Marcos 2
2
Puriyta mana puëdiq runata Jesús allïtsinqan
Mateo 9.1-8; Lucas 5.17-26
1Tsaypita juk ishkay junaqtanam Capernaúmman Jesús kutirqan. Tsaychö kaykanqanta musyaykurmi 2kaykanqan wayiman atskaq qorikäyarqan. Wayi rurinchö pasaypa kichki kaptinmi punkuchöpis runakuna junta kayarqan. Tayta Diospa willakuyninta Jesús yachaykätsiptinmi 3puriyta mana puëdiq runata wantushqa chuskuq runakuna chätsiyarqan. 4Atskaq runakuna kichkiräyaptinmi punkupa yaykutsiyta puëdiyarqantsu. Tsaymi wayi jananman yarkaskatsir qataraykanqanta kichaskir kirmantinta Jesúspa puntanman yarpatsiyarqan. 5Tsay runakuna payman criyiyanqanta musyarmi qeshyaq runata Jesús nirqan: <<Hïju, llapan jutsaykipitam perdonashqana kanki>>.
6Tsaynö niptinmi ley yachatsikuqkuna yarpachakur niyarqan: 7<<¿Imanirtä kay runa tsaynö parlan? ¡Tsaynö nirqa Dios tukuykanmi! Tayta Diosllam jutsa ruraqkunataqa perdonan>>.
8Tsaynö yarpäyanqanta musyarmi Jesús nirqan: <<¿Imanirtä tsaynö yarpaykäyanki? 9¿Mayqantä mas aja? ¿Runapa jutsankunata perdonayku? ¿O qeshyaqta allïtsiyku? 10Runapa Tsurinqa kay patsachö runakunata perdonananpä poderyuqmi kaykan. Tsaytam kanan musyayanki>>.
Tsaypitanam puriyta mana puëdiq runata nirqan: 11<<¡Shäriy! Kirmaykita apakurkur wayikipa aywakuy>>.
12Tsaynö niptinmi jinan höra shäriskir kirmanta apakurkur allishqana aywakurqan. Tsayta rikaykurmi runakuna pasaypa espantashqa Tayta Diosta alabar niyarqan: <<¡Kay runa allïtsinqantanöqa manam imaypis rikarquntsiktsu!>>
Discïpulun kananpä Levíta Jesús qayanqan
Mateo 9.9-13; Lucas 5.27-32
13Tsaypitanam Galilea qocha kuchunman Jesús kutirqan. Pay kaykanqan kaqman atskaq runakuna qorikäyaptinmi yachatsirqan. 14Tsaypita aywarmi Alfeupa tsurin Leví#2.14 Levípa jukaq jutinmi Mateo karqan. impuestuta cobrar jamaraykaqta Jesús rikarqan. Paytam nirqan: <<Qatimay>>.
Tsaynö niptinmi Jesúswan Leví aywarqan.
15Tsaypitanam wayinchö mikuyänanpä Jesústa Leví qayatsirqan. Tsaychömi impuestu cobraq runakuna y jutsasapa runakuna Jesúswan y discïpulunkunawan juntu mikuyarqan. (Jesústam atskaq impuestu cobraq runakuna y jutsasapa runakunapis qatiräyarqan.) 16Tsayta rikaykurnam ley yachatsikuq fariseukuna Jesúspa discïpulunkunata tapuyarqan: <<¿Imanirtä impuestu cobraqkunawan y jutsasapa runakunawanpis Jesús mikuykan?>>
17Tsaynö niyanqanta wiyaykurmi Jesús nirqan: <<Sänu kaqkunaqa manam mëdicuta nisitayantsu, sinöqa qeshyaqkunallam. Noqaqa manam jutsaynaq runakunamantsu shamurqü, sinöqa jutsasapa runakunamanmi>>.
Yachatsikuynin mushuq kanqanta Jesús tantiyatsinqan
Mateo 9.14-17; Lucas 5.33-39
18Juk kutim Juanpa discïpulunkuna y fariseukunapis ayunaykäyarqan. Tsaymi runakuna Jesústa tapuyarqan: <<Juanpa discïpulunkuna y fariseukunapa discïpulunkunaqa imaypis ayunayanmi. Qampa discïpuluykikunaqa ¿imanirtä ayunayantsu?>>
19Jesúsnam nirqan: <<Casaraq jövin kaykaptinqa casaray fiestaman qayatsinqan kaqkuna ¿ayunayanmantsurä? 20Peru casaraq jövinta wanutsiyaptinmi sïqa ayunayanqa>>.
