Levhi 15
15
Gunyenyeza nya mwama.#15:0 Gunyenyeza nya mwama: Guganedwa khu madwali nya gulandrane malawu, nya nga gibhokota ni libuva. Milayo yryi nya madwali nya guningane khu gulandra malawu yi ngu fanana ga mayigo yatshavbo ya vagale. Milayo nya guzame guvhikela livelego ni womi wutago khu ga Nungungulu.
1 Pfhumu Nungungulu a di embela Mosi ni Aroni, khuye: 2Ganelani ga sanana sa Israyeli mu si embela, khenu: Mwama nya gukari a gu duga wusila khu milini gwaye, a na nyenyeza khu wusila wowo. 3Oyu khu nayo wu ganelago khu gunyenyeza; mili waye wa gu dusa wusila mwendro gu wu sega wu si dugi, uye a na nyenyeza.
4Lidawu a lalago avbo oyu a dugelago wusila, li nyenyezide ni esi a si khalelago si nyenyezide niso. 5Oyu a kuhago lidawu la muthu a dugelelago wusila a na handza guambala gwaye, aya hamba khu mati, a na nyenyeza kala gupfolani nya lidambo; 6Oyu a na khalago wulanga a nga bani a khade wule a dugelago wusila a na handza guambala gwaye, aya hamba khu mati, ambari ulo a na nyenyeza kala gupfolani nya lidambo.
7Oyu a kuhago mili wa muthu a dugelago wusila khu milini gwaye, a na handza guambala gwaye aya hamba khu mati, ambari ulo, a na nyenyeza kala gupfolani nya lidambo.
8Muthu a gu ni madwali nya gudugele wusila khu milini, a gu hetshela oyu a agidego, uye a nga hetshedwa a na handza dzingandzu dzaye, aya hamba matini, ambari ulo, a na nyenyeza kala gupfolani nya lidambo. 9Sighwabhata a khilelago khiso buru muthu a dugelago wusila khu milini gwaye, si na nyenyeza. 10Ni wevbini a kuhago gyombo gi nga khaledwago khu muthu yoyo, a na nyenyeza kala gupfolani nya lidambo; ni wule a nga rwalago sombo soso, a na handza guambala gwaye, aya hamba khu mati ambari ulo, a na nyenyeza kala gupfolani nya lidambo. 11Ni wule nuye a nga kuhago mudwali yoyo na sa hamba mandza yaye, muthu yoyo a na handza dzingandzu dzaye, aya hamba matini, ambari ulo, a na nyenyeza kala gupfolani nya lidambo. 12Khali nya libumba ya gu khuhwa khu oyu a dugelago wusila khu milini gwaye yi na pandrwa, aholu gyombo nya guvatwe khu simbo, gi na handzwa khu mati. 13Aholu a gu hegisa gudugelela wusila khu milini gwaye, mudwali a na saya livbandre na mavili matshigu hwane nya gu na hawulugide; a handza dzingandzu dzaye, aya hamba matini ya tsongoni, a na aga. 14Khu litshigu nya livbandre na mararu, a na dzega matuva mavili mwendro sipomba sivili, aya bikela ga Pfhumu Nungungulu, nyangwatunu nya Tshatsha nya Tshangano, aya si ningela ga muphasi nya mhamba. 15Muphasi nya mhamba a na ningela gimwegyo a gira phaso nya gulivbe nandru, ni gimbe nya phaso nya guvbiswe, a gira nayo nya guagiswe wusila waye, mbeli ga Pfhumu Nungungulu. 16Mwama a gu duga mbewu nya livelego, fanede gu hamba mili waye watshavbo khu mati, ambari ulo, a na nyenyeza kala gupfolani nya lidambo. 17Guambala gwatshavbo ni malowo yatshavbo ma nga khuhwago khu mbewu nya livelego, gu vbwetega si handzwa matini, si na nyenyeza kala gupfolani nya lidambo. 18Mwama a gu lala ni nyamayi gu duga mbewu nya livelego khu milini gwaye, va vavili va na hamba khu mati, va nyenyeza kala gupfolani nya lidambo.
