Va le Galatia 4
4
1Mina nziku: Laha a xigatshomba na xa ha hi xihlangi a xi hambani nchumu ni khumbi, hambu lezi xi nga hosi ya zontlhe;
2hakuva xi lahasi ka vawundli ni tinekwa ku kala ku chikela a xikhati xi yimisilweko hi raru wakwe.
3Hizalezo na hinawu, laha hi nga hi zihlangi hi wa hi wukhumbini lahasi ka mintamu yo sangula ya misava. Kol. 2:8; Maheb. 9:10
4Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14
5lezaku a fela ku tirula lava va nga hi lahasi ka nayo, kasi ha fela ku amukela a wunwana. Mat. 20:28; Joh. 1:12; 1 Ped. 1:18
6Kota lezi mu nga vana, Nungungulu i rumela a Moya wa Nʼwana wakwe timbilwini ta hina, lowu wu vitanako, wuku: Abba, Dadani!
7Hikwalaho a wa ha hi khumbi, kanilezi u nʼwana; ni loku u hi nʼwana, zonake u xigatshomba hi kuranza ka Nungungulu. Rom. 8:16
8Kanilezi hi xikhati lexo mu nga kala mu nga tivi Nungungulu, mu wa hi wukhumbini ka vona lava va nga hiko vanungungulu. Rom. 1:25; Efe. 2:12; 1 Tes. 1:9
9Kanilezi makunu kota lezi mu mu tivileko Nungungulu, nguvunguvu a ku tibyiwa hi Nungungulu, hiyini ma ha tlhelelako nzhako a ka mintamu yo sangula leyi yi nga ni gome, leyi mu lavako a kuva tikhumbi ta yona kambe ke? 1 Kor. 8:3; Kol. 2:20; Maheb. 7:18
10Nwina ma hlayisa a masiku, ni tihweti, ni tinguva, ni malembe! Rom. 4:15
11Nza chava ha nwina, kutani nzi ngava nzi tirele mahala xikari ka nwina.
12Nza mu khongotela vamakabye, ngha mu ku khwatsi hi mina, hakuva nzi mahile khwatsi hi nwina. A mu nzi gohelangi nchumu; 2 Kor. 2:5
13nwina ma zi tiva lezaku laha nzi nga kanela ivangeli kuranga ka nwina nzi wa nga hanyi khwatsi mirini. 1 Kor. 2:3; Xip. 1:6
14Hambu lezi a kubabya ka mina ku nga hi xiringo ka nwina, a mu nzi kanyisangi hambu ku nzi nyenya; kanilezi mu lo nzi amukela khwatsi hi ngelosi ya Nungungulu, ni ku khwatsi hi Kristu Jesu wutsumbu. 2 Sam. 19:27; Mat. 10:40
15Makunu ku kwihi a kuxalala ka nwina loku mu nga hi nako ke? Hakuva nza mu mahela wukustumunyu, lezaku loku zi wa kotekile ngha mu xokole a mahlo ya nwina, mu nzi nyika wona.
16Xana nzi nala wa nwina, hilezi nzi mu byelako a zinene ke?
17A vavanuna lava va pinyamela a ku mu lava, na ku nga hi kusaseka, va lava ku mu hambukisa ka hina, kasi ma namarela ka vona. Rom. 10:2; Gal. 1:7
18Kanilezi zi sasekile xontlhe xikhati a ku pinyamelelwa hi zo saseka, na ku nga hi loku nzi hi kona zinwe na nwina ntsena.
19Vana vanga, lava nza ha tlhelako nzi lunwa ha nwina, kala Kristu a wumbiwa nzeni ka nwina, 1 Kor. 4:15
20nzi wa ta ranza a kuva kona xikari ka nwina makunu, nzi kanela hi ginwani gezu, hakuva nza kanganyiseka ha nwina.
21Nzi byeleni, nwina lava mu ranzako a kuva lahasi ka nayo, xana a mu zwangi lezi a nayo wu wulako zona ke?
