Isaya 49
49
A Nanza ga Jehova.
1Ingisani nwina matiko ya le bimbini,
Zwanani nwina matiko ya le kule!
Jehova i nzi vitanile na nza hi rumbyini ga mamani,
I nzi chulile vito na nza hi nzeni ka mamani. Jer. 1:5; Mat. 1:20; Lu. 1:31
2I lo maha nomu wa mina wu fana ni supado yo kariha,
A nzi fihla nzhutini wa canja gakwe;
I nzi mahile a paxa wu totilweko,
A nzi fihla lomu kocelweni wakwe. Maheb. 4:12; Kuv. 1:16; 19:15, 21
3Aku ka mina: Wena Israeli u nanza ga mina,
Legi nzi ta nga ti dumisa ha gona.
4Kanilezi mina nzi te ngalo: Nzi tirile mahala,
Nzi mbhetile a ntamu wa mina mahala hi lezi zi nga vuniko nchumu;
Hambu zi hi tano, Jehova i ta lamula mhaka ya mina,
A nchachazelo wa mina wu le ka Nungungulu wa mina.
5Makunu Jehova wa wulawula,
Loyi a nga nzi wumba rumbyini ga mamani a kuva nanza gakwe,
Lezaku nzi wuyiseta Jakobe kakwe,
Nzi mu tsombanyisela Israeli;
Hakuva nzi dzunzekile mahlweni ka Jehova,
Na Nungungulu wa mina i ntamu wa mina.
6E ngalo: A zi ringani loku u hi nanza ga mina
Lezaku u vuxa a tixaka ta ka Jakobe ntsena,
Ni ku wuyiseta lava va ponileko va ka Israeli;
Kambe nzi ta ku veka a kuva kuwonekela ka vamatiko,
Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47
7Jehova a Mutiruli ni Loyi a Basileko wa ka Israeli,
E ngalo ka loyi a vanhu va mu kanyisako, loyi tiko gi mu nyenyako,
A nanza ga vafumeli:
Tihosi ti ta zi wona ti yima,
Ni tihosana ti ta khizamela Jehova loyi a tsumbekako,
Ni Loyi a Basileko wa ka Israeli, loyi a ku hlawulileko.
8Jehova i ngalo: Nzi ku hlamule xikhatini xa tipswalo,
Ni sikwini ga kuhanyiswa nzi ku vunetele.
Nzi ta ku lonzowota, nzi ku tiyisa kasi wa fela kuva xivumelwano ni tiko,
Ku tlhelisela a misava, ni ku avela vanhu a titshomba leti ti onhekileko, 2 Kor. 6:2
9Lezaku u byela lava va bohilweko, uku: Humani!
Ni ka lava va nga munyameni, uku: Ti wonekeliseni!
Va taga tindleleni,
Va kuma wugelo lomu zitsungeni zontlhe.
10Va nga tazwa ndlala hambu tora;
Ge hambu kuswa hi mumu ni gambo,
Hakuva loyi a va zwelako wusiwana i ta va rangela,
A va yisa matini ya zibuka.
11Nzi ta bhoxa ndlela zitsungeni zontlhe za mina,
Ni magonzo ya mina ma ta seletelwa.
12Langutani, vata hi le kule,
A vanwani va huma hi le Nwalungu, ni le Muhlwa-gambo,
A vanwani va huma hi le tikweni ga Sinima.
13Tlhavani zizimba nwina matilo! tsaka wena misava,
Bhumani nwina zitsunga, hakuva Jehova i tangalisile a vanhu vakwe,
I zwele wusiwana a ka vakwe lava va hlokiswako.
A kutangaliswa ka Zioni.
14Kanilezi Zioni i te ngalo: Jehova i nzi tsikile,
A Hosi ya mina yi nzi rivele!
15Wa zi kota wasati ku rivala a xihlangi xakwe,
A nga zweli wusiwana loyi a humileko hi rumbyini gakwe ke?
Ina, a nga rivakelwa,
Kanilezi mina cima nzi nga ta ku rivala. 1 Tih. 3:28
16Languta, nzi ku tsalile zipameni za mandla ya mina,
A makhurisi ya wena xontlhe xikhati ma le mahlweni ka mina.
17A varisanyana va wena vata hi ku tsutsuma,
A valovisi ni vahahluli va wena na va kari va suka ka wena.
18Tlakusa a mahlo ya wena u lunguza:
Vontlhe va tsombene, vata ka wena!
Khwatsi hilezi nzi hanyako, ku hlambanya Jehova,
U ta ti bombisa ha vona khwatsi hi nguwo,
U ti ambexa ha vona kota muswika.
