1 Samueli 2
2
1Hana i lo khongela, aku:
A mbilu ya mina yi tsakela Jehova.
A limhonzo la mina li tlakusilwe hi Jehova,
A nomu wa mina wu ahlamele a valala va mina;
Hakuva nza bhuma lomu kuhanyiseni ka wena.
2Ku hava a basileko khwatsi hi Jehova;
Hakuva a nga kona munwani ahandle ka wena;
Ge hambu kuva kona ginwani ribye go fana ni Nungungulu wa hina.
3Mu nga ha engeti mu wulawula hi matshanza,
Ni wuxezi gi nga ha humi nonwini wa nwina;
Hakuva Jehova i Nungungulu loyi a tivako zontlhe.
Hi yena loyi a ringanyisako zimaho za vanhu.
4A mawura ya tinhenha ma tshobyilwe;
Kanilezi lava va nga khunguvanyeka va ti boha hi ntamu.
5Lava va nga wa xurile va tirela zibaba,
Lava va nga hi ni ndlala va humule.
Ina, a ngonwa yi pswele ntlhanu ni kumbiri,
Kanilezi loyi a nga ni vanana vo tala wa hloka.
6Jehova wa daya, wa hanyisa,
Wa releta vanhu le Xeole, wa va humesa.
7Jehova wa vanga wusiwana, wa fumisa;
Jehova wa tsongahata, ni kambe wa tlakusa.
8Wa humesa xisiwana lomu tshurini,
Wa tsawula muvumali lomu maropeni,
A va tshamisa zinwe ni tihosi,
Ni ku va nyika a tshomba ya xitshamu xa wukosi.
Hakuva a ziseketelo za misava za Jehova,
I yimisile misava hehla ka zona.
9Wa hlayisa a mikonzo ya lava va kubasa vakwe,
Kanilezi a vakubiha va ta lova lomu munyameni;
Hakuva a munhu a nga ta humelela hi ntamu wakwe.
10A valala va Jehova va ta pswandlaswa,
I ta va dzinzela na hi tilweni.
Jehova i ta lamula a magumeso ya misava;
I ta nyika ntamu ka hosi yakwe,
A tlakusa a limhonzo la a totilweko wakwe.
11Elkana i lo tlhelela kaya kakwe le Rama. A nwanana a sala a vunetela ntirweni wa Jehova mahlweni ka mupristi Eli.
A zigoho za Eli ni nuna vakwe.
12A vana va Eli va wa hi vavanuna vo biha. Va wa nga mu tivi Jehova.
13A tolovelo ya vapristi xikari ka vanhu, yi wa hi leyi: Loku a munhu a nyikela muphahlelo, a nanza ga mupristi gi wota ni foloko ga mizwa minharu a xikhati a nyama yi vilako; Levi 7:34; 10:14
14zonake gi ta tlhava a nyama lomu mbiteni, kutani lomu ka galango, kutani lomu ka guwana, kutani lomu ka bhota, zontlhe lezi a foloko gi zi kotako ku humesa, a mupristi i wa teka. Va wa maha lezo ka vontlhe va ka Israeli lava va nga wata le Xilo.
15Ina, hambu mafura ma nga se hiswa, a nanza ga mupristi gi wata ka munhu loye a nyikelako muphahlelo, gi taku: Nzi nyike nyama nzi ta ya katingela mupristi, hakuva a nga lavi u mu nyika hi leʼyo bhikiwa, saseka ya yimbisi.
16Ku waku loku munhu a hlamula, aku: Va ha ta hisa mafura, zonake u ta teka leyi u ta nga yi lava, gona giku: Hatlisa u nzi nyika! Loku u nga nzi nyiki, nzi ta wutla.
17A kubiha ka majaha lawo ku wa hi ka hombe nguvu mahlweni ka Jehova, hakuva va wa kanyisa munyikelo wa Jehova.
18Kanilezi Samueli i wa khozela mahlweni ka Jehova na a ha hi nwanana, a ambala a efode ya wukene. Ekso. 28:4, 6
19A nyine wakwe kambe i wa mu rungela a nghanjwana lembe ni lembe, a ta mu nyika xikhati lexo a tako ni nuna wakwe ku ta nyikela miphahlelo ya lembe ni lembe.
