Levhi 11
11
III. MILAYO YI GANELAGO KHU GUAGA NI GUNYENYEZA
Sirengo nya gunyenyeze
(Dhewuteronome 14:3-21; Matewu 15:10-20; Mithumo 10:9-16; 11:1-18)
1 Pfhumu Nungungulu a di embela Mosi ni Aroni, khuye: 2Ganela kharati ga sanana sa Israyeli, khuwe: “Esi khu sirengo mu yelago gu si hodza vbakari nya sirengo satshavbo si vbanyago mafuni:” 3Mu ngu dzi kodzani gu hodza sirengo satshavbo si gu na ni ngondro nya sitsendro sivili, si havago mwasi, si bhisela, si tsagudza nyaluphye.
4Aholu, mu nga hodzi esi si bhiselago si tsagudza nyaluphye basi, aholu siri mwalo ngondro nya sitsendro sivili mwendro esi si gu na ni ngondro nya sitsendro sivili aholu si si bhiseligo si wuya khavbo si tsagudzela gambe. Iso nya nga esi, si woneni kha nga sirengo si nyenyezidego, nya nga ngameriya yi bhiselago yi wuya yi tsagudzela, aholu yi gu mwalo ngondro nya sitsendro sivili; 5khidzosaye ni tshengwe, iyo niyo yi ngu bhisela yi wuya yi tsagudzela, aholu yi mwalo ngondro nya sitsendro sivili, esi mu ngu loledziswa gu hodza. 6Gihulo nigyo ambari gi tsagudzelago, aholu giri mwalo ngondro nya sitsendro sivili, mu ngu loledziswa gu hodza. 7Khumba yi na ni sitsendro sivili, aholu kha yi bhiseli yi wuya yi tsagudzela, mu ngu loledziswa gu yi hodza. 8“Mu nga hodzi nyama nya sirengo sesi ambari gu kuha basi sirumbi sakone, avbo gwanu si ngu loledziswa.”
Sirengo sa matini
9Ga sirengo satshavbo si vbanyago matini, mu ngu dzi kodza gu hodza esi: Ni gevbini gi gu na ni dziphesa ni magwaru na gi gu vbanya matini nya yiphwa mwendro nya tsongo, mu ngu dzi kodza gu hodza. 10Aholu satshavbo esi si gu mwalo dziphesa ni magwaru, sa phwani mwendro sa mitsongoni, satshavbo si vbanyago matini, si khwirirago khu lididi, esi si ngu loledziswa avbo gwanu. 11Khu guralo si woneni kha nga silo si nyenyezidego gwanu; mu nga hodzi nyama yakone, gambe wonani sirumbi sakone kha nga ndzilo nya gunyenyeze. 12Ni gevbini girengo gya matini gi gu mwalo dziphesa ni magwaru, gi lolede avbo gwanu.
13Vbakari nya sinyoni, esi si loledego gu si hodza, kholu si nyenyezide, khesi: Lighama ni likoti, ni ligwilili; 14sivaga ni vanyamatate nya mafumbu yatshavbo; 15mafumbu yatshavbo nya vamahigonganye; 16mbowa, gisungurukhuru, nyamangondrongondrwane ni ligodzyana ni mafumbu yatshavbo nya sivaga; 17Lipfhuguli, ghotswe ni gigurwane; 18lighumbu, litembe ni ngungwa; 19munyangane ni khalahonyi, ni sinyoni satshavbo nya gulaphe mawundru si gimbilago matini, muriyane, ni likhoha.
20Sirengwanana satshavbo si vbuvbago na siri ni migondro mina, si lolede gwanu.
Sirengwanana nya guvbanye
21Aholu vbakari nya sirengwanana si vbuvbago na siri ni migondro mina, mu ngu dzi kodza gu hodza esi si gu ni mawundru nya gu ndrage khayo mafuni. 22Khu magirelo yoyo, mu ngu dzi kodza gu hodza esi: Mafumbu yatshavbo nya mbera, ni humbi, ni dzinyendze khu mafumbu nya guhambanelane. 23Aholu, satshavbo simbe sirengwanana si vbuvbago, si gimbilago khu migondro mina, si ngu loledziswa avbo gwanu.
