Levhi 7
7
Phaso nya gulivbe sighoho
(Levhi 5:14-19)
1Oyu khu nayo nya miphaso nya gulivbe milandru; gilo gi agidego ngudzu. 2Girengo nya phaso nya gulivbe milandru, gi na paywa wulangani si payedwago avbo sirengo nya miphaso nya guvbiswe, novba wakone wu na mitegedzedwa wubambe nya giluvelo. 3Hwane nya ugo, gu na ningedwa mafura yatshavbo: Ngila ni mafura ma fumbelago mahembe, 4ni dzitshwa dza dzimbili ni mafura ma dzi fumbelago mugiwununi ni mafura ma fumbelago libindri si na duswa gumogo ni dzitshwa. 5Muphasi nya mhamba a na vbisa satshavbo vbatshani nya giluvelo gasi gu gira phaso wu vbisedwago Pfhumu Nungungulu. Owu khu phaso nya gulivbe milandru. 6Nyama nya miphaso yi na hodzwa basi khu vama va nyumbani nya wuphasi nya mhamba. Yi na hodzedwa wulangani nya guage, kholu gilo gi agidego ngudzu. 7Nayo nya miphaso nya gulivbe milandru wu ngu fanana ni owu nya miphaso nya ditshedzo. Nyama nya miphaso ya gu lumba muphasi a thangelago mhamba. 8A guta muthu a ta bikela girengo nya phaso nya guvbiswe, lidowo lakone nya girengo la gu lumba muphasi nya mhamba a thangelago thumo nya phaso. 9Kha nga gambe miphaso yatshavbo nya dzimbewu dzi vawudwago mwendro gu phudwa khalini, mwendro dzi gadzingwago tindzaloni, dzi na lumba muphasi nya mhamba a ningelago phaso. 10Aholu miphaso yatshavbo nya dzimbewu, nya wuguvbi wu pfangidwego ni mafura, mwendro nya fudzudzu ya gu lumba sanana satshavbo sa Aroni, va pimedwa idzosaye.
Phaso nya pwanano
(Levhi 3:1-17; 22:17-25)
11Eyi khu milayo nya ningelo nya miphaso nya pwanano#7:11 Phaso nya Pwanano, mwendro pwani nya wuhengeli, mwendro pwani nya gurule. yi yelago gu bikedwa ga Pfhumu Nungungulu: 12Wa gu bikedwa gumogo ni phaso nya gubonge, gu na ningedwa gumogo ni girengo nya miphaso nya gubonge, sibaba nyambana mela, nya gusugwe khu mafura, ni mikati nyambana mela yi naganisidwego khu mafura, ni wuguvbi nya gudadatwe, ni dzifiyoso nya guthedwe mafura. 13Gumogo ni girengo nya phaso nya pwanano egi muthu a ningelago khu gubonga.#7:13 Miphaso nya gubonge ni miphaso nya gurungudze: Matamo nya miphaso nya patano (pwanano) yi embeledwago ngudzu umo nya dzindzimo (Dzind 50:14-23; Dzind 56:12; Dzind 105, 106, 107.) Gu di paywa girengo na gu girwa phaso nya gubonge, nyama yi di hodzwa litshigu la limwedo. Pfhumu Nungungulu, fanede gu dusa gambe sibaba nya guthedwe mela. 14Gu na duswa gibaba gimwegyo avba nya ningelo ni ningelo gasi gu livba gikhaba ga Pfhumu Nungungulu, gi na lumba muphasi nya mhamba a na gu mitegedzelago novba nya girengo nya miphaso nya pwanano. 15Aholu nyama nya miphaso yeyi nya gubonge, yi na hodzwa litshigu lolo yi bikedwago mhamba. Gu nga tshuki gu tshidwa gilo kala litshigu li handzamedzago#7:15 Gu nga thsuki gu tshidwa gilo kala litshigu li handzamedzago. Nayo wowu wu vegidwe gasi gu himbedzela gu hinisa silo nya miphaso. 16A gu bani ari phaso owu muthu a wu bikelago khu kotani nya gisambanyo a giridego, mwendro khu gudzina gwaye basi, wu na hodzwa litshigu lolo wu ningedwago, aholu esi si tshalago si na hodzwa khu mindru gakone. 17Aholu nyama nya miphaso ya gu tshala kala litshigu nya wuraru, yi na vbiswa niloni. 18Ya gu kala nyama yakone nya phaso wowu yi hodzwa khu muthu, hwane nya gu bani na gu vbindride matshigu mararu, oyu a wu bikelago, gima kha na nga hakha makategwa; phaso waye wu na bani wu nyenyezide, oyu a hodzago nyama yakone a na rwala nandru waye.