19Hakuva a marumbi ya wena ni ziwula za wena,
Ni tiko ga wena gi hahlulweko,
Zi nga ta ringana a vaaki va wena,
Ni lava va nga ku khadamula va tava kule.
20A vana va wena lava va nga belekiwa xikhatini xa kufelwa ka wena,
Va taku tindleveni ta wena: A tiko a gi hi ringani;
Hihe tiko kasi ha fela ku aka ka gona.
21Zonake u taku mbilwini ya wena:
Himani a nzi pswaleleko vana lava?
Mina loyi nzi nga kala nzi nga hi na vana, nzi hi ngonwa,
Nzi wa hi khumbi, nzi hi nyapepe; himani a va wundlileko?
Nzi wa sele nzoce, vona lava va wa hi kwihi?
22Hosi Jehova i ngalo:
Nzi ta tlakusa a canja ga mina ka vamatiko,
Nzi yimisa a nghapa ya mina xikari ka mifumo;
Zonake va ta neha varisanyana va wena mawokweni yabye,
Ni vanhwana va wena va ta va rwala makatleni.
23A tihosi ti tava vawundli va vana va wena,
Ni vazinza va tava vaanwisi vabye;
Va ta korama lahasi mahlweni ka wena,
Va laza a ntshuri wa mikonzo ya wena.
Wena u ta zi tiva lezaku nzi mina Jehova,
Ni lezaku lava va nzi lavelelako va nga ta wiswa tingana.
24Xana a nhenha yi nga wutlelwa a muphango wa yona ke?
Kutani a muhluli a nga wutlelwa a tiperesu takwe ke?
25Kanilezi Jehova e ngalo:
Ina, a tikhumbi ta nhenha ti ta tlhatlhiswa,
Ni muphango wa loyi a Wulileko wu ta wutliwa;
Hakuva mina nzi talwa ni valala va wena,
Nzi ponisa vana va wena.
26A vatsimbeketi va wena nzi ta va gisa nyama yabye,
Va ta popiwa hi nkhata wabye wutsumbu, khwatsi hi vinya giswa;
Zonake a nyama yontlhe yi ta zi tiva lezaku mina Jehova nzi muhanyisi wa wena,
Ni Nyamintamu wa ka Jakobe Mutiruli wa wena.
Currently Selected:
Isaya 49: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Isaya 49
49
A Nanza ga Jehova.
1Ingisani nwina matiko ya le bimbini,
Zwanani nwina matiko ya le kule!
Jehova i nzi vitanile na nza hi rumbyini ga mamani,
I nzi chulile vito na nza hi nzeni ka mamani. Jer. 1:5; Mat. 1:20; Lu. 1:31
2I lo maha nomu wa mina wu fana ni supado yo kariha,
A nzi fihla nzhutini wa canja gakwe;
I nzi mahile a paxa wu totilweko,
A nzi fihla lomu kocelweni wakwe. Maheb. 4:12; Kuv. 1:16; 19:15, 21
3Aku ka mina: Wena Israeli u nanza ga mina,
Legi nzi ta nga ti dumisa ha gona.
4Kanilezi mina nzi te ngalo: Nzi tirile mahala,
Nzi mbhetile a ntamu wa mina mahala hi lezi zi nga vuniko nchumu;
Hambu zi hi tano, Jehova i ta lamula mhaka ya mina,
A nchachazelo wa mina wu le ka Nungungulu wa mina.
5Makunu Jehova wa wulawula,
Loyi a nga nzi wumba rumbyini ga mamani a kuva nanza gakwe,
Lezaku nzi wuyiseta Jakobe kakwe,
Nzi mu tsombanyisela Israeli;
Hakuva nzi dzunzekile mahlweni ka Jehova,
Na Nungungulu wa mina i ntamu wa mina.
6E ngalo: A zi ringani loku u hi nanza ga mina
Lezaku u vuxa a tixaka ta ka Jakobe ntsena,
Ni ku wuyiseta lava va ponileko va ka Israeli;
Kambe nzi ta ku veka a kuva kuwonekela ka vamatiko,
Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47
7Jehova a Mutiruli ni Loyi a Basileko wa ka Israeli,
E ngalo ka loyi a vanhu va mu kanyisako, loyi tiko gi mu nyenyako,
A nanza ga vafumeli:
Tihosi ti ta zi wona ti yima,
Ni tihosana ti ta khizamela Jehova loyi a tsumbekako,
Ni Loyi a Basileko wa ka Israeli, loyi a ku hlawulileko.
8Jehova i ngalo: Nzi ku hlamule xikhatini xa tipswalo,
Ni sikwini ga kuhanyiswa nzi ku vunetele.
