loku zi hlazilwe, a sakaveti gi sukile ka zona, zi ta hlaziwa ka wumbiri, zonake zi tava zi hlazekile.
59Lowu hi nayo wu yimisilweko laha ka sakaveti ga hlokonho ga laha ka nguwo ya mawoya, hambu ya wukene; kutani ka lezi zi swulilweko, kutani ka lezi zi lukilweko, hambu ka zihi lezi zi mahilweko hi bhebhe, kasi za tibyiwa lezaku zi hlazekile kutani a zi hlazekangi.
Currently Selected:
Levi 13: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Levi 13
13
1Jehova i lo wulawula ka Mosi ni ka Aroni, aku:
2Loku munhu a wona lomu ka hlonge ya miri wakwe a sakaveti, kutani xilonza, kutani i ranzaveti ga ku khwezima, legi gi kombako ku hunzuka gi maha ntungu wa hlokonho lomu ka hlonge ya miri wakwe, va ta mu neha ka mupristi Aroni, kutani ka munwe wa vana vakwe lava va nga vapristi.
3Kasi loku mupristi a wonile a nghumbe leyo yi nga lomu ka hlonge ya nyama yakwe, a wona a woya ga wutshamu lego gi nga ni nghumbe na gi hunzukile gi basa loku a ranzaveti gi khwezima hi ku etisa lomu hlongeni, lezo i hlokonho; zonake loku mupristi a zi wonile, i ta mu byela lezaku wena a ku hlazekangi.
4Kanilezi loku a hlonge ya munhu ku woniwa a sakaveti go basa, legi gi nga hatimiko hi ku etisa lomu ka hlonge, ni loku a woya ga wutshamu lego gi nga hunzukangi gi basa, zonake a mupristi a mu valele tlhelweni loye a babyako ntlhanu wa masiku ni mambiri.
5Hi siku ga wuntlhanu ni mambiri, a mupristi i ta mu hlola, zonake loku a pima, a wona lezaku a sakaveti gi yimile a gi anzangi lomu hlongeni, a mupristi i ta engeta a mu valela ga wumbiri ntlhanu wa masiku ni mambiri.
6A mupristi i ta engeta a mu hlola ga wumbiri, lomu ka siku ga wuntlhanu ni mambiri; zonake, loku a sakaveti lego gi nga ha hatimi, gi nga anzangi lomu ka hlonge; a mupristi i ta byela a munhu loye lezaku u hlazekile; mbuhaka ntsena. A munhu i ta hlaza tinguwo takwe, zonake i tava a hlazekile.
7Kanilezi loku a ti kombisile ka mupristi, mupristi a mu byela lezaku i hlazekile, kanilezi a tshasi giya anza lomu hlongeni, a wuye a ta ti kombisa ka wumbiri ka mupristi.
8Zonake loku mupristi a wona lezaku a tshasi lego gi anzile lomu hlongeni, a mupristi i ta mu byela lezaku a nga hlazekangi; i na ni hlokonho.
9Zinghaho loku munhu a hi ni hlokonho, va ta mu neha ka mupristi.
10Zonake loku mupristi a wona a tshasi na gi basile lomu ka hlonge, gi hunzula ni woya ga wutshamu lego gi basa, ni nyama ya laho ka tshasi yi pswhuka,
11lezoke i hlokonho yi enghenileko lomu nyameni yakwe; ni mupristi i ta mu byela lezaku a nga hlazekangi; loyeke a nga ta mu valela hakuva wa yila.
12Kanilezi loku a hlokonho yi anzile ka miri wontihe, zonake yi fenengeta a miri wontihe wa mubabyi, kusukela hlokweni kala milengeni, kota lezo mupristi a ta nga zi wonisa zona,
13zonake laha mupristi a ta nga cuwukisisa a wona lezaku a hlokonho yi enetile a miri wontihe wa mubabyi, i ta mu byela lezaku u hlazekile; na a basile kontlhe, i hlazekile.
14Kanilezi a siku lego ku ta nga humelela a nyama yo pswhuka, i tava a nga hlazekangi.
15Laha a mupristi a ta nga wona a nyama leyo yo pswhuka, i ta mu byela lezaku a nga hlazekangi, hakuva a nyama leyi yo pswhuka ya tshisa, i hlokonho.
16Kasi loku a nyama leyo yo pswhuka yi hunzuka yi basa, i taya ka mupristi.
17Ni mupristi i ta mu hlola; loku a tshasi gi hunzukile gi basa, ni mupristi i ta byela a mubabyi lezaku u hlazekile; zonake i tava a hlazekile.
18Kasi loku a munhu a ngha a hi ni xidlayi xi holileko lomu mirini wakwe;
19zonake ku humelela kwalaho a tshasi go basa, kutani a sakaveti legi gi khwezimako, ni ku pswhukanyana, a munhu loye i ta ti kombisa ka mupristi.
