Levhi 19
19
Milayo nya wukhodwa, nya tumbunugo ni mavbanyelo
1 Pfhumu Nungungulu a di embela gambe Mosi, khuye: 2#Wona gambe: Levh 11:44-45; 1 Ped 1:16. “Ganela ga tshangano watshavbo nya sanana sa Israyeli, u va embela, khuwe: Agani, kholu Eni Pfhumu Nungungulu wanu nyi agide. 3#Wona gambe: Eks 20:12; Dhet 5:16; Eks 20:8; Dhet 5:12. Moyo ni moyo nya enu a na ninge githawo mayi waye, ni babe waye, mu vegedza matshigu nya Sabhadho yanu. Eni kheni Pfhumu Nungungulu wanu. 4Mu nga khozelini vanungungulu nya malipha, gambe mu nga dzi gireleni vanungungulu nya gupfhudwe khu sikete. Eni kheni Pfhumu Nungungulu wanu. 5Mwa guta ningelani ga Pfhumu Nungungulu phaso nya pwanano, ningelani khu gugola gwanu, gasi mu kodza guhakhwa. 6Nyama nya miphaso gu vbwetega yi hodzwa kamwe litshigu lolo nya phaso, mwendro khu litshigu li landrelago; eyi yi na tshalago kala litshigu nya wuraru, yi na vbiswa niloni. 7Aholu, muthu a gu yi hodza khu litshigu nya wuraru, yi na bani yiri nyama nya gughoheke, kha yi na hakhwa. 8Ni wevbini a na yi hodzago, a na rwala nandru nya guvivbe gwaye, kholu kanyiside esi si phasedwego Pfhumu Nungungulu. Khu guralo, a na fuviswa vbakari nya vathu vaye. 9Mwa gu vbwera mihandro marembweni gwanu, mu nga vbweri kala mahegiso nya lithembwe, gambe mu nga roleli ni esi si thegidego mwendro gutshaledzela. 10Thembweni gwago nya miuvha, u nga bweleli hwane u ya havedzela esi si tshaledzedego, mwendro gu roledzela dziuvha dzi thegidego vbavbatshi. U na tshiyela sisiwana ni valuveli. Eni kheni Pfhumu Nungungulu wanu. 11#Wona gambe: Eks 20:15; Dhet 5:19; Eks 20:16; Dhet 5:20. Mu nga bi, mu nga liphi, mu nga pfhadzi muthu kwanu; 12#Wona gambe: Eks 20:7; Dhet 5:11; Mat 5:33. mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu. 13#Wona gambe: Dhet 24:14-15. U nga bi mwendro gudzega gilo gya muthu kwanu. U nga hweli gulivba githumi gyago u khala ni hakhelo yaye kala limbe litshigu. 14#Wona gambe: Dhet 27:18. U nga vali muthu nya givbwiri, gambe u nga vegi gitshunganiso mbeli ga gikhumu. Thava Nungungulu wago. Eni kheni Pfhumu Nungungulu. 15#Wona gambe: Eks 23:6-8; Dhet 16:19. Vbamahungutunu u nga hambanisi nayo, u lamula khu ndzila nyamba lulama. U nga khedzi khu khovbe, u kalavela gisiwana mwendro gu emela oyu nya gumanele. U na lamula muakelane wago khu nayo ni lisine. 16U nga gimbili u ganelela guvivba khu vathu va na gyanu, mwendro gusambanya malipha u songisa muthu kwanu. Eni kheni Pfhumu Nungungulu. 17#Wona gambe: Mat 18:15. U nga vengeli muthu kwanu monyoni gwago. Aholu u nga digi gu kawuka muthu wa na gyanu, gasi u si ghohi khu kotani yaye. 18#Wona gambe: Mat 5:43; 19:19; 22:39; Mark 12:31; Luk 10:27; Rom 13:9; Gal 5:14; Jak 2:8. U nga dzi phodzeli mwendro gu girela likhulo wa na gyanu, aholu u na haladza muthu kwanu kha nga idzo u dzi golago khidzo uwe mune. Eni kheni Pfhumu Nungungulu. 