Marcos 5

Supaykuna löcuyätsinqan runata allïtsinqan

Mateo 8.28-34; Lucas 8.26-39

1Qochata tsimpaskirnam Gerasa#5.1 Wakin griego copiakunachömi Gadara niyanmi. Wakinnam Gergesa niyanmi. niyanqan partiman discïpulunkunawan Jesús chäyarqan. 2Büquipita Jesús yarpuskiptinmi supaykuna löcuyätsiyanqan runa panteonpita yarqamurqan. 3Tsay runaqa panteonllachömi täraq. Cadënawan watarpis manam watarätsiyta puëdiyaqtsu. 4Chakipita makipita watayaptinpis cadënatam rachir ushaq. Tsaymi pipis ima ruraytapis puëdiqtsu. 5Tsay runaqa paqaspapis junaqpapis panteonchö y jirkakunachömi qayarar rumikunawan takakur puriq.

6Paymi Jesústa rikaskir cörrilla aywarnin puntanman lätaykur 7jinchipa nirqan: <<¡Poderösu Diospa Tsurin Jesús! ¡Imatatä noqawan munanki! ¡Diospa jutinchömi rugä! ¡Ama ñakatsillämaytsu!>>

8Tsaynö nirqan <<¡supay, kay runapita yarquy!>> Jesús nishqa kaptinmi.

9Tsaypitanam Jesús tapurqan: <<¿Imatä jutiki?>>

Niptinmi nirqan: <<Noqapa jutïqa Legiónmi.#5.9 Legión ninanqa atska waranqa ninanmi. Noqakunaqa atskaqmi kayä>>.

10Karuman mana qarqunanpämi supaykuna pasaypa rugakuyarqan. 11Washalänin jirkanchömi atska kuchikunata mitsiykäyarqan. 12Tsaymi supaykuna Jesústa rugakur niyarqan: <<Kuchikunallaman yaykuyänäpä permitiykullay>>.

13Rugakuyanqanta Jesús awniptinmi runapita yarquskir tsay kuchikunaman supaykuna yaykuskiyarqan. Tsay kuchikunaqa ishkay waranqanömi (2,000) kayarqan. Tsaymi kuchikuna tunapa cörrir qochaman jeqarpuyarqan. Tsaychömi shenqaypa wanuyarqan.

14Tsayta rikaykurmi kuchi mitsiqkuna cörrilla aywar markachö täraq y cercanchö täraq runakunata willayarqan. Willayaptinmi runakuna ima päsanqantapis rikayänanpä aywayarqan. 15Jesús kaqman chaykurmi tsay löcuyashqa runata röpan jatishqa y juiciunchöna jamaraykaqta tariyarqan. Tsayta rikaykurmi pasaypa mantsariyarqan.

16Jesús allïtsinqanta rikaqkunam willayarqan tsay runa imanö allinqanta y kuchikuna shenqaypa wanuyanqanta. 17Tsaymi runakuna Jesústa rugayarqan tsaypita aywakunanpä.

18 Büquiman Jesús yarkurkuptinmi allïtsinqan runa Jesústa rugarqan paywan aywakunanpä. 19Rugakunqanta mana awnirmi Jesús nirqan: <<Wayikipa kutir castaykikunata willay Tayta Dios kuyapäshurniki allïtsishunqaykita>>.

20Tsaynam aywar jinan Decápolis provinciachö willakurqan Jesús allïtsinqanta. Tsaynö willakuptinmi wiyaqkuna kushikuyarqan.

Jairupa tsurinta kawatsinqan y warmita allïtsinqan

Mateo 9.18-26; Lucas 8.40-56

21Tsaypitanam qocha wak tsimpanman büquiwan Jesús yapay kutirqan. Qocha kuchunchö kaykaptinmi atskaq runakuna qorikäyarqan. 22Tsaymanmi sinagögachö mandakuq Jairo jutiyuq runa charqan. Paymi Jesúspa puntanman qonqurikur 23rugakur nirqan: <<Taytay, warmi tsurïmi wanuykanna. Aywaykulläshun. Yataykuptikiqa alliskinqam>>.

24Tsaynö rugakuptinmi Jairuwan Jesús aywarqan. Aywaptinmi atskaq runakuna kichkiyparä qatiyarqan. 25Tsay runakunawanmi chunka ishkay watana yawar apaywan qeshyaq warmipis aywarqan. 26Tsay qeshyawan pasaypa ñakarmi mëdicukunata pägananpä imaykantapis rantikur usharqan. Imaykawan jampiyaptinpis mas peormi antsarqan.

27Jesús poderyuq kanqanta musyarmi atskaq runakuna kaykaptinpis tsay warmi qepallanpa witiykur Jesúspa röpanta yataykurqan. 28Jesúspa röpallantapis yataykur allïnanpä kanqanta yarparmi tsaynö rurarqan. 29Yataykuptinmi jinan höra yawar apaynin alliskirqan. Tsaymi allishqana kanqanta tantiyarqan.

30Poderninwan pipis allinqanta musyarmi tumaykur Jesús nirqan: <<¿Pitä röpäta yatamushqa?>>

31Discïpulunkunanam niyarqan: <<Taytay, kayläya kichki aywaykarqa ¿imanöpatä musyayäman mayqan yatashunqaykitapis?>>

32Tsaynö niyaptinmi Jesús rikachakurqan pï yatanqantapis musyananpä. 33Tsaymi tsay warmi mantsariywan tsuktsukyarrä Jesúspa puntanman qonqurikuykurqan. Tsaypitam röpanta yataykullar allinqanta willarqan. 34Jesúsnam nirqan: <<Hïja, yärakamunqaykipitam allirquyki. Kananqa kushishqana aywakuy>>.

35Jesús tsaynö parlaykaptinmi Jairupa wayinpita willakuq chaykur Jairuta nirqan: <<Taytay, tsurikiqa wanushqanam. Amana Jesústa pushaynatsu>>.

36Tsaynö niqta wiyaykurmi Jesús nirqan: <<Ama llakikuytsu. Tayta Diosman yärakuy>>.

37Tsaynö nirmi Pedruta, Santiaguta y Santiagupa wawqin Juanta pushakurkur Jairupa wayinman Jesús aywarqan. Wakinkuna aywayänantaqa manam munarqantsu. 38Chaykurnam runakuna pasaypa llakikur waqaykaqta tarirqan. 39Tsaymi Jesús yaykuskir nirqan: <<¿Imanirtä tsayjinanpa waqaykäyanki? Wamraqa manam wanushqatsu, sinöqa punuykanllam>>.

40Tsaynö niptinmi asipäyarqan. Tsaypitanam llapan runakunata waqtaman qarquskir Jairuta, warminta y paywan kaykaq discïpulunkunata pusharkur wamra sutaraykanqanman Jesús yaykurqan. 41Tsaychömi makinpita aptarkur wamrata nirqan: <<Talita, cumi>>.

Tsay ninqanqa <<wamra, shäriy>> ninanmi.

42Tsaymi jinan höra kawaskamur purir qallaykurqan. Payqa chunka ishkay watayuqmi karqan. Kawamunqanta rikaykurmi runakuna alläpa kushikuyarqan. 43Peru allïtsinqanta pitapis mana willayänanpämi Jesús nirqan. Tsaypitanam wamrata mikuyta qarayänanpä nirqan.

Currently Selected:

Marcos 5: qxo

Highlight

Copy

Compare