Bharuki 2
2
1“Khu gighelo gyogyo, Pfhumu Nungungulu landriside esi a nga bani a ganede nya gukawuke ethu gumogo ni vathangeli vathu, va nga bani va gu fumela Israyeli, ni vafumeli vathu ni dzindruna dzathu, gumogo ni Israyeli ni Judha gwatshavbo, gukhuye a na hi rumela dzimhango nya dzikhongolo. 2Gima gu si gu wonegi gilo vbavbatshi nya ndzadzi, nya nga esi si dugeledego Jerusalema, gukhedza khu iso si lovidwego umo nya Nayo wa Mosi.#2:2 Gu ganedwa khu gidzumeledzwano gi tiyisidwego khu ga Mosi, gasi gu yeyedza gupwani guvbagedwa va yiswa wugumbini i tsayiso nya gumba tumbega ga Vathu va na Israyeli. Wona gambe: Job 28:12.20; Jer 31:31-34; Jer32: 40; Ezek 37: 26-27. 3Moyo ni moyo nya ethu a na hodza nyama ya gyanana gyaye nya gikhwathana nigyo nya gyagadzyana. 4A di va ningela va gu fumedwa khu mifumo yatshavbo yi nga bani yi va randrede, va di khala gilo nya gihegiso ni givalo mayigoni gwatshavbo, umo Pfhumu Nungungulu a nga bani a va phalalegisede umo. 5Va di vbindrugedza va khala sikarawa malangani nya gukhale vamune, kholu va ghohede Pfhumu, Nungungulu wathu, khu gumba yingisa lito laye. 6Pfhumu, Nungungulu wathu, lulamide. Aholu, ethu gumogo ni vavelegi vathu, muhuno, hi fanede gu fenengedzwa khu dzitshoni. 7Hi thegedwe khu guvivba gwatshavbo ogu Pfhumu Nungungulu a ganedego ga ethu. 8Ambari ulo, ethu kha ha dzi kodza gu bosisa likhulo la Nungungulu khu gu vbindrugedza mavbanyelo, hi diga mahingegedzo nya myonyo yathu nya guvivbe. 9Khu kharato, Pfhumu Nungungulu a hi khedziside gwadi, a gu thesa vbatshani gwathu sitsayiso soso, kholu Pfhumu Nungungulu lulamide ga satshavbo a hi rumidego gu gira, 10kholu kha hapwa lito laye, ambari gu landrisa sileletelo hi nga ningwago khu Pfhumu Nungungulu.”
Huwa nya yikhongolo nya gulombe divalelo
11Olu, Uwe Pfhumu, Nungungulu wa Israyeli, u dusidego vathu vago tigoni ga Egipito khu mandza nya tshivba, khu siyeyedzo ni siliwugiso, khu tshivba nya libogo lago, u manide lina muhuno li wonegago. 12Aholu, Uwe Pfhumu, Nungungulu wathu, hi ghohide, kha nga sipumbu, hi giride guvivba ni wudambane, hi ghohede sileletelo sago satshavbo nya gululame. 13Aholu ndreyisa gwathu likhulo lago, kholu hi vadugwana vbakari nya mayigo u hi phalalegisedego umo!#2:13 wugumbini ga mayigoni ya hwindzo va phalalegisidwego umo khayo magana ma tadego ngudzu umo nya dawulelo wowu, kholu mabango ni mihimbo yatshavbo yi tshanisago va na Israyeli sa gu wonwa kha nga tsayiso nya gumba tumbega gwaye. Vadugwanana basi va nga simama gu khala na va tumbegide, kha nga hi si pwago umo ga vaprofeti. Wona Jer 24: 1-10; Amos 3: 12; Joy 3: 5.