21<<Manam pipis makwa röpata mushuq ratashwan remendantsu. Mushuq ratash qentirmi makwa röpata mas rachikätsin. 22Tsaynölla manam pipis tsayrä rurashqa vïnuta makwa urpuman wiñantsu. Wiñaptinqa vïnu poqurmi pakitsinqa. Tsaynö kaptinqa vïnupis y urpupis ushakanqam. Tsaymi tsayrä rurashqa vïnutaqa sänu urpuman wiñantsik>>.#2.22 Makwa röpata y makwa urputa Jesucristo iwalatsirqan runakunapa unay costumbrinkunamanmi. Mushuq ratashta y tsayrä rurashqa vïnutanam Jesucristo iwalatsirqan kikinpa yachatsikuyninman. Tsaynö iwalatsirmi Jesucristo nirqan paypa yachatsikuynin mushuq kar unay costumbrinkunaman mana iwalanqanta.
Jamay junaqpä Jesús poderyuq kanqan
Mateo 12.1-8; Lucas 6.1-5
23Jamay junaqchömi trïgu poquraykaq chakrakunapa discïpulunkunawan Jesús päsaykäyarqan. Tsaypa päsarmi discïpulunkuna trïguta pallaskir uchuyarqan.#Deut. 23.25. 24Tsaymi fariseukuna niyarqan: <<Rikay. ¿Imanirtä jamay junaq kaykaptin leynintsikta mana cäsur discïpuluykikuna trïguta pallaykäyan?>>
25Jesúsnam nirqan: <<¿Manaku imaypis liyiyarquyki yanapaqninkunawan mallaqar David imata ruranqantapis? 26Mas mandaq sacerdöti Abiatar kaykanqan witsanshi Tayta Diospa wayinman yaykur Diospä churayanqan tantata David mikunä. Tsaynöllash paywan aywaq runakunatapis qaranä.#1Sam. 21.1-6. Tsay tantaqa manam David ni paywan kaykaq runakuna mikuyänanpätsu karqan, sinöqa sacerdötikunalla mikuyänanpämi>>.#Lev. 24.9.
27Tsaypitanam Jesús nirqan: <<Manam jamay junaq raykutsu runata Tayta Dios kamarqan, sinöqa runakuna raykurmi jamay junaqta kamarqan. 28Tsaymi Runapa Tsurinqa jamay junaqpäpis poderyuq>>.
Currently Selected:
Marcos 2: qxo
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
Marcos 2
2
Puriyta mana puëdiq runata Jesús allïtsinqan
Mateo 9.1-8; Lucas 5.17-26
1Tsaypita juk ishkay junaqtanam Capernaúmman Jesús kutirqan. Tsaychö kaykanqanta musyaykurmi 2kaykanqan wayiman atskaq qorikäyarqan. Wayi rurinchö pasaypa kichki kaptinmi punkuchöpis runakuna junta kayarqan. Tayta Diospa willakuyninta Jesús yachaykätsiptinmi 3puriyta mana puëdiq runata wantushqa chuskuq runakuna chätsiyarqan. 4Atskaq runakuna kichkiräyaptinmi punkupa yaykutsiyta puëdiyarqantsu. Tsaymi wayi jananman yarkaskatsir qataraykanqanta kichaskir kirmantinta Jesúspa puntanman yarpatsiyarqan. 5Tsay runakuna payman criyiyanqanta musyarmi qeshyaq runata Jesús nirqan: <<Hïju, llapan jutsaykipitam perdonashqana kanki>>.
6Tsaynö niptinmi ley yachatsikuqkuna yarpachakur niyarqan: 7<<¿Imanirtä kay runa tsaynö parlan? ¡Tsaynö nirqa Dios tukuykanmi! Tayta Diosllam jutsa ruraqkunataqa perdonan>>.
8Tsaynö yarpäyanqanta musyarmi Jesús nirqan: <<¿Imanirtä tsaynö yarpaykäyanki? 9¿Mayqantä mas aja? ¿Runapa jutsankunata perdonayku? ¿O qeshyaqta allïtsiyku? 10Runapa Tsurinqa kay patsachö runakunata perdonananpä poderyuqmi kaykan. Tsaytam kanan musyayanki>>.
Tsaypitanam puriyta mana puëdiq runata nirqan: 11<<¡Shäriy! Kirmaykita apakurkur wayikipa aywakuy>>.
