3 Johani 1
1
A ku famba hi zinene.
1A singalakati ga rungula Gaiusi a ranzekako, loyi nzi mu ranzako zineneni. 2 Joh. 1
2Xiranzwa, nza khongela lezaku u fela ku hanya khwatsi u vuvuma zilweni zontlhe, kota lezi wu vuvumako a muhefemulo wa wena.
3Hakuva nzi lo tsaka nguvu, laha ku ngata vamakabye va ta kustumunya hi zinene lezi zi nga ka wena, kota lezi u fambako zineneni. 2 Joh. 4
4A nzi na kutsaka ka hombe ku hunza loku nzi nga nako, laha nzi zwako lezaku vana va mina va famba zineneni. 1 Kor. 4:15; File. 10
5Xiranzwa, u kholekile ka zontlhe lezi u mahelako vamakabye lava va nga vaenzi.
6Vona va mahile wukustumunyu hi liranzo la wena mahlweni ka bandla. U ta maha khwatsi loku u va hlomisa lwenzweni labye kota lezi ku faneleko ntiro wa Nungungulu.
7Hakuva va lo famba hi kota ya Vito, na va nga amukeli nchumu xa vamatiko. 1 Kor. 9:12, 15
8Hikwalaho hi yimelwe hi ku amukela va kunghaho, kasi ha fela ku tirela navo a zinene.
9Mina nzi lo tsalela bandla, kanilezi Diotrefesi, loyi a ranzako a kuva wahombe xikari kabye, a nga hi amukeli.
10Hikwalaho loku nzita, nzi ta mu alakanyisa hi mitiro leyi a yi mahako hi ku hi hleva hi timhaka to biha. A nga eneliswi hi ku maha lezo, yena wutsumbu a nga amukeli vamakabye, ni lava va ranzako ku maha lezo wa va tsimbetela, a va hlongola bandleni.
11Xiranzwa, u nga pimanyisi lezi za kubiha, kanilezi pimanyisa lezi zo saseka. Loyi a mahako kusaseka ngwa Nungungulu; kanilezi loyi a mahako kubiha a nga mu wonangi Nungungulu. Tis. 37:27; Isa. 1:16, 17; 1 Joh. 2:29
12Demetriusi i mahelwa wukustumunyu go saseka hi vanhu vontlhe, na zona zinene za mu kustumunyela. Na hinawu ha mu mahela wukustumunyu; wena wa zi tiva lezaku a wukustumunyu ga hina gi nene. Joh. 21:24; 1 Tim. 3:7
13Nzi wa hi ni timhaka tinyingi, kanilezi a nzi zi ranzi ku ku tsalela ha tona hi tinta ni pena. 2 Joh. 12
14Kanilezi nza tsumba lezaku nzi ta ku wona lokuloku, zonake hi ta wulawula hi milomu. A kurula a kuve na wena. A maxaka ma ku rungula. Rungula maxaka hi mavito yabye.
Currently Selected:
3 Johani 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
3 Johani 1
1
A ku famba hi zinene.
1A singalakati ga rungula Gaiusi a ranzekako, loyi nzi mu ranzako zineneni. 2 Joh. 1
2Xiranzwa, nza khongela lezaku u fela ku hanya khwatsi u vuvuma zilweni zontlhe, kota lezi wu vuvumako a muhefemulo wa wena.
3Hakuva nzi lo tsaka nguvu, laha ku ngata vamakabye va ta kustumunya hi zinene lezi zi nga ka wena, kota lezi u fambako zineneni. 2 Joh. 4
4A nzi na kutsaka ka hombe ku hunza loku nzi nga nako, laha nzi zwako lezaku vana va mina va famba zineneni. 1 Kor. 4:15; File. 10
5Xiranzwa, u kholekile ka zontlhe lezi u mahelako vamakabye lava va nga vaenzi.
6Vona va mahile wukustumunyu hi liranzo la wena mahlweni ka bandla. U ta maha khwatsi loku u va hlomisa lwenzweni labye kota lezi ku faneleko ntiro wa Nungungulu.
7Hakuva va lo famba hi kota ya Vito, na va nga amukeli nchumu xa vamatiko. 1 Kor. 9:12, 15
8Hikwalaho hi yimelwe hi ku amukela va kunghaho, kasi ha fela ku tirela navo a zinene.
9Mina nzi lo tsalela bandla, kanilezi Diotrefesi, loyi a ranzako a kuva wahombe xikari kabye, a nga hi amukeli.
10Hikwalaho loku nzita, nzi ta mu alakanyisa hi mitiro leyi a yi mahako hi ku hi hleva hi timhaka to biha. A nga eneliswi hi ku maha lezo, yena wutsumbu a nga amukeli vamakabye, ni lava va ranzako ku maha lezo wa va tsimbetela, a va hlongola bandleni.
11Xiranzwa, u nga pimanyisi lezi za kubiha, kanilezi pimanyisa lezi zo saseka. Loyi a mahako kusaseka ngwa Nungungulu; kanilezi loyi a mahako kubiha a nga mu wonangi Nungungulu. Tis. 37:27; Isa. 1:16, 17; 1 Joh. 2:29
12Demetriusi i mahelwa wukustumunyu go saseka hi vanhu vontlhe, na zona zinene za mu kustumunyela. Na hinawu ha mu mahela wukustumunyu; wena wa zi tiva lezaku a wukustumunyu ga hina gi nene. Joh. 21:24; 1 Tim. 3:7
13Nzi wa hi ni timhaka tinyingi, kanilezi a nzi zi ranzi ku ku tsalela ha tona hi tinta ni pena. 2 Joh. 12
14Kanilezi nza tsumba lezaku nzi ta ku wona lokuloku, zonake hi ta wulawula hi milomu. A kurula a kuve na wena. A maxaka ma ku rungula. Rungula maxaka hi mavito yabye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.