2 Samueli 22
22
Davida a dumisa Jehova.
1Davida i lo wulawula ka Jehova a timhaka ta leli lisimu, a siku lego a nga poniswa mandleni ya vontlhe valala vakwe, ni mandleni ya Saule, aku:
2Jehova ribye ga mina, ni khokhola ga mina, ni muponisi wa mina! Deut. 32:4
3Nungungulu wa mina, a ribye ga mina legi nzi chavelako ka gona,
A xitlhangu xa mina, ni limhonzo la kuhanya ka mina,
Ni khokhola ga mina gi tlakukileko, ni wuchavelo ga mina!
Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13
4Nzi vitanile nziku: A bongiwe Jehova!
Na mina nza hlangutwa valaleni va mina.
5Hakuva a mabyandlati ya lufu ma nzi ranzele,
A ntalo wa kubiha wu nzi dzukisile;
6A tingoti ta Xeoli ti wa nzi bohile,
Ni maziyo ya kufa ma wa nzi phasile.
7Lomu tikhuruxwini ta mina nzi lo vitana Jehova,
Ina, nzi lo rilela ka Nungungulu wa mina;
Na yena i zwile a gezu ga mina na hi lomu tempeleni yakwe;
Ni kurila ka mina ku lo chikela tindleveni takwe. Tis. 3:5; Jona 2:3
8Zonake a misava yi lo tsekatseka yi rurumela,
Ni ziseketelo za tilo zi lo ninginizwa,
Zi tsekatsekiswa hakuva yena i wa zangarile.
9Ku lo tuvika musi wu huma hi lomu tinhovini takwe,
Ni nzilo wu lovisako wu lo huma hi lomu kanwini kakwe;
Ku lo huma ni makhala ma vurako. Ekso. 19:18; Deut. 4:24
10Yena i andlele a matilo a chika;
Ni munyama wu wa hi lahasi ka mikonzo yakwe.
11I lo khilela hehla ka kerubima a puruma,
Yena i lo woneka na hi tipapeni ta mheho.
12I lo ti ranzela hi munyama, wu maha a tenda gakwe,
A tsombanyisa mati yo tala ni marefu ya munyama.
13A kungangamela loku ku nga hi le mahlweni kakwe,
Ku lo vurisa a makhala.
14Jehova i lo dzinza na hi le tilweni,
Loyi a nga Hehla-hehla a zwata a gezu gakwe.
15A phanda miseve yakwe, a hangalasa valala va mina ha yona,
A humesa lihati, a va chavisa.
16A kueta ka bimbi ku lo wonekeliswa kubaseni,
A ziseketelo za misava zi lo funungulwa ziku dlunya,
Hi kukawuka ka Jehova,
Hi bhubhutsa ga zanga yakwe.
17A nawuluta a canja gakwe na hi le hehla, a nzi khoma,
A nzi humesa lomu matini ya hombe;
18A nzi tlhatlhisa ka nala wa mina wa ntamu,
Ni ka lava va nzi vengako, hakuva va wa nzi hlula.
19Va lo nzi vimbezela a siku legi nzi nga hi khombyeni;
Kanilezi Jehova a maha xiseketelo xa mina.
20A nzi humesa laha kubaseni;
A nzi tlhatlhisa hakuva i nzi ranzile.
21Jehova i nzi chachazele khwatsi hi kululama ka mina,
Kambe i nzi tlhelisele khwatsi hi kubasa ka mandla ya mina. Joba 22:30; Tis. 17:1
22Hakuva mina nzi hlayisile tindlela ta Jehova,
A nzi hambunyetangi ka Nungungulu wa mina.
23Kakuva zontlhe zileletelo zakwe zi wa hi le mahlweni ka mina,
Ni kambe mina a nzi fularelangi milayo yakwe.
24Nzi wa nga hi na xisolo mahlweni ka yena,
Nzi ti hlayisile kasi nzi nga kumi nanzu.
25Hikwalaho Jehova i nzi chachazele khwatsi hi kululama ka mina,
Khwatsi hi kubasa ka mina mahlweni ka yena.