14Yingisa, Pfhumu Nungungulu, milombelo yathu nya gulile, hi vbulugise khu lihaladzo lago. Gira gukhuwe hi hakhwe khu vale va hi vbagedego, va hi sayisa khu wuwadi. 15Gasi litigo latshavbo li dziti gukhilo uwe khuwe Pfhumu, Nungungulu wathu. Lina lago li dhumisidwe vbatshani ga Israyeli ni vbatshani nya livelego laye. 16Pfhumu Nungungulu, thendregedza maho yago u hi khedza khu vbatshani, wulangani gwago nya guage, u yingisa lito lathu. Neredza dzindzeve dzago, Pfhumu, u hi yingisa. 17Tula maho yago, u wona; kholu va nya gufa va gomogo mufumoni nya lufu, avo liphuvbo lawe li hambanidego ni sivili sawe, kha va pwadzi wudhumo wa Pfhumu Nungungulu, ambari gu zundza wululamo waye. 18Aholu hefemulo wu dzi layago, wu garadzega, wu dzi thesago vbavbatshi, wu gimbilago na wu khuvegide, ni maho ma vbedego tshivba ni liphuvbo li gu na ni ndzala, khiso basi, si pwadzago wudhumo wago ni gu rungudza gululama gwago, Pfhumu. 19Khandri khu lina ni mithumo nya guzundzege ya vavelegi vathu ni vafumeli vathu, hi tiyago gu gu bikela gulila gwathu, na hi gu lomba gupwedwa wuhindzi, Pfhumu, Nungungulu wathu. 20Kholu uwe u guhude vbatshani gwathu likhulo lago ni gugoroga gwago, kha nga u hi tivisidego khu magana ya vaprofeti, sithumi sago, khuwe:
21Pfhumu Nungungulu a ngu ganela kharati, khuye: Nogisani dzithamo dzanu ga kanga wa mufumeli wa Bhabhiloni, mu mu thumela, khavbo mu na kodzago guya vbanya tigoni nyi ningidego vababe vanu.
22Aholu mwa gumba yingisa lito la Pfhumu, Nungungulu wanu, mwa gumba dzi ningelani ga mufumeli wa Bhabhiloni, 23“Eni nyi na fuvisa, madhoropani ya Judheya ni Jerusalema, dzindzimo nya litsako ni gunengela, lito la mudzegi ni lito nya khundzwa, litigo latshavbo li na vbindrugedza li khala giwula nyamba vbanya umo muthu.”
24Aholu ethu kha ha yingisa gitiviso gyago nya gukhuwe hi dzi ningele ga mufumeli wa Bhabhiloni. Khu guralo, u tadziside satshavbo esi u ganedego khu magana ya sithumi sago, vaprofeti, gukhuwe marambo ya vafumeli vathu ni vavelegi vathu ma na duswa khu marowoni gwawe. 25Khu guralo, marambo yawe ma rinyidwe ma khala tshandzala guvbisani nya mihani ni girameni nya wutshigu. Avo va fude gutshanisekani nya gukhongolo nya tshikwi, khu ndzala, khu matshari ni mitungu. 26Khu kotani nya guvivbe nya Ndranga ya Israyeli ni ndranga ya Judha, u di ningela yi khungumudwa nyumba li nga bani li gu dhumiswa umo lina lago, yi tshala kha nga idzo yi guromo khidzo muhuno. 27Uwe Pfhumu Nungungulu wathu u giride avbo gwathu gukhedza khu wuhindzi wago nya wukhongolo ni wuwadi wago, 28kha nga idzo u ganedego khidzo khu kanani ga githumi gyago Mosi, litshigu u mu rumidego gulova nayo wago mbeli ga sanana sa Israyeli.
29Khavbo avbo, u ganede gukhuwe: “Mwa gumba yingisa lito langu, mwandra yoyu nya tengo nya wungi wu na vbunguga wu khala tengo nya wudugwana vbakari nya mayigo nyi na mi phalalegisago umo, 30kholu nyi ngu dziti gukheni kha mu na nyi yingisani, kholu vathu vava sibangamihungo. Aholu tigoni nya wugumbi va na dzi laya, 31va na dziti gukhavo eni kheni Pfhumu Nungungulu wawe. Khu guralo, nyi na va ninga monyo nya wadi gasi va pimise ni dzindzeve gasi vapwe. 32Tigoni nya wugumbi, va na nyi dhumisa, gambe va na alakanya lina langu. 33Va na dzi laya khu guvivba gwawe, ni mavbanyelo yawe nyambasi yadi, khu gu dundruga ndzila ya vakokwe vawe va nga ghohelago Pfhumu Nungungulu. 34Khavbo avbo, nyi na va gimbidzisa kala tigoni nyi tumbisidego khu gusambanya ga vababe vawe, Abrahama, Isaki ni Jakobe. Va na li dzega va li fuma, va na velegelana, ni tengo wawe gima kha wu na vbunguga gambe. 35Nyi na wusedza navo gidzumeledzwano gyangu nya gupindruge, nyi na khala Nungungulu wawe, avo va na khala vathu vangu. Gima kha nyi na nga tutumisa gambe Israyeli, a gu vathu vangu, tigoni nyi va ningidego.”