20Loku a mupristi a hlola a sakaveti a wona lezaku gi etile lomu hlongeni lezaku a woya gi hunzukile gi basa, a mupristi i ta mu byela lezaku a nga hlazekangi; i hlokonho yi humako hi laha ku nga hi ni xidlayi.
21Kanilezi loku mupristi a nga woni a woya go basa laha ka sakaveti, ni loku a sakaveti gi nga etangi lomu hlongeni, kanilezi na gi basile kutsongwani, a mupristi i ta mu valela ntlhanu wa masiku ni mambiri.
22Loku gi anza lomu hlongeni, i ta mu byela lezaku a nga hlazekangi, i nani hlokonho.
23Kasi loku a sakaveti gi yima wutshamu ginwe, gi nga anzi, i bawa ga xidlayi; a mupristi i ta mu byela lezaku i hlazekile.
24Loku munhu a swile hi nzilo, zonake laha a swileko ku humelela a sakaveti go basa, hambu ku khwezima, kutani ku basa ntsena;
25loku mupristi a hlola, zonake a wona lezaku a woya gi hunzukile gi basa laha ka sakaveti, ni lezaku gi etile lomu nyameni; lezoke i hlokonho, yi humako hi laha a ngaswa. A mupristi i ta mu byela lezaku a nga hlazekangi; i nani hlokonho.
26Kanilezi loku mupristi a nga wonangi a woya go basa laha ka sakaveti, ni loku gi nga etangi lomu nyameni, kanilezi na gi basile kutsongwani, a mupristi i ta mu valela ntlhanu wa masiku ni mambiri.
27Zonake a mupristi i ta mu hlola hi siku ga wuntlhanu ni mambiri; loku a sakaveti gi anzile lomu hlongeni, a mupristi i ta mu byela lezaku a nga hlazekangi; i nani hlokonho.
28Kanilezi loku a sakaveti gi yimile gi nga anzangi lomu hlongeni, hambu loku ku hunzukile kutsongwani, i bawa ga kuswa ntsena. A mupristi i ta mu byela lezaku i hlazekile, hakuva i bawa ga kuswa ntsena.
29Loku munhu, kutani ngwanuna kutani ngwasati, a hi ni sakaveti laha hlokweni, kutani laha ka xilevu,
30a mupristi i ta hlola a sakaveti lego. Loku gi etile lomu hlongeni, zonake ku woniwa a misisi leyi yo bhalala na yi hi yi tsongwani; a mupristi i ta mu byela ku ngalo a nga hlazekangi; i nani tshasi go kari, ga hlokonho ya laha hlokweni kutani ya laha ka xilevu.
31Kanilezi loku mupristi a hlolile a sakaveti lego, zonake a wona lezaku i sakaveti ga mbanga, a gi etangi lomu ka hlonge, hambu loku misisi ya ntima yi hi hava, mupristi i ta mu valela ntlhanu wa masiku ni mambiri.
32Zonake hi siku ga wuntlhanu ni mambiri, loku mupristi a hlolile a wona lezaku a tshasi a gi anzangi, ni lezaku ku hava misisi yo pswhuka, ni lezaku a mbanga a yi etangi lomu hlongeni,
33a munhu loye i ta cingiwa misisi, kanilezi a nga cingiwi laha ka tshasi; zonake mupristi i ta mu valela ga wumbiri ntlhanu wa masiku ni mambiri.
34Zonake hi siku ga wuntlhanu ni mambiri, a mupristi i ta hlola a tshasi lego; kasi loku gi nga yangi mahlweni, ni loku gi nga etangi lomu hlongeni, a mupristi i ta mu byela lezaku i hlazekile; na yena i ta hlaza tinguwo takwe, zonake i tava a hlazekile.
35Kanilezi loku a tshasi gi ya anza lomu hlongeni anzhako kakuva a byelilwe lezaku i hlazekile,
36a mupristi i ta mu hlola; zonake loku a tshasi gi enzelekile lomu mirini, a mupristi a nga ha lavi kupswhuka ka misisi; i yilile basi.
37Kanilezi loku a tshasi gi yimile kwalaho ka kale, laho na ku milile misisi ya ntima, na tshasi gi holile, gi holele magumo, a mupristi i ta mu byela lezaku i hlazekile.
38Kasi loku wanuna kutani wasati, a hi ni sakaveti lomu mirini wakwe na gi hi sakaveti go basa,
39a mupristi i ta mu hlola; loku a sakaveti ga hlonge ya miri wakwe gi basile kutsongwani, mbuhaka basi gi humeleko mirini wakwe; yena i hlazekile.
40Loku munhu a mbhela misisi ya hloko yakwe, lihandla; yena i hlazekile.
41Ni loku ku mbhelile misisi laha ximombyeni, lihandla la laha ximombyeni; i hlazekile.