19#Wona gambe: Dhet 22:9-11. U na vegisa milayo yangu. U nga dzumeli sifuyo sago nya mafumbu nya guhambane si patane dangamwedo, si landrana. U nga yali dzimbewu nya mafumbu nya guhambane ga lithembwe la limwedo; gambe u nga ambali dzingandzu nya gulugwe khu dzikhindra nya mafumbu nya guhambane. 20Mwama a gu lala ni nyamayi nya khumbi a wutidwego khu mumbe mwama aholu a ngamba dzegiswa mwendro gu tshudwa, va vavili va na tsayiswa; aholu kha va na songwa, kholu nyamayi a di si gu tshudwi wugumbini. 21Mwama a na resa nvuta nyangwatunu nya Tshatsha nya Tshangano, a ta ningela phaso nya gulivbe milandru ga Pfhumu Nungungulu. 22Khu nvuta nya phaso nya ditshedzo, muphasi nya mhamba a na mu girela nayo nya guagiswe, mbeli ga Pfhumu Nungungulu; a na tsetseledwa gighoho a giridego. 23Avbo mu na guya belago tigoni nya sisambanyo, mu naya yala misimbo yatshavbo nya mihandro, mihandro yakone yi woneni na yi nyenyezide; mu na vbedza myaga miraru nyamba hodzani mihandro. 24Khu mwaga nya wu na, mihandro yakone yatshavbo yi na phasedwa Pfhumu Nungungulu, gu girwa buzo nya rungudzo. 25Khu mwaga nya livbandre, mu na hodzani enu mihandro yakone, gasi misimbo yi mi velegela mihandro nya gutale. Eni kheni Nungungulu wanu. 26Mu nga hodzi gilo gi gu ni novba, mu nga giri wutumbe mwendro gulola dzisolo. 27Mu nga vili tshiba mahegiso nya hungo wanu, mwendro guvila giledzu sihayani. 28#Wona gambe: Levh 21:5; Dhet 14:1. Mu nga hatshedwi milini gwanu khu kotani nya vafi, mwendro gu hatshedwa dzindrova milini gwanu. Eni kheni Pfhumu Nungungulu. 29Mu nga nyenyezisi sanana sanu nya sagadzyana khu gu si kutsedzela wubhayi, gasi litigo li si dzi ningedzeli wubhayini, li fenengedzwa khu wuvivbi. 30#Wona gambe: Levh 26:2. Mu na vegisa matshigu yangu nya dzisabhadho, mu ninga githawo Wulanga wangu nya Guage. Eni kheni Pfhumu Nungungulu. 31#Wona gambe: Dhet 18:11; 1 Sam 28:3; 2 Dzipf 23:4; Isa 8:19. Mu nga khidzimeli maphuvbo nya vafi, mu ngayi ga vanyamandriki, mwendro ga va nya gulola dzisolo mu ya wudzisa gilo. Mu nga dzi nyenyezisi khisoso. Eni kheni Pfhumu Nungungulu wanu. 32U na khuga u ema u ninga githawo vathu nya dzinvi; #19:32 Khu mambe maregerelo pwani: “U na khuga u ema mbeli ga muthu a agidego hungoni khu dzinvi.” mu ninga githawo vathu vakhongolo. Thava Nungungulu wago. Eni kheni Pfhumu Nungungulu. 33Mu nga tshanisi muluveli a ta vbanyago vbakari gwanu. 34#Wona gambe: Eks 22:21; Dhet 24:17-18; 27:19. Muluveli a vbanyago vbakari gwanu, mu na mu phara kha nga wa na gyanu; mu na mu haladza gukhwatshi khu edzi mu dzi haladzago khidzo, kholu enu nenu, mu diri valuveli tigoni ga Egipito. Eni kheni pfhumu Nungungulu wanu. 35U nga hambanisi nayo vbamahungutunu; mu nga kalaveli vathu khu guvbungulela mipimo nya gulaphe, mwendro gulemela, mwendro khu pimo wa ndrani. 36#Wona gambe: Dhet 25:13-16; Mav 20:10; Ezek 45:10. Guvbwetega na muri ni sikalo nya lisine, ni efa nya lisine, ni hini nya lisine. Eni kheni Pfhumu Nungungulu wanu, nyi mi dusidego khu tigoni ga Egipito. 37Mu na sayisa sileletelo sangu satshavbo, mu landrisani milayo yangu yatshavbo. Eni kheni Pfhumu Nungungulu.”
