Josuwa 9
9
Gikungo gya Vagibheyoni
1Avbo vafumeli vatshavbo va khisikheyi nya tsongo wa Joridhani, va musigomoni, va mapanini ni funguni gwatshavbo nya yiphwa nya Yikhongolo, yi khedzanego ni Libhanoni, Vahiti, Vaamori, Vakhanani, Vaperezi, Vahevhi ni Vagebhuzi, 2va di ya tombana va pwanana gumogo, gasi gu dwanisa Josuwa ni va na Israyeli. 3Aholu vavbanyi va Gibheyoni, avbo va nga pwa iso si nga girwa khu Josuwa dhoropani ga Jeriko ni Ayi, 4va di luga gikungo va gira khwatshi va vbelegedzi nya dzisagwati; va khiledza silendra sa gale vbadziburutunu gwawe ni mikwama ya gale nya wadwa nya vbinyu na yi hagade, va yi sonedzela; 5va ambala migondroni gwawe silato nya guhagale nya gusonedzedwe ni gu ambala nya sitsangala; guhodza gwawe nya dzimbuva gu di bangide ni gukura. 6Va diya Ghiligali lizumboni ga Josuwa, va ya mu embela uye gumogo ni va na Israyeli, khavo: “Ha guta khu mayigo ya hwindzo hi ta mi lombani gukhethu mu gire pwanano ni ethu.” 7#Wona gambe: Mit 21:21-35. Va na Israyeli va di va hakha, khavo: “A gu dzina mwa gu vbanya vbafuvbi gwathu. Hi na kodza kharini gu gira nanu pwanano?” 8Aholu, avo va di embela Josuwa, khavo: “Ethu hi sithumi sago.” Josuwa nuye a va wudzisa, khuye: “Gasi khenu va mani, mwa gu dugela hayi?” 9Avo va di hakha, khavo: Sithumi sago sa guta khu mayigo ya hwindzo ngudzu, hi dipwa ndruma ya Pfhumu Nungungulu wago; khu guralo, hi pwide na gu ganedwa khu satshavbo a giridego tigoni ga Egipito; 10#Wona gambe: Eks 23:32; 34:12; Dhet 7:2. iso a giridego ga vafumeli nya Vaamori, va khisikheyi ga Joridhani, ga Siyoni, mufumeli wa Hesibhoni, ni ga Ogi, mufumeli wa Bhasani, va nga bani va vbanya Asitaroti. 11Khu guralo, madhota yathu ni vatshavbo vavbanyi va tigoni gwathu va di hi embela, khavo: “Dzegani dzisagwati dzedzi; indrani mu va khinga mu va embela, khenu: Ethu hi sithumi sago; gira pwanano ni ethu. 12Guhodza gwathu khugo ogu hi gu reselago; gu di bani gu nga gu vbisa gikhati hi khugidego khu magaya gwathu guta eno gwanu; gasi olu si bangide ni gu ghoheka. 13Mikwama yeyi nya wadwa yi di bani yi ngari yiphya gikhati hi nga yi tadzago; gasi olu yi hagade ni gu tshulegela. Guambala gwathu ni silato sathu si hagade ni gughuka, khu kotani nya ndzila yi nga laphago ngudzu.” 14Va na Israyeli va di dzumela gu hakha dzisagwati dzawe, nyamba phela khu gu wudzisa Pfhumu Nungungulu. 15Josuwa a di pwanana navo gasi gu manege gurula, a gira gidzumeledzwano navo, a va thembisa gu va diga va vbanya; manganagana nya tshangano ma di gi tiyisa khu gu gira gisambanyo. 16Hwane nya matshigu mararu na va giride gidzumeledzwano gegi, va di tugula nya gukhavo mafumbu yaya vaakelane vawe gambe va di gu vbanya vbakari gwawe. 17Khavbo avbo, va na Israyeli va di phara ndzila, hwane nya matshigu mararu va di vboha madhoropani. Madhoropa yoyo ma diri aya: Gibheyoni, Kafira, Bheyeroti ni Kiriyati-Jeyarimi. 18Kha va ma khungumula khu kotani nya gisambanyo gi nga bani gi giridwe khu manganagana nya tshangano, khu lina la Pfhumu Nungungulu wa Israyeli; aholu tshangano watshavbo wu di phela gu lemba manganagana.