22Ku tsalilwe ku ngalo: Abrahama i wa hi ni vana vambiri; munwani i wa hi wa wasati loyi wa khumbi, ni munwani i wa hi wa sati loyi wa xiteko. Gen. 16:15; 21:2
23Kanilezi a nʼwana wa wasati loyi wa khumbi i lo belekiwa hi ka nyama, kasi a nʼwana wa sati wa xiteko i belekilwe hi xitsumbiso. Gen. 18:10; Rom. 9:7, 8
24A mhaka leyi xipimanyiso, hakuva a vavasati lava va komba xivumelwano zimbiri; xinwe xa le xitsungeni xa Sinai, xi belekako vanana wukhumbini, hi yena Hagari.
25Makunu Hagari loyi hi xitsunga xa Sinai lexi xi nga le Arabia, i fanana ni Jerusalema legi gi nga kona makunu, a nga khumbi zinwe ni vanana vakwe.
26Kanilezi Jerusalema wa le hehla i tlhatlhekile, hi yena mamani wa hina, Isa. 2:2; Maheb. 12:22; Kuv. 3:12; 21:2
27Hakuva ku tsalilwe ku ngalo:
Tsaka wena ngonwa, u nga belekiko;
Kanyuluka hi litsako wena loyi u nga hiko na mbeleko;
Hakuva mbanyingi a vanana va loyi a tsikilweko ku hunza loyi a nga ni nuna. Isa. 54:1
28Makunu vamakabye, nwina mu vana va xitsumbiso khwatsi hi Isaka. Rom. 9:8
29Kanilezi khwatsi hi xikhatini xa kale, loyi a nga belekiwa hi ka nyama hi yena a nga xanisa loyi a belekilweko hi ka Moya, hizalezo ni makunu. Gen. 21:9
30Ahembaloko, yi wula yini mitsalo? Hlongola a wasati loyi wa khumbi ni nʼwana wakwe; hakuva a nʼwana wa wasati wa khumbi a nga taga tshomba zinwe ni nʼwana wa sati wa xiteko. Joh. 8:35; Xip. 3:8
31Hikwalaho vamakabye, a hi vana va wasati wa khumbi, kanilezi va loyi wa xiteko.
Currently Selected:
Va le Galatia 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Va le Galatia 4
4
1Mina nziku: Laha a xigatshomba na xa ha hi xihlangi a xi hambani nchumu ni khumbi, hambu lezi xi nga hosi ya zontlhe;
2hakuva xi lahasi ka vawundli ni tinekwa ku kala ku chikela a xikhati xi yimisilweko hi raru wakwe.
3Hizalezo na hinawu, laha hi nga hi zihlangi hi wa hi wukhumbini lahasi ka mintamu yo sangula ya misava. Kol. 2:8; Maheb. 9:10
4Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14
5lezaku a fela ku tirula lava va nga hi lahasi ka nayo, kasi ha fela ku amukela a wunwana. Mat. 20:28; Joh. 1:12; 1 Ped. 1:18
6Kota lezi mu nga vana, Nungungulu i rumela a Moya wa Nʼwana wakwe timbilwini ta hina, lowu wu vitanako, wuku: Abba, Dadani!
7Hikwalaho a wa ha hi khumbi, kanilezi u nʼwana; ni loku u hi nʼwana, zonake u xigatshomba hi kuranza ka Nungungulu. Rom. 8:16
8Kanilezi hi xikhati lexo mu nga kala mu nga tivi Nungungulu, mu wa hi wukhumbini ka vona lava va nga hiko vanungungulu. Rom. 1:25; Efe. 2:12; 1 Tes. 1:9
9Kanilezi makunu kota lezi mu mu tivileko Nungungulu, nguvunguvu a ku tibyiwa hi Nungungulu, hiyini ma ha tlhelelako nzhako a ka mintamu yo sangula leyi yi nga ni gome, leyi mu lavako a kuva tikhumbi ta yona kambe ke? 1 Kor. 8:3; Kol. 2:20; Maheb. 7:18
10Nwina ma hlayisa a masiku, ni tihweti, ni tinguva, ni malembe! Rom. 4:15
11Nza chava ha nwina, kutani nzi ngava nzi tirele mahala xikari ka nwina.
