Joxua 10
10
A yimpi ya le Dzongeni.
1Makunu laha Adoni-Zedeki, a hosi ya le Jerusalema, a nga wa zwile lezaku Joxua i tekile Ai a wu lovisa, ni lezaku le Ai ni hosi ya kona i mahile ku khwatsi hi lezi a mahileko le Jeriko ni hesi ya kona, ni lezaku a vanhu va le Gibeoni va mahile kurula zinwe ni va ka Israeli, ni lezaku va lomo xikari kabye,
2i lo chava nguvunguvu yena ni vanhu vakwe, hakuva a muti wa le Gibeoni wu wa hi muti wa hombe, kota ginwe ga mazinza, ni lezaku wu wa hunza a muti wa le Ai, ni lezaku a vavanuna va kona va wa hi tinhenha.
3Hikwalaho Adoni-Zedeki, a hosi ya le Jerusalema, i lo rumela ka Hohamu, a hosi ya le Hebroni, ni ka Hiramu, a hosi ya le Jarmute, ni ka Jafia, a hosi ya le Lakixe, ni ka Debira, a hosi ya le Egloni, aku ka vona:
4Ngonani ka mina mu ta nzi vunetela, hi hlengela hi hlasela Gibeoni, hakuva va zwanana na Joxua ni vanana va ka Israeli.
5Zonake tihosi leto ta ntlhanu ta vaAmori a hosi ya le Jerusalema, ni hosi ya le Hebroni, ni hosi ya le Jarmute, ni hosi ya le Lakixe, ni hosi ya le Egloni, ti lo tlhangana ti famba zinwe ni tiyimpi tabye tontlhe, tiya gova mahlweni ka Gibeoni tilwa nawo,
6Zonake a vanhu va le Gibeoni va lo rumela ka Joxua, le wugovelweni ga le Gilgale, vaku ka yena: U nga tsiki malanza ya wena, hatlisa u kanziha uta ka hina u ta hi tlhatlhisa, ni ku ta hi vunetela, hakuva tontlhe tihosi ta vaAmori, leti ti akileko leno zitsungeni, ti tsombene khatiginwe kuta hi vukela.
7Zonake Joxua i lo suka le Gilgale zinwe ni vontlhe vavanuna va hlomileko ni tontlhe tinhenha.
8Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2
9Zalezo Joxua i lo chikela kabye hi kuhatlisa; hakuva i lo famba wusiku gontlhe kusukela le Gilgale.
10Nungungulu i lo va vilinganyisa mahlweni ka Israeli; zonake Israeli i lolwa navo, a va hlula nguvu kusuhani ni le Gibeoni, va panzanyeka; zonake Israeli i lo va hlongolisa hi ndlela leyi kanzihako kuya le Bete-Horoni, a va hlasela kala le Azeka ni le Makeda. Ekso. 14:24; 23:27
11Ku te na va ha chava va ka Israeli, na va relela le Bete-Horoni, Jehova i lo nisa maribye ya hombe hehla kabye mata hi le tilweni, kala le Azeka, vona va lo dawa, lava va nga dawa hi vula ya maribyana va wa tele nguvu ku hunza lava va nga dawa hi va ka Israeli hi matlhari. Ekso. 9:17
12Zonake Joxua i lo wulawula ka Jehova ka lego siku Jehova a nga nyikela vaAmori ka vanana va ka Israeli, aku;
Gambo, yima hehla ka Gibeoni;
Na wena hweti, le minzhelelweni ya Ajaloni.
13Zonake a gambo gi lo yima, ni hweti yi lo yima,
Kala a vanhu va ti photela ka valala vabye.
Lezi a zi tsaliwangi lomu bhukwini ga Loyi a Lulamileko ke?
A gambo gi lo yima le tilweni gi nga hatlisi ku pela siku gontlhe. 2 Sam. 1:18; Isa. 38:8
14Cima a ku na ngava kona a siku go fanana ni lego hi mahlweni, hambu ni nzhako ka lezo, a kuva. Jehova a ingisa a gezu ga munhu, hakuva Jehova i wa lwela va ka Israeli.
15Zonake Joxua i lo tlhelela le wugovelweni ga le Gilgale zinwe ni vontlhe va ka Israeli.
16A tihosi leti ta ntlhanu ti chavileko, ti lo ya fihlala lomu mhakweni ya le Makeda.
