Muhevbudzi 9
9
Vathu vatshavbo va nafa
1Satshavbo nyi di pimisa monyoni gwangu,
nyi wona gukheni:
Avo va lulamidego, ni vale va gengedego, vatshavbo
mithumo yawe yomo mandzani gwa Nungungulu,
ni gu gambe vathu kha va siti iso si tago khu mbeli gwawe;
gani lihaladzo mwendro livengo. Satshavbo si ngu girega.
2Vathu vatshavbo va ngu dugedwa khiso
khu ndzila ya mweyo,
ga vale va lulamidego ni vale nyamba lulama,
vale va agidego ni avo nyamba dzi agisa,
avo va ningelago miphaso ni avo va si ningeligo.
Muthu nya wadi a gu fanana ni gighohi, uye nya gumba
sambanya kha nga wule a sambanyago.
3Ogu khu guvivba gu guromo vbakari nya silo si girwago
mafuni momu.
Gu vatshavbo va mana mahegiso nya idzosaye.
Khu guralo, myonyo ya vathu yi tade khu guvivba,
gukhwatshi va di handruga guvbanyani gwawe;
khu guhegisa va guya phalani nya vafi.
4Aholu wule a ngarigu vbakari ga va nya guvbanya,
a na ni gutumba;
kholu i tshukwana yimbwa yi vbanyago
guvbindra nghala yi fudego.
5Avo va vbanyago va ngu dziti gukhavo va nafa,
aholu vale va fudego kha va pimi gambe gilo,
ambari gu mana tshatshazelo,
kholu kha va dundrugi gambe.
6Lihaladzo, livengo ni lidiwo lawe,
satshavbo si fuvide.
Kha va nga gu sayedwa gambe gilo khu iso si girwago
mafuni momu.
7Olu indra uya dzi hodzela khu gutsaka u sela
vbinyu yago monyo wago na wu salalegide;
kholu, Pfhumu Nungungulu a ngu tsaka khu
mithumo yago.
8Gikhati gyatshavbo ambala dzingandzu nya guage,
u tola mafura nya gunungele hungoni gwago.
9Vbanya khu gutsaka ni mwangadzi wago
u mu haladzago,
matshigu yatshavbo nya gurole u ningidwego khu Nungungulu mafuni momu.
10Satshavbo u si kodzago gu si thuma khu mandza
yago,
si thume khidzo u dzi kodzago khidzo,
kholu phalani nya vafi u hongolago umo, gu mwalo
thumo, makungo, mapimo, ambari wugengeli nya
gukari.
Gumbana lisine
11Nyi di bwelo khavbo nyi wona gambe mafuni momu, kheni:
Mapalisanatunu, khandri vale va gu na ni mazambo
va pilago pfhuka, khandri va nya tshivba va palago
nyimbitunu,
khandri vale nya gugengele va manago guhodza, khandri va nya guti
va manago thomba, khandri vale va hevbudego
va zundzwago,
satshavbo si na ni gikhati si dugelelago khigyo.
12Muthu nuye kha giti gikhati gyaye nya gufe;
a gu fanana ni ndzandzi yi modwago khu ligoga,
ni ginyoni gi modwago khu naphwi,
sanana nya vathu niso kharato, si na dugedwa
khu mhango gikhati gyawe,
va thegedwa khiyo khu githugedza.
13Mafuni momu, nyi wonide gambe wumbe
wugengeli nya gusamadzise.
14Gu diri ni gidhoropana nya gukari gi nga bani giri
mwalo vathu nya vangi.
Tshigu mwedo gu dita mufumeli nya tshivba,
a ta gi dhumela a gi randrela a vbaha ndzari
nya libhiyo khu maphuvbo yatshavbo.
15Aholu dhoropani momo gu diromo mwama moyo
nya gugengele nya gisiwana a nga tshudzisago
lidhoropa lile khu wugengeli waye;
aholu mwalo ni muthu moyo a nga alakanya
mwama wule nya gisiwana.
16Khu guralo, eni nyi di, kheni: I tshukwana gu mana
guti guvbindra tshivba,
ambari ulo wugengeli nya gisiwana wu ngamba thedwa kota,
ni magana yaye ma ngamba yingiswa.
Gulamula gu yelanago ni wugengeli ni wupumbu
17Magana nya gurule ya vathu nya guti
ma gu yingiswa ngudzu
guvbindra gulaledza ga muthangeli vbakari
ga vathu nya sipumbu.
18Guti gu na ni giphaso guvbindra
matshari nya nyimbi,
aholu gighohi gimwegyo basi gi ngu kodza gu ghohetela
silo nya singi nya sadi.