Va na Gibheyoni sithumi sa Nyumbani ga Nungungulu
19Khavbo avbo, manganagana nya tshangano ma di hakha khayo: “Hi giride navo gisambanyo khu lina la Pfhumu Nungungulu wa Israyeli; khu guralo, kha hi dzi kodzi gu va gira gilo. 20Aholu iso hi yelago gu va gira khesi: Hi na va diga va vbanya hi nga tshuka hi gorogedwa khu Nungungulu, khu kotani nya esi hi sambanyidego. 21Manganagana ma di engedza, khayo: “Va na vbanye, aholu va na dzege thumo nya gupandre dzikhuni ni gu regela mati tshangano watshavbo.”
Va di gira kha nga iso manganagana ma nga hungago. 22Josuwa a di va rana a va wudzisa, khuye: “Khu ginani mu nyi kanganyisidego, mu ganela khenu mu vathu va mayigoni ya hwindzo ngudzu, gasi enu mwa gu vbanya vbakari gwathu? 23Gasi olu, mu vadwe; gima kha mu na hegisa gu khala dzikhumbi dzathu, mu na simama gu pandrani dzikhuni ni gu rega mati mu yisani Nyumbani ga Nungungulu wangu.” 24Avo va di hakha Josuwa, khavo: “Ethu sithumi sago va hi embede gukhavo Pfhumu Nungungulu wago tumbiside ga githumi gyaye Mosi, gu mu ninga litigo leli, a mbembisa vavbanyi vaye vatshavbo mbeli gwanu. Khidzo kharato hi taledwego khu hwanga nya wukhongolo ngudzu avbo gwanu khu kotani nya womi wathu, gu kala hi gira esi. 25Ethu hi womo mandzani gwanu, gira avbo gwathu iso u si wonago nari sadi ni gululama mbeli gwathu.” 26Josuwa a di gira isoso avbo gwawe, a va vbanyisa mandzani ga sanana sa Israyeli gasi si si va songi. 27Aholu, a di va emisa khu litshigu lolo gu khala vakoki nya dzikhuni ni varegi nya mati nya tshangano ni ya giluvelo gya Pfhumu Nungungulu kala na muhuno, ga wulanga uye a na gu wu hathago.
Currently Selected:
Josuwa 9: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Josuwa 9
9
Gikungo gya Vagibheyoni
1Avbo vafumeli vatshavbo va khisikheyi nya tsongo wa Joridhani, va musigomoni, va mapanini ni funguni gwatshavbo nya yiphwa nya Yikhongolo, yi khedzanego ni Libhanoni, Vahiti, Vaamori, Vakhanani, Vaperezi, Vahevhi ni Vagebhuzi, 2va di ya tombana va pwanana gumogo, gasi gu dwanisa Josuwa ni va na Israyeli. 3Aholu vavbanyi va Gibheyoni, avbo va nga pwa iso si nga girwa khu Josuwa dhoropani ga Jeriko ni Ayi, 4va di luga gikungo va gira khwatshi va vbelegedzi nya dzisagwati; va khiledza silendra sa gale vbadziburutunu gwawe ni mikwama ya gale nya wadwa nya vbinyu na yi hagade, va yi sonedzela; 5va ambala migondroni gwawe silato nya guhagale nya gusonedzedwe ni gu ambala nya sitsangala; guhodza gwawe nya dzimbuva gu di bangide ni gukura. 6Va diya Ghiligali lizumboni ga Josuwa, va ya mu embela uye gumogo ni va na Israyeli, khavo: “Ha guta khu mayigo ya hwindzo hi ta mi lombani gukhethu mu gire pwanano ni ethu.” 7#Wona gambe: Mit 21:21-35. Va na Israyeli va di va hakha, khavo: “A gu dzina mwa gu vbanya vbafuvbi gwathu. Hi na kodza kharini gu gira nanu pwanano?” 8Aholu, avo va di embela Josuwa, khavo: “Ethu hi sithumi sago.” Josuwa nuye a va wudzisa, khuye: “Gasi khenu va mani, mwa gu dugela hayi?” 9Avo va di hakha, khavo: Sithumi sago sa guta khu mayigo ya hwindzo ngudzu, hi dipwa ndruma ya Pfhumu Nungungulu wago; khu guralo, hi pwide na gu ganedwa khu satshavbo a giridego tigoni ga Egipito; 10#Wona gambe: Eks 23:32; 34:12; Dhet 7:2. iso a giridego ga vafumeli nya Vaamori, va khisikheyi ga Joridhani, ga Siyoni, mufumeli wa Hesibhoni, ni ga Ogi, mufumeli wa Bhasani, va nga bani va vbanya Asitaroti. 