Mavingu 17
17
1I tshukhwana gu hodza ligogo mugurulani,
guvbindra gu hodza dzinyama nya gunone
avbo gu tadego khu mayunga.
2Githumi nya gugengele, gi na fumela mwamana
a thesago dzitshoni nyehe waye,
gi na kabana thomba gumogo ni vandriyaye.
3Parata ya gu lingwa khu nilo
ni ndralama ya gu nyiviligiswa khu lidhingiso,
aholu myonyo ya vathu ya gu lingwa
khu Pfhumu Nungungulu.
4Muthu nya guvivbedwe khu monyo, a gu yingisa
magana nya guvivbe,
ni muthu nya malipha a gu yingisela magana
nya milembo.
5Uye a nyenyago gisiwana, a gu vala Muvangi waye,
ni uye a tsakiswago khu gu wona vambe vari mhangoni,
kha na vbuluga.
6Gihugu nya wufumu gya sikhosane, khu vatugulu,
ni wudhumo wa sanana khu vavelegi.
7Magana nya gu dzi khusedze kha ma faneli
gu duswa khu gipumbu,
kha nga gambe magana nya malipha ma si faneligo
gu duswa khu linganagana.
8Gu rengeledwa, muthu a gu gu wona kha nga gilo
nya lisima,
na gu tumba gukhuye ni evbini a belago
a na dugelela.
9Uye a sihago gighoho a gu vbweta lihaladzo,
gasi uye a gi hivelago a gu hambanisa wupari.
10Muthu nya mapimo a gu kawukwa
a gu vbiredza gupwa,
guvbindra gu veta lizana dzindronga hwamboni
nya gipumbu.
11Muthu nya guvivbedwe khu monyo a gu gola
mayunga,
khu guralo a na rumedwa muthu nya gigaha.
12I tshukwana gutshangana ni gikankanka nya ngadzi
gi wandredwego sanana saye,
guvbindra gutshangana ni gipumbu gi thumago
wuphuguphugu wagyo.
13Uye a bweledzelago wuwadi khu guvivba,
libango gima kha la na duga ndrangani gwaye.
14Guphela nya guganedzisane gukhwatshi guphusuga
nya mati nya tsongo wa guphela gutala;
khu guralo, khuga u hongole na mu si
gu pheli mayunga.
15Uye a emelago muthu nya gighohi, khuye gambe
a konago muthu nya gululame;
satshavbo si vivbide mahoni ga Pfhumu Nungungulu.
16Dza gu phasa ginani dzitsapawu gu manwa
khu gipumbu gasi gurenga guti,
na giri mwalo mapimo?
17Iyo yi gu pari yi ngu gu gola gikhati gyatshavbo,
nuri gikhatini nya wuvi, ya gu khala ndriyago.
18Muthu nyambana mapimo a dzi ningelago gu
khala thembedzi nya milandru ya vakwawe,
a gu dzi rwega nandru abune.
19Uye a golago mayunga, a gu gola gighoho,
ni uye nya guganele ngudzu a gu dzi vangela libango.
20Muthu nyambana mapimo gima kha mani gurula,
ni muthu nya mapongowongo a gu thegedwa
khu mhango.
21Gyanana nyamba yingisa, wusiwana ga babe waye,
ni babe wakone kha hodzi si relela.
22Gutenga nya monyo rendre wu vbanyisago,
aholu hefemulo wu khuvekidego, gu bangisa marambo.
23Muthu nya guvivbedwe khu monyo a gu dzumela
gu rengeledwa gusihalani,
gasi a si lamuli khu lisine.
24Muthu nya mapimo a gu dzi garadza khu gu vbweta guti,
gasi maho nya gipumbu ma gu legalega tigoni gwatshavbo.
25Gyanana nyamba yingisa i tshanisa ga babe waye,
ni wuvi ga mayi waye.
26Gu tsayisa muthu nyambana nandru si vivbide,
ambari gu veta muthu a lulamidego khu kotani
nya wuwadi waye.
27Muthu nya gugengele kha ganeli nya muganele,
ni muthu nya mapimo a gu dzi rudzisa.
28Gipumbu gya gu degula higyo kape,
gukhwatshi muthu nya guti,
gya gu sega likana gukhwatshi muthu nya mapimo.
