Joxua 7
7
VaIsraeli va hlulwa le Ai.
1Kanilezi a vanana va ka Israeli va lo ti vangela a nanzu hi zilo zi phangilweko; hakuva Akana nʼwana Karmi, wa Zabdi, wa Zera, wa nyangwa ya ka Juda, i lo teka a zilo zo yila, ni zanga ya Jehova yi lo vindlukiswa yi vukela a vanana va ka Israeli. Jox. 23:20; 1 Kro. 2:7
2Joxua na ha hi le Jeriko, i lo ruma a vanhu a kuya le Ai, kusuhani ni le Bet-Avane, hi le Mutsuwuka-gambo wa Beteli, aku ka vona: Fambani mu ya hlola tiko. Zonake a vavanuna va lo famba ku ya hlola a tiko ga le Ai. Gen. 12:8; 13:3
3Vona va lo wuya ka Joxua va taku kakwe: Ngha a vanhu va nga fambi vontlhe, kanilezi ngha ku famba 2,000, kutani 3,000 wa vavanuna, va ta ya hlasela Ai. U nga karati vontlhe vanhu hi kuya leyo hakuva mbatsongwani.
4Zonake ku lo famba 3,000 wa vavanuna, va lo ya tsutsuma mahlweni ka vavanuna va le Ai.
5Ni vavanuna va le Ai va lo daya 30 wa vavanuna, va va hlongola mahlweni ka nyangwa, kala le Xebarime, va lo va daya le kureleleni, ni timbilu ta vanhu ti lo nyeka khwatsi hi mati.
6Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.
7Na Joxua i te ngalo: Hiyehiye! Hosi Nungungulu, nweno u tlhatukisile lava vanhu Congweni wa Jordani, ku ta hi nyikela mandleni ya maAmori, va hi lovisa? Zi wa nga hi chukwana loku hi wa tshamile le tlhatuko wa Jordani!
8Xana nzi ta wula yini, Hosi, laha na Israeli na a fularile ka valala vakwe ke?
9Laha a vaKanani ni vontlhe lava va akileko lomu tikweni va ta nga zizwa, va ta su ta hi ranzela, va susa a vito ga hina laha misaveni; wenake u ta maha yini hi vito ga wena ga hombe ke? Ekso. 32:12; Mitse. 14:13
10Jehova i te ngalo ka Joxua: Vuka, u ti wisela yini hi nghohe ya wena ke?
11Israeli i onhile, i hambunyetile xivumelwano xa mina lexi nzi va leleteleko xona, ni kambe va tekile a zilo zo yila, va zi yivile, va khohlisa, va zi fihla lomu ka nhunzu yabye.
12Hikwalaho a vanana va ka Israeli a va zi koti ku yima mahlweni ka valala vabye; va fulara a hlana wabye ka valala vabye hakuva va nyenyezile. Mina nzi nga ha ta kuva na nwina; loku mu nga susi a xilo xi yilileko xikari ka nwina.
13Suka u basisa vanhu, uku: Basisani wutsumbu ga nwina ku longela ga manziko. Hakuva Jehova Nungungulu wa ka Israeli, i ngalo: Ku kona a xilo xa ku yila xikari ka wena, Israeli! Wena a ku zi koti ku yima mahlweni ka valala va wena, kala mu susa a xilo xi yilileko xikari ka nwina. Ekso. 19:10, 14
14Ni laha mixweni nwina mu ta tshinela laha kusuhani hi tinyangwa ta nwina, zonake a nyangwa leyo Jehova a ta nga yi khoma, yi ta tshinela laha kusuhani hi tiyindlu tabye, ni yindlu leyo Jehova a ta nga yi khoma, yi ta tshinela laha kusuhani hi mingango yabye, ni ngango lowo Jehova a ta nga wu khoma, wu ta tshinela laha kusuhani hi munhu ni munhu.
15Makunu a munhu loye a ta nga kumiwa na hi ni zilo za ku yila, yena i ta hisiwa ni zontlhe lezi a nga nazo, hakuva i hambunyetile xivumelwano xa Jehova, a maha zilo zi bihileko nguvu ka Israeli. Deut. 13:15; 1 Sam. 14:38, 39
16Zonake Joxua i lo vuka ni mixo a tshineta laha kusuhani va ka Israeli hi tinyangwa tabye, ni nyangwa ya ka Juda yi lo khomiwa.
17I lo tshineta laha kusuhani a tiyindlu ta ka Juda, ni yindlu ya ka Zera-hiti yi lo khomiwa; i lo tshineta a tiyindlu ta ka Zera-hiti hi mingango yabye, ni ngango wa ka Zabdi wu lo khomiwa. Gen. 46:12; Mitse. 26:20
18I lo tshineta laha kusuhani a ngango wa Zabdi hi munhu ni munhu, zonake Akana nʼwana Karmi wa Zabdi wa Zera, wa nyangwa ya ka Juda i lo khomiwa.