Sirumbi nya sirengo
24Sirengo sesi, si ngu dzi kodza gu mi nyenyezisa; ni wevbini a na kuhago sirumbi sakone a na nyenyeza nuye kala gupfolani nya lidambo. 25Ni oyu a rwalago sirumbi sakone fanede guhandza dzingandzu dzaye, gambe a na nyenyeza kala gupfolani nya lidambo.
26Sirengo satshavbo nya mawundru mana nyamba kabanega khu sitsendro sivili, mwendro esi nyamba bhisela si wuya si tsagudzela, isoso satshavbo si ngu loledziswa avbo gwanu. Oyu a si kuhago, a na nyenyeza kala gupfolani nya lidambo. 27Satshavbo sirengo nya mawundru mana si gu mwalo sitsendro migondroni, si ngu loledziswa avbo gwanu; ni wevbini a na kuhago sirumbi sakone, a ngu nyenyeza kala gupfolani nya lidambo. 28Oyu a rwalago sirumbi sakone fanede gu handza dzingandzu dzaye, a na nyenyeza kala gupfolani nya lidambo. Esi sirengo nya gulolele avbo gwanu.
Sirengwanana nya sidugwanana si gimbilago mafuni
29Ga satshavbo sirengwanana si khwirirago khu lididi mafuni, esi si loledzisidwego avbo gwanu, khesi: Tshukunyane, mendre, kwase khu mafumbu yaye yatshavbo, mavbele; 30nyapfhakhandre, ngona, nyawondrwe ni givarara.
Milayo nya silo nya gunyenyeze
31Vbakari nya sivangwa satshavbo si dzi khuthago mafuni, khiso mu fanelago gu si pima gukhenu si nyenyezide, uye a kuhago sirumbi sakone, a na bani a nyenyezide kala gupfolani nya lidambo. 32Ni gevbini girengo nya nga egi gya gufa gi thegela gyomboni, gyombo gyogyo gi na nyenyeza: Sombo nya guvatwe khu simbo, guambala, malowo, dzisaku, ni sombo satshavbo esi si thumiswago, si na nyenyeza kala gupfolani nya lidambo. Khu guralo si fanede gu handzwa; khavbo si na agiswago. 33Girengo nya nga esi, gya gu thegela gyomboni nya libumba, silo satshavbo si guromo gyomboni momo, si na nyenyeza; u na pandra gyombo gyogyo. 34Guhodza gwatshavbo gu na nyenyeza gwa gu kuhwa khu mati ma guromo gyomboni momo. Wadwa watshavbo wu kuhwago khu mati yoyo wu na nyenyeza, ambari na wuri gyomboni nya gu wani; wu ngu loledziswa. 35Gyombo gyatshavbo gya gu thegedwa khu sirumbi nya sirengo soso, gi na nyenyeziswa; ambari nari gikho mwendro gidhingiselo, si na khungumuledwe, kholu si nyenyezide avbo gwanu. 36Aholu gifefe mwendro nambo wu gu ni mati nya mangi, wu na simama na wu agide; ambari ulo uye a kuhago girumbi nya esi si fudego a na nyenyeza. 37Sirumbi nya sirengo sesi sa gu thegela vbambewutunu yi dongisedwego guya yadwa, mbewu yi na simama na yi agide; 38aholu mbewu ya gu bani na yi lovegidwe yi ta thegedwa khu sirumbi sesi, mbewu yoyo yi nyenyezide gwanu. 39Gya gufa girengo nya esi mu dzumedziswago guhodza, oyu a kuhago girumbi gyakone, a na lolela kala gupfolani nya lidambo. 40Oyu a hodzago nyama nya girengo gi ngafago gyabune, gu vbwetega a handza dzingandzu dzaye, gambe a na lolela kala gupfolani nya lidambo. Ni oyu a na rolago girumbi gyakone, fanede gu handza dzingandzu dzaye, a nyenyeza kala gupfolani nya lidambo.
