2 Tihosi 8
8
1Makunu Elixa i wa tivisile a wasati loyi a nga mu hanyisela a nʼwana wakwe, aku: Suka ni ngango wa wena u ya luvela lomu u ta nga ku kuma, hakuva Jehova i vitanile a ndlala lomu tikweni; yi tava kona 7 wa malembe. Rute 1:1; 2 Tih. 4:33
2A wasati i lo suka a maha khwatsi hi lezi a munhu wa Nungungulu a mu byelileko. I lo suka ni ngango wakwe a ya luvela le tikweni ga vaFilistia 7 wa malembe:
3Na ku hunzile 7 wa malembe, a wasati i lo wuya hi le tikweni ga vaFilistia aya le hosini a ya kombela a yindlu yakwe ni masimu yakwe.
4Makunu a hosi yi wa wulawula na Gehazi, a nanza ga munhu wa Nungungulu, yiku: Wa nga nzi byela yontlhe mitiro ya hombe leyi Elixa a nga yi maha!
5Laha Gehazi a nga wa hlawutela hosi lezi Elixa a nga hanyisisa zona a mufana loyi a nga wa file, a nyine wa mufana loye i lo kanyuluka a kombela a yindlu yakwe ni masimu yakwe. Gehazi aku: Hosi yanga, hi yaloyi wasati wa kona; ni mufana wa kona hi loyi, loyi a nga hanyiswa hi Elixa.
6Laha a hosi yi nga wutisa wasati loye, i lo yi hlawutela. Zinghaho a hosi yi lo rumela a nanza ku famba naye, aku ka gona: Famba u ya mu tlhelisela zontlhe lezi zi nga wa hi zakwe, ni mihanzu yontlhe leyi yi humileko lomu masinwini yakwe kusukela a siku lego a nga famba ha gona kala nyamutlha lezi.
7Elixa i loya le Damasku. Ben-Hadade a hosi ya le Siria i wa babya! Va lo mu byela, vaku: A munhu wa Nungungulu i chikele lomu!
8A hosi yi te ngalo ka Hazaeli: Teka a zinyikiwo u ya wonana ni munhu wa Nungungulu, u wutisa ha yena ka Jehova, uku: Xana nzi ta kalamuka ka legi wubabyi ke?
9Zinghaho Hazaeli i lo ya wonana naye; i lo teka zontlhe zo saseka za le Damasku zi ringanako ku rwaliwa hi 40 wa makameli; i lo ya chikela a yima mahlweni kakwe, aku: Nʼwana wa wena Ben-Hadade a hosi ya le Siria i nzi rumile ka wena a ku ta ku wutisa lezaku: Xana nzi ta kalamuka ka legi wubabyi ke?
10Elixa i te ngalo kakwe: Famba u ya mu byela ku ngalo: U ta kalamuka; kanilezi Jehova i nzi kombisile lezaku wena u tafa futsi.
11A munhu wa Nungungulu a si mu cwalalala lomu nghoheni yakwe kala ave ni tingana. A munhu wa Nungungulu i lo rila.
12Hazaeli i te ngalo: Hosi yanga, hi yini u rilako? Yena i lo hlamula, aku: Hi lezi nza yi tiva a xapi leyi u ta nga yi maha ka vanana va ka Israeli: u ta hisa a makhokhola yabye, u daya majaha yabye hi tlhari, u pswhandlasela a zivanana zabye, u bhoxetela a marumbu ya vasati vabye va nga ni tinyimba.
13Kanilezi Hazaeli i te ngalo: A nanza ga wena gi ta mahisa kuyini lezo zilo na hi mbyana ya ku tani? Elixa i lo hlamula, aku: Jehova i nzi kombisile lezaku wena u tava hosi ya Siria.
14Zonake Hazaeli i lo suka ka Elixa a wuya ka hosi yakwe, leyi yi nga mu wutisa, yiku: Elixa i ku byelile yini ke? Yena a hlamula, aku: I nzi byelile lezaku hakunene u ta kalamuka.
15Hi siku gi gamelako, Hazaeli i lo teka a kumba a wu peta lomu matini a fenengeta a nghohe ya hosi ha wona, kala yona yifa. Zonake Hazaeli i lo fuma xikhundleni xa yona.
Jehoramu a fumela Juda.
16Hi lembe ga wuntlhanu ga kufuma ka Joramu nʼwana Ahabi a hosi ya ka Israeli, Jehoxafate na hi hosi ya ka Juda, Jehoramu nʼwana wakwe i lo sangula ku fuma.
17I wa hi ni 32 wa malembe laha a nga sangula ku fuma, a fuma le Jerusalema 8 wa malembe.
18I lo lanzela tindlela ta tihosi ta ka Israeli, kota lezi yi nga wa mahile a yindlu ya ka Ahabi, hakuva a sati wakwe i wa hi nwaAhabi. I lo maha lezi zi bihileko mahlweni ka Jehova.
19Hambu lezo, Jehova a nga lavangi ku lovisa Juda, hi kota ya nanza gakwe Davida, khwatsi hi lezi a nga wa mu tsumbisile lezaku i ta mu nyika a kandiya xikari ka vanana vakwe kala kupinzuka. 2 Sam. 7:13, 16; Mav. 13:9
Edomi a vukela Juda.
