Levhi 18
18
Mavbanyelo ma loledziswago
(Levhi 20:8-21)
1 Pfhumu Nungungulu a di ganela gambe ga Mosi, khuye: 2“Ganela ga sanana sa Israyeli, u si embela, khuwe: Eni kheni Pfhumu Nungungulu wanu. 3Mu nga yedzedzelini mavbanyelo ya Vagipiti, tigoni mu vbanyidego umo, gambe mu nga giri kha nga idzo va girago tigoni ga Khanani, tigoni nyi mi yisago iyo, mu nga landriseli mavbanyelo nya tumbunugo wawe. 4Mu na landrisa sileletelo sangu, mu sayisa milayo yangu, mu vbanya khiyo. Eni kheni Pfhumu Nungungulu wanu. 5#Wona gambe: Neh 9:29; Ezek 18:9; 20:11-13; Luk 10:28; Rom 10:5; Gal 3:12. Mu na landrisa sileletelo ni milayo yangu, kholu oyu a yi landrisago a na vbanya khiyo. Eni kheni Pfhumu Nungungulu wanu. 6Gu nga manegi mwama vbakari gwanu a tiyelago gu hidzimela ga nongo waye nya nyamayi, wule a gu nongo waye, kholu a nga funungula wumbwiri waye. Eni kheni Pfhumu Nungungulu. 7U nga fununguli wumbwiri wa babe wago khu gu lala ni mayi wago. Khuye mayi wago, u nga fununguli wumbwiri waye. 8#Wona gambe: Levh 20:11; Dhet 22:30; 27:20. U nga fununguli wumbwiri wa mwangadzi wa babe wago; kholu wumbwiri wa babe wago. 9#Wona gambe: Levh 20:17; Dhet 27:22. U nga fununguli wumbwiri wa ndriyago, a gu gyanana gya babe wago, mwendro gyanana gya mayi wago; oyu a velegidwego ndrangani, ambari wule a velegidwego vbavbandze, u nga fununguli wumbwiri waye. 10U nga fununguli wumbwiri wa tugulu wago nya guvelegwe khu gyanana gyago nya mwama mwendro nya nyamayi, kholu wumbwiri wago. 11U nga fununguli wumbwiri wa ndriyago, gyanana gya mwangadzi wa babe wago, a velegidwego khu babe wago, kholu i ndriyago. 12U nga fununguli wumbwiri wa hane wago, ndruye wa babe wago, kholu novba moyo ni babe wago. 13U nga fununguli wumbwiri wa ndruye wa mayi wago, kholu novba moyo ni mayi wago. 14#Wona gambe: Levh 20:19-20. U nga fununguli wumbwiri wa babedugwane wago khu gu lala ni mwangadzi waye, kholu uye mayi wago. 15#Wona gambe: Levh 20:12. U nga fununguli wumbwiri wa ngadzamwane wago, kholu i mwangadzi wa gyanana gyago, u nga mu fununguli wumbwiri waye. 16#Wona gambe: Levh 20:21. U nga fununguli wumbwiri wa namu wago mwangadzi wa koma wago, kholu wumbwiri wa ndriyago. 17#Wona gambe: Levh 20:14; Dhet 27:23. U nga fununguli wumbwiri wa nyamayi gumogo ni gyanana gyaye; gambe u nga dzegi tugulu waye nya guvelegwe khu gyanana gyaye nya mwama mwendro nya nyamayi, u funungula wumbwiri waye, kholu vatshavbo valongo vaye nya lisine; gulala navo gu ngu lolela ngudzu. 18U nga dzegi nyamayi u mu bhanya gumogo ni ndriyaye na nga gu vbanya, kholu isoso si nga vanga livengo ni wukhusu vbakari gwawe khu gufunungula wumbwiri wa namu wago. 19#Wona gambe: Levh 20:18. U nga hidzimeli ga nyamayi a loledego khu gu bani na gu wona migima, u funungula wumbwiri waye. 20#Wona gambe: Levh 20:10. U nga lali ni mwangadzi wa muakelane wago, u nga dzi nyenyezisa. 21U nga ningeli ni moyo nya sanana sago, si girwa phaso nya guphasedwe Moloki,#18:21 Moloki a tidwago gambe khu lina nya gupwani Meleki, gu tshamuselago gupwani pfhumu, nungungulu nya malipha wa va Amoni, a di lomba gu giredwa dzimhamba nya gupayedwe sanana, miphaso yaye yi di phalalegide ngudzu yi enedza litigo lile latshavbo. Wona 2 Dzipf 16: 3-4; Dzipf 17:17; Dzipf 23: 10. Dhet 12: 31 a ngu kona miphaso yeyi; Muprofeti Jeremiya a ngu ganela khu Tofeti, wulanga va nga bani va ya vbisela avbo sanana. Wona jer 7: 30-43; Jer 19: 6-13; Jer 32: 34-35. Muprofeti Ezekiyeli nuye a ngu ganela khiyo miphaso yeyi. Wona Ezek 16:20-22; Ezk 20:31; Ezek 23: 37. u nga nyenyezisa lina la Nungungulu wago. Eni kheni Pfhumu Nungungulu. 