Marcos 3

Makin wanushqa runata jamay junaqchö Jesús allïtsinqan

Mateo 12.9-14; Lucas 6.6-11

1Juk kutim sinagögaman Jesús yapay yaykurqan. Tsaychömi makin wanushqa runapis kaykarqan. 2Tsaymi Jesústa rikaraykäyarqan jamay junaqchö allïtsiptinqa tsay achäquilla contran shäriyänanpä.

3Jesúsnam makin wanushqa runata nirqan: <<Runakunapa chawpinman ichiy>>.

4Tsaypitanam runakunata tapurqan: <<Jamay junaqchö ¿allitaku o mana allitaku rurashun? Runa mayintsikta ¿salvashunku o <wanutsunpis> nishunku?>>

Tsaynö niptin manam imatapis niyarqantsu. 5Tsaymi paykunata Jesús rabyashqa rikaskirqan. Mana kuyapäkuq kayanqanta musyarmi alläpa llakikur makin wanushqa runata nirqan: <<¡Makikita joqariy!>>

Joqarkuptinmi makin alliskirqan. 6Tsaymi fariseukuna yarquskir Herodespa favornin shäriq runakunawan Jesústa wanutsiyänanpä willanakuyarqan.

Atskaq runakuna qocha kuchunman qorikäyanqan

7Tsaypitanam qocha kuchunman discïpulunkunawan Jesús aywarqan. Qepantanam atskaq runakuna Galileapita y Judeapita aywayarqan. 8Tsaynöllam Jesús ruranqankunata musyaskir Jerusalénpita, Idumeapita, Jordán mayu wak tsimpanpita, Tiro markapita y Sidón markapitapis atskaq runakuna aywayarqan. 9Tsaymi discïpulunkunata Jesús nirqan: <<Runakuna juntäyämuptin yarkunäpä büquita listullana kaykätsiyay>>.

10Atskaqta allïtsishqa kaptinmi llapan qeshyaqkuna imaykanöpapis Jesústa yatayta munayarqan.#Mar. 4.1; Luc. 5.1-3.

11Jesústa rikaykurmi supaykuna löcuyätsinqan runakunapis puntanman lätaykur jinchipa niyarqan: <<¡Qamqa Diospa Tsurinmi kanki!>>

12Tsaynö niyaptinmi paykunata Jesús ollqutuparqan pï kanqantapis mana willakuyänanpä.

Chunka ishkay apostolninkunata Jesús akranqan

Lucas 6.12-16

13Tsaypita jirkaman Jesús witsarkurmi wakin discïpulunkunata jutinpa qayarqan. 14Tsay qayanqan discïpulunkunam chunka ishkay apostolninkuna kayarqan. Paykunatam qayarqan paywan puriyänanpä, Tayta Diospa willakuyninta willakuyänanpä, 15[qeshyaqkunata allïtsiyänanpä] y runakunapita supaykunata qarquyänanpä. 16Paykunam kayarqan Simón (paypa jutintam trocatsirqan Pedro kananpä) 17y Zebedeupa tsurinkuna Santiago y Juan. Santiaguta y Juantam kuyay jutinta churarqan Boanergesta. Boanerges ninqanqa <<maqakuypa tsurinkuna>> ninanmi. 18Wakin kaqkunam kayarqan Andrés, Felipe, Bartolomé, Mateo, Tomás, Alfeupa tsurin Santiago, Tadeo, Zelote ninqan Simón 19y Jesústa rantikuq Judas Iscariote.

Jesúspa contran parlayanqan

Mateo 12.22-32; Lucas 11.14-23; 12.10

20Tsaypita juk wayiman Jesús yaykuptinmi tsaymanpis atskaq runakuna qorikäyarqan. Tsaymi discïpulunkunawan mikuyänallanpäpis tiempun karqantsu. 21Jesús tsaynö kaykanqanta castankuna musyaskirmi löcuyashqa kanqanta yarpar qoriq aywayarqan.

22Tsay junaqkunam ley yachatsikuqkuna Jerusalénpita chaykur niyarqan: <<Kay runaqa supaykunapa mandaqnin Beelzebúpa#3.22 Beelzebúqa Satanáspa jukaq jutinmi. poderninwanmi supaykunata qarqun>>.#Mat. 9.34; 10.25.

23Tsaynö niyaptinmi tsay runakunata qayaykatsir Jesús iwalatsiypa nirqan: <<¿Imanöpatä Satanás kikinta qarqukunman? 24Juk nacionchö runakuna kikinkunapura chikinakurqa ¿manatsurä wanutsinakur ushakäyanman? 25Juk wayichö täraqkunapis chikinakurqa ¿manatsurä wakpa kaypa aywakur ushakäyanman? 26Tsaynöllam Satanáspis kikinpa contran shärirqa ushakanqa. 27Kallpayuq runata manarä pankarqa manam pipis wayinman yaykur imantapis apanmantsu. Peru pankaskirmi sïqa imantapis apanman.#3.27 Kallpayuq runamanmi Satanásta iwalatsin. Imankunamanmi poderninchö tsararanqan runakunata iwalatsin. Satanásta pankaq runamanmi Jesucristo kikinta iwalatsikun. Tsaynöpam tantiyatsirqan Satanáspita mas poderyuq kanqanta.

28<<Rasunpam nï: Runakuna jutsata rurayanqanta y Diospa contran parlayanqantam Tayta Dios perdonanqa. 29Peru Espíritu Santupa contran parlayanqantam sïqa imaypis perdonanqatsu>>.#3.29 Espíritu Santuqa jutsantsikta dëjaskir Jesucristuman yärakunantsikpämi tantiyatsimantsik (Juan 16.8-11). Tsaymi Espíritu Santupa contran parlarqa pay tantiyatsinqanta mana chaskikur Jesucristuman imaypis yärakuntsu (Hech. 7.51). Peru Jesucristuman yärakuq kaqmi sïqa perdonashqa kanqa.#Luc. 12.10.

30Jesús tsaynö nirqan supay yanapaykanqanta niyaptinmi.

Jesúspa maman y wawqinkuna pï kayanqanpis

Mateo 12.46-50; Lucas 8.19-21

31Tsaypitanam Jesúspa maman y wawqinkuna wayiman chaykur waqtallapita Jesústa qayatsiyarqan. 32Tsaymi Jesúswan jamaraykaqkuna willayarqan: <<Mamaykiwan wawqikikunam waqtachö shuyaykäyäshunki>>.

33Jesúsnam nirqan: <<Mamä y wawqïkuna ¿pï kayanqantapis musyayankiku?>>

34Tsaynö nirmi paywan jamaraykaqkunata rikaskir nirqan: <<Kaychömi mamä y wawqïkuna kaykäyan. 35Pipis Tayta Dios munanqannö kawaq kaqmi wawqï, panï y mamä kayan>>.

Currently Selected:

Marcos 3: qxo

Highlight

Copy

Compare