Gunyenyeza nya nyamayi
19Nyamayi a gu bani a wona migima yaye, a dugela novba khu milini gwaye, a na lolela livbandre na mavili matshigu. Muthu a mu kuhago, a na nyenyeza kala gupfolani nya lidambo. 20Malawu yatshavbo a nga lalago avbo matshiguni yaye nya guwone migima, si na nyenyeza; ni silo satshavbo a nga si khalelago si na nyenyeza. 21Oyu a kuhago lidawu laye, a na handza dzingandzu dzaye, aya hamba matini, ambari ulo a na nyenyeza kala gupfolani nya lidambo. 22Wule a na kuhago gyombo gya avbo a nga bani a khade avbo a nga handza dzingandzu dzaye aya hamba matini, ambari ulo, a na nyenyeza kala gupfolani nya lidambo. 23Uye nuye a na kuhago gyombo gi nga bani gi vegidwe vbadawutunu, mwendro wulanga a khadego avbo, a na nyenyeza kala gupfolani nya lidambo. 24Mwama a gu lala ni nyamayi yoyo, novba waye wu na mu namarela, mwama yoyo, a na nyenyeza livbandre na mavili matshigu, malawu yatshavbo a lalago avbo ma na nyenyeza. 25Nyamayi nuye a gu dugelela novba matshigu nya mangi, vbavbandze nya matshigu yaye nya guwone migima, mwendro a gu vbindrisa matshigu yaye, a na lolela matshigu yatshavbo a na bani na gu dugelela novba, gukhwatshi khu matshigu nya migima yaye. 26Matshigu yatshavbo a na gu bani na gu dugelela novba, malawu yatshavbo a nga bani na gu lala avbo, gu na gira gukhwatshi khu malawu a lalelago matshiguni nya migima yaye; khidzosaye gambe ni silo satshavbo a na si khalelago, si na nyenyeza, si na gira gukhwatshi khu matshigu yaye nya migima. 27Oyu a si kuhago a na nyenyeza, a na handza guambala gwaye, aya hamba matini, ambari ulo a na nyenyeza kala gupfolani nya lidambo. 28Aholu a gu hegisa gu dugelela novba, a na saya livbandre na mavili matshigu, khu kharato, a na aga. 29Khu litshigu nya livbandre na mararu, a na dzega matuva mavili mwendro sipomba sivili, aya ningela ga muphasi nya mhamba, nyangwatunu nya Tshatsha nya Tshangano. 30Muphasi nya mhamba a na gira ningelo nya phaso nya ditshedzo, egi gimbe a gira ningelo nya phaso nya guvbiswe; khavbo avbo, muphasi nya mhamba a na mu girela nayo nya guagiswe mbeli ga Pfhumu Nungungulu khu kotani nya novba wu nga bani wu mu nyenyeziside. 31Khidzo kharati va yelago gu gira va na Israyeli va hambana ni gunyenyeza gwawe, gasi va si dzi vangeli lufu khu guta nyenyezisa wulanga wangu nya guage wu guromo vbakari gwawe. 32Oyu khu nayo wu vegedwago vale va dugelelago novba, ni vale va dugago mbewu nya livelego si va nyenyezisago; 33ni nyamayi wule gikhati a wonago migima yaye, ni vathu vatshavbo, vama mwendro vanyamayi va dugelelago wusila khu milini gwawe, ni mwama a lalago ni nyamayi nya gulolele.
Currently Selected:
Levhi 15: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 15
15
Gunyenyeza nya mwama.#15:0 Gunyenyeza nya mwama: Guganedwa khu madwali nya gulandrane malawu, nya nga gibhokota ni libuva. Milayo yryi nya madwali nya guningane khu gulandra malawu yi ngu fanana ga mayigo yatshavbo ya vagale. Milayo nya guzame guvhikela livelego ni womi wutago khu ga Nungungulu.
1 Pfhumu Nungungulu a di embela Mosi ni Aroni, khuye: 2Ganelani ga sanana sa Israyeli mu si embela, khenu: Mwama nya gukari a gu duga wusila khu milini gwaye, a na nyenyeza khu wusila wowo. 3Oyu khu nayo wu ganelago khu gunyenyeza; mili waye wa gu dusa wusila mwendro gu wu sega wu si dugi, uye a na nyenyeza.
4Lidawu a lalago avbo oyu a dugelago wusila, li nyenyezide ni esi a si khalelago si nyenyezide niso. 5Oyu a kuhago lidawu la muthu a dugelelago wusila a na handza guambala gwaye, aya hamba khu mati, a na nyenyeza kala gupfolani nya lidambo; 6Oyu a na khalago wulanga a nga bani a khade wule a dugelago wusila a na handza guambala gwaye, aya hamba khu mati, ambari ulo a na nyenyeza kala gupfolani nya lidambo.
7Oyu a kuhago mili wa muthu a dugelago wusila khu milini gwaye, a na handza guambala gwaye aya hamba khu mati, ambari ulo, a na nyenyeza kala gupfolani nya lidambo.