22U nga lali ni mwama kwanu u mu gira nyamayi, isoso si nyenyezide ngudzu. 23#Wona gambe: Eks 22:19; Levh 20:15-16; Dhet 27:21. U nga lali ni girengo, u nga dzi nyenyezisa khigyo; ambari nyamayi a nga hidzimeli ga girengo a bhayana nagyo, kholu isoso dzitshoni nya guthise. 24Mu nga dzi nyenyezisi khu gugira silo nya nga isoso, kholu khiso si nga nyenyezisa mayigo nyi na ma tutumisago mbeli gwanu. 25Litigo li dzi nyenyeziside; Eni nyi na tsayisa guvivba gwaye. Khu kotani nya ugo, litigo li na gosa vathu va vbahidego umo. 26Gasi enu, mu na landrisa milayo ni sileletelo sangu, mu nga giri ni gimwegyo basi nya silo soso nya gunyenyeze, mwatshavbo, gani givelegwa gya tigoni, gani khwa guta luvela vbakari gwanu; 27kholu guvivba gwatshavbo gogu, gu giridwe khu vathu va mi hegudzidego guta vbaha tigoni momu, enu mu si gu vbohi; khigyo gi giridego litigo li khala la gu nyenyeza. 28Dzi woneleni nenu, litigo li nga mi gosani khu gu dzi nyenyezisani, kha nga li gosidego vale va nga vbanyago umo, mu si gu vbohi enu. 29Vatshavbo va na girago gimwegyo nya gulolele gogo, va na fuviswa vbakari ga vathu vawe. 30Khavbo avbo, sayisani milayo yangu, mu nga yedzedzelini tumbunugo nya mavbanyelo nya gunyenyeze, va vbanyidego khayo mu si gu vbohi enu. Mu nga dzi nyenyezisi khayo. Eni kheni Pfhumu Nungungulu wanu.”
Currently Selected:
Levhi 18: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 18
18
Mavbanyelo ma loledziswago
(Levhi 20:8-21)
1 Pfhumu Nungungulu a di ganela gambe ga Mosi, khuye: 2“Ganela ga sanana sa Israyeli, u si embela, khuwe: Eni kheni Pfhumu Nungungulu wanu. 3Mu nga yedzedzelini mavbanyelo ya Vagipiti, tigoni mu vbanyidego umo, gambe mu nga giri kha nga idzo va girago tigoni ga Khanani, tigoni nyi mi yisago iyo, mu nga landriseli mavbanyelo nya tumbunugo wawe. 4Mu na landrisa sileletelo sangu, mu sayisa milayo yangu, mu vbanya khiyo. Eni kheni Pfhumu Nungungulu wanu. 5#Wona gambe: Neh 9:29; Ezek 18:9; 20:11-13; Luk 10:28; Rom 10:5; Gal 3:12. Mu na landrisa sileletelo ni milayo yangu, kholu oyu a yi landrisago a na vbanya khiyo. Eni kheni Pfhumu Nungungulu wanu. 6Gu nga manegi mwama vbakari gwanu a tiyelago gu hidzimela ga nongo waye nya nyamayi, wule a gu nongo waye, kholu a nga funungula wumbwiri waye. Eni kheni Pfhumu Nungungulu. 7U nga fununguli wumbwiri wa babe wago khu gu lala ni mayi wago. Khuye mayi wago, u nga fununguli wumbwiri waye. 8#Wona gambe: Levh 20:11; Dhet 22:30; 27:20. U nga fununguli wumbwiri wa mwangadzi wa babe wago; kholu wumbwiri wa babe wago. 9#Wona gambe: Levh 20:17; Dhet 27:22. U nga fununguli wumbwiri wa ndriyago, a gu gyanana gya babe wago, mwendro gyanana gya mayi wago; oyu a velegidwego ndrangani, ambari wule a velegidwego vbavbandze, u nga fununguli wumbwiri waye. 10U nga fununguli wumbwiri wa tugulu wago nya guvelegwe khu gyanana gyago nya mwama mwendro nya nyamayi, kholu wumbwiri wago. 11U nga fununguli wumbwiri wa ndriyago, gyanana gya mwangadzi wa babe wago, a velegidwego khu babe wago, kholu i ndriyago. 