20Eli i lo katekisa Elkana ni sati wakwe, aku: Jehova a ku nyike vana hi ka loyi wasati vo valeta loyi a nga mu kombela ka Jehova; zonake va lo tlhela kaya.
21Jehova i lo enzela Hana, a xura tinyimba a pswala vafana vanharu ni vanhanyana vambiri. Kanilezi mufana Samueli i lo kulela mahlweni ka Jehova.
22Makunu Eli i wa khosahele nguvu. I lozwa zontlhe lezi a vana vakwe va nga wa zi maha ka vontlhe vaIsraeli, ni lezaku va etlela ni vavasati lava va tirako laha nyangweni ya tenda ga mutlhangano.
23Yena aku ka vona: Hi yini mu mahako za ku nghaho ke? Hakuva a vanhu vontlhe va wulawula hi zimaho za nwina zo biha.
24A hi zinene vana vanga; lezi nzi zi zwako a zi lulamangi, hakuva ma gohisa a vanhu va Jehova.
25Loku a munhu a gohela munhukulobye, Nungungulu i ta mu lamula. Kanilezi loku a gohela Jehova, himani a ta nga mu khongelela ke? Ahembaloko, a va ingisangi a gezu ga raru wabye, hakuva Jehova i wa xuvile ku va lovisa.
26Mufana Samueli yena i wa kula na a xalalisa Jehova ni vanhu kambe. Lu. 2:40, 52
27Zonake ku lota a munhu wa Nungungulu ka Eli, a taku: Jehova i ngalo: Xana a nzi ti wonekelisangi ka yindlu ya raru wa wena laha va nga hi le Gipite lomu ndlwini ya Faro ke?
28Nzi wuya nzi mu hlawula xikari ka tontlhe tixaka ta ka Israeli lezaku a maha mupristi wa mina ni kuva a phahlela le alatini ga mina, ni ku hisa tibani to nuhela, ni ku ambala a efode mahlweni ka mina. Xana a nzi nyikangi ka yindlu ya raru wa wena yontlhe miphahlelo leyi yi hiswako hi va ka Israeli ke?
29Hi kuyini mu kanzihelako a miphahlelo ya mina ni minyikelo ya mina, lezi nzi leleteleko a kuva zi nyikelwa lomu ndlwini ya mina ke? U dzunzile a vana va wena ku hunza mina, mu ti kulukisa hi milangelwa ya minyikelo yontlhe ya vanhu va mina va ka Israeli.
30Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.
31A masiku mata, lawa nzi ta nga tsema ha wona a woko ga wena ni woko ga yindlu ya raru wa wena, kasi ku ngavi kona a munhu wo khosahala lomu ndlwini ya wena.
32Wena u ta wona kuxaniseka ka yindlu ya mina xikhatini lexo Israeli a ta nga nyikiwa makatekwa. Cima ku nga ha tava kona a xikhosana lomu ndlwini ya wena kala kupinzuka.
33A munwe wa vanhu va wena, loyi nzi to kala nzi nga mu susi alatini ga mina, i ta hisa a mahlo ya wena ni ku gisa mbhukutsa muhefemulo wa wena. Kanilezi a vanhu vontlhe va yindlu ya wena va tafa na va nga se ku khosahala.
34A xikombiso xa kona, u ta wona ni vana va wena, Hofeni na Fineasi, hi wumbiri gabye va tafa siku ginwe.
35Mina nzi ta ti yimisela a mupristi a tsumbekileko, loyi a ta nga maha zontlhe za kuranza ka mbilu ya mina ni muhefemulo wa mina; nzi ta mu akela a yindlu yi tiyileko, zonake i ta famba mahlweni ka a totilweko wa mina kala kupinzuka.
36Kanilezi lava va ta nga sala lomu ndlwini ya wena, a munwe ni munwani i ta ta korama mahlweni kakwe, kasi va fela ku kuma malanyana ni kowo wa xibaba. Va tata, va taku: Nzi nghenise ka wunwani ntiro wa wupristi, kasi nzi fela ku kuma xibabanyana nziga.