19Nyama ya gu khuhana ni gilo gi nyenyezidego, kha yi na hodzwa khu muthu, yi na vbiswa niloni. Muthu watshavbo agidego a ngu dzi kodza gu hodza nyama nya miphaso nya pwanano. 20Aholu muthu moyo a nyenyezidego, a gu hodza nyama nya miphaso nya pwanano, a na fuviswa vbakari ga vathu vaye. 21Muthu a gu kuha gilo nya gunyenyeze, mwendro ndzilo nya muthu, mwendro girengo nya gunyenyeze, mwendro ni gevbini gilo gi nyenyezidego, a khuga khavbo aya hodza nyama nya phaso nya pwanano, wu bikedwego ga Pfhumu Nungungulu, muthu yoyo a na fuviswa vbakari ga vathu vaye.
Guhimbedzwa gu hodza mafura ni novba
22 Pfhumu Nungungulu a di embela gambe Mosi, khuye: 23“Ganela u embela sanana sa Israyeli, khuwe: Mu nga hodzi mafura nya mombe, mwendro nya nvuta, mwendro nya phongo. 24Mafura nya gifuyo gi ngafago gyabune, mwendro gi nga songwago khu sirengo nya likhabi, mu na ma thumisa ga yimbe mithumo yatshavbo, aholu mu nga hodzini. 25Kholu oyu a hodzago mafura nya sirengo va payidego va gira miphaso nya guvbisedwe Pfhumu Nungungulu, muthu yoyo, a na fuviswe vbakari nya vathu vaye. 26Ni evbini mu na gu vbahago avbo, mu nga hodzi novba nya sinyoni mwendro nya gifuyo. 27#Wona gambe: Gen 9:4; Levh 17:10-14; 19:26; Dhet 12:16,23; 15:23. Muthu watshavbo a hodzago novba gani khwa lifumbu muni, fanede gu fuviswa vbakari nya vathu vaye.”
Gipandre gi lumbago vaphasi nya mhamba
28 Pfhumu Nungungulu a di engedza gambe a embela Mosi, khuye: 29“Ganela esi ga sanana sa Israyeli, khuwe: Oyu aya bikelago ga Pfhumu Nungungulu, ningelo waye nya pwanano, fanede gu bikela gipandre gi mu lumbago nya mhamba nya pwanano. 30A na resa abune khu mandza yaye esi si na bikedwago ga Pfhumu Nungungulu, kha nga ningelo nya guvbiswe: Mafura ni khana; aholu khana yi na ndziwitedwa kha nga idzo wu rumago khidzo nayo nya gubikele#7:30 nayo nya gubikele: Magirelo ya gale nya gundziwitele miningelo mbeli ga Pfhumu. ningelo mbeli ga Pfhumu Nungungulu. 31Muphasi nya mhamba a na vbisa mafura vbatshani nya giluvelo, aholu khana yi na lumba Aroni ni sanana saye. 32Litundru la nyamudye nya phaso wanu nya pwanano mu na ningelani muphasi nya mhamba. 33Muphasi nya mhamba a gu moyo nya sanana sa Aroni a na bikelago novba ni mafura nya phaso nya pwanano, khuye a na hakhago litundru la nyamudye. 34Kholu khana yi giredwego nayo nya bikelo ni litundru li kasidwego, nyi si dzegide eni mandzani ga sanana sa Israyeli, avbo nya miphaso yawe nya pwanano, nyi fela gu si ningela ga muphasi Aroni ni sanana saye, kha nga nayo nya gupindruge vbakari nya sanana sa Israyeli. 35Egi khu gipandre gi lumbago Aroni ni sanana saye, ga miningelo yi vbisedwago Pfhumu Nungungulu, gukhugela litshigu va phelago gu thuma thumo wawe nya wuphasi nya mhamba ya Pfhumu Nungungulu. 36Khiso esi Pfhumu Nungungulu a rumidego sanana sa Israyeli gu ningela ga vaphasi nya mhamba, gukhugela litshigu va todzwago mafura, kha nga nayo nya gupindruge ga sanana saye satshavbo.”
37Eyi khu milayo yi ganelago khu miphaso nya guvbiswe, khu miphaso nya gubonge, khu miphaso nya ditshedzo, khu miphaso nya guwumbele vaphasi nya mhamba ni miphaso nya pwanano, 38gulandra khedzi Pfhumu Nungungulu a nga rumago khidzo Mosi, gigomoni ga Sinayi, avbo a nga rumago sanana sa Israyeli gukhuye si mu bikele miningelo yawe nya miphaso giwulani ga Sinayi.
