Josuwa 7
7
Va na Israyeli va ngu padwa tigoni ga Ayi
1Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli. 2Khu guralo, Josuwa, a di rumela vama nya gukari nari khu Jeriko tigoni ga Ayi, gu khadego vbafuvbi ni Bheti-Avheni, gu khadego khu Khugadambo ga Bheteli, a di va embela, khuye: “Indrani mu ya holelela gwadi litigo.” Khu guralo, vama vale va di gwela va ya holelela litigo la Ayi. 3Va di wuya ga Josuwa vata mu embela, khavo: “Gu nga hongoli vathu vatshavbo; va na hongole basi tengo nya magumavili mazana (2.000) mwendro magumararu mazana (3.000) vama va ya sasela Ayi; u nga dzi garadzi khu gu dzega vathu vatshavbo va hongola iyoyo, kholu valala vadugwana.” 4Khu guralo, gu di hongola iyoyo vama nya tengo nya magumararu mazana (3.000) avo va nga ya tutuma mbeli ga vama va Ayi. 5Vama va Ayi va di songa magumararu na livbandre na moyo vama, vambe va va lundra gukhugela nyangwatunu nya siwindri, va ya va sasela relelotunu; myonyo ya vathu yi di nyiviliga yi vbindrugedza yi khala mati. 6Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni. 7Josuwa a di ganela, khuye: “Yowe! Pfhumu Nungungulu, khu ginani u giridego vathu vava va tshatuga tsongo wa Joridhani, gasi guta va ningela mandzani ga Vaamori, va hi mbembisa? A di siri tshukwana na hi khade khu tshatugo wa khisikheyi wa Joridhani, gani? 8Ah! Pfhumu, nyi na kheni ginani? Kholu Israyeli a ningedzede hwambo mbeli ga valala vaye! 9Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?” 10Khavbo avbo, Pfhumu Nungungulu a di embela Josuwa, khuye: “Khuga u eme! Khu ginani u thegidego kharati khu khovbe mafuni? 11Israyeli ghohide, a hambanisa gidzumeledzwano gyangu, gile Eni nyi nga mu leletelago, a dzega silo nya gulolele, va si siha, va si pata gumogo ni sibubu sawe. 12Khu guralo, khiso si nga gira va na Israyeli va si tiyi mbeli ga valala vawe, va ningedzela mihwambo yawe, kholu va dzi nyenyeziside. Mwa gumba dusani silo si nyenyezidego vbakari gwanu, gima kha nyi na khala gambe nanu. 13Indra u ya agisa vathu! U va embela, khuwe: Dzi agiseni litshigu la mindru kholu, Pfhumu Nungungulu wa Israyeli, a ngu ganela, khuye: Kha mu na dzi kodza gu tiya gu ema mbeli ga valala vanu na mu si gu dusi guvivba gu guromo vbakari gwanu. 14Mindru mu na hidzimelani vbafuvbi khu dzinyangwa dzanu; khu guralo, nyangwa yoyo Pfhumu Nungungulu a na gu yi emisago yi nata dzi wonegisa khu lipango ni lipango; ni lipango li na gu emiswago khu Pfhumu Nungungulu li na dzi bikela khu dzinyumba dzawe; ni nyumba yi na gu kombwago khu Pfhumu Nungungulu yi na dzi yeyedza khu vathu. 15Muthu wule a na gu manwago nari ni silo nya gunyenyeze a na vbiswa uye ni satshavbo si mu lumbago, kholu uye ndragide gidzumeledzwano gya Pfhumu Nungungulu a gira silo nya gunyenyeze ngudzu ga va na Israyeli.” 16Ni dzimindrudzile, nya litshigu li landrelago, Josuwa a di rumela gu vate vathu khu lihundzu ni lihundzu; aholu yi di modwa nyangwa ya Judha. 17A di hidzimisa vbafuvbi mahundzu yatshavbo ya na Judha, solo yi di ya thegela lihundzu la Zera, a di rumela linyumba la Zera li hidzimela khu mapango yawe, solo yi di thegela Zabhidhi; 18na rumide gu hidzimela ndranga yaye, khu moyo ni moyo, solo yi di thegela Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha. 19Khavbo avbo, Josuwa a di embela Akani, khuye: “Mwanangu, rungudza Pfhumu Nungungulu wa Israyeli, u mu zundza. Nyi embele iso u giridego, nyamba siha ni gimwegyo.” 20Akani a di hakha Josuwa, khuye: Ina, kheni kamwe nyi ghohedego Pfhumu Nungungulu wa Israyeli. Iso nyi giridego khesi: 21Nyi di wona vbakari nya sombo si phangidwego, gifenengelo nya gumbure gya Bhabhiloni, ni mazana mavili (200) nya masekeli nya dzisikulu nya parata ni giwindri nya ndralama nya livbandre magumi dzisikulu, nyi di si dogorela nyi si dzega; nyi si kembela mafuni vbavbatshi nya tshatsha wangu, parata nyi yi vega khu vbavbatshi.