11Khu guralo, madhota yathu ni vatshavbo vavbanyi va tigoni gwathu va di hi embela, khavo: “Dzegani dzisagwati dzedzi; indrani mu va khinga mu va embela, khenu: Ethu hi sithumi sago; gira pwanano ni ethu. 12Guhodza gwathu khugo ogu hi gu reselago; gu di bani gu nga gu vbisa gikhati hi khugidego khu magaya gwathu guta eno gwanu; gasi olu si bangide ni gu ghoheka. 13Mikwama yeyi nya wadwa yi di bani yi ngari yiphya gikhati hi nga yi tadzago; gasi olu yi hagade ni gu tshulegela. Guambala gwathu ni silato sathu si hagade ni gughuka, khu kotani nya ndzila yi nga laphago ngudzu.” 14Va na Israyeli va di dzumela gu hakha dzisagwati dzawe, nyamba phela khu gu wudzisa Pfhumu Nungungulu. 15Josuwa a di pwanana navo gasi gu manege gurula, a gira gidzumeledzwano navo, a va thembisa gu va diga va vbanya; manganagana nya tshangano ma di gi tiyisa khu gu gira gisambanyo. 16Hwane nya matshigu mararu na va giride gidzumeledzwano gegi, va di tugula nya gukhavo mafumbu yaya vaakelane vawe gambe va di gu vbanya vbakari gwawe. 17Khavbo avbo, va na Israyeli va di phara ndzila, hwane nya matshigu mararu va di vboha madhoropani. Madhoropa yoyo ma diri aya: Gibheyoni, Kafira, Bheyeroti ni Kiriyati-Jeyarimi. 18Kha va ma khungumula khu kotani nya gisambanyo gi nga bani gi giridwe khu manganagana nya tshangano, khu lina la Pfhumu Nungungulu wa Israyeli; aholu tshangano watshavbo wu di phela gu lemba manganagana.
Va na Gibheyoni sithumi sa Nyumbani ga Nungungulu
19Khavbo avbo, manganagana nya tshangano ma di hakha khayo: “Hi giride navo gisambanyo khu lina la Pfhumu Nungungulu wa Israyeli; khu guralo, kha hi dzi kodzi gu va gira gilo. 20Aholu iso hi yelago gu va gira khesi: Hi na va diga va vbanya hi nga tshuka hi gorogedwa khu Nungungulu, khu kotani nya esi hi sambanyidego. 21Manganagana ma di engedza, khayo: “Va na vbanye, aholu va na dzege thumo nya gupandre dzikhuni ni gu regela mati tshangano watshavbo.”
Va di gira kha nga iso manganagana ma nga hungago. 22Josuwa a di va rana a va wudzisa, khuye: “Khu ginani mu nyi kanganyisidego, mu ganela khenu mu vathu va mayigoni ya hwindzo ngudzu, gasi enu mwa gu vbanya vbakari gwathu? 23Gasi olu, mu vadwe; gima kha mu na hegisa gu khala dzikhumbi dzathu, mu na simama gu pandrani dzikhuni ni gu rega mati mu yisani Nyumbani ga Nungungulu wangu.” 24Avo va di hakha Josuwa, khavo: “Ethu sithumi sago va hi embede gukhavo Pfhumu Nungungulu wago tumbiside ga githumi gyaye Mosi, gu mu ninga litigo leli, a mbembisa vavbanyi vaye vatshavbo mbeli gwanu. Khidzo kharato hi taledwego khu hwanga nya wukhongolo ngudzu avbo gwanu khu kotani nya womi wathu, gu kala hi gira esi. 25Ethu hi womo mandzani gwanu, gira avbo gwathu iso u si wonago nari sadi ni gululama mbeli gwathu.” 26Josuwa a di gira isoso avbo gwawe, a va vbanyisa mandzani ga sanana sa Israyeli gasi si si va songi. 27Aholu, a di va emisa khu litshigu lolo gu khala vakoki nya dzikhuni ni varegi nya mati nya tshangano ni ya giluvelo gya Pfhumu Nungungulu kala na muhuno, ga wulanga uye a na gu wu hathago.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.