Currently Selected:
Levhi 7: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 7
7
Phaso nya gulivbe sighoho
(Levhi 5:14-19)
1Oyu khu nayo nya miphaso nya gulivbe milandru; gilo gi agidego ngudzu. 2Girengo nya phaso nya gulivbe milandru, gi na paywa wulangani si payedwago avbo sirengo nya miphaso nya guvbiswe, novba wakone wu na mitegedzedwa wubambe nya giluvelo. 3Hwane nya ugo, gu na ningedwa mafura yatshavbo: Ngila ni mafura ma fumbelago mahembe, 4ni dzitshwa dza dzimbili ni mafura ma dzi fumbelago mugiwununi ni mafura ma fumbelago libindri si na duswa gumogo ni dzitshwa. 5Muphasi nya mhamba a na vbisa satshavbo vbatshani nya giluvelo gasi gu gira phaso wu vbisedwago Pfhumu Nungungulu. Owu khu phaso nya gulivbe milandru. 6Nyama nya miphaso yi na hodzwa basi khu vama va nyumbani nya wuphasi nya mhamba. Yi na hodzedwa wulangani nya guage, kholu gilo gi agidego ngudzu. 7Nayo nya miphaso nya gulivbe milandru wu ngu fanana ni owu nya miphaso nya ditshedzo. Nyama nya miphaso ya gu lumba muphasi a thangelago mhamba. 8A guta muthu a ta bikela girengo nya phaso nya guvbiswe, lidowo lakone nya girengo la gu lumba muphasi nya mhamba a thangelago thumo nya phaso. 9Kha nga gambe miphaso yatshavbo nya dzimbewu dzi vawudwago mwendro gu phudwa khalini, mwendro dzi gadzingwago tindzaloni, dzi na lumba muphasi nya mhamba a ningelago phaso. 10Aholu miphaso yatshavbo nya dzimbewu, nya wuguvbi wu pfangidwego ni mafura, mwendro nya fudzudzu ya gu lumba sanana satshavbo sa Aroni, va pimedwa idzosaye.
Phaso nya pwanano
(Levhi 3:1-17; 22:17-25)
11Eyi khu milayo nya ningelo nya miphaso nya pwanano#7:11 Phaso nya Pwanano, mwendro pwani nya wuhengeli, mwendro pwani nya gurule. yi yelago gu bikedwa ga Pfhumu Nungungulu: 12Wa gu bikedwa gumogo ni phaso nya gubonge, gu na ningedwa gumogo ni girengo nya miphaso nya gubonge, sibaba nyambana mela, nya gusugwe khu mafura, ni mikati nyambana mela yi naganisidwego khu mafura, ni wuguvbi nya gudadatwe, ni dzifiyoso nya guthedwe mafura. 13Gumogo ni girengo nya phaso nya pwanano egi muthu a ningelago khu gubonga.#7:13 Miphaso nya gubonge ni miphaso nya gurungudze: Matamo nya miphaso nya patano (pwanano) yi embeledwago ngudzu umo nya dzindzimo (Dzind 50:14-23; Dzind 56:12; Dzind 105, 106, 107.) Gu di paywa girengo na gu girwa phaso nya gubonge, nyama yi di hodzwa litshigu la limwedo. Pfhumu Nungungulu, fanede gu dusa gambe sibaba nya guthedwe mela. 14Gu na duswa gibaba gimwegyo avba nya ningelo ni ningelo gasi gu livba gikhaba ga Pfhumu Nungungulu, gi na lumba muphasi nya mhamba a na gu mitegedzelago novba nya girengo nya miphaso nya pwanano. 15Aholu nyama nya miphaso yeyi nya gubonge, yi na hodzwa litshigu lolo yi bikedwago mhamba. Gu nga tshuki gu tshidwa gilo kala litshigu li handzamedzago#7:15 Gu nga thsuki gu tshidwa gilo kala litshigu li handzamedzago. Nayo wowu wu vegidwe gasi gu himbedzela gu hinisa silo nya miphaso. 16A gu bani ari phaso owu muthu a wu bikelago khu kotani nya gisambanyo a giridego, mwendro khu gudzina gwaye basi, wu na hodzwa litshigu lolo wu ningedwago, aholu esi si tshalago si na hodzwa khu mindru gakone. 17Aholu nyama nya miphaso ya gu tshala kala litshigu nya wuraru, yi na vbiswa niloni. 18Ya gu kala nyama yakone nya phaso wowu yi hodzwa khu muthu, hwane nya gu bani na gu vbindride matshigu mararu, oyu a wu bikelago, gima kha na nga hakha makategwa; phaso waye wu na bani wu nyenyezide, oyu a hodzago nyama yakone a na rwala nandru waye.
