Zacarías 13
13
Judá runakuna Tayta Dios munanqannö kawayänanpä ninqan
1<<Tsay witsanmi pukyupita pashtamuq yakuwan mayllaqnö Davidpita miraqkunapa y Jerusalénchö täkuqkunapa jutsankunata perdonashä>>.#Eze. 47.1-12; Joel 3.18; Juan 4.10-14; 7.38; Apoc. 22.1-2.
2Llapanta mandaq Tayta Diosmi nin: <<Tsay witsanmi entëru kay nacionchö ïdulukunata ushakätsishä. Tsaymi qepa yuriqkuna tsay ïdulukunapa jutinkunatapis musyayanqanatsu. Tsaynöllam llulla profëtakunatapis y llutanta yarpätsiq supaykunatapis ushakätsishä. 3Noqapa jutïchö pipis llullakur willakuptinqa kikinkunapa papänin y mamanmi niyanqa: <¡Qamqa wanunkim! ¡Kikikipa yarpayllaykipitam Tayta Diospa willakuyninta willakuykanki!> Tsaynö nirmi llutanta willakuykaqta kikinpa mamanwan papänin tuksiyanqa.
4<<Tsay witsanmi llapan llulla profëtakuna llullakur willakuyanqanpita pasaypa penqakuyanqa. Tsaymi profëtakuna jatikuyänan qaratsapita rurashqa mantunta imaypis jatikuyanqanatsu ni profëta tukuyanqanatsu. 5Tsaypa rantinmi niyanqa: <Noqaqa manam profëtatsu kä. Común runalla karmi wamra kanqäpita chakrallachö wiñarqü>. 6Pipis <¿imanirtä cuerpuyki roqushqa kaykan?>#13.6 Baalpa profëtankuna roqukuyanqanta musyanaykipä liyiyanki 1Rey. 18.28. nir tapuptinmi niyanqa: <Tsaytaqa amïgükunapa wayinchö arurmi malograkurqü> >>.
7Llapanta mandaq Tayta Diosmi nin:
<<Espäda, üshata mitsinanpä churanqä amïgüpa contran tikray.
Üsha mitsiqta wanuskatsiptïmi üshankuna wakpa kaypa mashtakar aywakuyanqa.#Mat. 26.31; Mar. 14.27.
Ashkashkunatapis ushakätsishämi.
8Tsaymi kay nacionchö täraqkunaqa pullanpita mas wanuyanqa.
Sobraq kaqllanam kawaykar quëdayanqa.
9Kawaykar quëdaqkunataqa jutsaynaq kayänanpämi purificatsishä.
Qellayta ninawan fundiqnö y qorita ninawan qanranta jipiqnömi paykunata purificashä.#Isa. 1.25; 48.10.
Paykuna mañakayämaptinmi wiyashä.#Ose. 2.23.
Tsaymi nishä: <Qamkunaqa kuyanqä wamräkunam kayanki>.
Paykunanam niyämanqa: <Noqakunapa Diosnïqa qammi kanki> >>.
Currently Selected:
Zacarías 13: qxo
Highlight
Share
Compare
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