Currently Selected:
1 Samueli 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
1 Samueli 2
2
1Hana i lo khongela, aku:
A mbilu ya mina yi tsakela Jehova.
A limhonzo la mina li tlakusilwe hi Jehova,
A nomu wa mina wu ahlamele a valala va mina;
Hakuva nza bhuma lomu kuhanyiseni ka wena.
2Ku hava a basileko khwatsi hi Jehova;
Hakuva a nga kona munwani ahandle ka wena;
Ge hambu kuva kona ginwani ribye go fana ni Nungungulu wa hina.
3Mu nga ha engeti mu wulawula hi matshanza,
Ni wuxezi gi nga ha humi nonwini wa nwina;
Hakuva Jehova i Nungungulu loyi a tivako zontlhe.
Hi yena loyi a ringanyisako zimaho za vanhu.
4A mawura ya tinhenha ma tshobyilwe;
Kanilezi lava va nga khunguvanyeka va ti boha hi ntamu.
5Lava va nga wa xurile va tirela zibaba,
Lava va nga hi ni ndlala va humule.
Ina, a ngonwa yi pswele ntlhanu ni kumbiri,
Kanilezi loyi a nga ni vanana vo tala wa hloka.
6Jehova wa daya, wa hanyisa,
Wa releta vanhu le Xeole, wa va humesa.
7Jehova wa vanga wusiwana, wa fumisa;
Jehova wa tsongahata, ni kambe wa tlakusa.
8Wa humesa xisiwana lomu tshurini,
Wa tsawula muvumali lomu maropeni,
A va tshamisa zinwe ni tihosi,
Ni ku va nyika a tshomba ya xitshamu xa wukosi.
Hakuva a ziseketelo za misava za Jehova,
I yimisile misava hehla ka zona.
9Wa hlayisa a mikonzo ya lava va kubasa vakwe,
Kanilezi a vakubiha va ta lova lomu munyameni;
Hakuva a munhu a nga ta humelela hi ntamu wakwe.
10A valala va Jehova va ta pswandlaswa,
I ta va dzinzela na hi tilweni.
Jehova i ta lamula a magumeso ya misava;
I ta nyika ntamu ka hosi yakwe,
A tlakusa a limhonzo la a totilweko wakwe.
11Elkana i lo tlhelela kaya kakwe le Rama. A nwanana a sala a vunetela ntirweni wa Jehova mahlweni ka mupristi Eli.
A zigoho za Eli ni nuna vakwe.
12A vana va Eli va wa hi vavanuna vo biha. Va wa nga mu tivi Jehova.
13A tolovelo ya vapristi xikari ka vanhu, yi wa hi leyi: Loku a munhu a nyikela muphahlelo, a nanza ga mupristi gi wota ni foloko ga mizwa minharu a xikhati a nyama yi vilako; Levi 7:34; 10:14
14zonake gi ta tlhava a nyama lomu mbiteni, kutani lomu ka galango, kutani lomu ka guwana, kutani lomu ka bhota, zontlhe lezi a foloko gi zi kotako ku humesa, a mupristi i wa teka. Va wa maha lezo ka vontlhe va ka Israeli lava va nga wata le Xilo.
15Ina, hambu mafura ma nga se hiswa, a nanza ga mupristi gi wata ka munhu loye a nyikelako muphahlelo, gi taku: Nzi nyike nyama nzi ta ya katingela mupristi, hakuva a nga lavi u mu nyika hi leʼyo bhikiwa, saseka ya yimbisi.
16Ku waku loku munhu a hlamula, aku: Va ha ta hisa mafura, zonake u ta teka leyi u ta nga yi lava, gona giku: Hatlisa u nzi nyika! Loku u nga nzi nyiki, nzi ta wutla.
17A kubiha ka majaha lawo ku wa hi ka hombe nguvu mahlweni ka Jehova, hakuva va wa kanyisa munyikelo wa Jehova.
18Kanilezi Samueli i wa khozela mahlweni ka Jehova na a ha hi nwanana, a ambala a efode ya wukene. Ekso. 28:4, 6
19A nyine wakwe kambe i wa mu rungela a nghanjwana lembe ni lembe, a ta mu nyika xikhati lexo a tako ni nuna wakwe ku ta nyikela miphahlelo ya lembe ni lembe.