20Xikhatini xakwe Edomi, i lo hluwuka ka Juda, a ti yimisela a hosi.
21Zonake Joramu i lo hunza le Zaira ni tikareta takwe tontlhe. I lo vuka ni wusiku a hlasela a vaEdomi lava va nga wa mu ranzele, ni tinduna ta tikareta, kanilezi a vanhu vakwe va panzanyeka vaya matendeni yabye.
22Zinghaho Edomi i lo ti hambanyisa na Juda kala nyamutlha lezi. Ka xwalexo xikhati yenawu Libna i lo hluwuka. Gen. 27:40; Jox. 21:13
23A zinwani zimaho za Joramu ni mitiro yakwe zi tsalilwe lomu bhukwini ga Matimu ya tihosi ta ka Juda.
24Joramu i lo etlela zinwe ni vararu vakwe le mutini wa Davida. A nʼwana wakwe Ahazia i lo fuma xikhundleni xakwe.
Ahazia a fumela Juda.
25Hi lembe ga wu 12 ga kufuma ka Joramu nʼwana Ahabi a hosi ya ka Israeli, Ahazia nʼwana Jehoramu a hosi ya ka Juda i lo sangula ku fuma.
26Ahazia i wa hi ni 22 wa malembe laha a nga sangula ku fuma. I lo fuma lembe ginwe le Jerusalema. A vito ga nyine wakwe i wa hi Atalia wa Omri, a hosi ya ka Israeli.
27I lo lanzela mahanyela ya yindlu ya ka Ahabi: i lo maha lezi zi bihileko mahlweni ka Jehova, kota yindlu ya ka Ahabi, hakuva i wa hi mwane wa yindlu leyo.
28I lo hloma zinwe na Joramu nʼwana Ahabi a ku yalwa ha Hazaeli a hosi ya Siria le Ramote-Gileade; kanilezi a maSiria ma lo mu tlhava Joramu.
29Hosi Joramu i lo tlhela a famba le Jezreeli a ku ya chumiwa kona a timbanga leti a maSiria ma nga wa mu tlhavile le Rama, a yimpini leyi va nga yalwa na Hazaeli a hosi ya maSiria. Ahazia nʼwana Jehoramu a hosi ya ka Juda i lo relela aya Jezreeli a ku ya wona Joramu, nʼwana Ahabi, hakuva i wa babya.
Currently Selected:
2 Tihosi 8: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
2 Tihosi 8
8
1Makunu Elixa i wa tivisile a wasati loyi a nga mu hanyisela a nʼwana wakwe, aku: Suka ni ngango wa wena u ya luvela lomu u ta nga ku kuma, hakuva Jehova i vitanile a ndlala lomu tikweni; yi tava kona 7 wa malembe. Rute 1:1; 2 Tih. 4:33
2A wasati i lo suka a maha khwatsi hi lezi a munhu wa Nungungulu a mu byelileko. I lo suka ni ngango wakwe a ya luvela le tikweni ga vaFilistia 7 wa malembe:
3Na ku hunzile 7 wa malembe, a wasati i lo wuya hi le tikweni ga vaFilistia aya le hosini a ya kombela a yindlu yakwe ni masimu yakwe.
4Makunu a hosi yi wa wulawula na Gehazi, a nanza ga munhu wa Nungungulu, yiku: Wa nga nzi byela yontlhe mitiro ya hombe leyi Elixa a nga yi maha!
5Laha Gehazi a nga wa hlawutela hosi lezi Elixa a nga hanyisisa zona a mufana loyi a nga wa file, a nyine wa mufana loye i lo kanyuluka a kombela a yindlu yakwe ni masimu yakwe. Gehazi aku: Hosi yanga, hi yaloyi wasati wa kona; ni mufana wa kona hi loyi, loyi a nga hanyiswa hi Elixa.
6Laha a hosi yi nga wutisa wasati loye, i lo yi hlawutela. Zinghaho a hosi yi lo rumela a nanza ku famba naye, aku ka gona: Famba u ya mu tlhelisela zontlhe lezi zi nga wa hi zakwe, ni mihanzu yontlhe leyi yi humileko lomu masinwini yakwe kusukela a siku lego a nga famba ha gona kala nyamutlha lezi.
7Elixa i loya le Damasku. Ben-Hadade a hosi ya le Siria i wa babya! Va lo mu byela, vaku: A munhu wa Nungungulu i chikele lomu!
8A hosi yi te ngalo ka Hazaeli: Teka a zinyikiwo u ya wonana ni munhu wa Nungungulu, u wutisa ha yena ka Jehova, uku: Xana nzi ta kalamuka ka legi wubabyi ke?
9Zinghaho Hazaeli i lo ya wonana naye; i lo teka zontlhe zo saseka za le Damasku zi ringanako ku rwaliwa hi 40 wa makameli; i lo ya chikela a yima mahlweni kakwe, aku: Nʼwana wa wena Ben-Hadade a hosi ya le Siria i nzi rumile ka wena a ku ta ku wutisa lezaku: Xana nzi ta kalamuka ka legi wubabyi ke?