8Muthu a gu ni madwali nya gudugele wusila khu milini, a gu hetshela oyu a agidego, uye a nga hetshedwa a na handza dzingandzu dzaye, aya hamba matini, ambari ulo, a na nyenyeza kala gupfolani nya lidambo. 9Sighwabhata a khilelago khiso buru muthu a dugelago wusila khu milini gwaye, si na nyenyeza. 10Ni wevbini a kuhago gyombo gi nga khaledwago khu muthu yoyo, a na nyenyeza kala gupfolani nya lidambo; ni wule a nga rwalago sombo soso, a na handza guambala gwaye, aya hamba khu mati ambari ulo, a na nyenyeza kala gupfolani nya lidambo. 11Ni wule nuye a nga kuhago mudwali yoyo na sa hamba mandza yaye, muthu yoyo a na handza dzingandzu dzaye, aya hamba matini, ambari ulo, a na nyenyeza kala gupfolani nya lidambo. 12Khali nya libumba ya gu khuhwa khu oyu a dugelago wusila khu milini gwaye yi na pandrwa, aholu gyombo nya guvatwe khu simbo, gi na handzwa khu mati. 13Aholu a gu hegisa gudugelela wusila khu milini gwaye, mudwali a na saya livbandre na mavili matshigu hwane nya gu na hawulugide; a handza dzingandzu dzaye, aya hamba matini ya tsongoni, a na aga. 14Khu litshigu nya livbandre na mararu, a na dzega matuva mavili mwendro sipomba sivili, aya bikela ga Pfhumu Nungungulu, nyangwatunu nya Tshatsha nya Tshangano, aya si ningela ga muphasi nya mhamba. 15Muphasi nya mhamba a na ningela gimwegyo a gira phaso nya gulivbe nandru, ni gimbe nya phaso nya guvbiswe, a gira nayo nya guagiswe wusila waye, mbeli ga Pfhumu Nungungulu. 16Mwama a gu duga mbewu nya livelego, fanede gu hamba mili waye watshavbo khu mati, ambari ulo, a na nyenyeza kala gupfolani nya lidambo. 17Guambala gwatshavbo ni malowo yatshavbo ma nga khuhwago khu mbewu nya livelego, gu vbwetega si handzwa matini, si na nyenyeza kala gupfolani nya lidambo. 18Mwama a gu lala ni nyamayi gu duga mbewu nya livelego khu milini gwaye, va vavili va na hamba khu mati, va nyenyeza kala gupfolani nya lidambo.
Gunyenyeza nya nyamayi
19Nyamayi a gu bani a wona migima yaye, a dugela novba khu milini gwaye, a na lolela livbandre na mavili matshigu. Muthu a mu kuhago, a na nyenyeza kala gupfolani nya lidambo. 20Malawu yatshavbo a nga lalago avbo matshiguni yaye nya guwone migima, si na nyenyeza; ni silo satshavbo a nga si khalelago si na nyenyeza. 21Oyu a kuhago lidawu laye, a na handza dzingandzu dzaye, aya hamba matini, ambari ulo a na nyenyeza kala gupfolani nya lidambo. 22Wule a na kuhago gyombo gya avbo a nga bani a khade avbo a nga handza dzingandzu dzaye aya hamba matini, ambari ulo, a na nyenyeza kala gupfolani nya lidambo. 23Uye nuye a na kuhago gyombo gi nga bani gi vegidwe vbadawutunu, mwendro wulanga a khadego avbo, a na nyenyeza kala gupfolani nya lidambo. 24Mwama a gu lala ni nyamayi yoyo, novba waye wu na mu namarela, mwama yoyo, a na nyenyeza livbandre na mavili matshigu, malawu yatshavbo a lalago avbo ma na nyenyeza. 25Nyamayi nuye a gu dugelela novba matshigu nya mangi, vbavbandze nya matshigu yaye nya guwone migima, mwendro a gu vbindrisa matshigu yaye, a na lolela matshigu yatshavbo a na bani na gu dugelela novba, gukhwatshi khu matshigu nya migima yaye. 26Matshigu yatshavbo a na gu bani na gu dugelela novba, malawu yatshavbo a nga bani na gu lala avbo, gu na gira gukhwatshi khu malawu a lalelago matshiguni nya migima yaye; khidzosaye gambe ni silo satshavbo a na si khalelago, si na nyenyeza, si na gira gukhwatshi khu matshigu yaye nya migima. 27Oyu a si kuhago a na nyenyeza, a na handza guambala gwaye, aya hamba matini, ambari ulo a na nyenyeza kala gupfolani nya lidambo. 28Aholu a gu hegisa gu dugelela novba, a na saya livbandre na mavili matshigu, khu kharato, a na aga. 29Khu litshigu nya livbandre na mararu, a na dzega matuva mavili mwendro sipomba sivili, aya ningela ga muphasi nya mhamba, nyangwatunu nya Tshatsha nya Tshangano. 30Muphasi nya mhamba a na gira ningelo nya phaso nya ditshedzo, egi gimbe a gira ningelo nya phaso nya guvbiswe; khavbo avbo, muphasi nya mhamba a na mu girela nayo nya guagiswe mbeli ga Pfhumu Nungungulu khu kotani nya novba wu nga bani wu mu nyenyeziside. 31Khidzo kharati va yelago gu gira va na Israyeli va hambana ni gunyenyeza gwawe, gasi va si dzi vangeli lufu khu guta nyenyezisa wulanga wangu nya guage wu guromo vbakari gwawe. 32Oyu khu nayo wu vegedwago vale va dugelelago novba, ni vale va dugago mbewu nya livelego si va nyenyezisago; 33ni nyamayi wule gikhati a wonago migima yaye, ni vathu vatshavbo, vama mwendro vanyamayi va dugelelago wusila khu milini gwawe, ni mwama a lalago ni nyamayi nya gulolele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.