17Zonake Joxua i lo byeliwa ku ngalo: A tihosi leti ta ntlhanu ti kumilwe na ti fihlele lomu mhakweni ya le Makeda.
18Joxua aku ngalo: Wumbulutani a maribye ya hombe laha nyangweni ya mhako, mu veka vavanuna va va rinzela.
19Kanilezi nwina mu nga tshami, hlongolani valala va nwina, mu ta lanzela hi lenzhako mu va hlasela, mu nga va vumeli ku enghena mitini yabye; hakuva Jehova Nungungulu wa nwina i va nyikele mandleni ya nwina.
20Ni laha Joxua ni vanana va ka Israeli va nga wa va hlasele va kala va va mbheta, na vanwani va tsutsumele ka miti ya makhokhola.
21Vontlhe vanhu va lo wuya ka Joxua le wugovelweni ga le Makeda hi kurula; cima ku wa nga hi kona ni munwe wa kuhleva a vanana va ka Israeli.
22Zonake Joxua aku ngalo: Vululani a nyangwa ya mhako, mu humesa tihosi leto ta ntlhanu, mu ti neha ka mina.
23Na vona va lo maha lezo, va loya humesa tihosi leto ta ntlhanu va ti neha ka yena, a hosi ya le Jerusalema, ni hosi ya le Hebroni, ni hosi ya le Jarmute, ni hosi ya le Lakixe, ni hosi ya le Egloni.
24Ni laha va nga wa tisile tihosi leto mahlweni ka Joxua, Joxua i lo tsombanyisa vontlhe vavanuna va ka Israeli. Zonake aku ka tinduna ta vanhu va yimpi lava va fambako zinwe na yena: Tshinelani mu ta kanzihela hehla ka tinhamu ta leti tihosi hi mikonzo ya nwina. Va lo tshinela va ta kanzihela hehla ka tinhamu ta tona.
25Na Joxua i te ngalo kabye: Mu nga chavi, hambu ni ku tsemeka hlana, tiyani muva ni wunhenha, hakuva Jehova i ta maha 20 kota lezi ka vontlhe valala va nwina lava mu lwako navo.
26Anzhako ka lezo Joxua i lo va tlhava, a va daya, a va hayeka lomu ka ntlhanu wa tisinya, va lo tshama na va hayekilwe tisinyeni kala laha gambyeni. Deut. 21:22
27Makunu loku gambo gi pelile, Joxua i lo leletela lezaku a va susiwe lomu tisinyeni, va hoxiwa ka mhako leyo va nga wa fihlele ka yona, zonake va lo viringetela maribye ya hombe laha nyangweni ya mhako, laya ma nga kona kala inyamutlha.
28Ka lego siku Joxua i lo khozisa Makeda, i lo va hlasela hi matlhari zinwe ni hosi ya kona; i lo lovisa vontlhe lava va nga wa hanya ka wona; yena a nga siyangi hambu ni salela. I lo maha ka hosi ya le Makeda khwatsi hi lezi a mahileko ka hosi ya le Jeriko.
29Joxua ni vontlhe va ka Israeli va lo suka Makeda vaya le Libna va yalwa na Libna.
30Na Jehova i lo wu nyikela mandleni ya va ka Israeli, wona ni hosi ya kona, i lo hlasela hi tlhari vontlhe lavo va nga wa hanya lomo, a ku salangi hambu ni munhu wa ku tsutsuma. Yena i lo maha ka hosi ya kona khwatsi hilezi a mahileko ka hosi ya le Jeriko.
31Joxua ni vontlhe va ka Israeli va lo suka le Libna vaya le Lakixe, va loya gova mahlweni ka wona, valwa nawo.
32Jehova i lo nyikela Lakixe canjeni ga ka Israeli, zonake hi siku ga wumbiri va lo khozisa a muti, va lo hlasela hi tlhari vontlhe lava va nga wa hanya lomo, khwatsi hi lezi va mahileko le Libna.
33Makunu Horama a hosi ya le Gezera i lota ku ta vunetela Lakixe; kanilezi Joxua i lo mu daya zinwe ni vanhu vakwe; laho a ku salangi hambu ni munwe.
34Joxua ni vontlhe va ka Israeli va lo suka le Lakixe vaya le Egloni, va loya gova mahlweni ka wona, valwa nawo.