26A munhu wa wuxinji u mu mahela wuxinji,
Loyi a mbheleleko u mu mahela kululama.
27Loyi a basileko u mu kombisa kubasa ka wena,
Kanilezi a wa kubiha u mu chachazela hi kubiha kakwe.
28Wena u ponisa a vanhu lava va nga khombyeni,
Kanilezi wena u koramisa a mahlo ya lava va ti kukumukisako. Dan. 4:34; Lu. 1:51
29Hakuva wena Jehova u kandiya ya mina,
Na Jehova i ta woninga munyama wa mina.
30Hakuva loku nzi hi na wena nza tsutsuma hehla ka valala,
Hi Nungungulu wa mina nzi tlula makhurisi.
31A ndlela ya Nungungulu yi lulamile,
A gezu ga Jehova gi basile;
Yena xitlhangu xa vontlhe lava va tsutsumelako ka yena.
32Himani Nungungulu, ahandle ka Jehova ke?
Himani a nga ribye, ahandle ka Nungungulu wa hina ke?
33Nungungulu hi khokhola ga mina gi tiyileko,
Yena i nzi rangele ndleleni yi lulamileko.
34I mahile mikonzo ya mina yi fanana ni ya pswele ga mhuti:
I nzi vekile hehla ka xitsunga xa mina.
35I gonzisile a mandla ya mina a kulwa;
Kasi a woko ga mina ga zi kota ku kwaya a wura ga suku.
36Wena u nzi nyikile a xitlhangu xa kuhanyisa ka wena,
A wunene ga wena gi nzi kulisile.
37Wena u anamisile a ndlela lahasi ka mikonzo ya mina,
A mikonzo ya mina a yi retemukangi.
38Nzi hlasele a valala va mina nzi va lovisa,
A nzi tlhelangi na nzi nga se va mbheta.
39Nzi va hetisile nzi va kanzihela, va tsanzeka ni ku nzi vukela;
Ina, va wile lahasi ka mikonzo ya mina.
40Hakuva u nzi bohile hi bhandi ga ntamu ga yimpi,
U nzi khozisele lava va nzi vukeleko.
41Wena u nzi hlongolele valala va mina,
Kasi nza fela ku lovisa lava va nzi vengako.
42Va lo languta, kanilezi ku wa nga hi na munhu wa ku va hlanguta.
Va rila ka Jehova, kanilezi a nga va hlamulangi. Joh. 9:31
43Nzi va silile khwatsi hi ntshuri wa misava,
Nzi va pswhinya, nzi va kanzihela khwatsi hi nzhope ya laha ndleleni.
44Wena u nzi tlhatlhisile a kukanetisaneni ka vanhu va mina;
U nzi yimisile a kuva hosi ya vamatiko;
Ni vanhu lava nzi nga kala nzi nga va tivi va nzi khozela.
45A vamatiko va khoza ka mina,
Hi xikhanzakanya xa lezi va zwako ha mina, va ti koramisa.
46A vamatiko va na ni gome,
Va rurumela loku va huma lomu makhokholeni yabye.
47Jehova wa hanya! A gi dumiswe a ribye ga mina!
A kuliswe Nungungulu, a nga ribye ga kuhanyisa ka mina!
48Nungungulu loyi a nzi photelako,
Loyi a nzi khoziselako a matiko;
49Loyi a nzi lwelako ka valala va mina.
U rizi tlakusile nziva hehla ka lava va nzi vukelako;
U nzi ponisile ka wanuna wo leva.
50Hikwalaho, O Jehova, nzi ta ku bonga xikari ka vamatiko,
Nzi yimbelela tisimu ta ku dumisa a vito ga wena. Rom. 15:9
51Yena i ponisile a hosi yakwe hi kuhanyisa ka hombe,
A kombisa wuxinji ka a totilweko wakwe,
Ka Davida ni ka pswalo wakwe kala kupinzuka.
Currently Selected:
2 Samueli 22: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
2 Samueli 22
22
Davida a dumisa Jehova.