Currently Selected:
Levhi 19: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Levhi 19
19
Milayo nya wukhodwa, nya tumbunugo ni mavbanyelo
1 Pfhumu Nungungulu a di embela gambe Mosi, khuye: 2#Wona gambe: Levh 11:44-45; 1 Ped 1:16. “Ganela ga tshangano watshavbo nya sanana sa Israyeli, u va embela, khuwe: Agani, kholu Eni Pfhumu Nungungulu wanu nyi agide. 3#Wona gambe: Eks 20:12; Dhet 5:16; Eks 20:8; Dhet 5:12. Moyo ni moyo nya enu a na ninge githawo mayi waye, ni babe waye, mu vegedza matshigu nya Sabhadho yanu. Eni kheni Pfhumu Nungungulu wanu. 4Mu nga khozelini vanungungulu nya malipha, gambe mu nga dzi gireleni vanungungulu nya gupfhudwe khu sikete. Eni kheni Pfhumu Nungungulu wanu. 5Mwa guta ningelani ga Pfhumu Nungungulu phaso nya pwanano, ningelani khu gugola gwanu, gasi mu kodza guhakhwa. 6Nyama nya miphaso gu vbwetega yi hodzwa kamwe litshigu lolo nya phaso, mwendro khu litshigu li landrelago; eyi yi na tshalago kala litshigu nya wuraru, yi na vbiswa niloni. 7Aholu, muthu a gu yi hodza khu litshigu nya wuraru, yi na bani yiri nyama nya gughoheke, kha yi na hakhwa. 8Ni wevbini a na yi hodzago, a na rwala nandru nya guvivbe gwaye, kholu kanyiside esi si phasedwego Pfhumu Nungungulu. Khu guralo, a na fuviswa vbakari nya vathu vaye. 9Mwa gu vbwera mihandro marembweni gwanu, mu nga vbweri kala mahegiso nya lithembwe, gambe mu nga roleli ni esi si thegidego mwendro gutshaledzela. 10Thembweni gwago nya miuvha, u nga bweleli hwane u ya havedzela esi si tshaledzedego, mwendro gu roledzela dziuvha dzi thegidego vbavbatshi. U na tshiyela sisiwana ni valuveli. Eni kheni Pfhumu Nungungulu wanu. 11#Wona gambe: Eks 20:15; Dhet 5:19; Eks 20:16; Dhet 5:20. Mu nga bi, mu nga liphi, mu nga pfhadzi muthu kwanu; 12#Wona gambe: Eks 20:7; Dhet 5:11; Mat 5:33. mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu. 13#Wona gambe: Dhet 24:14-15. U nga bi mwendro gudzega gilo gya muthu kwanu. U nga hweli gulivba githumi gyago u khala ni hakhelo yaye kala limbe litshigu. 14#Wona gambe: Dhet 27:18. U nga vali muthu nya givbwiri, gambe u nga vegi gitshunganiso mbeli ga gikhumu. Thava Nungungulu wago. Eni kheni Pfhumu Nungungulu. 15#Wona gambe: Eks 23:6-8; Dhet 16:19. Vbamahungutunu u nga hambanisi nayo, u lamula khu ndzila nyamba lulama. U nga khedzi khu khovbe, u kalavela gisiwana mwendro gu emela oyu nya gumanele. U na lamula muakelane wago khu nayo ni lisine. 16U nga gimbili u ganelela guvivba khu vathu va na gyanu, mwendro gusambanya malipha u songisa muthu kwanu. Eni kheni Pfhumu Nungungulu. 17#Wona gambe: Mat 18:15. U nga vengeli muthu kwanu monyoni gwago. Aholu u nga digi gu kawuka muthu wa na gyanu, gasi u si ghohi khu kotani yaye. 18#Wona gambe: Mat 5:43; 19:19; 22:39; Mark 12:31; Luk 10:27; Rom 13:9; Gal 5:14; Jak 2:8. U nga dzi phodzeli mwendro gu girela likhulo wa na gyanu, aholu u na haladza muthu kwanu kha nga idzo u dzi golago khidzo uwe mune. Eni kheni Pfhumu Nungungulu. 