35Va lo wu khozisa hi gwalego siku, va daya vanhu va kona hi tlhari; lego siku va lo lovisa vontlhe lava va nga wa hanya lomo, khwatsi hi lezi va mahileko le Lakixe.
36Zonake Joxua ni vontlhe va ka Israeli va lo suka le Egloni vaya le Hebroni va yalwa nawo.
37Va lo wu khozisa va wu hlasela hi tlhari, ni hosi ya kona zinwe ni yontlhe miti ya kona, ni vontlhe lava va nga wa hanya lomo ka yona, yena a nga siyangi ni munhu. I lo yi lovisa khwatsi hi lezi a mahileko le Egloni, i lo lovisa vontlhe lava va nga wa hanya lomo ka yona.
38Zonake Joxua ni vontlhe va ka Israeli va lo komama le Debira, va lo yalwa nawo.
39Va lo mu khozisa zinwe ni hosi ya kona, ni yontlhe miti ya kona, va lo yi hlasela hi tlhari, va lovisa vontlhe lava va nga hanya lomo, a va siyangi ni munhu. Khwatsi hi lezi a mahileko ka Hebroni i lo maha ka Debira ni hosi ya kona; kota lezi a mahileko kambe le Libna ni hosi ya kona.
40Lezo Joxua i lo hlasela a tiko gontlhe ga le zitsungeni ni Dzongeni, ni tikweni gontlhe ga minzhelelo, ni kureleleni ka zitsunga, ni tontlhe tihosi ta kona, a nga siyangi ni munwe wa ku huluka; kanilezi i lo lovisa zontlhe lezi zi hefemulako, khwatsi hi lezi Jehova Nungungulu wa ka Israeli a leleteleko.
41Joxua i lo hlasela kusukela le Kadexe-Bernea kala le Gaza, ni tiko gontlhe ga le Goxeni kala le Gibeoni.
42Joxua i lo khozisa khatiginwe tontlhe tihosi leti ni matiko ya tona, hakuva Jehova Nungungulu wa ka Israeli i lo lwela Israeli.
43Zonake Joxua ni vontlhe va ka Israeli va lo tlhelela le wugovelweni gabye le Gilgale.
Currently Selected:
Joxua 10: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Joxua 10
10
A yimpi ya le Dzongeni.
1Makunu laha Adoni-Zedeki, a hosi ya le Jerusalema, a nga wa zwile lezaku Joxua i tekile Ai a wu lovisa, ni lezaku le Ai ni hosi ya kona i mahile ku khwatsi hi lezi a mahileko le Jeriko ni hesi ya kona, ni lezaku a vanhu va le Gibeoni va mahile kurula zinwe ni va ka Israeli, ni lezaku va lomo xikari kabye,
2i lo chava nguvunguvu yena ni vanhu vakwe, hakuva a muti wa le Gibeoni wu wa hi muti wa hombe, kota ginwe ga mazinza, ni lezaku wu wa hunza a muti wa le Ai, ni lezaku a vavanuna va kona va wa hi tinhenha.
3Hikwalaho Adoni-Zedeki, a hosi ya le Jerusalema, i lo rumela ka Hohamu, a hosi ya le Hebroni, ni ka Hiramu, a hosi ya le Jarmute, ni ka Jafia, a hosi ya le Lakixe, ni ka Debira, a hosi ya le Egloni, aku ka vona:
4Ngonani ka mina mu ta nzi vunetela, hi hlengela hi hlasela Gibeoni, hakuva va zwanana na Joxua ni vanana va ka Israeli.
5Zonake tihosi leto ta ntlhanu ta vaAmori a hosi ya le Jerusalema, ni hosi ya le Hebroni, ni hosi ya le Jarmute, ni hosi ya le Lakixe, ni hosi ya le Egloni, ti lo tlhangana ti famba zinwe ni tiyimpi tabye tontlhe, tiya gova mahlweni ka Gibeoni tilwa nawo,
6Zonake a vanhu va le Gibeoni va lo rumela ka Joxua, le wugovelweni ga le Gilgale, vaku ka yena: U nga tsiki malanza ya wena, hatlisa u kanziha uta ka hina u ta hi tlhatlhisa, ni ku ta hi vunetela, hakuva tontlhe tihosi ta vaAmori, leti ti akileko leno zitsungeni, ti tsombene khatiginwe kuta hi vukela.