Nzi ta ku lonzowota, nzi ku tiyisa kasi wa fela kuva xivumelwano ni tiko,
Ku tlhelisela a misava, ni ku avela vanhu a titshomba leti ti onhekileko, 2 Kor. 6:2
9Lezaku u byela lava va bohilweko, uku: Humani!
Ni ka lava va nga munyameni, uku: Ti wonekeliseni!
Va taga tindleleni,
Va kuma wugelo lomu zitsungeni zontlhe.
10Va nga tazwa ndlala hambu tora;
Ge hambu kuswa hi mumu ni gambo,
Hakuva loyi a va zwelako wusiwana i ta va rangela,
A va yisa matini ya zibuka.
11Nzi ta bhoxa ndlela zitsungeni zontlhe za mina,
Ni magonzo ya mina ma ta seletelwa.
12Langutani, vata hi le kule,
A vanwani va huma hi le Nwalungu, ni le Muhlwa-gambo,
A vanwani va huma hi le tikweni ga Sinima.
13Tlhavani zizimba nwina matilo! tsaka wena misava,
Bhumani nwina zitsunga, hakuva Jehova i tangalisile a vanhu vakwe,
I zwele wusiwana a ka vakwe lava va hlokiswako.
A kutangaliswa ka Zioni.
14Kanilezi Zioni i te ngalo: Jehova i nzi tsikile,
A Hosi ya mina yi nzi rivele!
15Wa zi kota wasati ku rivala a xihlangi xakwe,
A nga zweli wusiwana loyi a humileko hi rumbyini gakwe ke?
Ina, a nga rivakelwa,
Kanilezi mina cima nzi nga ta ku rivala. 1 Tih. 3:28
16Languta, nzi ku tsalile zipameni za mandla ya mina,
A makhurisi ya wena xontlhe xikhati ma le mahlweni ka mina.
17A varisanyana va wena vata hi ku tsutsuma,
A valovisi ni vahahluli va wena na va kari va suka ka wena.
18Tlakusa a mahlo ya wena u lunguza:
Vontlhe va tsombene, vata ka wena!
Khwatsi hilezi nzi hanyako, ku hlambanya Jehova,
U ta ti bombisa ha vona khwatsi hi nguwo,
U ti ambexa ha vona kota muswika.
19Hakuva a marumbi ya wena ni ziwula za wena,
Ni tiko ga wena gi hahlulweko,
Zi nga ta ringana a vaaki va wena,
Ni lava va nga ku khadamula va tava kule.
20A vana va wena lava va nga belekiwa xikhatini xa kufelwa ka wena,
Va taku tindleveni ta wena: A tiko a gi hi ringani;
Hihe tiko kasi ha fela ku aka ka gona.
21Zonake u taku mbilwini ya wena:
Himani a nzi pswaleleko vana lava?
Mina loyi nzi nga kala nzi nga hi na vana, nzi hi ngonwa,
Nzi wa hi khumbi, nzi hi nyapepe; himani a va wundlileko?
Nzi wa sele nzoce, vona lava va wa hi kwihi?
22Hosi Jehova i ngalo:
Nzi ta tlakusa a canja ga mina ka vamatiko,
Nzi yimisa a nghapa ya mina xikari ka mifumo;
Zonake va ta neha varisanyana va wena mawokweni yabye,
Ni vanhwana va wena va ta va rwala makatleni.
23A tihosi ti tava vawundli va vana va wena,
Ni vazinza va tava vaanwisi vabye;
Va ta korama lahasi mahlweni ka wena,
Va laza a ntshuri wa mikonzo ya wena.
Wena u ta zi tiva lezaku nzi mina Jehova,
Ni lezaku lava va nzi lavelelako va nga ta wiswa tingana.
24Xana a nhenha yi nga wutlelwa a muphango wa yona ke?
Kutani a muhluli a nga wutlelwa a tiperesu takwe ke?
25Kanilezi Jehova e ngalo:
Ina, a tikhumbi ta nhenha ti ta tlhatlhiswa,
Ni muphango wa loyi a Wulileko wu ta wutliwa;
Hakuva mina nzi talwa ni valala va wena,
Nzi ponisa vana va wena.
26A vatsimbeketi va wena nzi ta va gisa nyama yabye,
Va ta popiwa hi nkhata wabye wutsumbu, khwatsi hi vinya giswa;
Zonake a nyama yontlhe yi ta zi tiva lezaku mina Jehova nzi muhanyisi wa wena,
Ni Nyamintamu wa ka Jakobe Mutiruli wa wena.
Tshwa Bible © Bible Society in Mozambique, 1972, 2007.