Tsayiso wa gighohi
22Josuwa a di rumela vama nya gukari vaya setsha tshatshani gwaye, va ya mana sombo si nga bani si sihidwe, parata na yiri khu vbavbatshi. 23Va di si dusa khu vbale va si resa ga Josuwa gumogo ni ga va na Israyeli vata si vega mbeli ga Pfhumu Nungungulu. 24Khavbo avbo, Josuwa, na wonwa khu va na Israyeli vatshavbo, a di mola Akani, mwamana wa Zera gumogo ni parata ni gifenengelo, giwindri nya ndralama, sanana saye nya sikhwathana niso nya sagadzyana, dzimombe dzaye, dziburu dzaye, dzinvuta dzaye, tshatsha waye ni satshavbo si nga bani si mu lumba a si yisa kovani ga Akori. 25Na va vbohide vbale, Josuwa a di ganela, khuye: “Olu uwe u khadego mumbembisi wathu, Pfhumu Nungungulu a na gu mbembise nuye muhuno.” Ni vatshavbo va na Israyeli va di mu pfara khu siwindri; hwane nya gu bani va mu pfaride khu siwindri, va di ya mu vbisa niloni. 26Va wungedzela vbatshani ga Akani gigomo nya gikhongolo nya siwindri gi nga guromo kala na muhuno.#7:26 Esi sa gu tshamusela gupwani kala ga gikhati li lovidwego libhuku leli. Khavbo avbo, Pfhumu Nungungulu a di bosa likhulo laye. Khu guralo, wulanga wule wa gu ranwa kala na muhuno gupwani Kova wa Akori.
Currently Selected:
Josuwa 7: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Josuwa 7
7
Va na Israyeli va ngu padwa tigoni ga Ayi
1Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli. 2Khu guralo, Josuwa, a di rumela vama nya gukari nari khu Jeriko tigoni ga Ayi, gu khadego vbafuvbi ni Bheti-Avheni, gu khadego khu Khugadambo ga Bheteli, a di va embela, khuye: “Indrani mu ya holelela gwadi litigo.” Khu guralo, vama vale va di gwela va ya holelela litigo la Ayi. 3Va di wuya ga Josuwa vata mu embela, khavo: “Gu nga hongoli vathu vatshavbo; va na hongole basi tengo nya magumavili mazana (2.000) mwendro magumararu mazana (3.000) vama va ya sasela Ayi; u nga dzi garadzi khu gu dzega vathu vatshavbo va hongola iyoyo, kholu valala vadugwana.” 4Khu guralo, gu di hongola iyoyo vama nya tengo nya magumararu mazana (3.000) avo va nga ya tutuma mbeli ga vama va Ayi. 5Vama va Ayi va di songa magumararu na livbandre na moyo vama, vambe va va lundra gukhugela nyangwatunu nya siwindri, va ya va sasela relelotunu; myonyo ya vathu yi di nyiviliga yi vbindrugedza yi khala mati. 6Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni. 7Josuwa a di ganela, khuye: “Yowe! Pfhumu Nungungulu, khu ginani u giridego vathu vava va tshatuga tsongo wa Joridhani, gasi guta va ningela mandzani ga Vaamori, va hi mbembisa? A di siri tshukwana na hi khade khu tshatugo wa khisikheyi wa Joridhani, gani? 8Ah! Pfhumu, nyi na kheni ginani? Kholu Israyeli a ningedzede hwambo mbeli ga valala vaye! 9Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?” 10Khavbo avbo, Pfhumu Nungungulu a di embela Josuwa, khuye: “Khuga u eme! Khu ginani u thegidego kharati khu khovbe mafuni? 11Israyeli ghohide, a hambanisa gidzumeledzwano gyangu, gile Eni nyi nga mu leletelago, a dzega silo nya gulolele, va si siha, va si pata gumogo ni sibubu sawe. 12Khu guralo, khiso si nga gira va na Israyeli va si tiyi mbeli ga valala vawe, va ningedzela mihwambo yawe, kholu va dzi nyenyeziside. Mwa gumba dusani silo si nyenyezidego vbakari gwanu, gima kha nyi na khala gambe nanu. 13Indra u ya agisa vathu! U va embela, khuwe: Dzi agiseni litshigu la mindru kholu, Pfhumu Nungungulu wa Israyeli, a ngu ganela, khuye: Kha mu na dzi kodza gu tiya gu ema mbeli ga valala vanu na mu si gu dusi guvivba gu guromo vbakari gwanu. 