19Joxua aku ngalo ka Akana: Nwananga, wulela nanzu wa wena ka Jehova, Nungungulu wa ka Israeli, u mu dzunza, zonake u nzi byela lezo u mahileko, u nga nzi fihleli nchumu.
20Zonake Akana i lo hlamula, aku ka Joxua: Hi zona, mina nzi onhile ka Jehova Nungungulu wa ka Israeli, nzi mahile lezi:
21nzi lo wona xikari ka lezi zi phangilweko a nguwo yo saseka ya le Babuloni, ni mazana mambiri ya maxekeli ya siliva, ni muhono wa nzalama wa 50 wa maxekeli a kubinza, mina nzi lo zi navela, nzi teka; languta, zona zi fihlilwe lomu misaveni lahasi ka tenda ga mina, ni mali yi lahasi ka zona.
22Joxua i lo ruma mitsumi yiya le tendeni gakwe, languta a zilo lezo zi wa fihlilwe lomu ka tenda gakwe, ni mali yi wa hi lahasi ka zona.
23Va loya zi teka lomu tendeni gakwe, va zi neha ka Joxua ni ka vanana va ka Israeli, va lo zi veka mahlweni ka Jehova.
24Zonake Joxua ni vontlhe va ka Israeli va lo teka Akana nʼwana Zera, ni mali, ni nguwo, ni nzalama, ni vafana vakwe ni vanhanyana vakwe, ni tihomu takwe, ni timbongola takwe, ni tiyivu takwe, ni tenda gakwe, ni zontlhe zilo zakwe, va lo zi yisa le nzhelelweni wa Akora.
25Joxua i te ngalo kakwe: U hi xanisele yini ke? Jehova i ta ku xanisawo inyamutlha! Zonake vontlhe va ka Israeli va lo va gandla hi maribye, va lo va hisa, va va gandla hi maribye.
26Va lo tlhatekela hehla ka yena a nhulu ya hombe ya maribye, leyi yi nga kona kala legi siku. Zonake Jehova i lo bohla ka zanga yakwe yi chavekako; hilezo lego wutshamu gi lo vitanwa ku ngalo mbutshamu ga nzhelelo wa Akora kala legi siku.
Currently Selected:
Joxua 7: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Joxua 7
7
VaIsraeli va hlulwa le Ai.
1Kanilezi a vanana va ka Israeli va lo ti vangela a nanzu hi zilo zi phangilweko; hakuva Akana nʼwana Karmi, wa Zabdi, wa Zera, wa nyangwa ya ka Juda, i lo teka a zilo zo yila, ni zanga ya Jehova yi lo vindlukiswa yi vukela a vanana va ka Israeli. Jox. 23:20; 1 Kro. 2:7
2Joxua na ha hi le Jeriko, i lo ruma a vanhu a kuya le Ai, kusuhani ni le Bet-Avane, hi le Mutsuwuka-gambo wa Beteli, aku ka vona: Fambani mu ya hlola tiko. Zonake a vavanuna va lo famba ku ya hlola a tiko ga le Ai. Gen. 12:8; 13:3
3Vona va lo wuya ka Joxua va taku kakwe: Ngha a vanhu va nga fambi vontlhe, kanilezi ngha ku famba 2,000, kutani 3,000 wa vavanuna, va ta ya hlasela Ai. U nga karati vontlhe vanhu hi kuya leyo hakuva mbatsongwani.
4Zonake ku lo famba 3,000 wa vavanuna, va lo ya tsutsuma mahlweni ka vavanuna va le Ai.
5Ni vavanuna va le Ai va lo daya 30 wa vavanuna, va va hlongola mahlweni ka nyangwa, kala le Xebarime, va lo va daya le kureleleni, ni timbilu ta vanhu ti lo nyeka khwatsi hi mati.
6Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.
7Na Joxua i te ngalo: Hiyehiye! Hosi Nungungulu, nweno u tlhatukisile lava vanhu Congweni wa Jordani, ku ta hi nyikela mandleni ya maAmori, va hi lovisa? Zi wa nga hi chukwana loku hi wa tshamile le tlhatuko wa Jordani!
8Xana nzi ta wula yini, Hosi, laha na Israeli na a fularile ka valala vakwe ke?
9Laha a vaKanani ni vontlhe lava va akileko lomu tikweni va ta nga zizwa, va ta su ta hi ranzela, va susa a vito ga hina laha misaveni; wenake u ta maha yini hi vito ga wena ga hombe ke? Ekso. 32:12; Mitse. 14:13
10Jehova i te ngalo ka Joxua: Vuka, u ti wisela yini hi nghohe ya wena ke?
