Mitiro 27
27
A pfhumba ga Paule goya Roma.
1Laha ku nga wa tsemilwe a kuva hiya Italia hi taru, va lo nyikela Paule ni tinwani tiperesu ka nduna ya zana yi tibyako Juliu, ya ntlawa wa ka Augustu. Xip. 25:12, 25
2Hi lo enghena tarwini ga le Adramita, legi gi nga lava kuya matlhelweni ya le Asia; hi lo suka na hi hi na Aristakusi wa le Tesalonika le Makedonia. Xip. 19:29
3Hi manziko wa kona hi lo chikela Sidoni; Juliu i lo khoma Paule khwatsi, a mu vumela a ku ya wona maxaka yakwe, a ya vunetelwa hi wona. Xip. 24:23; 28:16
4Hi lo suka ha kona, hi famba hi mbhiri ya le Kupero, hakuva a taru gi lo banana ni mheho.
5Laha na hi tsemakanyile bimbi gi gamekeneko ni Kilikia ni le Pamfilia, hi lo chikela le Mira wa le Likia.
6A nduna ya zana yi lo kuma kona a taru ga le Alekzandria, legi gi yako Italia; yi hi enghenisa ka gona.
7Laha na hi fambile ha kutsongwani a masiku yo tala, hi lo chikela hi kukarateka le ko cuwukana ni Nidusi; kota lezi hi nga tsimbetwa hi mheho, hi lo famba hi mbhiri ya le Kreta, hi tlhelo ga Salmone.
8Hi lo hunza ha kona hi kutsanza hi kala hi chikela wutshanwini go kari gi tibyako Masuwa ma Nene, kusuhi ni muti wa Lasea.
9Kota lezi ku nga hunzile a xikhati xa hombe, ku wa hi mhango ku famba hi bimbi, hakuva a masiku ya Kuyila ma wa sina ma hunzile, Paule i lo va khongotela,
10aku ngalo kabye; Vavanuna, nza wona lezaku a pfhumba legi ga taru gi tava ni mhango ni kulahlekelwa ka hombe; a nzi wuli hi nzhwalo ni taru ntsena, kanilezi ni kuhanya ka hina kambe.
11Kanilezi a nduna ya zana yi lo ingisa a mufambisi wa taru ni nwinyi wa gona, ku hunza lezi zi wulilweko hi Paule.
12Kota lezi a suwa lego gi nga kala gi nga hi gi nene a ku tshama kona, a vanyingi va lo ranza a ku suka, vaya Fenike, gi nga suwa ga le Kreta, legi gi komamileko Mutsuwuka-gambo hi tlhelo ga Nwalungu ni tlhelo ga le Dzongeni, hi ya tshama kona hi mawuya-kaya.
13Zonake laha a mheho ya Dzonga yi nga pupuxa khwatsi, va lo alakanya lezaku va ku kumile; va lo koka fero, va famba hi tlhelo ga Kreta, kusuhani ni mbhiri. A bhubhutsa.
14Kanilezi anzhako ka xikhatanyana ku lo huma le xihlaleni a bhubhutsa ga mheho, leyi yi vitwako Erakwilo.
15Laha taru gi nga kokiwa, gi nga zi koti ku cuwukana ni mheho, hi la su gi tsika, hi kukuletwa hi mheho.
16Hi lo ya chikela kusuhi ni xihlalanyana xi vitwako Kauda, hi kukarateka ka hombe hi lo zi kota ku kokela ngalavana.
17Laha va nga wa yi tlakusile, va lo tirisa liranya la tingoti, va boha taru hi lahasi lezaku gi nga khayeki gi vuta; laha va nga chava lezaku kutani va nga susumetwa xidlatanweni xa Sirtisi, va lo chisa matangi, va kukuletwa lezo.
18Kota lezi hi nga biwa nguvu hi bhubhutsa, hi manziko wa kona va lo sangula ku hoxa a nzhwalo matini.
19Hi siku ga manharu va lo hoxa bimbini a zibya za taru hi mandla yabye. Jona 1:5
20Laha gambo ni tinyeleti zi nga kala zi nga wonekangi a masiku yo tala, na hi biwa hi bhubhutsa ga hombe, hi lo lahlekelwa hi kutsumba kontlhe kaku hi ta huluka.
21Zonake lezi ku nga hi kale na va nga gangi nchumu, Paule i lo yima xikari kabye, aku: Vavanuna, loku mu wa nzi ingisile, ngha mu nga sukangi le Kreta, mu ta kuma a mhango leyi ni kulahlekelwa loku.
