2 Samueli 5
5
Davida a fumela vontlhe va ka Israeli.
1A tixaka tontlhe ta ka Israeli ti lota ka Davida le Hebroni, ti taku: Hina hi marambu ya wena ni nyama ya wena.
2Hambu xikhatini xa kale, na Saule a ha fuma, hi wena u nga wa humesa ni ku wuyisa lomu ka Israeli. Jehova i te ngalo ka wena: Hi wena u ta nga risa a vanhu va mina va ka Israeli, uva hosi lomu ka va ka Israeli.
3Zinghaho wontihe masingalakati ya va ka Israeli ma loya hosini le Hebroni, zonake hosi Davida i lo maha navo xivumelwano le Hebroni mahlweni ka Jehova; va lo wumbela Davida a kuva hosi hehla ka va ka Israeli.
4Davida i wa hi ni 30 wa malembe laha a nga sangula ku fuma, hilezo i lo fuma 40 wa malembe.
5Le Hebroni i lo fumela Juda 7 wa malembe ni 6 wa tihweti. Le Jerusalema i lo fumela va ka Israeli vontlhe ni va ka Juda 33 wa malembe.
6A hosi yi loya ni vanhu va yona Jerusalema va yalwa ni vajebusi, a vaaki va tiko. Kanilezi vona va te ngalo ka Davida: Cima u nga ta zi kota ku enghena lomu, hakuva hambu zikhumu ni zilema zi ta ku hlongola. Lezo va wa alakanya lezaku Davida a nga ta enghena tikweni lego. Jox. 15:63; Vala. 1:21
7Kanilezi Davida i lo hlula, a teka a khokhola ga Zioni, wu nga wona muti wa Davida.
8A siku lego Davida i te ngalo: Kani hi mani a ta nga hlalela vajebusi kala a chikela le zibukeni za mati, a hlasele zilema ni zikhumu lezi zi vengiwako hi Davida! Hikwalaho ku nga huma a vingu gaku: A zikhumu ni zilema cima zi nga ta enghena lomu ndlwini.
9Davida i lo aka lomo khokholeni, a gi chula ku ngalo i muti wa Davida. I lo aka ka wontihe matlhelo kusukela Milo kala lomu nzeni ka gona.
10Davida i lo enzeleka a kula, na Jehova Nungungulu wa tiyimpi a hi zinwe naye.
11Zonake Hiramu a hosi ya le Tire i lo rumela mitsumi ka Davida zinwe ni tisinya ta sedare, ni vavatli ni vaaki a ku ta aka a yindlu ya Davida.
12Davida i lo zi pima lezaku Jehova i mu yimisile a kuva hosi ya ka Israeli, i tlakusile mufumo wakwe hi kota ya vanhu vakwe va ka Israeli.
13Makunu laha Davida a nga: wa tile le Jerusalema, na a suka hi Hebroni, i lo engeta kambe a teka mindlukulu ni vasati, a engeta a pswalelwa vafana ni vanhanyana.
14Lawa hi mavito ya lava a nga pswalelwa le Jerusalema: Xammua, na Xobaba, na Natani, na Solomoni;
15na Ibhara, na Elixua, na Nefega, na Jafia;
16na Elixama, na Eliada, na Elifelete.
17Makunu a vaFilistia va lozwa lezaku Davida i totilwe kuva hosi ya ka Israeli, zonake vontlhe vaFilistia va lo kanziha a ku ya hlota Davida. Davida i lo zizwa, a relela aya khokholeni.
18A vaFilistia va lo ta mbambamela le koveni wa le Refaime.
19Zonake Davida i lo wutisa ka Jehova, aku: Nzi kanziha nzi yalwa ni vaFilistia ke? U ta va nyikela mandleni ya mina ke? Jehova i lo hlamula, aku: Kanziha uya, hakuva hakunene nzi ta nyikela vaFilistia mandleni ya wena.
20Davida i lota le Baali-perazimu. I lo va hlasela leyo, aku ngalo: Jehova i hangalasile valala va mina ku fanana ni mati loku ma phuxuka ma hangalaka. Hikwalaho i lo chula wutshamu lego aku Baali-perazimu. Isa. 28:21
21Vona va lo siya ni zifananiso zabye, zonake Davida ni vanhu vakwe va lo zi teka.
22A vaFilistia va lo engeta kambe vata, va ta mbambamela le koveni wa le Refaime.
23Loku a wutisile kambe ka Jehova, Jehova i te: U nga kanzihi; kanilezi renzeleka hi lenzhako kabye, u ta ya tlhangana navo le tisinyeni ta timora.
24Makunu laha u ta ngazwa a guwa ga kufamba le hehla ka tisinya ta timora, u ta huma hi ntamu, hakuva xikhatini xwalexo Jehova i mu rangele mahlweni ku ya hlasela tiyimpi ta vaFilistia.
25Davida i lo maha khwatsi hi lezi Jehova a mu leleteleko, zonake va lo hlasela vaFilistia kusukela le Geba kala le Gezera.