Mahungu nya wukhongeli
41Sirengo satshavbo si ndrindrandrindrago khu lididi mafuni si nyenyezide; si lolede mu nga hodzi. 42Sirengo satshavbo si khwirirago khu lididi, ni esi si gimbilago khu mawundru mana, mwendro esi si gimbilago khu mawundru nya gutale, mu ngu loledziswa gu hodza, kholu si nyenyezide. 43Mu nga dzi nyenyezisi mwabune khu kotani nya sirengo soso nya gukhwirire si gimbilago mafuni. Mu nga dzi nyenyezisi khu gu si kuha, gasi mu si nyenyeziswi khiso. 44#Wona gambe: Levh 19:2; Dzind 37:28; 1 Ped 1:16. Eni kheni Pfhumu Nungungulu wanu, Eni nyi na mi agisa mu simama na mu agide, kholu Eni nyi agide; mu nga dzi nyenyezisini mwabune khu kotani nya sirengo satshavbo soso nya gukhwirire si gimbilago mafuni. 45Eni kheni Pfhumu Nungungulu nyi nga mi dusa tigoni ga Egipito, gasi nyi khala Nungungulu wanu. Khu guralo, mu na agani kholu Eni nyi agide. 46Oyu nayo wu vegidwego na wu ganela khu mahungu nya sirengo nya mawundru mana, ni sinyoni satshavbo, ni satshavbo sirengo nya guvbanye si gimbilago matini ni satshavbo esi si khwirirago mafuni. 47“Wu vegidwe gasi mu kodza gu hambanisa esi si nyenyezidego ni esi si agidego, sirengo si hodzwago ni esi si si hodzwigo.”
Currently Selected:
Levhi 11: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 11
11
III. MILAYO YI GANELAGO KHU GUAGA NI GUNYENYEZA
Sirengo nya gunyenyeze
(Dhewuteronome 14:3-21; Matewu 15:10-20; Mithumo 10:9-16; 11:1-18)
1 Pfhumu Nungungulu a di embela Mosi ni Aroni, khuye: 2Ganela kharati ga sanana sa Israyeli, khuwe: “Esi khu sirengo mu yelago gu si hodza vbakari nya sirengo satshavbo si vbanyago mafuni:” 3Mu ngu dzi kodzani gu hodza sirengo satshavbo si gu na ni ngondro nya sitsendro sivili, si havago mwasi, si bhisela, si tsagudza nyaluphye.
4Aholu, mu nga hodzi esi si bhiselago si tsagudza nyaluphye basi, aholu siri mwalo ngondro nya sitsendro sivili mwendro esi si gu na ni ngondro nya sitsendro sivili aholu si si bhiseligo si wuya khavbo si tsagudzela gambe. Iso nya nga esi, si woneni kha nga sirengo si nyenyezidego, nya nga ngameriya yi bhiselago yi wuya yi tsagudzela, aholu yi gu mwalo ngondro nya sitsendro sivili; 5khidzosaye ni tshengwe, iyo niyo yi ngu bhisela yi wuya yi tsagudzela, aholu yi mwalo ngondro nya sitsendro sivili, esi mu ngu loledziswa gu hodza. 6Gihulo nigyo ambari gi tsagudzelago, aholu giri mwalo ngondro nya sitsendro sivili, mu ngu loledziswa gu hodza. 7Khumba yi na ni sitsendro sivili, aholu kha yi bhiseli yi wuya yi tsagudzela, mu ngu loledziswa gu yi hodza. 8“Mu nga hodzi nyama nya sirengo sesi ambari gu kuha basi sirumbi sakone, avbo gwanu si ngu loledziswa.”
