Mitengo 19
19
Mati nya guagise
(Vahebheru 9:13-14; 13:11-13)
1 Pfhumu Nungungulu a di engedza a embela Mosi ni Aroni, khuye: 2Egi khu gileletelo nya nayo mu ningwago khu Pfhumu Nungungulu, a gu khuye: Ganela ga va na Israyeli va nyi resela gimombyana nya ngadzi nya gufuvile, nyamba hasa, nyambana mavalavala, gi si gu rwaligo kanga. 3Mu gi ningelani ga muphasi nya mhamba Eleyazari; a na gi dusa vbavbandze nya lizumbo; gita paywa mbeli gwaye. 4Muphasi nya mhamba Eleyazari, a na dzega novba wakone, a wu mitegedzela khu nyala yaye mbeli nya Tshatsha nya Tshangano, livbandre na dzimbili dzinyondro. 5Khavbo avbo, va na vbisa gimombyana mbeli gwaye; va na vbisa lidowo, nyama, novba ni swanyi wakone. 6Muphasi nya mhamba a na dzega simbo nya sedhari, ni mwasi nya nyagiluve#19:6 Hisope: Avba hi wu ranago khethu nyagiluve, a diri mwasi wu nga bani wu buga dzindzarini dza gale, wu nga bani wu thumiswa guagisa gunyenyeza nya vathu. ni mawoya nya gufuvile, a si rinya vbakari nya nilo avbo gu vbiswago gimombyana. 7Khavbo avbo, muphasi nya mhamba a na handza dzingandzu dzaye, a hamba givili gyaye khu mati, khu hwane a bela lizumboni, a na bani na lolede kala gupfolani nya lidambo. 8Uye a nga vbisago nuye, a na handza dzingandzu dzaye khu mati ni gu hamba givili gyaye, uye nuye a na bani a lolede kala gupfolani nya lidambo.
9 # Wona gambe: Hebh 9:13. Mwama moyo a agidego a na wola nguma nya gimombyana, aya wu thela wulangani nya guage, vbavbandze nya lizumbo. Nguma wowu wu na sayiswa gwadi khu tshangano wa va na Israyeli gasi gu gira khuwo mati nya gutsetseledwe sighoho; wu khala phaselo nya sighoho. 10Uye a wodego nguma nya gimombyana a na handza dzingandzu dzaye, a na bani na lolede kala gupfolani nya lidambo; owu wu na wuri nari nayo nya gupindruge ga va na Israyeli ni ga muluveli a vbanyago vbakari gwawe.
11Wule a na kuhago girumbi nya muthu, a na bani na nyenyezide livbandre na mavili matshigu. 12A na dzi agisa khu litshigu nya wuraru khu mati nya guagise, bwelo khavbo a dzi agisa khu litshigu nya livbandre na mavili; aholu a gumba dzi agisa khu litshigu nya wuraru, ni litshigu nya livbandre na mavili khu mati yoyo, uye kha na aga. 13Muthu watshavbo a na kuhago girumbi nya muthu nya gu bani na fude, a si dzi agisi, a gu nyenyezisa Tshatsha wa Pfhumu Nungungulu; khu kharato, a na fuviswa vbakari ga va na Israyeli, kholu kha mitegedzedwa mati nya guagise; nyenyezide, gunyenyeza gu ngari vbatshani gwaye.
14Owu khuwo nayo, a gu tshuka muthu afa tshatshani nya gukari, vatshavbo va belago tshatshani momo ni vatshavbo va guromo umo, va na bani va nyenyezide livbandre na mavili matshigu. 15Ni sombo satshavbo si ngamba fenengedzwa, si gu mwalo gifenengedzo nya guhungwe khigyo, si na bani si nyenyezide.
16Muthu watshavbo a na kuhago girumbi nya muthu a nga songwa khu litshari khabini, mwendro a ngafa, mwendro marambo nya muthu, mwendro lithowo, a na bani na nyenyezide livbandre na mavili matshigu.
17Gasi gu agisa muthu yoyo a nyenyezidego, va na baga nguma nya miphaso nya sighoho va thela gyomboni, va thela mati vbatshani nya nguma. 18Khu guralo, muthu moyo a agidego, a na dzega sase nya nyagiluve a wu nega matini momo, a mitegedzela tshatsha ni sombo satshavbo, ni vatshavbo vathu va guromo tshatshani mule. A na mitegedzela gambe ni muthu yoyo a khuhidego marambo, ambari nari muthu a songidwego, mwendro lithowo. 19Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide. 20Aholu uye a nyenyezidego a gumba dzi agisa, muthu yoyo a na fuviswa vbakari nya tshangano; kholu a na bani na nyenyeziside Wulanga nya Guage wa Pfhumu Nungungulu, ni mati nya guagise kha ma mitegedzela vbatshani gwaye; khu guralo nyenyezide. 21Owu wu na bani wuri nayo kala gupindruga: Uye a na gu mitegedzelago khu mati nya guagise, a na handza dzingandzu dzaye; ni oyu a na kuhago mati nya guagise, a na bani nasa aga kala gupfolani nya lidambo. 22Ni satshavbo iso si nga khuhwago khu muthu nya gunyenyeze, si na bani si nyenyezide, ni muthu a na gu si kuhago a na nyenyeza kala gupfolani nya lidambo.