Currently Selected:
2 Samueli 5: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
2 Samueli 5
5
Davida a fumela vontlhe va ka Israeli.
1A tixaka tontlhe ta ka Israeli ti lota ka Davida le Hebroni, ti taku: Hina hi marambu ya wena ni nyama ya wena.
2Hambu xikhatini xa kale, na Saule a ha fuma, hi wena u nga wa humesa ni ku wuyisa lomu ka Israeli. Jehova i te ngalo ka wena: Hi wena u ta nga risa a vanhu va mina va ka Israeli, uva hosi lomu ka va ka Israeli.
3Zinghaho wontihe masingalakati ya va ka Israeli ma loya hosini le Hebroni, zonake hosi Davida i lo maha navo xivumelwano le Hebroni mahlweni ka Jehova; va lo wumbela Davida a kuva hosi hehla ka va ka Israeli.
4Davida i wa hi ni 30 wa malembe laha a nga sangula ku fuma, hilezo i lo fuma 40 wa malembe.
5Le Hebroni i lo fumela Juda 7 wa malembe ni 6 wa tihweti. Le Jerusalema i lo fumela va ka Israeli vontlhe ni va ka Juda 33 wa malembe.
6A hosi yi loya ni vanhu va yona Jerusalema va yalwa ni vajebusi, a vaaki va tiko. Kanilezi vona va te ngalo ka Davida: Cima u nga ta zi kota ku enghena lomu, hakuva hambu zikhumu ni zilema zi ta ku hlongola. Lezo va wa alakanya lezaku Davida a nga ta enghena tikweni lego. Jox. 15:63; Vala. 1:21
7Kanilezi Davida i lo hlula, a teka a khokhola ga Zioni, wu nga wona muti wa Davida.
8A siku lego Davida i te ngalo: Kani hi mani a ta nga hlalela vajebusi kala a chikela le zibukeni za mati, a hlasele zilema ni zikhumu lezi zi vengiwako hi Davida! Hikwalaho ku nga huma a vingu gaku: A zikhumu ni zilema cima zi nga ta enghena lomu ndlwini.
9Davida i lo aka lomo khokholeni, a gi chula ku ngalo i muti wa Davida. I lo aka ka wontihe matlhelo kusukela Milo kala lomu nzeni ka gona.
10Davida i lo enzeleka a kula, na Jehova Nungungulu wa tiyimpi a hi zinwe naye.
11Zonake Hiramu a hosi ya le Tire i lo rumela mitsumi ka Davida zinwe ni tisinya ta sedare, ni vavatli ni vaaki a ku ta aka a yindlu ya Davida.
12Davida i lo zi pima lezaku Jehova i mu yimisile a kuva hosi ya ka Israeli, i tlakusile mufumo wakwe hi kota ya vanhu vakwe va ka Israeli.
13Makunu laha Davida a nga: wa tile le Jerusalema, na a suka hi Hebroni, i lo engeta kambe a teka mindlukulu ni vasati, a engeta a pswalelwa vafana ni vanhanyana.
14Lawa hi mavito ya lava a nga pswalelwa le Jerusalema: Xammua, na Xobaba, na Natani, na Solomoni;
15na Ibhara, na Elixua, na Nefega, na Jafia;
16na Elixama, na Eliada, na Elifelete.
17Makunu a vaFilistia va lozwa lezaku Davida i totilwe kuva hosi ya ka Israeli, zonake vontlhe vaFilistia va lo kanziha a ku ya hlota Davida. Davida i lo zizwa, a relela aya khokholeni.
18A vaFilistia va lo ta mbambamela le koveni wa le Refaime.
19Zonake Davida i lo wutisa ka Jehova, aku: Nzi kanziha nzi yalwa ni vaFilistia ke? U ta va nyikela mandleni ya mina ke? Jehova i lo hlamula, aku: Kanziha uya, hakuva hakunene nzi ta nyikela vaFilistia mandleni ya wena.
20Davida i lota le Baali-perazimu. I lo va hlasela leyo, aku ngalo: Jehova i hangalasile valala va mina ku fanana ni mati loku ma phuxuka ma hangalaka. Hikwalaho i lo chula wutshamu lego aku Baali-perazimu. Isa. 28:21
21Vona va lo siya ni zifananiso zabye, zonake Davida ni vanhu vakwe va lo zi teka.
22A vaFilistia va lo engeta kambe vata, va ta mbambamela le koveni wa le Refaime.
23Loku a wutisile kambe ka Jehova, Jehova i te: U nga kanzihi; kanilezi renzeleka hi lenzhako kabye, u ta ya tlhangana navo le tisinyeni ta timora.
24Makunu laha u ta ngazwa a guwa ga kufamba le hehla ka tisinya ta timora, u ta huma hi ntamu, hakuva xikhatini xwalexo Jehova i mu rangele mahlweni ku ya hlasela tiyimpi ta vaFilistia.
25Davida i lo maha khwatsi hi lezi Jehova a mu leleteleko, zonake va lo hlasela vaFilistia kusukela le Geba kala le Gezera.
Tshwa Bible © Bible Society in Mozambique, 1972, 2007.