1 Samueli 4
4
Israeli alwa ni vaFilistia.
1Makunu a va ka Israeli va lo huma ku yalwa ni vaFilistia, va ya gova hi le Ebenezeri. A vaFilistia va lo gova hi le Afeka.
2A vaFilistia va lo ti longisela kulwa ni va ka Israeli. Laha va nga tlhangana, a va ka Israeli va lo hluliwa hi vaFilistia, ku dawa kusuhani ka 4,000 wa vanhu.
3Laha vanhu va nga wa tlhelele wugovelweni, a masingalakati ya ka Israeli ma te ngalo: Hi kuyini Jehova a hi tsikileko nyamutlha hi hluliwa hi vaFilistia? A hi yeni le Xilo hi ya teka a arke ga xivumelwano xa Jehova hi ta gi veka xikari ka hina, kasi ga hi hlanguta mandleni ya valala va hina.
4Zinghaho va lo rumela vanhu le Xilo va ya teka a arke ga xivumelwano xa Jehova wa tiyimpi, loyi a tshamako xikari ka makerubima. A vana va Eli va vambiri, Hofeni na Fineasi, va lo lanza a arke ga xivumelwano xa Nungungulu. Ekso. 25:17
5Laha a arke ga xivumelwano xa Jehova gi nga wa chikele lomu wugovelweni, a vontlhe vaIsraeli va lo hlalela hi guwa ga hombe ga kutsaka laha kaku ni misava yi tsekatseka.
6Laha a vaFilistia va ngazwa a guwa ga kuhlalela, va te ngalo: I guwa ga yini lego gi zwalako le wugovelweni ga vaHeberu? Va lo byeliwa lezaku i arke ga Jehova gi nga chikela lomu wugovelweni gabye.
7Zonake a vaFilistia va lo chava, hakuva va waku: Nungungulu i tile lomu wugovelweni gabye. Niku ngalo: Khombo ka hina! Hakuva a ku na nga maheka zo kota lezi ka masiku ma hunzileko.
8Khombo ka hina! Himani a ta nga hi hlanguta canjeni ga Nungungulu loye wa ntamu? Hi yena Nungungulu loye a nga hlasela vaGipite hi makhombo ya tixakaxaka le xiwuleni.
9Tiyani vaFilistia, muva vavanuna, kasi mu nga fumelwi hi vaHeberu khwatsi hi lezi nwinawu mu va fumelako. Hikwalaho tiyani muiwa.
10A vaFilistia va lolwa ni va ka Israeli; a va ka Israeli va lo hluliwa, va panzanyeka, loyi ni loyi a tsutsumela tendeni gakwe. Ku wa hi kuhlaselwa ka ntamu, hakuva ku lo dawa 30,000 wa vavanuna va hlomileko va ka Israeli.
11A arke ga Nungungulu gi lo tekiwa, ku dawa ni vafana va Eli va vambiri, Hofeni na Fineasi.
12Ku lo tsutsuma a munhu wa ka Benjamini na sukela laha yimpini, a ya le Xilo gwalego siku, a tinguwo takwe na ti hanzulelwe, na hi ni misava hlokweni yakwe. Jox. 7:6; 2 Sam. 1:2
13Na a ha chikela, i lo wona Eli na tshamile xitshanwini xakwe a cuwuka ndleleni, hakuva a mbilu yakwe yi wa karateka hi kota ya arke ga Nungungulu. Loku munhu loye a chikele mutini, i lo va byela timhaka leto; a muti wontihe wu lo rila.
14Laha Eli a ngazwa a mikosini te ngalo: A guwa lego ga pfilupfilu, xini xi nga maheka? Ku lo hatlisa munhu a ya byela Eli a timhaka tontlhe.
15Eli i wa hi ni 98 wa malembe, ni mahlo yakwe ma wa file, a nga ha woni.
16A munhu loye aku ka Eli: Hi mina loyi nzi tako hi le yimpini; nzi tsutsumile nyamutlha lezi hi kwale yimpini. Eli aku: Mahungu muni u nga nawo, nwananga?
17A ntsumi wu hlamula, Wuku: Israeli i panzanyekile mahlweni ka vaFilistia; ku file vanhu vanyingi, ku patsa ni vana va wena va vambiri, Hofeni na Fineasi. Ni arke ga Nungungulu gi tekilwe.
18Laha a nga kumbuka a arke ga Nungungulu, Eli a su gangatsala ha xinzhakwani, na awa hi laha ka xitshamu xakwe kusuhani ni nyangwa; i lo tshoveka nhamu yakwe afa, hakuva i wa khosahele, na hi wo tika. I lo lamula Israeli 40 wa malembe.
19A katamwane wakwe, a sati wa Fineasi, i wa sikile, na hi kusuhani ni ku hefemula. Makunu laha a ngazwa mahungu yaku a arke ga Nungungulu gi tekilwe, ni lezaku a nwingi wakwe ni nuna wakwe va file, i lo korama lahasi a hefemula, hakuva zalezo i lo sangula hi kulunwa.
20Laha a nga hi kusuhani ni kufa, a vavasati lava va nga wa hi laho va te ngalo kakwe: U nga chavi, hakuva u pswele mufana. Kanilezi yena a nga hlamulangi nchumu, ge hambu ku zi khatalela. Gen. 35:17
21I lo chula nwanana a vito ga Ikabode, hakuva i te ngalo: A wudumo gi sukile ka Israeli, hi lezi a arke ga Nungungulu gi tekilwe, ni nwingi wakwe ni nuna wakwe.
22I te ngalo: A wudumo ga Israeli gi sukile, hakuva a arke ga Nungungulu gi tekilwe.
Currently Selected:
1 Samueli 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
1 Samueli 4
4
Israeli alwa ni vaFilistia.
