1 Va le Tesalonika 3
3
1Hikwalaho laha hi nga kala hi nga hi nako a ku retsevele, hi te ngalo zi sasekile a kuva hi siyiwa hoce laha Atensi. Miti. 17:15
2Hi lo ruma Timote, a makabye wa hina tlhelo nanza ga Nungungulu ivangelini ya Kristu, lezaku a ta mu tiyisa ni ku mu luleka xungetano ni kukholwa ka nwina, Rom. 16:21; 2 Kor. 1:19
3lezaku ku nga tsekatsekiswi ni munwe hi zixaniso lezi; hakuva ma zi tiva lezaku hina hi yimelwe hi kuva nazo. Joh. 16:33; Miti. 9:16; Efe. 3:13
4Hakuva ni laha hi nga hi zinwe na nwina, hi lo mu byela hi mahlweni lezaku hi ta xaniswa kota lezi zi mahekileko, ma zi tiva na nwinawu. Miti. 20:24
5Hi kota ya lezo laha nzi nga kala nzi nga hi nako a ku retsevele, nzi lo mu ruma lezaku nzi fela ku tiva a kukholwa ka nwina; kutani mu nga ngha mu ringilwe hi muringi, ni ntiro wa hina wu maha wa mahala. 1 Kor. 7:5; Gal. 2:2
6Kanilezi laha Timote na wuyile hi leyo ka nwina, a ta hi bikela a mahungu ya kutsaka ya kukholwa ka nwina ni liranzo la nwina, ni lezaku ma hi alakanya xikhati xontlhe, na mu navela ku hi wona, kota lezi na hinawu hi navelako ku mu wona nwina; Miti. 18:1; Fil. 1:8
7makunu, vamakabye, hi tangalisilwe ha nwina a kuvumaleni kontlhe ka hina ni kuxanisekeni, hi kota ya kukholwa ka nwina.
8Hakuva makunu hina ha hanya, loku mu yimile muku nde Hosini. Fil. 4:1
9Hakuva xana hi nga mu bonga hi yini Nungungulu hi kota ya nwina, hi kota ya kutsaka kontlhe loku hi tsakako ha kona ha nwina mahlweni ka Nungungulu wa hina?
10A mukombelo wa hina mumu ni wusiku, hi lezaku hi fela ku wona a tinghohe ta nwina, ni ku ta engetela ka nwina lezi zi mu kiyelelako kukholweni ka nwina. Miti. 26:7
11Makunu ngha Nungungulu a Dadani wa hina, ni Hosi ya hina Jesu Kristu, va hi lulametela a ndlela ya kuta ka nwina.
12Ngha a Hosi yi mu enzelekisa mu anza liranzweni la kuranzana, ni ku ranza vanhu vontlhe, kota lezi hina hi mu ranzako;
13kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14
Currently Selected:
1 Va le Tesalonika 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
1 Va le Tesalonika 3
3
1Hikwalaho laha hi nga kala hi nga hi nako a ku retsevele, hi te ngalo zi sasekile a kuva hi siyiwa hoce laha Atensi. Miti. 17:15
2Hi lo ruma Timote, a makabye wa hina tlhelo nanza ga Nungungulu ivangelini ya Kristu, lezaku a ta mu tiyisa ni ku mu luleka xungetano ni kukholwa ka nwina, Rom. 16:21; 2 Kor. 1:19
3lezaku ku nga tsekatsekiswi ni munwe hi zixaniso lezi; hakuva ma zi tiva lezaku hina hi yimelwe hi kuva nazo. Joh. 16:33; Miti. 9:16; Efe. 3:13
4Hakuva ni laha hi nga hi zinwe na nwina, hi lo mu byela hi mahlweni lezaku hi ta xaniswa kota lezi zi mahekileko, ma zi tiva na nwinawu. Miti. 20:24
5Hi kota ya lezo laha nzi nga kala nzi nga hi nako a ku retsevele, nzi lo mu ruma lezaku nzi fela ku tiva a kukholwa ka nwina; kutani mu nga ngha mu ringilwe hi muringi, ni ntiro wa hina wu maha wa mahala. 1 Kor. 7:5; Gal. 2:2
6Kanilezi laha Timote na wuyile hi leyo ka nwina, a ta hi bikela a mahungu ya kutsaka ya kukholwa ka nwina ni liranzo la nwina, ni lezaku ma hi alakanya xikhati xontlhe, na mu navela ku hi wona, kota lezi na hinawu hi navelako ku mu wona nwina; Miti. 18:1; Fil. 1:8
7makunu, vamakabye, hi tangalisilwe ha nwina a kuvumaleni kontlhe ka hina ni kuxanisekeni, hi kota ya kukholwa ka nwina.
8Hakuva makunu hina ha hanya, loku mu yimile muku nde Hosini. Fil. 4:1
9Hakuva xana hi nga mu bonga hi yini Nungungulu hi kota ya nwina, hi kota ya kutsaka kontlhe loku hi tsakako ha kona ha nwina mahlweni ka Nungungulu wa hina?
10A mukombelo wa hina mumu ni wusiku, hi lezaku hi fela ku wona a tinghohe ta nwina, ni ku ta engetela ka nwina lezi zi mu kiyelelako kukholweni ka nwina. Miti. 26:7
11Makunu ngha Nungungulu a Dadani wa hina, ni Hosi ya hina Jesu Kristu, va hi lulametela a ndlela ya kuta ka nwina.
12Ngha a Hosi yi mu enzelekisa mu anza liranzweni la kuranzana, ni ku ranza vanhu vontlhe, kota lezi hina hi mu ranzako;
13kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.