42Kanilezi loku ku hi kona laha lihandleni, kutani laha lihandleni la ximombo, a tshasi gi pswhukileko, i hlokonho yi humako.
43Zonake loku mupristi a mu hlolile, a wona lezaku a sakaveti gi basile, na gi pswhukile kutsongwani laha ka lihandla la hloko, kutani ka lihandla la ximombo, na ku fanana ni hlokonho lomu hlongeni ya miri wakwe,
44i hlokonho, a nga hlazekangi. A mupristi i ta mu byela lezaku a nga hlazekangi, mbubabyi gi sanguleko laha hlokweni.
45Loyi a nga ni ntungu lowu wa hlokonho i ta ambala a tinguwo ti hanzulweko, na a nga fenengeti a hloko yakwe; a fenengete a xilevu xakwe. Zonake i ta tshama na huwelela, aku: A nzi hlazekangi, a nzi hlazekangi!
46Ka wontihe masiku ya kubabya kakwe, i tava loyi a nga hlazekangiko. Wa yila; i ta tshama yece; a tenda ga-kwe gi tava le handle ka wugovelo. 2 Tih. 15:5
47Kasi loku ti hi tinguwo, loku ku humelela a hlokonho ka tona, hambu loku yi hi nguwo ya woya ga tiyivu, hambu loku yi hi wukene gi khatilweko,
48kutani leyi yi lukilweko, kutani hi laha ka mawoya, hambu laha ka bhebhe, kutani hi ka wihi ntiro wu mahilweko hi bhebhe;
49loku a sakaveti gi hi ga wukuxe, kutani ga kupswhuka laha ka nguwo, kutani laha ka bhebhe, hambu ka lezi zi lukilweko, hambu ka lezi zi swulilweko, hambu ka lezi zi tiriwako hi bhebhe; zi woneka zi hi ni hlokonho, va ta zi kombisa ka mupristi.
50A mupristi i ta hlola a sakaveti, zonake a valela a zilo lezo zi nga ni sakaveti, ntlhanu wa masiku ni mambiri.
51Hi siku ga wuntlhanu ni mambiri i ta hlola a sakaveti. Kasi loku a sakaveti gi anzile laha ka nguwo, hambu laha ka lezi zi swulilweko, hambu laha ka bhebhe, hambu ni ka wihi ntiro wu mahilweko hi bhebhe, i hlokonho leyi yo karata yi zi gako; a zilo lezo zi yilile.
52Hilezo i ta hisa a nguwo leyo, hambu loku yi hi nguwo leyi yi swulilweko hi mawoya, kutani hi leyi yi lukilweko, hambu loku ku hi wihi ntiro wu mahilweko hi bhebhe, loku wu hi ni tshasi, i hlokonho leyi yo karata; yi fanele ku hiswa nzilweni.
53Kanilezi loku mupristi a hlola a sakaveti na gi nga anzangi laha ka nguwo hambu ka lezi zi swulilweko, hambu ka lezi zi lukilweko, hambu ka wihi ntiro wu mahilweko hi bhebhe,
54a mupristi i ta ya byela ku hlaza a zilo lezo zi nga ni sakaveti, zonake a zi valela ga wumbiri ntlhanu wa masiku ni mambiri.
55Zonake a mupristi i ta hlola a sakaveti anzhako ko ngha gi hlazilwe; zonake loku a sakaveti gi nga hunzukangi, ni loku gi nga anzangi, hambu lezo zi yilile; u ta zi hisa laha nzilweni; zi nani hlokonho, zi gilwe handle kutani lomu nzeni ka zona.
56Kanilezi loku mupristi a hlolile a sakaveti a wona lezaku gi basile kutsongwani hi lezi gi nga hlaziwa, i ta gi pfarula laha ka nguwo, kutani laha kabhebhe, hambu ka lezi zi swulilweko, hambu ka lezi zi lukilweko.
57Kasi loku zi woneka kambe laha ka nguwo, hambu ka lezi zi swulilweko, hambu ka lezi zi lukilweko, hambu ni ka zihi lezi zi mahilweko hi bhebhe, lezoke i hlokonho yi humako; u ta hisa a zilo lezo zi nga ni sakaveti.
58Kasike loku a nguwo, hambu lezi zi swulilweko, kutani lezi zi lukilweko, hambu lezi zi mahilweko hi bhebhe, loku zi hlazilwe, a sakaveti gi sukile ka zona, zi ta hlaziwa ka wumbiri, zonake zi tava zi hlazekile.
59Lowu hi nayo wu yimisilweko laha ka sakaveti ga hlokonho ga laha ka nguwo ya mawoya, hambu ya wukene; kutani ka lezi zi swulilweko, kutani ka lezi zi lukilweko, hambu ka zihi lezi zi mahilweko hi bhebhe, kasi za tibyiwa lezaku zi hlazekile kutani a zi hlazekangi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.