1Makunu a va ka Israeli va lo huma ku yalwa ni vaFilistia, va ya gova hi le Ebenezeri. A vaFilistia va lo gova hi le Afeka.
2A vaFilistia va lo ti longisela kulwa ni va ka Israeli. Laha va nga tlhangana, a va ka Israeli va lo hluliwa hi vaFilistia, ku dawa kusuhani ka 4,000 wa vanhu.
3Laha vanhu va nga wa tlhelele wugovelweni, a masingalakati ya ka Israeli ma te ngalo: Hi kuyini Jehova a hi tsikileko nyamutlha hi hluliwa hi vaFilistia? A hi yeni le Xilo hi ya teka a arke ga xivumelwano xa Jehova hi ta gi veka xikari ka hina, kasi ga hi hlanguta mandleni ya valala va hina.
4Zinghaho va lo rumela vanhu le Xilo va ya teka a arke ga xivumelwano xa Jehova wa tiyimpi, loyi a tshamako xikari ka makerubima. A vana va Eli va vambiri, Hofeni na Fineasi, va lo lanza a arke ga xivumelwano xa Nungungulu. Ekso. 25:17
5Laha a arke ga xivumelwano xa Jehova gi nga wa chikele lomu wugovelweni, a vontlhe vaIsraeli va lo hlalela hi guwa ga hombe ga kutsaka laha kaku ni misava yi tsekatseka.
6Laha a vaFilistia va ngazwa a guwa ga kuhlalela, va te ngalo: I guwa ga yini lego gi zwalako le wugovelweni ga vaHeberu? Va lo byeliwa lezaku i arke ga Jehova gi nga chikela lomu wugovelweni gabye.
7Zonake a vaFilistia va lo chava, hakuva va waku: Nungungulu i tile lomu wugovelweni gabye. Niku ngalo: Khombo ka hina! Hakuva a ku na nga maheka zo kota lezi ka masiku ma hunzileko.
8Khombo ka hina! Himani a ta nga hi hlanguta canjeni ga Nungungulu loye wa ntamu? Hi yena Nungungulu loye a nga hlasela vaGipite hi makhombo ya tixakaxaka le xiwuleni.
9Tiyani vaFilistia, muva vavanuna, kasi mu nga fumelwi hi vaHeberu khwatsi hi lezi nwinawu mu va fumelako. Hikwalaho tiyani muiwa.
10A vaFilistia va lolwa ni va ka Israeli; a va ka Israeli va lo hluliwa, va panzanyeka, loyi ni loyi a tsutsumela tendeni gakwe. Ku wa hi kuhlaselwa ka ntamu, hakuva ku lo dawa 30,000 wa vavanuna va hlomileko va ka Israeli.
11A arke ga Nungungulu gi lo tekiwa, ku dawa ni vafana va Eli va vambiri, Hofeni na Fineasi.
12Ku lo tsutsuma a munhu wa ka Benjamini na sukela laha yimpini, a ya le Xilo gwalego siku, a tinguwo takwe na ti hanzulelwe, na hi ni misava hlokweni yakwe. Jox. 7:6; 2 Sam. 1:2
13Na a ha chikela, i lo wona Eli na tshamile xitshanwini xakwe a cuwuka ndleleni, hakuva a mbilu yakwe yi wa karateka hi kota ya arke ga Nungungulu. Loku munhu loye a chikele mutini, i lo va byela timhaka leto; a muti wontihe wu lo rila.
14Laha Eli a ngazwa a mikosini te ngalo: A guwa lego ga pfilupfilu, xini xi nga maheka? Ku lo hatlisa munhu a ya byela Eli a timhaka tontlhe.
15Eli i wa hi ni 98 wa malembe, ni mahlo yakwe ma wa file, a nga ha woni.
16A munhu loye aku ka Eli: Hi mina loyi nzi tako hi le yimpini; nzi tsutsumile nyamutlha lezi hi kwale yimpini. Eli aku: Mahungu muni u nga nawo, nwananga?
17A ntsumi wu hlamula, Wuku: Israeli i panzanyekile mahlweni ka vaFilistia; ku file vanhu vanyingi, ku patsa ni vana va wena va vambiri, Hofeni na Fineasi. Ni arke ga Nungungulu gi tekilwe.
18Laha a nga kumbuka a arke ga Nungungulu, Eli a su gangatsala ha xinzhakwani, na awa hi laha ka xitshamu xakwe kusuhani ni nyangwa; i lo tshoveka nhamu yakwe afa, hakuva i wa khosahele, na hi wo tika. I lo lamula Israeli 40 wa malembe.
19A katamwane wakwe, a sati wa Fineasi, i wa sikile, na hi kusuhani ni ku hefemula. Makunu laha a ngazwa mahungu yaku a arke ga Nungungulu gi tekilwe, ni lezaku a nwingi wakwe ni nuna wakwe va file, i lo korama lahasi a hefemula, hakuva zalezo i lo sangula hi kulunwa.
20Laha a nga hi kusuhani ni kufa, a vavasati lava va nga wa hi laho va te ngalo kakwe: U nga chavi, hakuva u pswele mufana. Kanilezi yena a nga hlamulangi nchumu, ge hambu ku zi khatalela. Gen. 35:17
21I lo chula nwanana a vito ga Ikabode, hakuva i te ngalo: A wudumo gi sukile ka Israeli, hi lezi a arke ga Nungungulu gi tekilwe, ni nwingi wakwe ni nuna wakwe.
22I te ngalo: A wudumo ga Israeli gi sukile, hakuva a arke ga Nungungulu gi tekilwe.
Tshwa Bible © Bible Society in Mozambique, 1972, 2007.