Danieli 5
5
A mubuzo wa Belxazzare.
1Hosi Belxazzare i lo mahela mubuzo wa hombe a 1,000 wa tihosana takwe, anwa vinya mahlweni ka vanhu lava va 1,000.
2Laha Belxazzare a nga sangula ku popiwa hi vinya, i lo rumisa lezaku ku nehiwa a zibya za nzalama ni siliva lezi a raru wakwe Nebukadnezzare a nga zi tekile lomu tempeleni ya le Jerusalema; zi ta nwela a hosi ni tihosana ta yona, ni vasati va yona, ni mindlunkulu ya yona. 2 Tih. 25:15; 2 Kro. 36:18
3Zonake va lo neha a zibya za nzalama lezi zi nga tekilwe tempeleni ya yindlu ya Nungungulu, leyi yi nga hi le Jerusalema. A hosi ni tihosana ta yona, ni vasati va yona ni mindlunkulu ya yona va lo nwela ka zona.
4Va lonwa vinya va dumisa a vanungungulu va nzalama, ni va siliva, ni va suku, ni va xiketse, ni va tisinya, ni va maribye.
5Hi xikhati xwalexo ku lo woneka a titiho ta canja ga munhu, ti tsala laha ka mhemba ya khurisi ga yindlu ya hosi, kusuhani ni tikandiya. A hosi yi lo wona a canja legi gi nga wa tsala.
6Zonake a nghohe ya hosi yi lo hunzuka, yi xeveka maalakanyweni ya yona; a matlhangano ya tinyonga ta yona ma tlekatleka ni madzolo ya yona ma gumulana.
7A hosi yi lo kanyuluka yi vitanisa a vangoma ni titlhari ni zitumbe. A hosi yiku ka titlhari ta Babuloni: Ni wihi munhu a ta nga gonza a mutsalo lowu, a nzi byela a tlhamuselo wa wona, i ta ambexiwa tinguwo to zirila, ava ni ketani ya nzalama nhanwini yakwe, a maha mufumeli wa wunharu lomu mufunweni wa mina.
8Zonake a titlhari tontlhe ta hosi ti lota, kanilezi a ti zi kotangi ku gonza a mutsalo, ge hambu ku yi byela a tlhamuselo wa wona.
9Hosi Belxazzare i lo karateka nguvu, a nghohe yakwe yi hunzuka, a tihosana takwe ti tsemeka-mihlana.
10Makunu loku a muzinza wu zwile a timhaka ta hosi ni tihosana ta yona, i lo enghena lomu ndlwini ya mubuzo, aku: Hosi, hanya kala kupinzuka! u nga xeveki maalakanyweni ya wena, ni nghohe ya wena yi nga hunzuki.
11I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.
12A hosi yi lo mu chula a vito ga Beltaxazzare, hakuva Danieli i wa hi ni moya wu nene, ni wutivi, ni kupimisisa, ni ntamu wa ku tlhamusela miloro ni mifihlakalo, ni ku tlhamusela a timhaka to nonoha. Makunu vitanisa Danieli, i ta ta ku tlhamusela.
13Zonake Danieli i lo nehwa mahlweni ka hosi. A hosi yiku ka Danieli: Hi wena Danieli, wa tikhumbi ta ka Juda leti hosi dadani a nga tisa leno.
14Nzi zwile ha wena lezaku u na ni moya wa vanungungulu, ni lezaku u na ni kuwonekela ni kupimisisa ni wutlhari go eta.
15Makunu a titlhari ni vangoma va wa nehilwe mahlweni ka mina kasi ku ta gonza a mutsalo lowu, ni ku nzi byela a tlhamuselo wa wona, kanilezi va tsanzekile a ku nzi tivisa a tlhamuselo wa kona.
16Kanilezi nzi zwile ha wena lezaku wa zi kota ku tlhamusela ni ku tsetsula a mifihlakalo. Loku wena u zi kota ku nzi gonzela lowu mutsalo ni ku nzi byela a tlhamuselo wa wona, u ta ambexwa a tinguwo to zirila, uva ni ketani ya nzalama nhanwini ya wena, u mahiwa mufumeli wa wunharu mufunweni wa mina.
17Danieli a hlamula aku ka hosi: Tshama ni zinyikiwo za wena, u nyika michachazelo ya wena ka munwani. Hambulezo, nzi ta gonzela hosi a mutsalo, nzi mu tivisa a tlhamuselo wa wona.
18Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.
19Hi kota ya wukulu legi a nga mu nyika gona, a va matiko wontihe ni tixaka ni tirimi va lo chava va rurumela mahlweni kakwe. I wa daya ni wihi a ranzako ku mu daya, a hanyisa ni wihi a ranzako ku mu hanyisa, a tlakusa ni wihi a ranzako ku mu tlakusa, ni ku tsongahata ni wihi a ranzako ku mu tsongahata.
20Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.
211 lo hlongolwa Xikari ka vana va vanhu, a mbilu yakwe yi hunzulwa yi fanana ni ya zihari, a tshama ni timbongola ta khwati; i lo hanya hi byanyi ku fanana ni tihomu, a miri wakwe wu tsakamiswa hi mbhera ya le tilweni; a kala a tiva lezaku Nungungulu a Hunzeleleko Kutlakuka wa fumela mifumo ya vanhu, a yimisa hehla ka yona ni wihi a mu ranzako.
22Na wenawu Belxazzare nʼwana wakwe, a ku koramisangia mbilu ya wena, hambu lezi u nga tiva zontlhe lezo.
23Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20
24Hi kota ya lezo a canja legi gi rumilwe hi yena a ku ta tsala a mutsalo lowu.
25A mutsalo wa kona hi lowu: Mene, Mene, Tekel, Ufarsin.
26A tlhamuselo wa wona hi lowu: Mene, Nungungulu i hlayile a masiku ya mufumo wa wena, a wu mbhetisa.
27Tekel, U kalilwe xikalwini, u kumeka na u hehuka.
28Peres, A mufumo wa wena wu avanyisilwe, wu nyikelwa ka maMedi ni maPersia.
29Zonake Belxazzare i lo rumisa lezaku Danieli a ambexwa a tinguwo to zirila, ava ni ketani ya nzalama nhanwini yakwe, ku biwa nyiwo ha yena lezaku i tava mufumeli wa wunharu lomu mufunweni.
30A ka wusiku gwalego Belxazzare, a hosi ya maKaldea, i lo dawa.
31Zonake Dariusi a muMedi i lo kuma xikhundla xa wuhosi, na hi ntangeni ya 62 wa malembe.
Currently Selected:
Danieli 5: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Danieli 5
5
A mubuzo wa Belxazzare.
1Hosi Belxazzare i lo mahela mubuzo wa hombe a 1,000 wa tihosana takwe, anwa vinya mahlweni ka vanhu lava va 1,000.
2Laha Belxazzare a nga sangula ku popiwa hi vinya, i lo rumisa lezaku ku nehiwa a zibya za nzalama ni siliva lezi a raru wakwe Nebukadnezzare a nga zi tekile lomu tempeleni ya le Jerusalema; zi ta nwela a hosi ni tihosana ta yona, ni vasati va yona, ni mindlunkulu ya yona. 2 Tih. 25:15; 2 Kro. 36:18
3Zonake va lo neha a zibya za nzalama lezi zi nga tekilwe tempeleni ya yindlu ya Nungungulu, leyi yi nga hi le Jerusalema. A hosi ni tihosana ta yona, ni vasati va yona ni mindlunkulu ya yona va lo nwela ka zona.
4Va lonwa vinya va dumisa a vanungungulu va nzalama, ni va siliva, ni va suku, ni va xiketse, ni va tisinya, ni va maribye.
5Hi xikhati xwalexo ku lo woneka a titiho ta canja ga munhu, ti tsala laha ka mhemba ya khurisi ga yindlu ya hosi, kusuhani ni tikandiya. A hosi yi lo wona a canja legi gi nga wa tsala.
6Zonake a nghohe ya hosi yi lo hunzuka, yi xeveka maalakanyweni ya yona; a matlhangano ya tinyonga ta yona ma tlekatleka ni madzolo ya yona ma gumulana.
7A hosi yi lo kanyuluka yi vitanisa a vangoma ni titlhari ni zitumbe. A hosi yiku ka titlhari ta Babuloni: Ni wihi munhu a ta nga gonza a mutsalo lowu, a nzi byela a tlhamuselo wa wona, i ta ambexiwa tinguwo to zirila, ava ni ketani ya nzalama nhanwini yakwe, a maha mufumeli wa wunharu lomu mufunweni wa mina.
8Zonake a titlhari tontlhe ta hosi ti lota, kanilezi a ti zi kotangi ku gonza a mutsalo, ge hambu ku yi byela a tlhamuselo wa wona.