1Davida i lo wulawula ka Jehova a timhaka ta leli lisimu, a siku lego a nga poniswa mandleni ya vontlhe valala vakwe, ni mandleni ya Saule, aku:
2Jehova ribye ga mina, ni khokhola ga mina, ni muponisi wa mina! Deut. 32:4
3Nungungulu wa mina, a ribye ga mina legi nzi chavelako ka gona,
A xitlhangu xa mina, ni limhonzo la kuhanya ka mina,
Ni khokhola ga mina gi tlakukileko, ni wuchavelo ga mina!
Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13
4Nzi vitanile nziku: A bongiwe Jehova!
Na mina nza hlangutwa valaleni va mina.
5Hakuva a mabyandlati ya lufu ma nzi ranzele,
A ntalo wa kubiha wu nzi dzukisile;
6A tingoti ta Xeoli ti wa nzi bohile,
Ni maziyo ya kufa ma wa nzi phasile.
7Lomu tikhuruxwini ta mina nzi lo vitana Jehova,
Ina, nzi lo rilela ka Nungungulu wa mina;
Na yena i zwile a gezu ga mina na hi lomu tempeleni yakwe;
Ni kurila ka mina ku lo chikela tindleveni takwe. Tis. 3:5; Jona 2:3
8Zonake a misava yi lo tsekatseka yi rurumela,
Ni ziseketelo za tilo zi lo ninginizwa,
Zi tsekatsekiswa hakuva yena i wa zangarile.
9Ku lo tuvika musi wu huma hi lomu tinhovini takwe,
Ni nzilo wu lovisako wu lo huma hi lomu kanwini kakwe;
Ku lo huma ni makhala ma vurako. Ekso. 19:18; Deut. 4:24
10Yena i andlele a matilo a chika;
Ni munyama wu wa hi lahasi ka mikonzo yakwe.
11I lo khilela hehla ka kerubima a puruma,
Yena i lo woneka na hi tipapeni ta mheho.
12I lo ti ranzela hi munyama, wu maha a tenda gakwe,
A tsombanyisa mati yo tala ni marefu ya munyama.
13A kungangamela loku ku nga hi le mahlweni kakwe,
Ku lo vurisa a makhala.
14Jehova i lo dzinza na hi le tilweni,
Loyi a nga Hehla-hehla a zwata a gezu gakwe.
15A phanda miseve yakwe, a hangalasa valala va mina ha yona,
A humesa lihati, a va chavisa.
16A kueta ka bimbi ku lo wonekeliswa kubaseni,
A ziseketelo za misava zi lo funungulwa ziku dlunya,
Hi kukawuka ka Jehova,
Hi bhubhutsa ga zanga yakwe.
17A nawuluta a canja gakwe na hi le hehla, a nzi khoma,
A nzi humesa lomu matini ya hombe;
18A nzi tlhatlhisa ka nala wa mina wa ntamu,
Ni ka lava va nzi vengako, hakuva va wa nzi hlula.
19Va lo nzi vimbezela a siku legi nzi nga hi khombyeni;
Kanilezi Jehova a maha xiseketelo xa mina.
20A nzi humesa laha kubaseni;
A nzi tlhatlhisa hakuva i nzi ranzile.
21Jehova i nzi chachazele khwatsi hi kululama ka mina,
Kambe i nzi tlhelisele khwatsi hi kubasa ka mandla ya mina. Joba 22:30; Tis. 17:1
22Hakuva mina nzi hlayisile tindlela ta Jehova,
A nzi hambunyetangi ka Nungungulu wa mina.
23Kakuva zontlhe zileletelo zakwe zi wa hi le mahlweni ka mina,
Ni kambe mina a nzi fularelangi milayo yakwe.
24Nzi wa nga hi na xisolo mahlweni ka yena,
Nzi ti hlayisile kasi nzi nga kumi nanzu.
25Hikwalaho Jehova i nzi chachazele khwatsi hi kululama ka mina,
Khwatsi hi kubasa ka mina mahlweni ka yena.
