Mavingu 6
6
Sileletelo nya guhambanelane
1Mwanangu, wa gu bani u dzi ningede gu livba
milandru ya muakelane wago,
ni gu bani u sambanyide gu livbela milandru
ya mumbe muthu,
2u dzi modziside khu guganela gwago,
magana yago ma gu hungide.
3Khu guralo, mwanangu,
kha nga olu u thegedego mandzani ga
muakelane wago,
indra u ya dzi nogisa khu githawo;
u khongotela muakelane wago!
4Maho yago ma nga mani ligovbe,
ni dzitshi dzago dzi nga woteli;
5dzi vbanyise kha nga mbavala mandzani ga musoti,
ni ginyoni gi kavilago ngodzi.
Ngara ni wuhugudzi
6Uwe ngara wewe, nga khedza wuguhudzi,
u wona mavbanyelo yaye,
u na khala muthu nya gugengele.
7Wu mwalo mufumeli, ambari muthangeli
ni mugimbidzisi;
8wa gu hengeledzela dzimbuva vbamarongatunu,
wa dzi vegela guhodza khu gikhati nya guvbwere.
9Kala lini nu nga gu lade, ngara wewe?
Gasi u na khendzuga lini khu ligovbeni?
10Khidzo kharato, wa gu lala vbadugwana,
gimbe gikhati u wotela,
gimbe gikhati gambe u khumbarana mawogo, u lala.
11 # Wona gambe: Mav 24:3-34. Khu guralo, wusiwana wu na gutela kha nga mbafa,
ni wumbwa wu na vboha kha nga muthu
a somidego matshari.
12Muthu nya dzihanyi gighevenga,
khuye a yalago mapongowongo.
13A gu khwavbigisa maho, a runya,
a ghughuta migondro vbavbatshi,
a gira siwoniso khu dzinyala;
14Monyoni gwaye gu tade khu wudambane;
gikhati gyatshavbo a gu luga gikungo nya guvivbe,
a wusa mayunga.
15Khu guralo, libango li na mu thegela khu gipitipiti;
khu githugedza a na thega a mbemba nyamba wuga gambe.
16Somo livbandre na gimwegyo silo a si vengago Pfhumu Nungungulu,
nya livbandre na sivili si gorosago hefemulo waye,
a gu esi:
17Maho nya gu dzi gugumugise,
lidimi nya guganele malipha,
mandza ma vbaladzago novba nyambana nandru,
18monyo wu lugago makungo nyambasi yadi
migondro yi tutumelago gu gira silo nya guvivbe,
19fakazi nya gukanganyise yi phalalegisago malipha
ni uye a wusago mayunga vbakari ga vandriyaye.
Sileletelo nya guthave wubhayi
20Mwanangu, vegedza milayo ya
babe wago,
u nga hambani ni sihevbudzo sa mayi wago.
21Si vegedze gikhati gyatshavbo monyoni gwago,
u si hunga thamoni gwago.
22Si na gu hetedza ndzilani gwago,
wa gu lala, si na gu vhikela,
wa gu wuga, si na gu bhudzisa.
23Kholu milayo kandriya,
sihevbudzo i safa nya guwonegele,
ni gukawukwa nya gululame,
ndzila yi yisago guvbanyani;
24yi na gu vbulugisa ga nyamayi
nya mavbanyelo nya guvivbe,
ni ga magana yaye nya wusengedzeli.
25Monyo wago wu nga dzumeli gu modwa
khu gu dogorela wumburi waye
ambari gundrindrwa khu gurunya nya maho yaye.
26Nyamayi nya liphuphulu a ngu fidhwa khu gipandre
nya gibaba,
aholu nyamayi nya gibhayi
a gu sota mavbanyelo nya yadi.
27Ina muthu a ngu wugarela nilo vbakhanatunu gwaye,
dzingandzu dzaye dzi sivbyi, gani?
28Mwendro a ngu kodza gu gimbila khu vbatshani
nya magala nya nilo
a sivbyi, gani?
29Khu kharato, muthu watshavbo a bhayago
ni mwangadzi wa mumbe muthu, a na ni nandru,
kha na vbuluga gu tsayiswa.
30Mbafa yi nga vadwi,
ya guba khu gupwa ndzala;
31aholu ya gu manwa yi na livba khu
livbandre na dzimbili dzinyondro.
Gambe yi na ningela thomba yatshavbo
ya ndrangani gwaye.
32Uye a bhayago ni mwangadzi wa vane
mwalo mapimo,
uye a girago isoso, a gu dzi kembela liphala laye.
33A na mana tsayiso ni gu poyidwa,
dzitshoni dzaye mwalo a na gu dzi tshulago.
34Kholu mwama a mu bhayedego mwangadzi waye
a gu vila khu likhulo,
kha na mu tsetselela litshigu nya gulamudwe.
35Kha na dzumela gu livbwa wugode,
ambari gu khathala khu gu ningwa silo nya gutale.