20Eli i lo katekisa Elkana ni sati wakwe, aku: Jehova a ku nyike vana hi ka loyi wasati vo valeta loyi a nga mu kombela ka Jehova; zonake va lo tlhela kaya.
21Jehova i lo enzela Hana, a xura tinyimba a pswala vafana vanharu ni vanhanyana vambiri. Kanilezi mufana Samueli i lo kulela mahlweni ka Jehova.
22Makunu Eli i wa khosahele nguvu. I lozwa zontlhe lezi a vana vakwe va nga wa zi maha ka vontlhe vaIsraeli, ni lezaku va etlela ni vavasati lava va tirako laha nyangweni ya tenda ga mutlhangano.
23Yena aku ka vona: Hi yini mu mahako za ku nghaho ke? Hakuva a vanhu vontlhe va wulawula hi zimaho za nwina zo biha.
24A hi zinene vana vanga; lezi nzi zi zwako a zi lulamangi, hakuva ma gohisa a vanhu va Jehova.
25Loku a munhu a gohela munhukulobye, Nungungulu i ta mu lamula. Kanilezi loku a gohela Jehova, himani a ta nga mu khongelela ke? Ahembaloko, a va ingisangi a gezu ga raru wabye, hakuva Jehova i wa xuvile ku va lovisa.
26Mufana Samueli yena i wa kula na a xalalisa Jehova ni vanhu kambe. Lu. 2:40, 52
27Zonake ku lota a munhu wa Nungungulu ka Eli, a taku: Jehova i ngalo: Xana a nzi ti wonekelisangi ka yindlu ya raru wa wena laha va nga hi le Gipite lomu ndlwini ya Faro ke?
28Nzi wuya nzi mu hlawula xikari ka tontlhe tixaka ta ka Israeli lezaku a maha mupristi wa mina ni kuva a phahlela le alatini ga mina, ni ku hisa tibani to nuhela, ni ku ambala a efode mahlweni ka mina. Xana a nzi nyikangi ka yindlu ya raru wa wena yontlhe miphahlelo leyi yi hiswako hi va ka Israeli ke?
29Hi kuyini mu kanzihelako a miphahlelo ya mina ni minyikelo ya mina, lezi nzi leleteleko a kuva zi nyikelwa lomu ndlwini ya mina ke? U dzunzile a vana va wena ku hunza mina, mu ti kulukisa hi milangelwa ya minyikelo yontlhe ya vanhu va mina va ka Israeli.
30Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.
31A masiku mata, lawa nzi ta nga tsema ha wona a woko ga wena ni woko ga yindlu ya raru wa wena, kasi ku ngavi kona a munhu wo khosahala lomu ndlwini ya wena.
32Wena u ta wona kuxaniseka ka yindlu ya mina xikhatini lexo Israeli a ta nga nyikiwa makatekwa. Cima ku nga ha tava kona a xikhosana lomu ndlwini ya wena kala kupinzuka.
33A munwe wa vanhu va wena, loyi nzi to kala nzi nga mu susi alatini ga mina, i ta hisa a mahlo ya wena ni ku gisa mbhukutsa muhefemulo wa wena. Kanilezi a vanhu vontlhe va yindlu ya wena va tafa na va nga se ku khosahala.
34A xikombiso xa kona, u ta wona ni vana va wena, Hofeni na Fineasi, hi wumbiri gabye va tafa siku ginwe.
35Mina nzi ta ti yimisela a mupristi a tsumbekileko, loyi a ta nga maha zontlhe za kuranza ka mbilu ya mina ni muhefemulo wa mina; nzi ta mu akela a yindlu yi tiyileko, zonake i ta famba mahlweni ka a totilweko wa mina kala kupinzuka.
36Kanilezi lava va ta nga sala lomu ndlwini ya wena, a munwe ni munwani i ta ta korama mahlweni kakwe, kasi va fela ku kuma malanyana ni kowo wa xibaba. Va tata, va taku: Nzi nghenise ka wunwani ntiro wa wupristi, kasi nzi fela ku kuma xibabanyana nziga.
Tshwa Bible © Bible Society in Mozambique, 1972, 2007.