Hebreos 1
1
Libru qallanan
1Ñöpataqa profëtankunawanmi Tayta Dios kutin kutin unay castantsikkunata imaykanöpa parlaparqan. 2Peru kay ultimu tiempuchönam Tsurin Jesucristuwanna willakuyninta willamantsik. Paywanmi kay patsatapis ciëlutapis kamarqan. Paytam llapantapis poderninchö katsinanpä churarqan. 3Jesucristum Tayta Dios imanö kanqanta musyatsimantsik. Payta reqirqa kikin Tayta Diostam reqintsik.#Juan 1.1-3; Col. 1.15-17. Poderösu palabranwanmi llapan kamanqankunatapis mandan munanqannö kayänanpä. Jutsantsikpita purificashqa kanantsikpä wanurmi gloriaman kutirqan. Kananqa Tayta Diospa trönun derëcha lädunchömi jamaraykan.
Angelkunapitapis Jesucristo mas poderyuq kanqan
4Tsaynö karmi Tayta Diospa Tsurin Jesucristo llapan angelkunapitapis mas poderyuq kaykan. Tsaynöllam jutinpis angelkunapa jutinpita mas respitashqa kaykan.#1.4 Jutinpä parlarqa Jesús Diospa Tsurin kanqanta y salvamaqnintsik kanqantam parlan. 5Tayta Dios manam imaypis angelkunata nirqantsu:
<<Qamqa tsurïmi kanki.
Kanan junaqpitam papäniki kä>>.#1.5 Kanan junaqpitam papäniki kä ninqanqa manam puntata Tsurin mana kanqantatsu nin, sinöqa Jesucristo Tayta Diospa Tsurin kanqanta tsay junaqpita musyatsinqantam nin. Tsaynö musyatsirqan wanunqanpita Jesucristuta kawatsimurmi (Hech. 13.33).#Sal. 2.7.
Tsaynöllam mastapis Tayta Dios nirqan:
<<Noqam paypa papänin kashä.
Paynam noqapa tsurï kanqa>>.#2Sam. 7.14; 1Crón. 17.13.
6Tsaynöllam japallan Tsurinta kay patsaman mandamur Tayta Dios nirqan: <<Llapan angelkunapis payta adorayätsun>>.#Deut. 32.43.
7Angelkunapämi Tayta Dios nirqan:
<<Angelnïkunatam vientutanö mandä.
Sirvimaqnïkuna karmi lunyaypa lunyar rupaykaq ninanö kayan>>.#Sal. 104.4.
8Peru tsurinpänam nirqan:
<<Tayta Dios, trönuykichömi imayyaqpis mandaq kanki.
Qamqa llapantapis allim mandanki.
9Pipis allita ruraptinqa kushikunkim.
Mana allita ruraptinqa rabyakunkim.
Tsaymi Tayta Dios qamta churashurquyki pïmaypitapis mas kushishqa kanaykipä>>.#Sal. 45.6-7.
10Tsaynöllam Tsurinpä nirqan:
<<Tayta Dios, qammi kamanqayki höra kay patsatapis shumaq takyatsirquyki.
Ciëlutapis makikiwanmi kamarquyki.
11Llapan kamanqayki ushakaptinpis qamqa imaypis kaykankim.
Röpa makwayaqnömi llapanpis ushakanqa.
12Mantuta doblaqnömi kamanqaykikunatapis doblanki.
Röpata llushtiqnöllam trocatsinki.
Llapan ushakaptinpis qamqa imaypis kanqaykinöllam kaykanki.
Qamqa manam imaypis rukuyankitsu>>.#Sal. 102.25-27.
13Manam mayqan angelkunatapis Tayta Dios nirqantsu: <<Derëcha kaq lädüman jamakamuy llapan chikishuqnikikunata podernikiman churamunqäyaq>>.#Sal. 110.1; Mat. 22.44; Hech. 2.34; Heb. 1.3.
14Tsaymi angelkunaqa Tayta Diospa mandädunchö kayan. Paykunatam Tayta Dios mandamun salvashqa kaqkunata yanapananpä.#Mat. 4.11; Luc. 1.19.
Currently Selected:
Hebreos 1: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.