7Zonake Joxua i lo suka le Gilgale zinwe ni vontlhe vavanuna va hlomileko ni tontlhe tinhenha.
8Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2
9Zalezo Joxua i lo chikela kabye hi kuhatlisa; hakuva i lo famba wusiku gontlhe kusukela le Gilgale.
10Nungungulu i lo va vilinganyisa mahlweni ka Israeli; zonake Israeli i lolwa navo, a va hlula nguvu kusuhani ni le Gibeoni, va panzanyeka; zonake Israeli i lo va hlongolisa hi ndlela leyi kanzihako kuya le Bete-Horoni, a va hlasela kala le Azeka ni le Makeda. Ekso. 14:24; 23:27
11Ku te na va ha chava va ka Israeli, na va relela le Bete-Horoni, Jehova i lo nisa maribye ya hombe hehla kabye mata hi le tilweni, kala le Azeka, vona va lo dawa, lava va nga dawa hi vula ya maribyana va wa tele nguvu ku hunza lava va nga dawa hi va ka Israeli hi matlhari. Ekso. 9:17
12Zonake Joxua i lo wulawula ka Jehova ka lego siku Jehova a nga nyikela vaAmori ka vanana va ka Israeli, aku;
Gambo, yima hehla ka Gibeoni;
Na wena hweti, le minzhelelweni ya Ajaloni.
13Zonake a gambo gi lo yima, ni hweti yi lo yima,
Kala a vanhu va ti photela ka valala vabye.
Lezi a zi tsaliwangi lomu bhukwini ga Loyi a Lulamileko ke?
A gambo gi lo yima le tilweni gi nga hatlisi ku pela siku gontlhe. 2 Sam. 1:18; Isa. 38:8
14Cima a ku na ngava kona a siku go fanana ni lego hi mahlweni, hambu ni nzhako ka lezo, a kuva. Jehova a ingisa a gezu ga munhu, hakuva Jehova i wa lwela va ka Israeli.
15Zonake Joxua i lo tlhelela le wugovelweni ga le Gilgale zinwe ni vontlhe va ka Israeli.
16A tihosi leti ta ntlhanu ti chavileko, ti lo ya fihlala lomu mhakweni ya le Makeda.
17Zonake Joxua i lo byeliwa ku ngalo: A tihosi leti ta ntlhanu ti kumilwe na ti fihlele lomu mhakweni ya le Makeda.
18Joxua aku ngalo: Wumbulutani a maribye ya hombe laha nyangweni ya mhako, mu veka vavanuna va va rinzela.
19Kanilezi nwina mu nga tshami, hlongolani valala va nwina, mu ta lanzela hi lenzhako mu va hlasela, mu nga va vumeli ku enghena mitini yabye; hakuva Jehova Nungungulu wa nwina i va nyikele mandleni ya nwina.
20Ni laha Joxua ni vanana va ka Israeli va nga wa va hlasele va kala va va mbheta, na vanwani va tsutsumele ka miti ya makhokhola.
21Vontlhe vanhu va lo wuya ka Joxua le wugovelweni ga le Makeda hi kurula; cima ku wa nga hi kona ni munwe wa kuhleva a vanana va ka Israeli.
22Zonake Joxua aku ngalo: Vululani a nyangwa ya mhako, mu humesa tihosi leto ta ntlhanu, mu ti neha ka mina.
23Na vona va lo maha lezo, va loya humesa tihosi leto ta ntlhanu va ti neha ka yena, a hosi ya le Jerusalema, ni hosi ya le Hebroni, ni hosi ya le Jarmute, ni hosi ya le Lakixe, ni hosi ya le Egloni.
24Ni laha va nga wa tisile tihosi leto mahlweni ka Joxua, Joxua i lo tsombanyisa vontlhe vavanuna va ka Israeli. Zonake aku ka tinduna ta vanhu va yimpi lava va fambako zinwe na yena: Tshinelani mu ta kanzihela hehla ka tinhamu ta leti tihosi hi mikonzo ya nwina. Va lo tshinela va ta kanzihela hehla ka tinhamu ta tona.
25Na Joxua i te ngalo kabye: Mu nga chavi, hambu ni ku tsemeka hlana, tiyani muva ni wunhenha, hakuva Jehova i ta maha 20 kota lezi ka vontlhe valala va nwina lava mu lwako navo.
