Ezekieli 1:4-9
Ezekieli 1:4-9 TSC72
Nzi lo cuwuka nzi wona a mheho ya xipupuri na yita hi Nwalungu, ni refu ga hombe gi nga hi ni nzilo wa hombe wu nga woninga matlhelo wontihe, ku huma hi lomu xikari ka wona a kungangamela ko fanana ni ka suku. Ku lo huma xikari ka wona a zilo zo fanana ni mune wa zivangwa zi hanyako, na zi hi ni xiwumbeko xa vanhu. A xinwe ni xinwani xi wa hi ni mune wa tinghohe, ni xinwe ni xinwani xi wa hi ni mune wa tipapa. A milenge ya zona yi wa lulamile, ni mikonzo ya zona yi wa fanana ni zinyonzwani za role, na zi kwezima ku fanana ni suku wu kutlilweko. Zi wa hi ni mawoko yo fanana ni ya munhu lahasi ka tipapa ta zona matlhelweni ya zona ya mune; hi wumune ga zona zi wa hi ni tinghohe ta zona ni tipapa ta zona kotisa lezo: a tipapa ta zona ti wa tlhangana a linwe ka linwani, ni loku zi famba zi wa nga hunzuluki, zontlhelele zi wa famba zi lulama mahlweni.
Bible App
Bible App for Kids
