Mavingu 4
4
Sileletelo sa vavelegi giphaso nya guti
1Yingisani, vanavangu, sileletelo sa babe
mu tule dzindzeve gasi mu kodze gupwisisa.
2Kholu gihevbudzo nyi mi ningago khyadi,
khu guralo, mu nga tshuki mu hambana
ni nayo wangu.
3Eni neni nyi diri gyanana gya babe,
nyi ngari dugwana ngudzu, nyiri eni basi
gyanana nya gu godwe ngudzu khu mayi wangu,
4uye a di nyi hevbudza, a nyi embela, khuye:
Vegedza magana yangu monyoni gwago,
u sayisa milayo yangu u na vbanya.
5Dzi vbwetele guti, u dzi vbwetela mapimo,
u nga divali ambari guhambana ni magana yangu.
6U nga hambani ni guti, kholu gu na gu sayisa,
gu gole, kholu gu na guvbanyisa.
7Guti gilo nya guphele, gu gole,
zama khu satshavbo u gu naso
gasi u mane wugengeli.
8Gu dandrise, ugo nugo wu na gu khusedza,
wa gu gu gumbarela, ugo gu na gu dhumisa.
9Gu na vega gihugu nya wumburi
hungoni gwago,
gu gu ambagisa hari nya wudhumo.
10Yingisa, mwanangu, u hakha magana yangu,
gasi u kodza guvbanya myaga nya gutale.
11Nyi gu hevbudzide khu dzindzila nya guti,
nyi gu gimbidzisa khu sindzilana nya gululame.
12Wa gu gimbila khidzo, migondro yago
kha yi na tshunganela,
ambari wa gu tutuma khu na kwiriga u thega.
13Vegedza gwadi sihevbudzo, u nga si digi
si sayise, kholu khiso womi wago.
14U nga gimbili khu sindzilana sa va nya guvivbedwa khu monyo,
ambari gu longoloka ni sighohi.
15Gimbilela hwindzo, u nga vbindreli vbafuvbi gwawe,
ndreya u vbindrela wubambe gwawe.
16Kholu kha va lali, na va si giri guvivba,
kha va mani ligovbe, na va si gu thesi muthu.
17Kholu, avo guhodza gwawe khu guvivba,
va sela wadwa nya dzihanyi.
18Aholu ndzila ya va nya gululama ya gu wenengedza
kha nga wuronga nya gugye,
wu wenengedzago kala gu gira safa nya mihani.
19Aholu ndzila ya va nya guvivbedwa khu myonyo
ya gu fanana ni gidema nya guthise,
va gumba wona ni gilo gi va ghumulago.
20Mwanangu, yingisa magana yangu;
u demba ndzeve upwa sileletelo sangu.
21Maho yago ma nga hambani naso,
si sayise ndrani nya monyo wago.
22Kholu womi ga vale va si manago,
si ngu vbanyisa mili wawe watshavbo.
23Guvbindra silo satshavbo,
vegedza monyo wago, kholu khumo gu guromo
guvbanya gwago.
24U nga tshuki u dusa sihonohono khu kanani gwago,
hambana ni magana nya sihonohono.
25Maho yago ma na khedze mbeli basi,
u si khwavbigi ndzilani gwago u khedza phuvbo.
26Khedza ndzila u gimbilago khiyo,
dzindzila dzago dzatshavbo dzi na lulame!
27U nga ndreyi uya nyamudye
mwendro nyambade,
dusa ngondro wago guvivbani.
Currently Selected:
Mavingu 4: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Mavingu 4
4
Sileletelo sa vavelegi giphaso nya guti
1Yingisani, vanavangu, sileletelo sa babe
mu tule dzindzeve gasi mu kodze gupwisisa.
2Kholu gihevbudzo nyi mi ningago khyadi,
khu guralo, mu nga tshuki mu hambana
ni nayo wangu.
3Eni neni nyi diri gyanana gya babe,
nyi ngari dugwana ngudzu, nyiri eni basi
gyanana nya gu godwe ngudzu khu mayi wangu,
4uye a di nyi hevbudza, a nyi embela, khuye:
Vegedza magana yangu monyoni gwago,
u sayisa milayo yangu u na vbanya.
5Dzi vbwetele guti, u dzi vbwetela mapimo,
u nga divali ambari guhambana ni magana yangu.
6U nga hambani ni guti, kholu gu na gu sayisa,
gu gole, kholu gu na guvbanyisa.
7Guti gilo nya guphele, gu gole,
zama khu satshavbo u gu naso
gasi u mane wugengeli.
8Gu dandrise, ugo nugo wu na gu khusedza,
wa gu gu gumbarela, ugo gu na gu dhumisa.
9Gu na vega gihugu nya wumburi
hungoni gwago,
gu gu ambagisa hari nya wudhumo.
10Yingisa, mwanangu, u hakha magana yangu,
gasi u kodza guvbanya myaga nya gutale.
11Nyi gu hevbudzide khu dzindzila nya guti,
nyi gu gimbidzisa khu sindzilana nya gululame.
12Wa gu gimbila khidzo, migondro yago
kha yi na tshunganela,
ambari wa gu tutuma khu na kwiriga u thega.
13Vegedza gwadi sihevbudzo, u nga si digi
si sayise, kholu khiso womi wago.
14U nga gimbili khu sindzilana sa va nya guvivbedwa khu monyo,
ambari gu longoloka ni sighohi.
15Gimbilela hwindzo, u nga vbindreli vbafuvbi gwawe,
ndreya u vbindrela wubambe gwawe.
16Kholu kha va lali, na va si giri guvivba,
kha va mani ligovbe, na va si gu thesi muthu.
17Kholu, avo guhodza gwawe khu guvivba,
va sela wadwa nya dzihanyi.
18Aholu ndzila ya va nya gululama ya gu wenengedza
kha nga wuronga nya gugye,
wu wenengedzago kala gu gira safa nya mihani.
19Aholu ndzila ya va nya guvivbedwa khu myonyo
ya gu fanana ni gidema nya guthise,
va gumba wona ni gilo gi va ghumulago.
20Mwanangu, yingisa magana yangu;
u demba ndzeve upwa sileletelo sangu.
21Maho yago ma nga hambani naso,
si sayise ndrani nya monyo wago.
22Kholu womi ga vale va si manago,
si ngu vbanyisa mili wawe watshavbo.
23Guvbindra silo satshavbo,
vegedza monyo wago, kholu khumo gu guromo
guvbanya gwago.
24U nga tshuki u dusa sihonohono khu kanani gwago,
hambana ni magana nya sihonohono.
25Maho yago ma na khedze mbeli basi,
u si khwavbigi ndzilani gwago u khedza phuvbo.
26Khedza ndzila u gimbilago khiyo,
dzindzila dzago dzatshavbo dzi na lulame!
27U nga ndreyi uya nyamudye
mwendro nyambade,
dusa ngondro wago guvivbani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.