9Hosi Belxazzare i lo karateka nguvu, a nghohe yakwe yi hunzuka, a tihosana takwe ti tsemeka-mihlana.
10Makunu loku a muzinza wu zwile a timhaka ta hosi ni tihosana ta yona, i lo enghena lomu ndlwini ya mubuzo, aku: Hosi, hanya kala kupinzuka! u nga xeveki maalakanyweni ya wena, ni nghohe ya wena yi nga hunzuki.
11I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.
12A hosi yi lo mu chula a vito ga Beltaxazzare, hakuva Danieli i wa hi ni moya wu nene, ni wutivi, ni kupimisisa, ni ntamu wa ku tlhamusela miloro ni mifihlakalo, ni ku tlhamusela a timhaka to nonoha. Makunu vitanisa Danieli, i ta ta ku tlhamusela.
13Zonake Danieli i lo nehwa mahlweni ka hosi. A hosi yiku ka Danieli: Hi wena Danieli, wa tikhumbi ta ka Juda leti hosi dadani a nga tisa leno.
14Nzi zwile ha wena lezaku u na ni moya wa vanungungulu, ni lezaku u na ni kuwonekela ni kupimisisa ni wutlhari go eta.
15Makunu a titlhari ni vangoma va wa nehilwe mahlweni ka mina kasi ku ta gonza a mutsalo lowu, ni ku nzi byela a tlhamuselo wa wona, kanilezi va tsanzekile a ku nzi tivisa a tlhamuselo wa kona.
16Kanilezi nzi zwile ha wena lezaku wa zi kota ku tlhamusela ni ku tsetsula a mifihlakalo. Loku wena u zi kota ku nzi gonzela lowu mutsalo ni ku nzi byela a tlhamuselo wa wona, u ta ambexwa a tinguwo to zirila, uva ni ketani ya nzalama nhanwini ya wena, u mahiwa mufumeli wa wunharu mufunweni wa mina.
17Danieli a hlamula aku ka hosi: Tshama ni zinyikiwo za wena, u nyika michachazelo ya wena ka munwani. Hambulezo, nzi ta gonzela hosi a mutsalo, nzi mu tivisa a tlhamuselo wa wona.
18Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.
19Hi kota ya wukulu legi a nga mu nyika gona, a va matiko wontihe ni tixaka ni tirimi va lo chava va rurumela mahlweni kakwe. I wa daya ni wihi a ranzako ku mu daya, a hanyisa ni wihi a ranzako ku mu hanyisa, a tlakusa ni wihi a ranzako ku mu tlakusa, ni ku tsongahata ni wihi a ranzako ku mu tsongahata.
20Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.
211 lo hlongolwa Xikari ka vana va vanhu, a mbilu yakwe yi hunzulwa yi fanana ni ya zihari, a tshama ni timbongola ta khwati; i lo hanya hi byanyi ku fanana ni tihomu, a miri wakwe wu tsakamiswa hi mbhera ya le tilweni; a kala a tiva lezaku Nungungulu a Hunzeleleko Kutlakuka wa fumela mifumo ya vanhu, a yimisa hehla ka yona ni wihi a mu ranzako.
22Na wenawu Belxazzare nʼwana wakwe, a ku koramisangia mbilu ya wena, hambu lezi u nga tiva zontlhe lezo.
23Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20
24Hi kota ya lezo a canja legi gi rumilwe hi yena a ku ta tsala a mutsalo lowu.
25A mutsalo wa kona hi lowu: Mene, Mene, Tekel, Ufarsin.
26A tlhamuselo wa wona hi lowu: Mene, Nungungulu i hlayile a masiku ya mufumo wa wena, a wu mbhetisa.
27Tekel, U kalilwe xikalwini, u kumeka na u hehuka.
28Peres, A mufumo wa wena wu avanyisilwe, wu nyikelwa ka maMedi ni maPersia.
29Zonake Belxazzare i lo rumisa lezaku Danieli a ambexwa a tinguwo to zirila, ava ni ketani ya nzalama nhanwini yakwe, ku biwa nyiwo ha yena lezaku i tava mufumeli wa wunharu lomu mufunweni.
30A ka wusiku gwalego Belxazzare, a hosi ya maKaldea, i lo dawa.
31Zonake Dariusi a muMedi i lo kuma xikhundla xa wuhosi, na hi ntangeni ya 62 wa malembe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.