Currently Selected:
Muhevbudzi 9: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Muhevbudzi 9
9
Vathu vatshavbo va nafa
1Satshavbo nyi di pimisa monyoni gwangu,
nyi wona gukheni:
Avo va lulamidego, ni vale va gengedego, vatshavbo
mithumo yawe yomo mandzani gwa Nungungulu,
ni gu gambe vathu kha va siti iso si tago khu mbeli gwawe;
gani lihaladzo mwendro livengo. Satshavbo si ngu girega.
2Vathu vatshavbo va ngu dugedwa khiso
khu ndzila ya mweyo,
ga vale va lulamidego ni vale nyamba lulama,
vale va agidego ni avo nyamba dzi agisa,
avo va ningelago miphaso ni avo va si ningeligo.
Muthu nya wadi a gu fanana ni gighohi, uye nya gumba
sambanya kha nga wule a sambanyago.
3Ogu khu guvivba gu guromo vbakari nya silo si girwago
mafuni momu.
Gu vatshavbo va mana mahegiso nya idzosaye.
Khu guralo, myonyo ya vathu yi tade khu guvivba,
gukhwatshi va di handruga guvbanyani gwawe;
khu guhegisa va guya phalani nya vafi.
4Aholu wule a ngarigu vbakari ga va nya guvbanya,
a na ni gutumba;
kholu i tshukwana yimbwa yi vbanyago
guvbindra nghala yi fudego.
5Avo va vbanyago va ngu dziti gukhavo va nafa,
aholu vale va fudego kha va pimi gambe gilo,
ambari gu mana tshatshazelo,
kholu kha va dundrugi gambe.
6Lihaladzo, livengo ni lidiwo lawe,
satshavbo si fuvide.
Kha va nga gu sayedwa gambe gilo khu iso si girwago
mafuni momu.
7Olu indra uya dzi hodzela khu gutsaka u sela
vbinyu yago monyo wago na wu salalegide;
kholu, Pfhumu Nungungulu a ngu tsaka khu
mithumo yago.
8Gikhati gyatshavbo ambala dzingandzu nya guage,
u tola mafura nya gunungele hungoni gwago.
9Vbanya khu gutsaka ni mwangadzi wago
u mu haladzago,
matshigu yatshavbo nya gurole u ningidwego khu Nungungulu mafuni momu.
10Satshavbo u si kodzago gu si thuma khu mandza
yago,
si thume khidzo u dzi kodzago khidzo,
kholu phalani nya vafi u hongolago umo, gu mwalo
thumo, makungo, mapimo, ambari wugengeli nya
gukari.
Gumbana lisine
11Nyi di bwelo khavbo nyi wona gambe mafuni momu, kheni:
Mapalisanatunu, khandri vale va gu na ni mazambo
va pilago pfhuka, khandri va nya tshivba va palago
nyimbitunu,
khandri vale nya gugengele va manago guhodza, khandri va nya guti
va manago thomba, khandri vale va hevbudego
va zundzwago,
satshavbo si na ni gikhati si dugelelago khigyo.
12Muthu nuye kha giti gikhati gyaye nya gufe;
a gu fanana ni ndzandzi yi modwago khu ligoga,
ni ginyoni gi modwago khu naphwi,
sanana nya vathu niso kharato, si na dugedwa
khu mhango gikhati gyawe,
va thegedwa khiyo khu githugedza.
13Mafuni momu, nyi wonide gambe wumbe
wugengeli nya gusamadzise.
14Gu diri ni gidhoropana nya gukari gi nga bani giri
mwalo vathu nya vangi.
Tshigu mwedo gu dita mufumeli nya tshivba,
a ta gi dhumela a gi randrela a vbaha ndzari
nya libhiyo khu maphuvbo yatshavbo.
15Aholu dhoropani momo gu diromo mwama moyo
nya gugengele nya gisiwana a nga tshudzisago
lidhoropa lile khu wugengeli waye;
aholu mwalo ni muthu moyo a nga alakanya
mwama wule nya gisiwana.
16Khu guralo, eni nyi di, kheni: I tshukwana gu mana
guti guvbindra tshivba,
ambari ulo wugengeli nya gisiwana wu ngamba thedwa kota,
ni magana yaye ma ngamba yingiswa.
Gulamula gu yelanago ni wugengeli ni wupumbu
17Magana nya gurule ya vathu nya guti
ma gu yingiswa ngudzu
guvbindra gulaledza ga muthangeli vbakari
ga vathu nya sipumbu.
18Guti gu na ni giphaso guvbindra
matshari nya nyimbi,
aholu gighohi gimwegyo basi gi ngu kodza gu ghohetela
silo nya singi nya sadi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.