Sirengo sa matini
9Ga sirengo satshavbo si vbanyago matini, mu ngu dzi kodza gu hodza esi: Ni gevbini gi gu na ni dziphesa ni magwaru na gi gu vbanya matini nya yiphwa mwendro nya tsongo, mu ngu dzi kodza gu hodza. 10Aholu satshavbo esi si gu mwalo dziphesa ni magwaru, sa phwani mwendro sa mitsongoni, satshavbo si vbanyago matini, si khwirirago khu lididi, esi si ngu loledziswa avbo gwanu. 11Khu guralo si woneni kha nga silo si nyenyezidego gwanu; mu nga hodzi nyama yakone, gambe wonani sirumbi sakone kha nga ndzilo nya gunyenyeze. 12Ni gevbini girengo gya matini gi gu mwalo dziphesa ni magwaru, gi lolede avbo gwanu.
13Vbakari nya sinyoni, esi si loledego gu si hodza, kholu si nyenyezide, khesi: Lighama ni likoti, ni ligwilili; 14sivaga ni vanyamatate nya mafumbu yatshavbo; 15mafumbu yatshavbo nya vamahigonganye; 16mbowa, gisungurukhuru, nyamangondrongondrwane ni ligodzyana ni mafumbu yatshavbo nya sivaga; 17Lipfhuguli, ghotswe ni gigurwane; 18lighumbu, litembe ni ngungwa; 19munyangane ni khalahonyi, ni sinyoni satshavbo nya gulaphe mawundru si gimbilago matini, muriyane, ni likhoha.
20Sirengwanana satshavbo si vbuvbago na siri ni migondro mina, si lolede gwanu.
Sirengwanana nya guvbanye
21Aholu vbakari nya sirengwanana si vbuvbago na siri ni migondro mina, mu ngu dzi kodza gu hodza esi si gu ni mawundru nya gu ndrage khayo mafuni. 22Khu magirelo yoyo, mu ngu dzi kodza gu hodza esi: Mafumbu yatshavbo nya mbera, ni humbi, ni dzinyendze khu mafumbu nya guhambanelane. 23Aholu, satshavbo simbe sirengwanana si vbuvbago, si gimbilago khu migondro mina, si ngu loledziswa avbo gwanu.
Sirumbi nya sirengo
24Sirengo sesi, si ngu dzi kodza gu mi nyenyezisa; ni wevbini a na kuhago sirumbi sakone a na nyenyeza nuye kala gupfolani nya lidambo. 25Ni oyu a rwalago sirumbi sakone fanede guhandza dzingandzu dzaye, gambe a na nyenyeza kala gupfolani nya lidambo.
26Sirengo satshavbo nya mawundru mana nyamba kabanega khu sitsendro sivili, mwendro esi nyamba bhisela si wuya si tsagudzela, isoso satshavbo si ngu loledziswa avbo gwanu. Oyu a si kuhago, a na nyenyeza kala gupfolani nya lidambo. 27Satshavbo sirengo nya mawundru mana si gu mwalo sitsendro migondroni, si ngu loledziswa avbo gwanu; ni wevbini a na kuhago sirumbi sakone, a ngu nyenyeza kala gupfolani nya lidambo. 28Oyu a rwalago sirumbi sakone fanede gu handza dzingandzu dzaye, a na nyenyeza kala gupfolani nya lidambo. Esi sirengo nya gulolele avbo gwanu.
Sirengwanana nya sidugwanana si gimbilago mafuni
29Ga satshavbo sirengwanana si khwirirago khu lididi mafuni, esi si loledzisidwego avbo gwanu, khesi: Tshukunyane, mendre, kwase khu mafumbu yaye yatshavbo, mavbele; 30nyapfhakhandre, ngona, nyawondrwe ni givarara.
