Joeli 2
2
A siku ga Jehova.
1Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9
2I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.
3Va rangelwa hi nzilo wu khadamulako, ni lenzhako kabye ku na ni langavi gi hisako. Le mahlweni kabye a tiko gi fanana ni simu ga Edeni, kanilezi lenzhako kabye ku na ni xiwula; loku va hunza a ku sali nchumu.
4Va woneka kota mahaxi, va tsutsuma kukotisa vakhileli va mahaxi.
5A guwa ga kutlula tlula kabye gi fanana ni ga tikareta ta yimpi ti fambako hehla ka zitsunga, gi fanana ni guwa ga nhova yi hisako byanyi; va fanana ni vanhu va ntamu va hlomileko kulwa.
6Hi ku va woneni kabye a matiko ma chava, a tinghohe tontlhe ti hunzuka ti kwalala.
7Va tsutsuma kukotisa tinhenha, va kanziha makhurisi khwatsi vanhu va yimpi; munwe ni munwani i famba hi ndlela yakwe, na va nga hambuki.
8A va manyani, munwe ni munwani i famba hi ndlela yakwe; va ti susumeta hehla ka matlhari, a va tsiki tixaxa tabye.
9Va hangalaka mutini, va tsutsuma hi makhurisi, va enghena lomu tindlwini hi tinjhanela khwatsi makhamba.
10A misava yi rurumela mahlweni kabye, a matilo ma tsekatseka; a gambo ni hweti za pfhupeliswa, a tinyeleti ta timeka.
11Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?
Vanhu va kombeliwa ku hunzuluka.
12Kasike, hambu nyamutlha, ku wula Jehova, wuyani ka mina hi timbilu ta nwina tontlhe, ni kuyila, ni kurila, ni ku maha hlomulo.
13Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17
14Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?
15Banani a mpunzu le Zioni, mu yimisa a siku ga kuyila, mu ramba a hlengeletano ya ximuse. Mitse. 10:2; Jona 3:5
16Tsombanyisani vanhu, mu maha a hlengeletano yo basa; tsombanyisani a zikhosana ni zivanana ni tisana ta ha anwako. Ngha muyeni a huma nhangeni yakwe ni makoti a huma tsawini gakwe.
17A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?
A kutsetselelwa ni zikatekiso.
18Zonake Jehova i lo pangamela a tiko gakwe, a hawukela a vanhu vakwe.
19Jehova i to hlamula aku ka vanhu vakwe: Langutani, nzi ta mu rumela mavele ni vinya ni mafura, mu ta xura ha zona. Nzi nga ta ha mu maha a xiruko xikari ka matiko. Deut. 28:11
20Kanilezi a yimpi ya le Nwalungu nzi ta yi hlongola kule, yiya tikweni ga chuwa; a ntlawa wa yona loʼwo ranga wu taya bimbini ga Muhuma-gambo, ni wa le nzhako wuya bimbini ga Muhlwa-gambo. A kunuha ka yona ku ta hangalaka, hakuva yi mahile zilo za hombe.
21U nga chavi wena tiko! Tsaka u nengela, hakuva Jehova i mahile a zilo za hombe.
22Na nwina zihari za khwati, mu nga chavi, hakuva a wuriselo ga lomu xiwuleni ga hluka; a tisinya ta pswala mihanzu, a mikuwu ni mivina za humesa a ntamu wa zona.
23Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24
24A magomba ma ta tala hi mavele, ni maphiso ma ta halakela a vinya ni mafura.
25Nzi ta mu tlhelisela a malembe lawa ma nga giwa hi humbi, ni zidodwani, ni ziwungwani, ni bhanzala, zi nga hi yimpi ya mina leyi nzi nga yi rumela xikari ka nwina.
26Mu taga mu xura, mu dumisa a vito ga Jehova a Nungungulu wa nwina, loyi a mu maheleko zihlamaliso. A tiko ga mina cima gi nga ta ha kuva ni tingana.
27Mu ta zi tiva lezaku nzi lomu xikari ka Israeli, ni lezaku hi mina Jehova a Nungungulu wa nwina, ku hava munwani handle ka mina. A tiko ga mina cima gi nga ta kuva ni tingana. Nungungulu i ta chulula a Moya wakwe.
28Anzhako ka lezo nzi ta chulula a Moya wa mina hehla ka nyama yontlhe; a varisanyana va nwina ni vanhanyana va nwina va ta profeta, a zikhosana za nwina zi ta lora miloro, ni majaha ya nwina ma wona ziwoniso, Isa. 44:3; Miti. 2:17; Gal. 4:6
29Nzi ta chulula a Moya wa mina kambe hehla ka malanza ya mina ya xinuna ni ya xisati masikwini lawo.
30Nzi ta wonisa zihlamaliso le tilweni nilaha misaveni: a nkhata ni nzilo ni timhinga ta musi.
31A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.
32Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13
Currently Selected:
Joeli 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Joeli 2
2
A siku ga Jehova.
1Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9
2I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.
3Va rangelwa hi nzilo wu khadamulako, ni lenzhako kabye ku na ni langavi gi hisako. Le mahlweni kabye a tiko gi fanana ni simu ga Edeni, kanilezi lenzhako kabye ku na ni xiwula; loku va hunza a ku sali nchumu.
4Va woneka kota mahaxi, va tsutsuma kukotisa vakhileli va mahaxi.
5A guwa ga kutlula tlula kabye gi fanana ni ga tikareta ta yimpi ti fambako hehla ka zitsunga, gi fanana ni guwa ga nhova yi hisako byanyi; va fanana ni vanhu va ntamu va hlomileko kulwa.
6Hi ku va woneni kabye a matiko ma chava, a tinghohe tontlhe ti hunzuka ti kwalala.
7Va tsutsuma kukotisa tinhenha, va kanziha makhurisi khwatsi vanhu va yimpi; munwe ni munwani i famba hi ndlela yakwe, na va nga hambuki.
8A va manyani, munwe ni munwani i famba hi ndlela yakwe; va ti susumeta hehla ka matlhari, a va tsiki tixaxa tabye.
9Va hangalaka mutini, va tsutsuma hi makhurisi, va enghena lomu tindlwini hi tinjhanela khwatsi makhamba.
10A misava yi rurumela mahlweni kabye, a matilo ma tsekatseka; a gambo ni hweti za pfhupeliswa, a tinyeleti ta timeka.
11Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?
Vanhu va kombeliwa ku hunzuluka.
12Kasike, hambu nyamutlha, ku wula Jehova, wuyani ka mina hi timbilu ta nwina tontlhe, ni kuyila, ni kurila, ni ku maha hlomulo.
13Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17
14Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?
15Banani a mpunzu le Zioni, mu yimisa a siku ga kuyila, mu ramba a hlengeletano ya ximuse. Mitse. 10:2; Jona 3:5
16Tsombanyisani vanhu, mu maha a hlengeletano yo basa; tsombanyisani a zikhosana ni zivanana ni tisana ta ha anwako. Ngha muyeni a huma nhangeni yakwe ni makoti a huma tsawini gakwe.
17A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?
A kutsetselelwa ni zikatekiso.
18Zonake Jehova i lo pangamela a tiko gakwe, a hawukela a vanhu vakwe.
19Jehova i to hlamula aku ka vanhu vakwe: Langutani, nzi ta mu rumela mavele ni vinya ni mafura, mu ta xura ha zona. Nzi nga ta ha mu maha a xiruko xikari ka matiko. Deut. 28:11
20Kanilezi a yimpi ya le Nwalungu nzi ta yi hlongola kule, yiya tikweni ga chuwa; a ntlawa wa yona loʼwo ranga wu taya bimbini ga Muhuma-gambo, ni wa le nzhako wuya bimbini ga Muhlwa-gambo. A kunuha ka yona ku ta hangalaka, hakuva yi mahile zilo za hombe.
21U nga chavi wena tiko! Tsaka u nengela, hakuva Jehova i mahile a zilo za hombe.
22Na nwina zihari za khwati, mu nga chavi, hakuva a wuriselo ga lomu xiwuleni ga hluka; a tisinya ta pswala mihanzu, a mikuwu ni mivina za humesa a ntamu wa zona.
23Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24
24A magomba ma ta tala hi mavele, ni maphiso ma ta halakela a vinya ni mafura.
25Nzi ta mu tlhelisela a malembe lawa ma nga giwa hi humbi, ni zidodwani, ni ziwungwani, ni bhanzala, zi nga hi yimpi ya mina leyi nzi nga yi rumela xikari ka nwina.
26Mu taga mu xura, mu dumisa a vito ga Jehova a Nungungulu wa nwina, loyi a mu maheleko zihlamaliso. A tiko ga mina cima gi nga ta ha kuva ni tingana.
27Mu ta zi tiva lezaku nzi lomu xikari ka Israeli, ni lezaku hi mina Jehova a Nungungulu wa nwina, ku hava munwani handle ka mina. A tiko ga mina cima gi nga ta kuva ni tingana. Nungungulu i ta chulula a Moya wakwe.
28Anzhako ka lezo nzi ta chulula a Moya wa mina hehla ka nyama yontlhe; a varisanyana va nwina ni vanhanyana va nwina va ta profeta, a zikhosana za nwina zi ta lora miloro, ni majaha ya nwina ma wona ziwoniso, Isa. 44:3; Miti. 2:17; Gal. 4:6
29Nzi ta chulula a Moya wa mina kambe hehla ka malanza ya mina ya xinuna ni ya xisati masikwini lawo.
30Nzi ta wonisa zihlamaliso le tilweni nilaha misaveni: a nkhata ni nzilo ni timhinga ta musi.
31A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.
32Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.