22Kanilezi makunu nza mu khongotela a ku tiyahlana; hakuva a ku kona ni munwe xikari ka nwina a ta nga lova, sine a taru goce.
23Hakuva a ngelosi ya Nungungulu loyi nzi nga wakwe, loyi nzi mu tirelako, yi lo woneka ka mina ni wusiku, Xip. 23:11; Rom. 1:9; 2 Tim. 1:3
24yiku: U nga chavi, Paule; wena u yimelwe hi ku yima mahlweni ka Kesari; wangabye, Nungungulu i ku nyikile vontlhe lava va fambako zinwe na wena tarwini.
25Hikwalaho, vavanuna, tiyanihlana; hakuva nza tsumba ka Nungungulu, lezaku ku ta maheka kota lezi ku wulawulileko ka mina. Lu. 1:45; Rom. 4:20, 21; 2 Tim. 1:12
26Ahemba-lokoke, hi yimelwe hi ku hoxiwa xihlaleni xo kari.
27Ku te hi wusiku ga khume ni mune, na ha ha ndlengandlengiswa lomu bimbini ga Adria, laha xikari ka wusiku a vamarinyero va lo alakanya lezaku va tshinela tiko go kari;
28loku va pima a kueta ka mati, va lo kuma 20 wa zipimo za ku tshambuluta mawoko; anzhako ka xikhatanyana va lo pima kambe, va kuma 15 wa zipimo.
29Na va chava lezaku hi nga wela fungwini wa maribye, va lo rikhisa mune wa tifero lenzhako ka taru, va navela a kuva gica.
30Kota lezi a vamarinyero va nga lava ku nyemuka lomu tarwini, va lo chisa a xingalavana lomu matini, na vaku khwatsi vo chisa tifero hi le nhovini ya taru.
31Kanilezi Paule aku ngalo ka nduna ya zana ni ka masochwa: Loku vanalava va nga tshami tarwini, a mu na ku pona.
32Zonake a masochwa ma lo tsema a tingoti ta xingalavana, va xi tsika, xi wela matini.
33Laha gi ngaya kuceni, Paule i lo va khongotela vontlhe ku taga zakuga, aku: Inyamutlha hi khume ga masiku ni mune na mu tshamile mu rinzela mu yila, mu ngagi nchumu.
34Nza mu khongotela a kuga zakuga; hi zona zi ta nga mu vunetela a kuva mu pona; hakuva a ku na munwe wa nwina a ta nga lahlekelwa hi sisi munwe hlokweni yakwe. Mat. 10:20; Lu. 12:7; 21:18
35Laha a nga wulile lezo, i lo teka xibaba, a bonga Nungungulu mahlweni ka vontlhe, a xi khema, a sangula kuga. Mat. 15:36; Mar. 8:6; Joba 6:11
36Zonake vontlhe va lo tiya-hlana, vaga na vonawu.
37Hina hontlhe hi nga hi lomo tarwini hi wa hi 276 wa vanhu. Xip. 2:41; Rom. 13:1; 1 Ped. 3:20
38Ni laha va nga wa gile va xura, va lo hunguta a taru, va hoxa mavele lomu bimbini.
39Laha gi nga cile, a va tivangi a tiko ga kona; kanilezi va lo wona a yipswha yi nga hi ni fungu, va lo xuva ku yisa taru kona loku zi koteka.
40Va lo tsema tingoti ta tifero, va ti tsika lomu bimbini, va tlhatlha a tingoti ta tilemi; zonake va lo gwimba a tangi ga le mahlweni, va kangatela a mheho, va komama fungwini.
41Kanilezi na va chikele laha ku nga ni bimbi hi matlhelo mambiri, a taru gi lo chekama; ni nhovu ya taru yi lo njhibila fungwini yi nga ha ninginiki, kanilezi lenzhako ku lo sangula ku panzeka hi ntamu wa mabyandlati. 2 Kor. 11:25
42A masochwa ma lo lava ku daya tiperesu, va chava lezaku tinwani ti nga pfovola hi ku hlambela.
43Kanilezi a nduna ya zana, na yi lava ku ponisa Paule, yi lo va beletela; yi laya lezaku lava va zi kotako ku hlambela, a va pfunwala lomu matini, va ranga vaya muhanzeni;
44a vanwani a va hume hi mapulangu, ni vanwani hi zipanzana za taru. Zinghaho vontlhe va lo pona khwatsi le muhanzeni.