Currently Selected:
Mitengo 19: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Mitengo 19
19
Mati nya guagise
(Vahebheru 9:13-14; 13:11-13)
1 Pfhumu Nungungulu a di engedza a embela Mosi ni Aroni, khuye: 2Egi khu gileletelo nya nayo mu ningwago khu Pfhumu Nungungulu, a gu khuye: Ganela ga va na Israyeli va nyi resela gimombyana nya ngadzi nya gufuvile, nyamba hasa, nyambana mavalavala, gi si gu rwaligo kanga. 3Mu gi ningelani ga muphasi nya mhamba Eleyazari; a na gi dusa vbavbandze nya lizumbo; gita paywa mbeli gwaye. 4Muphasi nya mhamba Eleyazari, a na dzega novba wakone, a wu mitegedzela khu nyala yaye mbeli nya Tshatsha nya Tshangano, livbandre na dzimbili dzinyondro. 5Khavbo avbo, va na vbisa gimombyana mbeli gwaye; va na vbisa lidowo, nyama, novba ni swanyi wakone. 6Muphasi nya mhamba a na dzega simbo nya sedhari, ni mwasi nya nyagiluve#19:6 Hisope: Avba hi wu ranago khethu nyagiluve, a diri mwasi wu nga bani wu buga dzindzarini dza gale, wu nga bani wu thumiswa guagisa gunyenyeza nya vathu. ni mawoya nya gufuvile, a si rinya vbakari nya nilo avbo gu vbiswago gimombyana. 7Khavbo avbo, muphasi nya mhamba a na handza dzingandzu dzaye, a hamba givili gyaye khu mati, khu hwane a bela lizumboni, a na bani na lolede kala gupfolani nya lidambo. 8Uye a nga vbisago nuye, a na handza dzingandzu dzaye khu mati ni gu hamba givili gyaye, uye nuye a na bani a lolede kala gupfolani nya lidambo.
9 # Wona gambe: Hebh 9:13. Mwama moyo a agidego a na wola nguma nya gimombyana, aya wu thela wulangani nya guage, vbavbandze nya lizumbo. Nguma wowu wu na sayiswa gwadi khu tshangano wa va na Israyeli gasi gu gira khuwo mati nya gutsetseledwe sighoho; wu khala phaselo nya sighoho. 10Uye a wodego nguma nya gimombyana a na handza dzingandzu dzaye, a na bani na lolede kala gupfolani nya lidambo; owu wu na wuri nari nayo nya gupindruge ga va na Israyeli ni ga muluveli a vbanyago vbakari gwawe.
11Wule a na kuhago girumbi nya muthu, a na bani na nyenyezide livbandre na mavili matshigu. 12A na dzi agisa khu litshigu nya wuraru khu mati nya guagise, bwelo khavbo a dzi agisa khu litshigu nya livbandre na mavili; aholu a gumba dzi agisa khu litshigu nya wuraru, ni litshigu nya livbandre na mavili khu mati yoyo, uye kha na aga. 13Muthu watshavbo a na kuhago girumbi nya muthu nya gu bani na fude, a si dzi agisi, a gu nyenyezisa Tshatsha wa Pfhumu Nungungulu; khu kharato, a na fuviswa vbakari ga va na Israyeli, kholu kha mitegedzedwa mati nya guagise; nyenyezide, gunyenyeza gu ngari vbatshani gwaye.
14Owu khuwo nayo, a gu tshuka muthu afa tshatshani nya gukari, vatshavbo va belago tshatshani momo ni vatshavbo va guromo umo, va na bani va nyenyezide livbandre na mavili matshigu. 15Ni sombo satshavbo si ngamba fenengedzwa, si gu mwalo gifenengedzo nya guhungwe khigyo, si na bani si nyenyezide.
16Muthu watshavbo a na kuhago girumbi nya muthu a nga songwa khu litshari khabini, mwendro a ngafa, mwendro marambo nya muthu, mwendro lithowo, a na bani na nyenyezide livbandre na mavili matshigu.
17Gasi gu agisa muthu yoyo a nyenyezidego, va na baga nguma nya miphaso nya sighoho va thela gyomboni, va thela mati vbatshani nya nguma. 18Khu guralo, muthu moyo a agidego, a na dzega sase nya nyagiluve a wu nega matini momo, a mitegedzela tshatsha ni sombo satshavbo, ni vatshavbo vathu va guromo tshatshani mule. A na mitegedzela gambe ni muthu yoyo a khuhidego marambo, ambari nari muthu a songidwego, mwendro lithowo. 19Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide. 20Aholu uye a nyenyezidego a gumba dzi agisa, muthu yoyo a na fuviswa vbakari nya tshangano; kholu a na bani na nyenyeziside Wulanga nya Guage wa Pfhumu Nungungulu, ni mati nya guagise kha ma mitegedzela vbatshani gwaye; khu guralo nyenyezide. 21Owu wu na bani wuri nayo kala gupindruga: Uye a na gu mitegedzelago khu mati nya guagise, a na handza dzingandzu dzaye; ni oyu a na kuhago mati nya guagise, a na bani nasa aga kala gupfolani nya lidambo. 22Ni satshavbo iso si nga khuhwago khu muthu nya gunyenyeze, si na bani si nyenyezide, ni muthu a na gu si kuhago a na nyenyeza kala gupfolani nya lidambo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.