Miqueas 6
6
Israel runakuna defiendikuyänanpä Tayta Dios ninqan
1 Tayta Dios ninqanta wiyayay.
Paymi nin:
<<Jirkankuna wiyaykäyäshuptiki shärirkur ñöpächö defiendikuyay.
Jirkakuna wiyayäshunaykipä jinchipa parlayämuy.
2Jirkakuna, kuyanqä runakunata shimpiptï wiyayämay.
Patsata tukmaraq cimientukunapis, Israel runakunata cuentata mañaptï wiyayay.#Isa. 3.13; Ose. 4.1.
3<<Kuyanqä runakuna, ¿imatatä mana allita rurarqü?
¿Imachötä qamkunata rabyatsirqü?
Imachö qallayätsinqätapis mä niyämay.
4Egiptuchö esclävu kayanqaykipita salvarmi qamkunata jipimurqä.#Éxo. 12.50-51.
Pushayämushunaykipämi Moisésta, Aarónta#Éxo. 4.10-16. y Maríata#Éxo. 15.20. mandamurqä.
5Kuyanqä runakuna, yarpäyay Moab nacionpa mandaqnin rey Balac qamkunapa contraykikuna shärinqanta.
Tsaynölla yarpäyay Beorpa tsurin Balaam maldicionayäshunaykipa rantin bendicionta churamunqanta.#Núm. 22—24.
Yarpäyay Sitimpita Gilgalyaq Jordán mayuta imanö päsayanqaykitapis.#Jos. 3.1—4.19.
Tsaykunata yarparmi tantiyayanki noqa Tayta Diosniki qamkunata imaypis salvanqäta>>.
Tayta Dios imata munanqanpis
6¿Imallantsikwanrä Tayta Diospa puntanman chäshun?
¿Imallatarä poderösu Tayta Diosta adoranantsikpä apashun?
¿Sacrificiuta rupatsinantsikpä juk watayuq torïtukunatatsurä apashwan?
7Waranqa (1,000) carnërukunata pishtaskir paypä rupatsishqa ¿kushikunqatsurä?
Chunka waranqa (10,000) mayukuna aywaykaqtanö atska aceitita altarman wiñashqa ¿kushikunqatsurä?
Jutsata ruranqantsikpita mayor tsurintsiktapis wanuskatsir rupatsishqa ¿kushikunqatsurä?
8 Tayta Dios imata munanqantapis nimarquntsiknam.
Payqa munan alli kaqllata ruranantsikta, runa mayintsikta kuyapänantsikta y mana yachaq tukur pay ninqanta cäsunantsikta.#1Sam. 15.22; Prov. 21.3; Ose. 2.19-20; 6.6; Amós 5.22-24; Zac. 7.9-10.
Jerusalén runakunata Tayta Dios castigananpä ninqan
9Jerusalén runakuna, Tayta Diosmi qayaykäshunki.
Tantiyakuq runa karqa payta mantsapakuyay.
Qayakurmi nin:
<<Markachö kaqkuna y mayor runakuna, llapaykikuna wiyayay.
10Wayikikunachöpis suwakuyanqallaykim kaykan.
Runa mayikita engañayänaykipä pësakunallam wayikikunachö kaykan.
11¿Imanöpatä perdonäman runa mayinta pësuwan engañaqtaqa?#Lev. 19.35-36; Deut. 25.13-16; Amós 8.5.
12Kay markachö kaykaq rïcu runakunaqa runa mayinta ñakatsiq, runa mayinta engañaq y llullakuqllam kayan.
13<<Tsaynö kayanqaykipitam castigayäshayki.
Jutsata rurayanqaykipitam ushakätsiyäshayki.
14Mikuyaptikipis pachaykikuna mana juntaptinmi mallaqaykällar kawayanki.
Cosëchata qoriyanqaykipis manam aypanqatsu churayänaykipä.
Churakuyanqaykitapis guërrachö vinciyäshurnikim apakuyanqa.
15Mururpis manam cosechayankitsu.
Aceitünasta aqarpis aceitinwan manam llushikuyankitsu.
Üvata jarurpis manam vïnuta upyayankitsu.
16<<Qamkunaqa rey Omri yachatsinqan costumbrinkunata rurarmi jutsayuq kaykäyanki.
Rey Acab jutsata rurar kawanqannömi kawaykäyanki.#1Rey. 16.29-30; 21.25-26.
Tsaynö kayanqaykipitam pasaypa castigar desgraciaman jitayäshayki.
Pasaypa ñakayanqaykita rikarmi asipäshurniki penqakuyman churayäshunki>>.
Currently Selected:
Miqueas 6: qxo
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