Currently Selected:
Mavingu 17: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Mavingu 17
17
1I tshukhwana gu hodza ligogo mugurulani,
guvbindra gu hodza dzinyama nya gunone
avbo gu tadego khu mayunga.
2Githumi nya gugengele, gi na fumela mwamana
a thesago dzitshoni nyehe waye,
gi na kabana thomba gumogo ni vandriyaye.
3Parata ya gu lingwa khu nilo
ni ndralama ya gu nyiviligiswa khu lidhingiso,
aholu myonyo ya vathu ya gu lingwa
khu Pfhumu Nungungulu.
4Muthu nya guvivbedwe khu monyo, a gu yingisa
magana nya guvivbe,
ni muthu nya malipha a gu yingisela magana
nya milembo.
5Uye a nyenyago gisiwana, a gu vala Muvangi waye,
ni uye a tsakiswago khu gu wona vambe vari mhangoni,
kha na vbuluga.
6Gihugu nya wufumu gya sikhosane, khu vatugulu,
ni wudhumo wa sanana khu vavelegi.
7Magana nya gu dzi khusedze kha ma faneli
gu duswa khu gipumbu,
kha nga gambe magana nya malipha ma si faneligo
gu duswa khu linganagana.
8Gu rengeledwa, muthu a gu gu wona kha nga gilo
nya lisima,
na gu tumba gukhuye ni evbini a belago
a na dugelela.
9Uye a sihago gighoho a gu vbweta lihaladzo,
gasi uye a gi hivelago a gu hambanisa wupari.
10Muthu nya mapimo a gu kawukwa
a gu vbiredza gupwa,
guvbindra gu veta lizana dzindronga hwamboni
nya gipumbu.
11Muthu nya guvivbedwe khu monyo a gu gola
mayunga,
khu guralo a na rumedwa muthu nya gigaha.
12I tshukwana gutshangana ni gikankanka nya ngadzi
gi wandredwego sanana saye,
guvbindra gutshangana ni gipumbu gi thumago
wuphuguphugu wagyo.
13Uye a bweledzelago wuwadi khu guvivba,
libango gima kha la na duga ndrangani gwaye.
14Guphela nya guganedzisane gukhwatshi guphusuga
nya mati nya tsongo wa guphela gutala;
khu guralo, khuga u hongole na mu si
gu pheli mayunga.
15Uye a emelago muthu nya gighohi, khuye gambe
a konago muthu nya gululame;
satshavbo si vivbide mahoni ga Pfhumu Nungungulu.
16Dza gu phasa ginani dzitsapawu gu manwa
khu gipumbu gasi gurenga guti,
na giri mwalo mapimo?
17Iyo yi gu pari yi ngu gu gola gikhati gyatshavbo,
nuri gikhatini nya wuvi, ya gu khala ndriyago.
18Muthu nyambana mapimo a dzi ningelago gu
khala thembedzi nya milandru ya vakwawe,
a gu dzi rwega nandru abune.
19Uye a golago mayunga, a gu gola gighoho,
ni uye nya guganele ngudzu a gu dzi vangela libango.
20Muthu nyambana mapimo gima kha mani gurula,
ni muthu nya mapongowongo a gu thegedwa
khu mhango.
21Gyanana nyamba yingisa, wusiwana ga babe waye,
ni babe wakone kha hodzi si relela.
22Gutenga nya monyo rendre wu vbanyisago,
aholu hefemulo wu khuvekidego, gu bangisa marambo.
23Muthu nya guvivbedwe khu monyo a gu dzumela
gu rengeledwa gusihalani,
gasi a si lamuli khu lisine.
24Muthu nya mapimo a gu dzi garadza khu gu vbweta guti,
gasi maho nya gipumbu ma gu legalega tigoni gwatshavbo.
25Gyanana nyamba yingisa i tshanisa ga babe waye,
ni wuvi ga mayi waye.
26Gu tsayisa muthu nyambana nandru si vivbide,
ambari gu veta muthu a lulamidego khu kotani
nya wuwadi waye.
27Muthu nya gugengele kha ganeli nya muganele,
ni muthu nya mapimo a gu dzi rudzisa.
28Gipumbu gya gu degula higyo kape,
gukhwatshi muthu nya guti,
gya gu sega likana gukhwatshi muthu nya mapimo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.