19#Wona gambe: Dhet 22:9-11. U na vegisa milayo yangu. U nga dzumeli sifuyo sago nya mafumbu nya guhambane si patane dangamwedo, si landrana. U nga yali dzimbewu nya mafumbu nya guhambane ga lithembwe la limwedo; gambe u nga ambali dzingandzu nya gulugwe khu dzikhindra nya mafumbu nya guhambane. 20Mwama a gu lala ni nyamayi nya khumbi a wutidwego khu mumbe mwama aholu a ngamba dzegiswa mwendro gu tshudwa, va vavili va na tsayiswa; aholu kha va na songwa, kholu nyamayi a di si gu tshudwi wugumbini. 21Mwama a na resa nvuta nyangwatunu nya Tshatsha nya Tshangano, a ta ningela phaso nya gulivbe milandru ga Pfhumu Nungungulu. 22Khu nvuta nya phaso nya ditshedzo, muphasi nya mhamba a na mu girela nayo nya guagiswe, mbeli ga Pfhumu Nungungulu; a na tsetseledwa gighoho a giridego. 23Avbo mu na guya belago tigoni nya sisambanyo, mu naya yala misimbo yatshavbo nya mihandro, mihandro yakone yi woneni na yi nyenyezide; mu na vbedza myaga miraru nyamba hodzani mihandro. 24Khu mwaga nya wu na, mihandro yakone yatshavbo yi na phasedwa Pfhumu Nungungulu, gu girwa buzo nya rungudzo. 25Khu mwaga nya livbandre, mu na hodzani enu mihandro yakone, gasi misimbo yi mi velegela mihandro nya gutale. Eni kheni Nungungulu wanu. 26Mu nga hodzi gilo gi gu ni novba, mu nga giri wutumbe mwendro gulola dzisolo. 27Mu nga vili tshiba mahegiso nya hungo wanu, mwendro guvila giledzu sihayani. 28#Wona gambe: Levh 21:5; Dhet 14:1. Mu nga hatshedwi milini gwanu khu kotani nya vafi, mwendro gu hatshedwa dzindrova milini gwanu. Eni kheni Pfhumu Nungungulu. 29Mu nga nyenyezisi sanana sanu nya sagadzyana khu gu si kutsedzela wubhayi, gasi litigo li si dzi ningedzeli wubhayini, li fenengedzwa khu wuvivbi. 30#Wona gambe: Levh 26:2. Mu na vegisa matshigu yangu nya dzisabhadho, mu ninga githawo Wulanga wangu nya Guage. Eni kheni Pfhumu Nungungulu. 31#Wona gambe: Dhet 18:11; 1 Sam 28:3; 2 Dzipf 23:4; Isa 8:19. Mu nga khidzimeli maphuvbo nya vafi, mu ngayi ga vanyamandriki, mwendro ga va nya gulola dzisolo mu ya wudzisa gilo. Mu nga dzi nyenyezisi khisoso. Eni kheni Pfhumu Nungungulu wanu. 32U na khuga u ema u ninga githawo vathu nya dzinvi; #19:32 Khu mambe maregerelo pwani: “U na khuga u ema mbeli ga muthu a agidego hungoni khu dzinvi.” mu ninga githawo vathu vakhongolo. Thava Nungungulu wago. Eni kheni Pfhumu Nungungulu. 33Mu nga tshanisi muluveli a ta vbanyago vbakari gwanu. 34#Wona gambe: Eks 22:21; Dhet 24:17-18; 27:19. Muluveli a vbanyago vbakari gwanu, mu na mu phara kha nga wa na gyanu; mu na mu haladza gukhwatshi khu edzi mu dzi haladzago khidzo, kholu enu nenu, mu diri valuveli tigoni ga Egipito. Eni kheni pfhumu Nungungulu wanu. 35U nga hambanisi nayo vbamahungutunu; mu nga kalaveli vathu khu guvbungulela mipimo nya gulaphe, mwendro gulemela, mwendro khu pimo wa ndrani. 36#Wona gambe: Dhet 25:13-16; Mav 20:10; Ezek 45:10. Guvbwetega na muri ni sikalo nya lisine, ni efa nya lisine, ni hini nya lisine. Eni kheni Pfhumu Nungungulu wanu, nyi mi dusidego khu tigoni ga Egipito. 37Mu na sayisa sileletelo sangu satshavbo, mu landrisani milayo yangu yatshavbo. Eni kheni Pfhumu Nungungulu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.