19Nyama ya gu khuhana ni gilo gi nyenyezidego, kha yi na hodzwa khu muthu, yi na vbiswa niloni. Muthu watshavbo agidego a ngu dzi kodza gu hodza nyama nya miphaso nya pwanano. 20Aholu muthu moyo a nyenyezidego, a gu hodza nyama nya miphaso nya pwanano, a na fuviswa vbakari ga vathu vaye. 21Muthu a gu kuha gilo nya gunyenyeze, mwendro ndzilo nya muthu, mwendro girengo nya gunyenyeze, mwendro ni gevbini gilo gi nyenyezidego, a khuga khavbo aya hodza nyama nya phaso nya pwanano, wu bikedwego ga Pfhumu Nungungulu, muthu yoyo a na fuviswa vbakari ga vathu vaye.
Guhimbedzwa gu hodza mafura ni novba
22 Pfhumu Nungungulu a di embela gambe Mosi, khuye: 23“Ganela u embela sanana sa Israyeli, khuwe: Mu nga hodzi mafura nya mombe, mwendro nya nvuta, mwendro nya phongo. 24Mafura nya gifuyo gi ngafago gyabune, mwendro gi nga songwago khu sirengo nya likhabi, mu na ma thumisa ga yimbe mithumo yatshavbo, aholu mu nga hodzini. 25Kholu oyu a hodzago mafura nya sirengo va payidego va gira miphaso nya guvbisedwe Pfhumu Nungungulu, muthu yoyo, a na fuviswe vbakari nya vathu vaye. 26Ni evbini mu na gu vbahago avbo, mu nga hodzi novba nya sinyoni mwendro nya gifuyo. 27#Wona gambe: Gen 9:4; Levh 17:10-14; 19:26; Dhet 12:16,23; 15:23. Muthu watshavbo a hodzago novba gani khwa lifumbu muni, fanede gu fuviswa vbakari nya vathu vaye.”
Gipandre gi lumbago vaphasi nya mhamba
28 Pfhumu Nungungulu a di engedza gambe a embela Mosi, khuye: 29“Ganela esi ga sanana sa Israyeli, khuwe: Oyu aya bikelago ga Pfhumu Nungungulu, ningelo waye nya pwanano, fanede gu bikela gipandre gi mu lumbago nya mhamba nya pwanano. 30A na resa abune khu mandza yaye esi si na bikedwago ga Pfhumu Nungungulu, kha nga ningelo nya guvbiswe: Mafura ni khana; aholu khana yi na ndziwitedwa kha nga idzo wu rumago khidzo nayo nya gubikele#7:30 nayo nya gubikele: Magirelo ya gale nya gundziwitele miningelo mbeli ga Pfhumu. ningelo mbeli ga Pfhumu Nungungulu. 31Muphasi nya mhamba a na vbisa mafura vbatshani nya giluvelo, aholu khana yi na lumba Aroni ni sanana saye. 32Litundru la nyamudye nya phaso wanu nya pwanano mu na ningelani muphasi nya mhamba. 33Muphasi nya mhamba a gu moyo nya sanana sa Aroni a na bikelago novba ni mafura nya phaso nya pwanano, khuye a na hakhago litundru la nyamudye. 34Kholu khana yi giredwego nayo nya bikelo ni litundru li kasidwego, nyi si dzegide eni mandzani ga sanana sa Israyeli, avbo nya miphaso yawe nya pwanano, nyi fela gu si ningela ga muphasi Aroni ni sanana saye, kha nga nayo nya gupindruge vbakari nya sanana sa Israyeli. 35Egi khu gipandre gi lumbago Aroni ni sanana saye, ga miningelo yi vbisedwago Pfhumu Nungungulu, gukhugela litshigu va phelago gu thuma thumo wawe nya wuphasi nya mhamba ya Pfhumu Nungungulu. 36Khiso esi Pfhumu Nungungulu a rumidego sanana sa Israyeli gu ningela ga vaphasi nya mhamba, gukhugela litshigu va todzwago mafura, kha nga nayo nya gupindruge ga sanana saye satshavbo.”
37Eyi khu milayo yi ganelago khu miphaso nya guvbiswe, khu miphaso nya gubonge, khu miphaso nya ditshedzo, khu miphaso nya guwumbele vaphasi nya mhamba ni miphaso nya pwanano, 38gulandra khedzi Pfhumu Nungungulu a nga rumago khidzo Mosi, gigomoni ga Sinayi, avbo a nga rumago sanana sa Israyeli gukhuye si mu bikele miningelo yawe nya miphaso giwulani ga Sinayi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.