Currently Selected:
Bharuki 2: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Bharuki 2
2
1“Khu gighelo gyogyo, Pfhumu Nungungulu landriside esi a nga bani a ganede nya gukawuke ethu gumogo ni vathangeli vathu, va nga bani va gu fumela Israyeli, ni vafumeli vathu ni dzindruna dzathu, gumogo ni Israyeli ni Judha gwatshavbo, gukhuye a na hi rumela dzimhango nya dzikhongolo. 2Gima gu si gu wonegi gilo vbavbatshi nya ndzadzi, nya nga esi si dugeledego Jerusalema, gukhedza khu iso si lovidwego umo nya Nayo wa Mosi.#2:2 Gu ganedwa khu gidzumeledzwano gi tiyisidwego khu ga Mosi, gasi gu yeyedza gupwani guvbagedwa va yiswa wugumbini i tsayiso nya gumba tumbega ga Vathu va na Israyeli. Wona gambe: Job 28:12.20; Jer 31:31-34; Jer32: 40; Ezek 37: 26-27. 3Moyo ni moyo nya ethu a na hodza nyama ya gyanana gyaye nya gikhwathana nigyo nya gyagadzyana. 4A di va ningela va gu fumedwa khu mifumo yatshavbo yi nga bani yi va randrede, va di khala gilo nya gihegiso ni givalo mayigoni gwatshavbo, umo Pfhumu Nungungulu a nga bani a va phalalegisede umo. 5Va di vbindrugedza va khala sikarawa malangani nya gukhale vamune, kholu va ghohede Pfhumu, Nungungulu wathu, khu gumba yingisa lito laye. 6Pfhumu, Nungungulu wathu, lulamide. Aholu, ethu gumogo ni vavelegi vathu, muhuno, hi fanede gu fenengedzwa khu dzitshoni. 7Hi thegedwe khu guvivba gwatshavbo ogu Pfhumu Nungungulu a ganedego ga ethu. 8Ambari ulo, ethu kha ha dzi kodza gu bosisa likhulo la Nungungulu khu gu vbindrugedza mavbanyelo, hi diga mahingegedzo nya myonyo yathu nya guvivbe. 9Khu kharato, Pfhumu Nungungulu a hi khedziside gwadi, a gu thesa vbatshani gwathu sitsayiso soso, kholu Pfhumu Nungungulu lulamide ga satshavbo a hi rumidego gu gira, 10kholu kha hapwa lito laye, ambari gu landrisa sileletelo hi nga ningwago khu Pfhumu Nungungulu.”
Huwa nya yikhongolo nya gulombe divalelo
11Olu, Uwe Pfhumu, Nungungulu wa Israyeli, u dusidego vathu vago tigoni ga Egipito khu mandza nya tshivba, khu siyeyedzo ni siliwugiso, khu tshivba nya libogo lago, u manide lina muhuno li wonegago. 12Aholu, Uwe Pfhumu, Nungungulu wathu, hi ghohide, kha nga sipumbu, hi giride guvivba ni wudambane, hi ghohede sileletelo sago satshavbo nya gululame. 13Aholu ndreyisa gwathu likhulo lago, kholu hi vadugwana vbakari nya mayigo u hi phalalegisedego umo!#2:13 wugumbini ga mayigoni ya hwindzo va phalalegisidwego umo khayo magana ma tadego ngudzu umo nya dawulelo wowu, kholu mabango ni mihimbo yatshavbo yi tshanisago va na Israyeli sa gu wonwa kha nga tsayiso nya gumba tumbega gwaye. Vadugwanana basi va nga simama gu khala na va tumbegide, kha nga hi si pwago umo ga vaprofeti. Wona Jer 24: 1-10; Amos 3: 12; Joy 3: 5.