Milayo nya silo nya gunyenyeze
31Vbakari nya sivangwa satshavbo si dzi khuthago mafuni, khiso mu fanelago gu si pima gukhenu si nyenyezide, uye a kuhago sirumbi sakone, a na bani a nyenyezide kala gupfolani nya lidambo. 32Ni gevbini girengo nya nga egi gya gufa gi thegela gyomboni, gyombo gyogyo gi na nyenyeza: Sombo nya guvatwe khu simbo, guambala, malowo, dzisaku, ni sombo satshavbo esi si thumiswago, si na nyenyeza kala gupfolani nya lidambo. Khu guralo si fanede gu handzwa; khavbo si na agiswago. 33Girengo nya nga esi, gya gu thegela gyomboni nya libumba, silo satshavbo si guromo gyomboni momo, si na nyenyeza; u na pandra gyombo gyogyo. 34Guhodza gwatshavbo gu na nyenyeza gwa gu kuhwa khu mati ma guromo gyomboni momo. Wadwa watshavbo wu kuhwago khu mati yoyo wu na nyenyeza, ambari na wuri gyomboni nya gu wani; wu ngu loledziswa. 35Gyombo gyatshavbo gya gu thegedwa khu sirumbi nya sirengo soso, gi na nyenyeziswa; ambari nari gikho mwendro gidhingiselo, si na khungumuledwe, kholu si nyenyezide avbo gwanu. 36Aholu gifefe mwendro nambo wu gu ni mati nya mangi, wu na simama na wu agide; ambari ulo uye a kuhago girumbi nya esi si fudego a na nyenyeza. 37Sirumbi nya sirengo sesi sa gu thegela vbambewutunu yi dongisedwego guya yadwa, mbewu yi na simama na yi agide; 38aholu mbewu ya gu bani na yi lovegidwe yi ta thegedwa khu sirumbi sesi, mbewu yoyo yi nyenyezide gwanu. 39Gya gufa girengo nya esi mu dzumedziswago guhodza, oyu a kuhago girumbi gyakone, a na lolela kala gupfolani nya lidambo. 40Oyu a hodzago nyama nya girengo gi ngafago gyabune, gu vbwetega a handza dzingandzu dzaye, gambe a na lolela kala gupfolani nya lidambo. Ni oyu a na rolago girumbi gyakone, fanede gu handza dzingandzu dzaye, a nyenyeza kala gupfolani nya lidambo.
Mahungu nya wukhongeli
41Sirengo satshavbo si ndrindrandrindrago khu lididi mafuni si nyenyezide; si lolede mu nga hodzi. 42Sirengo satshavbo si khwirirago khu lididi, ni esi si gimbilago khu mawundru mana, mwendro esi si gimbilago khu mawundru nya gutale, mu ngu loledziswa gu hodza, kholu si nyenyezide. 43Mu nga dzi nyenyezisi mwabune khu kotani nya sirengo soso nya gukhwirire si gimbilago mafuni. Mu nga dzi nyenyezisi khu gu si kuha, gasi mu si nyenyeziswi khiso. 44#Wona gambe: Levh 19:2; Dzind 37:28; 1 Ped 1:16. Eni kheni Pfhumu Nungungulu wanu, Eni nyi na mi agisa mu simama na mu agide, kholu Eni nyi agide; mu nga dzi nyenyezisini mwabune khu kotani nya sirengo satshavbo soso nya gukhwirire si gimbilago mafuni. 45Eni kheni Pfhumu Nungungulu nyi nga mi dusa tigoni ga Egipito, gasi nyi khala Nungungulu wanu. Khu guralo, mu na agani kholu Eni nyi agide. 46Oyu nayo wu vegidwego na wu ganela khu mahungu nya sirengo nya mawundru mana, ni sinyoni satshavbo, ni satshavbo sirengo nya guvbanye si gimbilago matini ni satshavbo esi si khwirirago mafuni. 47“Wu vegidwe gasi mu kodza gu hambanisa esi si nyenyezidego ni esi si agidego, sirengo si hodzwago ni esi si si hodzwigo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.