26A munhu wa wuxinji u mu mahela wuxinji,
Loyi a mbheleleko u mu mahela kululama.
27Loyi a basileko u mu kombisa kubasa ka wena,
Kanilezi a wa kubiha u mu chachazela hi kubiha kakwe.
28Wena u ponisa a vanhu lava va nga khombyeni,
Kanilezi wena u koramisa a mahlo ya lava va ti kukumukisako. Dan. 4:34; Lu. 1:51
29Hakuva wena Jehova u kandiya ya mina,
Na Jehova i ta woninga munyama wa mina.
30Hakuva loku nzi hi na wena nza tsutsuma hehla ka valala,
Hi Nungungulu wa mina nzi tlula makhurisi.
31A ndlela ya Nungungulu yi lulamile,
A gezu ga Jehova gi basile;
Yena xitlhangu xa vontlhe lava va tsutsumelako ka yena.
32Himani Nungungulu, ahandle ka Jehova ke?
Himani a nga ribye, ahandle ka Nungungulu wa hina ke?
33Nungungulu hi khokhola ga mina gi tiyileko,
Yena i nzi rangele ndleleni yi lulamileko.
34I mahile mikonzo ya mina yi fanana ni ya pswele ga mhuti:
I nzi vekile hehla ka xitsunga xa mina.
35I gonzisile a mandla ya mina a kulwa;
Kasi a woko ga mina ga zi kota ku kwaya a wura ga suku.
36Wena u nzi nyikile a xitlhangu xa kuhanyisa ka wena,
A wunene ga wena gi nzi kulisile.
37Wena u anamisile a ndlela lahasi ka mikonzo ya mina,
A mikonzo ya mina a yi retemukangi.
38Nzi hlasele a valala va mina nzi va lovisa,
A nzi tlhelangi na nzi nga se va mbheta.
39Nzi va hetisile nzi va kanzihela, va tsanzeka ni ku nzi vukela;
Ina, va wile lahasi ka mikonzo ya mina.
40Hakuva u nzi bohile hi bhandi ga ntamu ga yimpi,
U nzi khozisele lava va nzi vukeleko.
41Wena u nzi hlongolele valala va mina,
Kasi nza fela ku lovisa lava va nzi vengako.
42Va lo languta, kanilezi ku wa nga hi na munhu wa ku va hlanguta.
Va rila ka Jehova, kanilezi a nga va hlamulangi. Joh. 9:31
43Nzi va silile khwatsi hi ntshuri wa misava,
Nzi va pswhinya, nzi va kanzihela khwatsi hi nzhope ya laha ndleleni.
44Wena u nzi tlhatlhisile a kukanetisaneni ka vanhu va mina;
U nzi yimisile a kuva hosi ya vamatiko;
Ni vanhu lava nzi nga kala nzi nga va tivi va nzi khozela.
45A vamatiko va khoza ka mina,
Hi xikhanzakanya xa lezi va zwako ha mina, va ti koramisa.
46A vamatiko va na ni gome,
Va rurumela loku va huma lomu makhokholeni yabye.
47Jehova wa hanya! A gi dumiswe a ribye ga mina!
A kuliswe Nungungulu, a nga ribye ga kuhanyisa ka mina!
48Nungungulu loyi a nzi photelako,
Loyi a nzi khoziselako a matiko;
49Loyi a nzi lwelako ka valala va mina.
U rizi tlakusile nziva hehla ka lava va nzi vukelako;
U nzi ponisile ka wanuna wo leva.
50Hikwalaho, O Jehova, nzi ta ku bonga xikari ka vamatiko,
Nzi yimbelela tisimu ta ku dumisa a vito ga wena. Rom. 15:9
51Yena i ponisile a hosi yakwe hi kuhanyisa ka hombe,
A kombisa wuxinji ka a totilweko wakwe,
Ka Davida ni ka pswalo wakwe kala kupinzuka.
Tshwa Bible © Bible Society in Mozambique, 1972, 2007.