Currently Selected:
Mitiro 27: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Mitiro 27
27
A pfhumba ga Paule goya Roma.
1Laha ku nga wa tsemilwe a kuva hiya Italia hi taru, va lo nyikela Paule ni tinwani tiperesu ka nduna ya zana yi tibyako Juliu, ya ntlawa wa ka Augustu. Xip. 25:12, 25
2Hi lo enghena tarwini ga le Adramita, legi gi nga lava kuya matlhelweni ya le Asia; hi lo suka na hi hi na Aristakusi wa le Tesalonika le Makedonia. Xip. 19:29
3Hi manziko wa kona hi lo chikela Sidoni; Juliu i lo khoma Paule khwatsi, a mu vumela a ku ya wona maxaka yakwe, a ya vunetelwa hi wona. Xip. 24:23; 28:16
4Hi lo suka ha kona, hi famba hi mbhiri ya le Kupero, hakuva a taru gi lo banana ni mheho.
5Laha na hi tsemakanyile bimbi gi gamekeneko ni Kilikia ni le Pamfilia, hi lo chikela le Mira wa le Likia.
6A nduna ya zana yi lo kuma kona a taru ga le Alekzandria, legi gi yako Italia; yi hi enghenisa ka gona.
7Laha na hi fambile ha kutsongwani a masiku yo tala, hi lo chikela hi kukarateka le ko cuwukana ni Nidusi; kota lezi hi nga tsimbetwa hi mheho, hi lo famba hi mbhiri ya le Kreta, hi tlhelo ga Salmone.
8Hi lo hunza ha kona hi kutsanza hi kala hi chikela wutshanwini go kari gi tibyako Masuwa ma Nene, kusuhi ni muti wa Lasea.
9Kota lezi ku nga hunzile a xikhati xa hombe, ku wa hi mhango ku famba hi bimbi, hakuva a masiku ya Kuyila ma wa sina ma hunzile, Paule i lo va khongotela,
10aku ngalo kabye; Vavanuna, nza wona lezaku a pfhumba legi ga taru gi tava ni mhango ni kulahlekelwa ka hombe; a nzi wuli hi nzhwalo ni taru ntsena, kanilezi ni kuhanya ka hina kambe.
11Kanilezi a nduna ya zana yi lo ingisa a mufambisi wa taru ni nwinyi wa gona, ku hunza lezi zi wulilweko hi Paule.
12Kota lezi a suwa lego gi nga kala gi nga hi gi nene a ku tshama kona, a vanyingi va lo ranza a ku suka, vaya Fenike, gi nga suwa ga le Kreta, legi gi komamileko Mutsuwuka-gambo hi tlhelo ga Nwalungu ni tlhelo ga le Dzongeni, hi ya tshama kona hi mawuya-kaya.
13Zonake laha a mheho ya Dzonga yi nga pupuxa khwatsi, va lo alakanya lezaku va ku kumile; va lo koka fero, va famba hi tlhelo ga Kreta, kusuhani ni mbhiri. A bhubhutsa.
14Kanilezi anzhako ka xikhatanyana ku lo huma le xihlaleni a bhubhutsa ga mheho, leyi yi vitwako Erakwilo.
15Laha taru gi nga kokiwa, gi nga zi koti ku cuwukana ni mheho, hi la su gi tsika, hi kukuletwa hi mheho.
16Hi lo ya chikela kusuhi ni xihlalanyana xi vitwako Kauda, hi kukarateka ka hombe hi lo zi kota ku kokela ngalavana.
17Laha va nga wa yi tlakusile, va lo tirisa liranya la tingoti, va boha taru hi lahasi lezaku gi nga khayeki gi vuta; laha va nga chava lezaku kutani va nga susumetwa xidlatanweni xa Sirtisi, va lo chisa matangi, va kukuletwa lezo.
18Kota lezi hi nga biwa nguvu hi bhubhutsa, hi manziko wa kona va lo sangula ku hoxa a nzhwalo matini.
19Hi siku ga manharu va lo hoxa bimbini a zibya za taru hi mandla yabye. Jona 1:5
20Laha gambo ni tinyeleti zi nga kala zi nga wonekangi a masiku yo tala, na hi biwa hi bhubhutsa ga hombe, hi lo lahlekelwa hi kutsumba kontlhe kaku hi ta huluka.
21Zonake lezi ku nga hi kale na va nga gangi nchumu, Paule i lo yima xikari kabye, aku: Vavanuna, loku mu wa nzi ingisile, ngha mu nga sukangi le Kreta, mu ta kuma a mhango leyi ni kulahlekelwa loku.