11Israeli i onhile, i hambunyetile xivumelwano xa mina lexi nzi va leleteleko xona, ni kambe va tekile a zilo zo yila, va zi yivile, va khohlisa, va zi fihla lomu ka nhunzu yabye.
12Hikwalaho a vanana va ka Israeli a va zi koti ku yima mahlweni ka valala vabye; va fulara a hlana wabye ka valala vabye hakuva va nyenyezile. Mina nzi nga ha ta kuva na nwina; loku mu nga susi a xilo xi yilileko xikari ka nwina.
13Suka u basisa vanhu, uku: Basisani wutsumbu ga nwina ku longela ga manziko. Hakuva Jehova Nungungulu wa ka Israeli, i ngalo: Ku kona a xilo xa ku yila xikari ka wena, Israeli! Wena a ku zi koti ku yima mahlweni ka valala va wena, kala mu susa a xilo xi yilileko xikari ka nwina. Ekso. 19:10, 14
14Ni laha mixweni nwina mu ta tshinela laha kusuhani hi tinyangwa ta nwina, zonake a nyangwa leyo Jehova a ta nga yi khoma, yi ta tshinela laha kusuhani hi tiyindlu tabye, ni yindlu leyo Jehova a ta nga yi khoma, yi ta tshinela laha kusuhani hi mingango yabye, ni ngango lowo Jehova a ta nga wu khoma, wu ta tshinela laha kusuhani hi munhu ni munhu.
15Makunu a munhu loye a ta nga kumiwa na hi ni zilo za ku yila, yena i ta hisiwa ni zontlhe lezi a nga nazo, hakuva i hambunyetile xivumelwano xa Jehova, a maha zilo zi bihileko nguvu ka Israeli. Deut. 13:15; 1 Sam. 14:38, 39
16Zonake Joxua i lo vuka ni mixo a tshineta laha kusuhani va ka Israeli hi tinyangwa tabye, ni nyangwa ya ka Juda yi lo khomiwa.
17I lo tshineta laha kusuhani a tiyindlu ta ka Juda, ni yindlu ya ka Zera-hiti yi lo khomiwa; i lo tshineta a tiyindlu ta ka Zera-hiti hi mingango yabye, ni ngango wa ka Zabdi wu lo khomiwa. Gen. 46:12; Mitse. 26:20
18I lo tshineta laha kusuhani a ngango wa Zabdi hi munhu ni munhu, zonake Akana nʼwana Karmi wa Zabdi wa Zera, wa nyangwa ya ka Juda i lo khomiwa.
19Joxua aku ngalo ka Akana: Nwananga, wulela nanzu wa wena ka Jehova, Nungungulu wa ka Israeli, u mu dzunza, zonake u nzi byela lezo u mahileko, u nga nzi fihleli nchumu.
20Zonake Akana i lo hlamula, aku ka Joxua: Hi zona, mina nzi onhile ka Jehova Nungungulu wa ka Israeli, nzi mahile lezi:
21nzi lo wona xikari ka lezi zi phangilweko a nguwo yo saseka ya le Babuloni, ni mazana mambiri ya maxekeli ya siliva, ni muhono wa nzalama wa 50 wa maxekeli a kubinza, mina nzi lo zi navela, nzi teka; languta, zona zi fihlilwe lomu misaveni lahasi ka tenda ga mina, ni mali yi lahasi ka zona.
22Joxua i lo ruma mitsumi yiya le tendeni gakwe, languta a zilo lezo zi wa fihlilwe lomu ka tenda gakwe, ni mali yi wa hi lahasi ka zona.
23Va loya zi teka lomu tendeni gakwe, va zi neha ka Joxua ni ka vanana va ka Israeli, va lo zi veka mahlweni ka Jehova.
24Zonake Joxua ni vontlhe va ka Israeli va lo teka Akana nʼwana Zera, ni mali, ni nguwo, ni nzalama, ni vafana vakwe ni vanhanyana vakwe, ni tihomu takwe, ni timbongola takwe, ni tiyivu takwe, ni tenda gakwe, ni zontlhe zilo zakwe, va lo zi yisa le nzhelelweni wa Akora.
25Joxua i te ngalo kakwe: U hi xanisele yini ke? Jehova i ta ku xanisawo inyamutlha! Zonake vontlhe va ka Israeli va lo va gandla hi maribye, va lo va hisa, va va gandla hi maribye.
26Va lo tlhatekela hehla ka yena a nhulu ya hombe ya maribye, leyi yi nga kona kala legi siku. Zonake Jehova i lo bohla ka zanga yakwe yi chavekako; hilezo lego wutshamu gi lo vitanwa ku ngalo mbutshamu ga nzhelelo wa Akora kala legi siku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.