14Yingisa, Pfhumu Nungungulu, milombelo yathu nya gulile, hi vbulugise khu lihaladzo lago. Gira gukhuwe hi hakhwe khu vale va hi vbagedego, va hi sayisa khu wuwadi. 15Gasi litigo latshavbo li dziti gukhilo uwe khuwe Pfhumu, Nungungulu wathu. Lina lago li dhumisidwe vbatshani ga Israyeli ni vbatshani nya livelego laye. 16Pfhumu Nungungulu, thendregedza maho yago u hi khedza khu vbatshani, wulangani gwago nya guage, u yingisa lito lathu. Neredza dzindzeve dzago, Pfhumu, u hi yingisa. 17Tula maho yago, u wona; kholu va nya gufa va gomogo mufumoni nya lufu, avo liphuvbo lawe li hambanidego ni sivili sawe, kha va pwadzi wudhumo wa Pfhumu Nungungulu, ambari gu zundza wululamo waye. 18Aholu hefemulo wu dzi layago, wu garadzega, wu dzi thesago vbavbatshi, wu gimbilago na wu khuvegide, ni maho ma vbedego tshivba ni liphuvbo li gu na ni ndzala, khiso basi, si pwadzago wudhumo wago ni gu rungudza gululama gwago, Pfhumu. 19Khandri khu lina ni mithumo nya guzundzege ya vavelegi vathu ni vafumeli vathu, hi tiyago gu gu bikela gulila gwathu, na hi gu lomba gupwedwa wuhindzi, Pfhumu, Nungungulu wathu. 20Kholu uwe u guhude vbatshani gwathu likhulo lago ni gugoroga gwago, kha nga u hi tivisidego khu magana ya vaprofeti, sithumi sago, khuwe:
21Pfhumu Nungungulu a ngu ganela kharati, khuye: Nogisani dzithamo dzanu ga kanga wa mufumeli wa Bhabhiloni, mu mu thumela, khavbo mu na kodzago guya vbanya tigoni nyi ningidego vababe vanu.
22Aholu mwa gumba yingisa lito la Pfhumu, Nungungulu wanu, mwa gumba dzi ningelani ga mufumeli wa Bhabhiloni, 23“Eni nyi na fuvisa, madhoropani ya Judheya ni Jerusalema, dzindzimo nya litsako ni gunengela, lito la mudzegi ni lito nya khundzwa, litigo latshavbo li na vbindrugedza li khala giwula nyamba vbanya umo muthu.”
24Aholu ethu kha ha yingisa gitiviso gyago nya gukhuwe hi dzi ningele ga mufumeli wa Bhabhiloni. Khu guralo, u tadziside satshavbo esi u ganedego khu magana ya sithumi sago, vaprofeti, gukhuwe marambo ya vafumeli vathu ni vavelegi vathu ma na duswa khu marowoni gwawe. 25Khu guralo, marambo yawe ma rinyidwe ma khala tshandzala guvbisani nya mihani ni girameni nya wutshigu. Avo va fude gutshanisekani nya gukhongolo nya tshikwi, khu ndzala, khu matshari ni mitungu. 26Khu kotani nya guvivbe nya Ndranga ya Israyeli ni ndranga ya Judha, u di ningela yi khungumudwa nyumba li nga bani li gu dhumiswa umo lina lago, yi tshala kha nga idzo yi guromo khidzo muhuno. 27Uwe Pfhumu Nungungulu wathu u giride avbo gwathu gukhedza khu wuhindzi wago nya wukhongolo ni wuwadi wago, 28kha nga idzo u ganedego khidzo khu kanani ga githumi gyago Mosi, litshigu u mu rumidego gulova nayo wago mbeli ga sanana sa Israyeli.
29Khavbo avbo, u ganede gukhuwe: “Mwa gumba yingisa lito langu, mwandra yoyu nya tengo nya wungi wu na vbunguga wu khala tengo nya wudugwana vbakari nya mayigo nyi na mi phalalegisago umo, 30kholu nyi ngu dziti gukheni kha mu na nyi yingisani, kholu vathu vava sibangamihungo. Aholu tigoni nya wugumbi va na dzi laya, 31va na dziti gukhavo eni kheni Pfhumu Nungungulu wawe. Khu guralo, nyi na va ninga monyo nya wadi gasi va pimise ni dzindzeve gasi vapwe. 32Tigoni nya wugumbi, va na nyi dhumisa, gambe va na alakanya lina langu. 33Va na dzi laya khu guvivba gwawe, ni mavbanyelo yawe nyambasi yadi, khu gu dundruga ndzila ya vakokwe vawe va nga ghohelago Pfhumu Nungungulu. 34Khavbo avbo, nyi na va gimbidzisa kala tigoni nyi tumbisidego khu gusambanya ga vababe vawe, Abrahama, Isaki ni Jakobe. Va na li dzega va li fuma, va na velegelana, ni tengo wawe gima kha wu na vbunguga gambe. 35Nyi na wusedza navo gidzumeledzwano gyangu nya gupindruge, nyi na khala Nungungulu wawe, avo va na khala vathu vangu. Gima kha nyi na nga tutumisa gambe Israyeli, a gu vathu vangu, tigoni nyi va ningidego.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.