2 Samueli 8
8
A tiyimpi ta Davida.
1Anzhako ka lezo Davida i lolwa ni vaFilistia a va hlula, a teka zinza gabye mandleni ya vaFilistia.
2Zonake i lo hlasela a vaMoabi, a va etlelisa lahasi, a va pima hi lingoti; lava va nga wa ringana tingoti timbiri i lo va daya; lava va nga wa ringana lingoti linwe i lo va tsika va hanya. Zinghaho a vaMoabi va lo maha malanza ya Davida, va luva yena. Mitse. 24:17
3Davida i lo hlasela Hadadezera nʼwana Rehoba, a hosi ya le Zoba, na a haya ku ya tiyisa mufumo wakwe le Congweni wa Eufrate.
4I lo mu wutlela 1,700 wa vakhileli va mahaxi, ni 20,000 wa vavanuna va fambako hi milenge, a tsema misiha ya mahaxi ya tontlhe tikareta, a siya lawa ma ringanako 100 wa tikareta.
5A maSiria ya le Damasku ma lota ku ta vunetela Hadadezera, a hosi ya le Zoba, kanilezi Davida i lo daya 22,000 wa maSiria.
6Zonake Davida i lo veka mabutho ya tiyimpi takwe a ku hlayisa le Siria wa le Damasku; zonake a maSiria ma lo maha malanza ya Davida, va luva kakwe. Zinghaho Jehova i lo vunetela Davida ni kwihi laha a yako kona.
7Davida i lo teka a zitlhangu za nzalama lezi zi nga wa hi za malanza ya Hadadezera a zi neha Jerusalema.
8Davida i lo teka a suku wo tala nguvu le Betani le Berotai, a miti ya Hadadezera.
9Makunu laha Toi, a hosi ya le Hamate, a ngazwa lezaku Davida i khozisile tontlhe tiyimpi ta Hadadezera;
10Toi i lo rumela a nʼwana wakwe Joramu le ka Davida a ku ya mu losetela ni ku ya mu dzunza hi kota ya lezi a ngalwa na Hadadezera a mu hlula; hakuva Hadadezera i wa hi ni zunga na Toi. Joramu i lota ni zibya za siliva ni za nzalama ni za suku.
11Zonake Davida i lo zi nyikela ka Jehova, zinwe ni siliva ni nzalama leyi a nga wa yi tekile ka wontihe matiko lawa a nga wa ma khozisile.
12A za le matikweni ya le Siria ni tiko ga le Moabi, ni ka vanana va ka Ammoni, ni ka vaFilistia, ni ka vaAmaleki, ni muphango wa Hadadezera nʼwana Rehoba, a hosi ya le Zoba.
13Davida i lo kulisa vito gakwe laha a nga wa wuya hi le ko ya hlasela maSiria le Koveni wa Munyu, a daya 18,000 wa vavanuna.
14Zonake i lo veka mabutho ya tiyimpi ka wontihe matiko ya ka Edomi, ni vontlhe vaEdomi va lo maha malanza ya Davida. Zinghaho Jehova i lo vunetela Davida a ku hlula ni kwihi laha a yako kona. Mitse. 24:18; 2 Tih. 8:20
15Davida i lo fumela vontlhe va ka Israeli, a lamula ni ku lulamisa timhaka ta vanhu vakwe vontlhe.
16Joabe nʼwana Zeruia i wa hi nduna ya yimpi, Jehoxafate nʼwana Ahiluda i wa hi muhlayisi wa mitsalo;
17Zadoke nʼwana Ahituba, na Ahimeleki nʼwana Abiatara, va wa hi vapristi; Seraia i wa hi matsalani;
18Benaia nʼwana Jehoiada i wa hi nduna ya vaKereti ni maPeleti; a vanana va Davida va wa hi vapristi.
Currently Selected:
2 Samueli 8: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
2 Samueli 8
8
A tiyimpi ta Davida.
1Anzhako ka lezo Davida i lolwa ni vaFilistia a va hlula, a teka zinza gabye mandleni ya vaFilistia.
2Zonake i lo hlasela a vaMoabi, a va etlelisa lahasi, a va pima hi lingoti; lava va nga wa ringana tingoti timbiri i lo va daya; lava va nga wa ringana lingoti linwe i lo va tsika va hanya. Zinghaho a vaMoabi va lo maha malanza ya Davida, va luva yena. Mitse. 24:17
3Davida i lo hlasela Hadadezera nʼwana Rehoba, a hosi ya le Zoba, na a haya ku ya tiyisa mufumo wakwe le Congweni wa Eufrate.
4I lo mu wutlela 1,700 wa vakhileli va mahaxi, ni 20,000 wa vavanuna va fambako hi milenge, a tsema misiha ya mahaxi ya tontlhe tikareta, a siya lawa ma ringanako 100 wa tikareta.
5A maSiria ya le Damasku ma lota ku ta vunetela Hadadezera, a hosi ya le Zoba, kanilezi Davida i lo daya 22,000 wa maSiria.
6Zonake Davida i lo veka mabutho ya tiyimpi takwe a ku hlayisa le Siria wa le Damasku; zonake a maSiria ma lo maha malanza ya Davida, va luva kakwe. Zinghaho Jehova i lo vunetela Davida ni kwihi laha a yako kona.
7Davida i lo teka a zitlhangu za nzalama lezi zi nga wa hi za malanza ya Hadadezera a zi neha Jerusalema.
8Davida i lo teka a suku wo tala nguvu le Betani le Berotai, a miti ya Hadadezera.
9Makunu laha Toi, a hosi ya le Hamate, a ngazwa lezaku Davida i khozisile tontlhe tiyimpi ta Hadadezera;
10Toi i lo rumela a nʼwana wakwe Joramu le ka Davida a ku ya mu losetela ni ku ya mu dzunza hi kota ya lezi a ngalwa na Hadadezera a mu hlula; hakuva Hadadezera i wa hi ni zunga na Toi. Joramu i lota ni zibya za siliva ni za nzalama ni za suku.
11Zonake Davida i lo zi nyikela ka Jehova, zinwe ni siliva ni nzalama leyi a nga wa yi tekile ka wontihe matiko lawa a nga wa ma khozisile.
12A za le matikweni ya le Siria ni tiko ga le Moabi, ni ka vanana va ka Ammoni, ni ka vaFilistia, ni ka vaAmaleki, ni muphango wa Hadadezera nʼwana Rehoba, a hosi ya le Zoba.
13Davida i lo kulisa vito gakwe laha a nga wa wuya hi le ko ya hlasela maSiria le Koveni wa Munyu, a daya 18,000 wa vavanuna.
14Zonake i lo veka mabutho ya tiyimpi ka wontihe matiko ya ka Edomi, ni vontlhe vaEdomi va lo maha malanza ya Davida. Zinghaho Jehova i lo vunetela Davida a ku hlula ni kwihi laha a yako kona. Mitse. 24:18; 2 Tih. 8:20
15Davida i lo fumela vontlhe va ka Israeli, a lamula ni ku lulamisa timhaka ta vanhu vakwe vontlhe.
16Joabe nʼwana Zeruia i wa hi nduna ya yimpi, Jehoxafate nʼwana Ahiluda i wa hi muhlayisi wa mitsalo;
17Zadoke nʼwana Ahituba, na Ahimeleki nʼwana Abiatara, va wa hi vapristi; Seraia i wa hi matsalani;
18Benaia nʼwana Jehoiada i wa hi nduna ya vaKereti ni maPeleti; a vanana va Davida va wa hi vapristi.
Tshwa Bible © Bible Society in Mozambique, 1972, 2007.