10Elixa i te ngalo kakwe: Famba u ya mu byela ku ngalo: U ta kalamuka; kanilezi Jehova i nzi kombisile lezaku wena u tafa futsi.
11A munhu wa Nungungulu a si mu cwalalala lomu nghoheni yakwe kala ave ni tingana. A munhu wa Nungungulu i lo rila.
12Hazaeli i te ngalo: Hosi yanga, hi yini u rilako? Yena i lo hlamula, aku: Hi lezi nza yi tiva a xapi leyi u ta nga yi maha ka vanana va ka Israeli: u ta hisa a makhokhola yabye, u daya majaha yabye hi tlhari, u pswhandlasela a zivanana zabye, u bhoxetela a marumbu ya vasati vabye va nga ni tinyimba.
13Kanilezi Hazaeli i te ngalo: A nanza ga wena gi ta mahisa kuyini lezo zilo na hi mbyana ya ku tani? Elixa i lo hlamula, aku: Jehova i nzi kombisile lezaku wena u tava hosi ya Siria.
14Zonake Hazaeli i lo suka ka Elixa a wuya ka hosi yakwe, leyi yi nga mu wutisa, yiku: Elixa i ku byelile yini ke? Yena a hlamula, aku: I nzi byelile lezaku hakunene u ta kalamuka.
15Hi siku gi gamelako, Hazaeli i lo teka a kumba a wu peta lomu matini a fenengeta a nghohe ya hosi ha wona, kala yona yifa. Zonake Hazaeli i lo fuma xikhundleni xa yona.
Jehoramu a fumela Juda.
16Hi lembe ga wuntlhanu ga kufuma ka Joramu nʼwana Ahabi a hosi ya ka Israeli, Jehoxafate na hi hosi ya ka Juda, Jehoramu nʼwana wakwe i lo sangula ku fuma.
17I wa hi ni 32 wa malembe laha a nga sangula ku fuma, a fuma le Jerusalema 8 wa malembe.
18I lo lanzela tindlela ta tihosi ta ka Israeli, kota lezi yi nga wa mahile a yindlu ya ka Ahabi, hakuva a sati wakwe i wa hi nwaAhabi. I lo maha lezi zi bihileko mahlweni ka Jehova.
19Hambu lezo, Jehova a nga lavangi ku lovisa Juda, hi kota ya nanza gakwe Davida, khwatsi hi lezi a nga wa mu tsumbisile lezaku i ta mu nyika a kandiya xikari ka vanana vakwe kala kupinzuka. 2 Sam. 7:13, 16; Mav. 13:9
Edomi a vukela Juda.
20Xikhatini xakwe Edomi, i lo hluwuka ka Juda, a ti yimisela a hosi.
21Zonake Joramu i lo hunza le Zaira ni tikareta takwe tontlhe. I lo vuka ni wusiku a hlasela a vaEdomi lava va nga wa mu ranzele, ni tinduna ta tikareta, kanilezi a vanhu vakwe va panzanyeka vaya matendeni yabye.
22Zinghaho Edomi i lo ti hambanyisa na Juda kala nyamutlha lezi. Ka xwalexo xikhati yenawu Libna i lo hluwuka. Gen. 27:40; Jox. 21:13
23A zinwani zimaho za Joramu ni mitiro yakwe zi tsalilwe lomu bhukwini ga Matimu ya tihosi ta ka Juda.
24Joramu i lo etlela zinwe ni vararu vakwe le mutini wa Davida. A nʼwana wakwe Ahazia i lo fuma xikhundleni xakwe.
Ahazia a fumela Juda.
25Hi lembe ga wu 12 ga kufuma ka Joramu nʼwana Ahabi a hosi ya ka Israeli, Ahazia nʼwana Jehoramu a hosi ya ka Juda i lo sangula ku fuma.
26Ahazia i wa hi ni 22 wa malembe laha a nga sangula ku fuma. I lo fuma lembe ginwe le Jerusalema. A vito ga nyine wakwe i wa hi Atalia wa Omri, a hosi ya ka Israeli.
27I lo lanzela mahanyela ya yindlu ya ka Ahabi: i lo maha lezi zi bihileko mahlweni ka Jehova, kota yindlu ya ka Ahabi, hakuva i wa hi mwane wa yindlu leyo.
28I lo hloma zinwe na Joramu nʼwana Ahabi a ku yalwa ha Hazaeli a hosi ya Siria le Ramote-Gileade; kanilezi a maSiria ma lo mu tlhava Joramu.
29Hosi Joramu i lo tlhela a famba le Jezreeli a ku ya chumiwa kona a timbanga leti a maSiria ma nga wa mu tlhavile le Rama, a yimpini leyi va nga yalwa na Hazaeli a hosi ya maSiria. Ahazia nʼwana Jehoramu a hosi ya ka Juda i lo relela aya Jezreeli a ku ya wona Joramu, nʼwana Ahabi, hakuva i wa babya.
Tshwa Bible © Bible Society in Mozambique, 1972, 2007.