Currently Selected:
Mavingu 6: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Mavingu 6
6
Sileletelo nya guhambanelane
1Mwanangu, wa gu bani u dzi ningede gu livba
milandru ya muakelane wago,
ni gu bani u sambanyide gu livbela milandru
ya mumbe muthu,
2u dzi modziside khu guganela gwago,
magana yago ma gu hungide.
3Khu guralo, mwanangu,
kha nga olu u thegedego mandzani ga
muakelane wago,
indra u ya dzi nogisa khu githawo;
u khongotela muakelane wago!
4Maho yago ma nga mani ligovbe,
ni dzitshi dzago dzi nga woteli;
5dzi vbanyise kha nga mbavala mandzani ga musoti,
ni ginyoni gi kavilago ngodzi.
Ngara ni wuhugudzi
6Uwe ngara wewe, nga khedza wuguhudzi,
u wona mavbanyelo yaye,
u na khala muthu nya gugengele.
7Wu mwalo mufumeli, ambari muthangeli
ni mugimbidzisi;
8wa gu hengeledzela dzimbuva vbamarongatunu,
wa dzi vegela guhodza khu gikhati nya guvbwere.
9Kala lini nu nga gu lade, ngara wewe?
Gasi u na khendzuga lini khu ligovbeni?
10Khidzo kharato, wa gu lala vbadugwana,
gimbe gikhati u wotela,
gimbe gikhati gambe u khumbarana mawogo, u lala.
11 # Wona gambe: Mav 24:3-34. Khu guralo, wusiwana wu na gutela kha nga mbafa,
ni wumbwa wu na vboha kha nga muthu
a somidego matshari.
12Muthu nya dzihanyi gighevenga,
khuye a yalago mapongowongo.
13A gu khwavbigisa maho, a runya,
a ghughuta migondro vbavbatshi,
a gira siwoniso khu dzinyala;
14Monyoni gwaye gu tade khu wudambane;
gikhati gyatshavbo a gu luga gikungo nya guvivbe,
a wusa mayunga.
15Khu guralo, libango li na mu thegela khu gipitipiti;
khu githugedza a na thega a mbemba nyamba wuga gambe.
16Somo livbandre na gimwegyo silo a si vengago Pfhumu Nungungulu,
nya livbandre na sivili si gorosago hefemulo waye,
a gu esi:
17Maho nya gu dzi gugumugise,
lidimi nya guganele malipha,
mandza ma vbaladzago novba nyambana nandru,
18monyo wu lugago makungo nyambasi yadi
migondro yi tutumelago gu gira silo nya guvivbe,
19fakazi nya gukanganyise yi phalalegisago malipha
ni uye a wusago mayunga vbakari ga vandriyaye.
Sileletelo nya guthave wubhayi
20Mwanangu, vegedza milayo ya
babe wago,
u nga hambani ni sihevbudzo sa mayi wago.
21Si vegedze gikhati gyatshavbo monyoni gwago,
u si hunga thamoni gwago.
22Si na gu hetedza ndzilani gwago,
wa gu lala, si na gu vhikela,
wa gu wuga, si na gu bhudzisa.
23Kholu milayo kandriya,
sihevbudzo i safa nya guwonegele,
ni gukawukwa nya gululame,
ndzila yi yisago guvbanyani;
24yi na gu vbulugisa ga nyamayi
nya mavbanyelo nya guvivbe,
ni ga magana yaye nya wusengedzeli.
25Monyo wago wu nga dzumeli gu modwa
khu gu dogorela wumburi waye
ambari gundrindrwa khu gurunya nya maho yaye.
26Nyamayi nya liphuphulu a ngu fidhwa khu gipandre
nya gibaba,
aholu nyamayi nya gibhayi
a gu sota mavbanyelo nya yadi.
27Ina muthu a ngu wugarela nilo vbakhanatunu gwaye,
dzingandzu dzaye dzi sivbyi, gani?
28Mwendro a ngu kodza gu gimbila khu vbatshani
nya magala nya nilo
a sivbyi, gani?
29Khu kharato, muthu watshavbo a bhayago
ni mwangadzi wa mumbe muthu, a na ni nandru,
kha na vbuluga gu tsayiswa.
30Mbafa yi nga vadwi,
ya guba khu gupwa ndzala;
31aholu ya gu manwa yi na livba khu
livbandre na dzimbili dzinyondro.
Gambe yi na ningela thomba yatshavbo
ya ndrangani gwaye.
32Uye a bhayago ni mwangadzi wa vane
mwalo mapimo,
uye a girago isoso, a gu dzi kembela liphala laye.
33A na mana tsayiso ni gu poyidwa,
dzitshoni dzaye mwalo a na gu dzi tshulago.
34Kholu mwama a mu bhayedego mwangadzi waye
a gu vila khu likhulo,
kha na mu tsetselela litshigu nya gulamudwe.
35Kha na dzumela gu livbwa wugode,
ambari gu khathala khu gu ningwa silo nya gutale.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.