14Mindru mu na hidzimelani vbafuvbi khu dzinyangwa dzanu; khu guralo, nyangwa yoyo Pfhumu Nungungulu a na gu yi emisago yi nata dzi wonegisa khu lipango ni lipango; ni lipango li na gu emiswago khu Pfhumu Nungungulu li na dzi bikela khu dzinyumba dzawe; ni nyumba yi na gu kombwago khu Pfhumu Nungungulu yi na dzi yeyedza khu vathu. 15Muthu wule a na gu manwago nari ni silo nya gunyenyeze a na vbiswa uye ni satshavbo si mu lumbago, kholu uye ndragide gidzumeledzwano gya Pfhumu Nungungulu a gira silo nya gunyenyeze ngudzu ga va na Israyeli.” 16Ni dzimindrudzile, nya litshigu li landrelago, Josuwa a di rumela gu vate vathu khu lihundzu ni lihundzu; aholu yi di modwa nyangwa ya Judha. 17A di hidzimisa vbafuvbi mahundzu yatshavbo ya na Judha, solo yi di ya thegela lihundzu la Zera, a di rumela linyumba la Zera li hidzimela khu mapango yawe, solo yi di thegela Zabhidhi; 18na rumide gu hidzimela ndranga yaye, khu moyo ni moyo, solo yi di thegela Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha. 19Khavbo avbo, Josuwa a di embela Akani, khuye: “Mwanangu, rungudza Pfhumu Nungungulu wa Israyeli, u mu zundza. Nyi embele iso u giridego, nyamba siha ni gimwegyo.” 20Akani a di hakha Josuwa, khuye: Ina, kheni kamwe nyi ghohedego Pfhumu Nungungulu wa Israyeli. Iso nyi giridego khesi: 21Nyi di wona vbakari nya sombo si phangidwego, gifenengelo nya gumbure gya Bhabhiloni, ni mazana mavili (200) nya masekeli nya dzisikulu nya parata ni giwindri nya ndralama nya livbandre magumi dzisikulu, nyi di si dogorela nyi si dzega; nyi si kembela mafuni vbavbatshi nya tshatsha wangu, parata nyi yi vega khu vbavbatshi.
Tsayiso wa gighohi
22Josuwa a di rumela vama nya gukari vaya setsha tshatshani gwaye, va ya mana sombo si nga bani si sihidwe, parata na yiri khu vbavbatshi. 23Va di si dusa khu vbale va si resa ga Josuwa gumogo ni ga va na Israyeli vata si vega mbeli ga Pfhumu Nungungulu. 24Khavbo avbo, Josuwa, na wonwa khu va na Israyeli vatshavbo, a di mola Akani, mwamana wa Zera gumogo ni parata ni gifenengelo, giwindri nya ndralama, sanana saye nya sikhwathana niso nya sagadzyana, dzimombe dzaye, dziburu dzaye, dzinvuta dzaye, tshatsha waye ni satshavbo si nga bani si mu lumba a si yisa kovani ga Akori. 25Na va vbohide vbale, Josuwa a di ganela, khuye: “Olu uwe u khadego mumbembisi wathu, Pfhumu Nungungulu a na gu mbembise nuye muhuno.” Ni vatshavbo va na Israyeli va di mu pfara khu siwindri; hwane nya gu bani va mu pfaride khu siwindri, va di ya mu vbisa niloni. 26Va wungedzela vbatshani ga Akani gigomo nya gikhongolo nya siwindri gi nga guromo kala na muhuno.#7:26 Esi sa gu tshamusela gupwani kala ga gikhati li lovidwego libhuku leli. Khavbo avbo, Pfhumu Nungungulu a di bosa likhulo laye. Khu guralo, wulanga wule wa gu ranwa kala na muhuno gupwani Kova wa Akori.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.