Zacarías 5

Qellqashqa röllu päriykaqta revelacionchö rikanqan

1Tsaypitanam juk qellqashqa röllu päriykaqta rikarqä.#Eze. 2.9-10; Apoc. 5.1; 10.9. 2Tsaymi ángel tapumarqan: <<¿Imatatä rikaykanki?>>

Tsaymi nirqä: <<Päriykaq röllutam rikaykä. Tsay röllupa largunmi chunka metru y anchunnam pitsqa metru>>.

3Niptïmi nimarqan: <<Tsaychömi qellqashqa kaykan kay patsaman castïgu chämunanpä kanqan. Tsay röllupa jukaq lädunchömi suwakuqkuna wanutsishqa kayänanpä kanqan qellqashqa kaykan. Jukaq läduchönam qellqashqa kaykan jutïchö awnirpis mana cumpliqkuna wanutsishqa kayänanpä kanqan. 4Llapanta mandaq Tayta Diosmi nin: <Tsay castïgutam mandamurqü suwakunapa wayinman yaykunanpä y jutïchö awnirpis mana cumpliqkunapa wayinman yaykunanpä.#Éxo. 20.7, 15. Tsay castïguwanmi tsaychö täraqkuna chipyaq wanuyanqa. Tsaymi ushakanqa wayi pirqaraykaq rumikuna y qerukunapis> >>.

Tupuchö warmi kaykaqta revelacionchö rikanqan

5Tsaypitanam noqawan parlaykaq ángel witiykamur nimarqan: <<Taqay shamuykaqta rikay>>.

6Rikaykurmi tapurqä: <<¿Imatä taqay kaykan?>>

Angelnam nimarqan: <<Taqayqa jatun tupum kaykan. Tsaychömi wiñaraykan maytsaychö täraq runakunapa jutsankuna>>.

7Tsay jatun tupuqa plömupita rurashqa tsapanawan tsapashqam karqan. Tsapananta kichaskiptinmi tupupa rurinchö juk warmi chunkuraykaqta rikarqä. 8Tsaymi ángel nimarqan: <<Kay warmiqa runakunapa jutsankunam kaykan>>.

Tsaynö nirmi tupuman warmita tsumur plömu tsapanawan yapay tsapaskirqan.

9Yapay ñukirkunqächömi cigüeñapa älantanö älashqa ishkay warmikunata rikarqä. Tsay älankunata vientu joqariptinmi pärir aywayarqan. Tsaymi tsay tuputa joqarkur altullapa apayarqan. 10Tsayta rikarmi angelta tapurqä: <<¿Maypatä apaykäyan tsay jatun tuputa?>>

11Angelnam nimarqan: <<Babiloniachömi tsay tupupä templuta ruratsiyanqa. Templuta shäritsiyta ushaskirnam tsayman churayanqa>>.

Currently Selected:

Zacarías 5: qxo

Highlight

Compare

Copy