12Nza mu khongotela vamakabye, ngha mu ku khwatsi hi mina, hakuva nzi mahile khwatsi hi nwina. A mu nzi gohelangi nchumu; 2 Kor. 2:5
13nwina ma zi tiva lezaku laha nzi nga kanela ivangeli kuranga ka nwina nzi wa nga hanyi khwatsi mirini. 1 Kor. 2:3; Xip. 1:6
14Hambu lezi a kubabya ka mina ku nga hi xiringo ka nwina, a mu nzi kanyisangi hambu ku nzi nyenya; kanilezi mu lo nzi amukela khwatsi hi ngelosi ya Nungungulu, ni ku khwatsi hi Kristu Jesu wutsumbu. 2 Sam. 19:27; Mat. 10:40
15Makunu ku kwihi a kuxalala ka nwina loku mu nga hi nako ke? Hakuva nza mu mahela wukustumunyu, lezaku loku zi wa kotekile ngha mu xokole a mahlo ya nwina, mu nzi nyika wona.
16Xana nzi nala wa nwina, hilezi nzi mu byelako a zinene ke?
17A vavanuna lava va pinyamela a ku mu lava, na ku nga hi kusaseka, va lava ku mu hambukisa ka hina, kasi ma namarela ka vona. Rom. 10:2; Gal. 1:7
18Kanilezi zi sasekile xontlhe xikhati a ku pinyamelelwa hi zo saseka, na ku nga hi loku nzi hi kona zinwe na nwina ntsena.
19Vana vanga, lava nza ha tlhelako nzi lunwa ha nwina, kala Kristu a wumbiwa nzeni ka nwina, 1 Kor. 4:15
20nzi wa ta ranza a kuva kona xikari ka nwina makunu, nzi kanela hi ginwani gezu, hakuva nza kanganyiseka ha nwina.
21Nzi byeleni, nwina lava mu ranzako a kuva lahasi ka nayo, xana a mu zwangi lezi a nayo wu wulako zona ke?
22Ku tsalilwe ku ngalo: Abrahama i wa hi ni vana vambiri; munwani i wa hi wa wasati loyi wa khumbi, ni munwani i wa hi wa sati loyi wa xiteko. Gen. 16:15; 21:2
23Kanilezi a nʼwana wa wasati loyi wa khumbi i lo belekiwa hi ka nyama, kasi a nʼwana wa sati wa xiteko i belekilwe hi xitsumbiso. Gen. 18:10; Rom. 9:7, 8
24A mhaka leyi xipimanyiso, hakuva a vavasati lava va komba xivumelwano zimbiri; xinwe xa le xitsungeni xa Sinai, xi belekako vanana wukhumbini, hi yena Hagari.
25Makunu Hagari loyi hi xitsunga xa Sinai lexi xi nga le Arabia, i fanana ni Jerusalema legi gi nga kona makunu, a nga khumbi zinwe ni vanana vakwe.
26Kanilezi Jerusalema wa le hehla i tlhatlhekile, hi yena mamani wa hina, Isa. 2:2; Maheb. 12:22; Kuv. 3:12; 21:2
27Hakuva ku tsalilwe ku ngalo:
Tsaka wena ngonwa, u nga belekiko;
Kanyuluka hi litsako wena loyi u nga hiko na mbeleko;
Hakuva mbanyingi a vanana va loyi a tsikilweko ku hunza loyi a nga ni nuna. Isa. 54:1
28Makunu vamakabye, nwina mu vana va xitsumbiso khwatsi hi Isaka. Rom. 9:8
29Kanilezi khwatsi hi xikhatini xa kale, loyi a nga belekiwa hi ka nyama hi yena a nga xanisa loyi a belekilweko hi ka Moya, hizalezo ni makunu. Gen. 21:9
30Ahembaloko, yi wula yini mitsalo? Hlongola a wasati loyi wa khumbi ni nʼwana wakwe; hakuva a nʼwana wa wasati wa khumbi a nga taga tshomba zinwe ni nʼwana wa sati wa xiteko. Joh. 8:35; Xip. 3:8
31Hikwalaho vamakabye, a hi vana va wasati wa khumbi, kanilezi va loyi wa xiteko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.