26Anzhako ka lezo Joxua i lo va tlhava, a va daya, a va hayeka lomu ka ntlhanu wa tisinya, va lo tshama na va hayekilwe tisinyeni kala laha gambyeni. Deut. 21:22
27Makunu loku gambo gi pelile, Joxua i lo leletela lezaku a va susiwe lomu tisinyeni, va hoxiwa ka mhako leyo va nga wa fihlele ka yona, zonake va lo viringetela maribye ya hombe laha nyangweni ya mhako, laya ma nga kona kala inyamutlha.
28Ka lego siku Joxua i lo khozisa Makeda, i lo va hlasela hi matlhari zinwe ni hosi ya kona; i lo lovisa vontlhe lava va nga wa hanya ka wona; yena a nga siyangi hambu ni salela. I lo maha ka hosi ya le Makeda khwatsi hi lezi a mahileko ka hosi ya le Jeriko.
29Joxua ni vontlhe va ka Israeli va lo suka Makeda vaya le Libna va yalwa na Libna.
30Na Jehova i lo wu nyikela mandleni ya va ka Israeli, wona ni hosi ya kona, i lo hlasela hi tlhari vontlhe lavo va nga wa hanya lomo, a ku salangi hambu ni munhu wa ku tsutsuma. Yena i lo maha ka hosi ya kona khwatsi hilezi a mahileko ka hosi ya le Jeriko.
31Joxua ni vontlhe va ka Israeli va lo suka le Libna vaya le Lakixe, va loya gova mahlweni ka wona, valwa nawo.
32Jehova i lo nyikela Lakixe canjeni ga ka Israeli, zonake hi siku ga wumbiri va lo khozisa a muti, va lo hlasela hi tlhari vontlhe lava va nga wa hanya lomo, khwatsi hi lezi va mahileko le Libna.
33Makunu Horama a hosi ya le Gezera i lota ku ta vunetela Lakixe; kanilezi Joxua i lo mu daya zinwe ni vanhu vakwe; laho a ku salangi hambu ni munwe.
34Joxua ni vontlhe va ka Israeli va lo suka le Lakixe vaya le Egloni, va loya gova mahlweni ka wona, valwa nawo.
35Va lo wu khozisa hi gwalego siku, va daya vanhu va kona hi tlhari; lego siku va lo lovisa vontlhe lava va nga wa hanya lomo, khwatsi hi lezi va mahileko le Lakixe.
36Zonake Joxua ni vontlhe va ka Israeli va lo suka le Egloni vaya le Hebroni va yalwa nawo.
37Va lo wu khozisa va wu hlasela hi tlhari, ni hosi ya kona zinwe ni yontlhe miti ya kona, ni vontlhe lava va nga wa hanya lomo ka yona, yena a nga siyangi ni munhu. I lo yi lovisa khwatsi hi lezi a mahileko le Egloni, i lo lovisa vontlhe lava va nga wa hanya lomo ka yona.
38Zonake Joxua ni vontlhe va ka Israeli va lo komama le Debira, va lo yalwa nawo.
39Va lo mu khozisa zinwe ni hosi ya kona, ni yontlhe miti ya kona, va lo yi hlasela hi tlhari, va lovisa vontlhe lava va nga hanya lomo, a va siyangi ni munhu. Khwatsi hi lezi a mahileko ka Hebroni i lo maha ka Debira ni hosi ya kona; kota lezi a mahileko kambe le Libna ni hosi ya kona.
40Lezo Joxua i lo hlasela a tiko gontlhe ga le zitsungeni ni Dzongeni, ni tikweni gontlhe ga minzhelelo, ni kureleleni ka zitsunga, ni tontlhe tihosi ta kona, a nga siyangi ni munwe wa ku huluka; kanilezi i lo lovisa zontlhe lezi zi hefemulako, khwatsi hi lezi Jehova Nungungulu wa ka Israeli a leleteleko.
41Joxua i lo hlasela kusukela le Kadexe-Bernea kala le Gaza, ni tiko gontlhe ga le Goxeni kala le Gibeoni.
42Joxua i lo khozisa khatiginwe tontlhe tihosi leti ni matiko ya tona, hakuva Jehova Nungungulu wa ka Israeli i lo lwela Israeli.
43Zonake Joxua ni vontlhe va ka Israeli va lo tlhelela le wugovelweni gabye le Gilgale.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.