Hosea 8
8
A ka byala mheho, ku tshovelwa xipupuri.
1Vekela a paratana nonwini wa wena. A nala wa haha kukotisa a gama ngomama ni yindlu ya Jehova, hakuva va tshovile a xivumelwano xa mina ni nayo wa mina. Deut. 28:49; Isa. 58:1; Jer. 4:13
2Va ta rila ka mina, vaku: Nungungulu wa hina, hina vaIsraeli ha ku tiva!
3Israeli i hoxile lezi zi sasekileko; a valala va ta mu hlongolisa.
4Va ti langele tihosi, na ku nga hi kuleletela ka mina; va yimisa tihosana, na mina nzi wa nga zi tivi. Va ti mahele zifananiso hi siliva ni nzalama yabye, kasi va fela ku lobyiswa.
5A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?
6Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.
7Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. Hag. 1:8; Gal. 6:7
8Israeli i mitilwe. Makunu va lomu xikari ka matiko va fanana ni xibya xi nga ranziwiko.
9Hakuva va yile Assiria ku fanana ni mangwa yi nga yoce. Efraime i ti kumele ziranzwa hi zinyikiwo.
10Hambu loku va rumela a zinyikiwo ka manwani matiko, makunu nzi ta va tsombanyisa; va sangula ku mbheteka hi ku tikelwa hi nzhwalo wa hosi ya tihosana.
11Efraime i anzisile a maalati ma vangako kuonha, a maalati ya kona ma mu kucetele kuonheni.
12Hambu loku nzi mu tsalele mazana-zana ya milayo ya mina, yi hlayiwa aku zilo zi nga tibyiwiko.
13Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22
14Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.
Currently Selected:
Hosea 8: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Hosea 8
8
A ka byala mheho, ku tshovelwa xipupuri.
1Vekela a paratana nonwini wa wena. A nala wa haha kukotisa a gama ngomama ni yindlu ya Jehova, hakuva va tshovile a xivumelwano xa mina ni nayo wa mina. Deut. 28:49; Isa. 58:1; Jer. 4:13
2Va ta rila ka mina, vaku: Nungungulu wa hina, hina vaIsraeli ha ku tiva!
3Israeli i hoxile lezi zi sasekileko; a valala va ta mu hlongolisa.
4Va ti langele tihosi, na ku nga hi kuleletela ka mina; va yimisa tihosana, na mina nzi wa nga zi tivi. Va ti mahele zifananiso hi siliva ni nzalama yabye, kasi va fela ku lobyiswa.
5A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?
6Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.
7Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. Hag. 1:8; Gal. 6:7
8Israeli i mitilwe. Makunu va lomu xikari ka matiko va fanana ni xibya xi nga ranziwiko.
9Hakuva va yile Assiria ku fanana ni mangwa yi nga yoce. Efraime i ti kumele ziranzwa hi zinyikiwo.
10Hambu loku va rumela a zinyikiwo ka manwani matiko, makunu nzi ta va tsombanyisa; va sangula ku mbheteka hi ku tikelwa hi nzhwalo wa hosi ya tihosana.
11Efraime i anzisile a maalati ma vangako kuonha, a maalati ya kona ma mu kucetele kuonheni.
12Hambu loku nzi mu tsalele mazana-zana ya milayo ya mina, yi hlayiwa aku zilo zi nga tibyiwiko.
13Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22
14Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.