22Kanilezi makunu nza mu khongotela a ku tiyahlana; hakuva a ku kona ni munwe xikari ka nwina a ta nga lova, sine a taru goce.
23Hakuva a ngelosi ya Nungungulu loyi nzi nga wakwe, loyi nzi mu tirelako, yi lo woneka ka mina ni wusiku, Xip. 23:11; Rom. 1:9; 2 Tim. 1:3
24yiku: U nga chavi, Paule; wena u yimelwe hi ku yima mahlweni ka Kesari; wangabye, Nungungulu i ku nyikile vontlhe lava va fambako zinwe na wena tarwini.
25Hikwalaho, vavanuna, tiyanihlana; hakuva nza tsumba ka Nungungulu, lezaku ku ta maheka kota lezi ku wulawulileko ka mina. Lu. 1:45; Rom. 4:20, 21; 2 Tim. 1:12
26Ahemba-lokoke, hi yimelwe hi ku hoxiwa xihlaleni xo kari.
27Ku te hi wusiku ga khume ni mune, na ha ha ndlengandlengiswa lomu bimbini ga Adria, laha xikari ka wusiku a vamarinyero va lo alakanya lezaku va tshinela tiko go kari;
28loku va pima a kueta ka mati, va lo kuma 20 wa zipimo za ku tshambuluta mawoko; anzhako ka xikhatanyana va lo pima kambe, va kuma 15 wa zipimo.
29Na va chava lezaku hi nga wela fungwini wa maribye, va lo rikhisa mune wa tifero lenzhako ka taru, va navela a kuva gica.
30Kota lezi a vamarinyero va nga lava ku nyemuka lomu tarwini, va lo chisa a xingalavana lomu matini, na vaku khwatsi vo chisa tifero hi le nhovini ya taru.
31Kanilezi Paule aku ngalo ka nduna ya zana ni ka masochwa: Loku vanalava va nga tshami tarwini, a mu na ku pona.
32Zonake a masochwa ma lo tsema a tingoti ta xingalavana, va xi tsika, xi wela matini.
33Laha gi ngaya kuceni, Paule i lo va khongotela vontlhe ku taga zakuga, aku: Inyamutlha hi khume ga masiku ni mune na mu tshamile mu rinzela mu yila, mu ngagi nchumu.
34Nza mu khongotela a kuga zakuga; hi zona zi ta nga mu vunetela a kuva mu pona; hakuva a ku na munwe wa nwina a ta nga lahlekelwa hi sisi munwe hlokweni yakwe. Mat. 10:20; Lu. 12:7; 21:18
35Laha a nga wulile lezo, i lo teka xibaba, a bonga Nungungulu mahlweni ka vontlhe, a xi khema, a sangula kuga. Mat. 15:36; Mar. 8:6; Joba 6:11
36Zonake vontlhe va lo tiya-hlana, vaga na vonawu.
37Hina hontlhe hi nga hi lomo tarwini hi wa hi 276 wa vanhu. Xip. 2:41; Rom. 13:1; 1 Ped. 3:20
38Ni laha va nga wa gile va xura, va lo hunguta a taru, va hoxa mavele lomu bimbini.
39Laha gi nga cile, a va tivangi a tiko ga kona; kanilezi va lo wona a yipswha yi nga hi ni fungu, va lo xuva ku yisa taru kona loku zi koteka.
40Va lo tsema tingoti ta tifero, va ti tsika lomu bimbini, va tlhatlha a tingoti ta tilemi; zonake va lo gwimba a tangi ga le mahlweni, va kangatela a mheho, va komama fungwini.
41Kanilezi na va chikele laha ku nga ni bimbi hi matlhelo mambiri, a taru gi lo chekama; ni nhovu ya taru yi lo njhibila fungwini yi nga ha ninginiki, kanilezi lenzhako ku lo sangula ku panzeka hi ntamu wa mabyandlati. 2 Kor. 11:25
42A masochwa ma lo lava ku daya tiperesu, va chava lezaku tinwani ti nga pfovola hi ku hlambela.
43Kanilezi a nduna ya zana, na yi lava ku ponisa Paule, yi lo va beletela; yi laya lezaku lava va zi kotako ku hlambela, a va pfunwala lomu matini, va ranga vaya muhanzeni;
44a vanwani a va hume hi mapulangu, ni vanwani hi zipanzana za taru. Zinghaho vontlhe va lo pona khwatsi le muhanzeni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.