12U nga fununguli wumbwiri wa hane wago, ndruye wa babe wago, kholu novba moyo ni babe wago. 13U nga fununguli wumbwiri wa ndruye wa mayi wago, kholu novba moyo ni mayi wago. 14#Wona gambe: Levh 20:19-20. U nga fununguli wumbwiri wa babedugwane wago khu gu lala ni mwangadzi waye, kholu uye mayi wago. 15#Wona gambe: Levh 20:12. U nga fununguli wumbwiri wa ngadzamwane wago, kholu i mwangadzi wa gyanana gyago, u nga mu fununguli wumbwiri waye. 16#Wona gambe: Levh 20:21. U nga fununguli wumbwiri wa namu wago mwangadzi wa koma wago, kholu wumbwiri wa ndriyago. 17#Wona gambe: Levh 20:14; Dhet 27:23. U nga fununguli wumbwiri wa nyamayi gumogo ni gyanana gyaye; gambe u nga dzegi tugulu waye nya guvelegwe khu gyanana gyaye nya mwama mwendro nya nyamayi, u funungula wumbwiri waye, kholu vatshavbo valongo vaye nya lisine; gulala navo gu ngu lolela ngudzu. 18U nga dzegi nyamayi u mu bhanya gumogo ni ndriyaye na nga gu vbanya, kholu isoso si nga vanga livengo ni wukhusu vbakari gwawe khu gufunungula wumbwiri wa namu wago. 19#Wona gambe: Levh 20:18. U nga hidzimeli ga nyamayi a loledego khu gu bani na gu wona migima, u funungula wumbwiri waye. 20#Wona gambe: Levh 20:10. U nga lali ni mwangadzi wa muakelane wago, u nga dzi nyenyezisa. 21U nga ningeli ni moyo nya sanana sago, si girwa phaso nya guphasedwe Moloki,#18:21 Moloki a tidwago gambe khu lina nya gupwani Meleki, gu tshamuselago gupwani pfhumu, nungungulu nya malipha wa va Amoni, a di lomba gu giredwa dzimhamba nya gupayedwe sanana, miphaso yaye yi di phalalegide ngudzu yi enedza litigo lile latshavbo. Wona 2 Dzipf 16: 3-4; Dzipf 17:17; Dzipf 23: 10. Dhet 12: 31 a ngu kona miphaso yeyi; Muprofeti Jeremiya a ngu ganela khu Tofeti, wulanga va nga bani va ya vbisela avbo sanana. Wona jer 7: 30-43; Jer 19: 6-13; Jer 32: 34-35. Muprofeti Ezekiyeli nuye a ngu ganela khiyo miphaso yeyi. Wona Ezek 16:20-22; Ezk 20:31; Ezek 23: 37. u nga nyenyezisa lina la Nungungulu wago. Eni kheni Pfhumu Nungungulu. 22U nga lali ni mwama kwanu u mu gira nyamayi, isoso si nyenyezide ngudzu. 23#Wona gambe: Eks 22:19; Levh 20:15-16; Dhet 27:21. U nga lali ni girengo, u nga dzi nyenyezisa khigyo; ambari nyamayi a nga hidzimeli ga girengo a bhayana nagyo, kholu isoso dzitshoni nya guthise. 24Mu nga dzi nyenyezisi khu gugira silo nya nga isoso, kholu khiso si nga nyenyezisa mayigo nyi na ma tutumisago mbeli gwanu. 25Litigo li dzi nyenyeziside; Eni nyi na tsayisa guvivba gwaye. Khu kotani nya ugo, litigo li na gosa vathu va vbahidego umo. 26Gasi enu, mu na landrisa milayo ni sileletelo sangu, mu nga giri ni gimwegyo basi nya silo soso nya gunyenyeze, mwatshavbo, gani givelegwa gya tigoni, gani khwa guta luvela vbakari gwanu; 27kholu guvivba gwatshavbo gogu, gu giridwe khu vathu va mi hegudzidego guta vbaha tigoni momu, enu mu si gu vbohi; khigyo gi giridego litigo li khala la gu nyenyeza. 28Dzi woneleni nenu, litigo li nga mi gosani khu gu dzi nyenyezisani, kha nga li gosidego vale va nga vbanyago umo, mu si gu vbohi enu. 29Vatshavbo va na girago gimwegyo nya gulolele gogo, va na fuviswa vbakari ga vathu vawe. 30Khavbo avbo, sayisani milayo yangu, mu nga yedzedzelini tumbunugo nya mavbanyelo nya gunyenyeze, va vbanyidego khayo mu si gu vbohi enu. Mu nga dzi nyenyezisi khayo. Eni kheni Pfhumu Nungungulu wanu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.