12Tsaynö niptinmi jinan höra shäriskir kirmanta apakurkur allishqana aywakurqan. Tsayta rikaykurmi runakuna pasaypa espantashqa Tayta Diosta alabar niyarqan: <<¡Kay runa allïtsinqantanöqa manam imaypis rikarquntsiktsu!>>
Discïpulun kananpä Levíta Jesús qayanqan
Mateo 9.9-13; Lucas 5.27-32
13Tsaypitanam Galilea qocha kuchunman Jesús kutirqan. Pay kaykanqan kaqman atskaq runakuna qorikäyaptinmi yachatsirqan. 14Tsaypita aywarmi Alfeupa tsurin Leví#2.14 Levípa jukaq jutinmi Mateo karqan. impuestuta cobrar jamaraykaqta Jesús rikarqan. Paytam nirqan: <<Qatimay>>.
Tsaynö niptinmi Jesúswan Leví aywarqan.
15Tsaypitanam wayinchö mikuyänanpä Jesústa Leví qayatsirqan. Tsaychömi impuestu cobraq runakuna y jutsasapa runakuna Jesúswan y discïpulunkunawan juntu mikuyarqan. (Jesústam atskaq impuestu cobraq runakuna y jutsasapa runakunapis qatiräyarqan.) 16Tsayta rikaykurnam ley yachatsikuq fariseukuna Jesúspa discïpulunkunata tapuyarqan: <<¿Imanirtä impuestu cobraqkunawan y jutsasapa runakunawanpis Jesús mikuykan?>>
17Tsaynö niyanqanta wiyaykurmi Jesús nirqan: <<Sänu kaqkunaqa manam mëdicuta nisitayantsu, sinöqa qeshyaqkunallam. Noqaqa manam jutsaynaq runakunamantsu shamurqü, sinöqa jutsasapa runakunamanmi>>.
Yachatsikuynin mushuq kanqanta Jesús tantiyatsinqan
Mateo 9.14-17; Lucas 5.33-39
18Juk kutim Juanpa discïpulunkuna y fariseukunapis ayunaykäyarqan. Tsaymi runakuna Jesústa tapuyarqan: <<Juanpa discïpulunkuna y fariseukunapa discïpulunkunaqa imaypis ayunayanmi. Qampa discïpuluykikunaqa ¿imanirtä ayunayantsu?>>
19Jesúsnam nirqan: <<Casaraq jövin kaykaptinqa casaray fiestaman qayatsinqan kaqkuna ¿ayunayanmantsurä? 20Peru casaraq jövinta wanutsiyaptinmi sïqa ayunayanqa>>.
21<<Manam pipis makwa röpata mushuq ratashwan remendantsu. Mushuq ratash qentirmi makwa röpata mas rachikätsin. 22Tsaynölla manam pipis tsayrä rurashqa vïnuta makwa urpuman wiñantsu. Wiñaptinqa vïnu poqurmi pakitsinqa. Tsaynö kaptinqa vïnupis y urpupis ushakanqam. Tsaymi tsayrä rurashqa vïnutaqa sänu urpuman wiñantsik>>.#2.22 Makwa röpata y makwa urputa Jesucristo iwalatsirqan runakunapa unay costumbrinkunamanmi. Mushuq ratashta y tsayrä rurashqa vïnutanam Jesucristo iwalatsirqan kikinpa yachatsikuyninman. Tsaynö iwalatsirmi Jesucristo nirqan paypa yachatsikuynin mushuq kar unay costumbrinkunaman mana iwalanqanta.
Jamay junaqpä Jesús poderyuq kanqan
Mateo 12.1-8; Lucas 6.1-5
23Jamay junaqchömi trïgu poquraykaq chakrakunapa discïpulunkunawan Jesús päsaykäyarqan. Tsaypa päsarmi discïpulunkuna trïguta pallaskir uchuyarqan.#Deut. 23.25. 24Tsaymi fariseukuna niyarqan: <<Rikay. ¿Imanirtä jamay junaq kaykaptin leynintsikta mana cäsur discïpuluykikuna trïguta pallaykäyan?>>
25Jesúsnam nirqan: <<¿Manaku imaypis liyiyarquyki yanapaqninkunawan mallaqar David imata ruranqantapis? 26Mas mandaq sacerdöti Abiatar kaykanqan witsanshi Tayta Diospa wayinman yaykur Diospä churayanqan tantata David mikunä. Tsaynöllash paywan aywaq runakunatapis qaranä.#1Sam. 21.1-6. Tsay tantaqa manam David ni paywan kaykaq runakuna mikuyänanpätsu karqan, sinöqa sacerdötikunalla mikuyänanpämi>>.#Lev. 24.9.
27Tsaypitanam Jesús nirqan: <<Manam jamay junaq raykutsu runata Tayta Dios kamarqan, sinöqa runakuna raykurmi jamay junaqta kamarqan. 28Tsaymi Runapa Tsurinqa jamay junaqpäpis poderyuq>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.