Mateo 16

Milagrutarä rikayta munayanqan

Marcos 8.11-13; Lucas 12.54-56

1Juk kutim Jesústa manakaqman churayta munar fariseukuna y saduceukuna aywaykur niyarqan: <<Taytay, Tayta Dios rasunpa mandamushunqaykita musyayänäpä ima milagrutapis ruramuy>>.#Mat. 12.38; Luc. 11.16.

2Jesúsnam nirqan: <<Rupay jeqanqan höra pukutay kirwantsuptinmi niyanki: <Waray usyanqam>. 3Tsaynöllam pukutar warämuptin niyanki: <Kanan junaqqa tamyanqam>. [¡Allish tukuq runakuna!] Tsaykunata tantiyaykarqa ¿imanirtä ruranqäkunata rikaykar Tayta Dios mandamanqanta tantiyayankitsu? 4¡Mana cäsukuq jutsasapa runakuna! Milagruta ruranäta munayaptikipis#Mat. 12.39; Mar. 8.12; Luc. 11.29. manam ima milagrutapis rurashätsu. Tsaypa rantinqa profëta Jonásta salvar milagruta ruranqannömi Tayta Dios juk milagruta ruranqa>>.

Tsaynö niskirmi Jesús aywakurqan.

Fariseukunapa yachatsikuyninta levadüraman Jesús iwalatsinqan

Marcos 8.14-21

5Qochata tsimpaskirmi Jesúspa discïpulunkuna tantata qonqayanqanta yarpaskiyarqan. 6Tsaymi Jesús nirqan: <<Cuidädu fariseukunapa y saduceukunapa levadüranta chaskiyankiman>>.#Luc. 12.1.

7Tsaynö niptinmi discïpulunkuna kikinkunapura niyarqan: <<Tantata mana apamunqantsikpitam tsaynö nikämantsik>>.

8Tsaynö parlaykäyanqanta tantiyaskirmi Jesús nirqan: <<¡Yärakuyniynaq janan shonqu runakuna! ¿Imanirtä parlaykäyanki tantata mana apayämunqaykita? 9¿Imanirtä tantiyayankitsu imapä parlanqäta? ¿Manaku yarpäyanki pitsqa tantallapita pitsqa waranqa (5,000) runakuna mikuyänanpä milagru ruranqäta? ¿Manaku yarpäyanki sobraq tantata ayka canastata qoriyanqaykita?#Mat. 14.17-21. 10Tsaynölla ¿manaku yarpäyanki qanchis tantallapita chusku waranqa (4,000) runakuna mikuyänanpä milagru ruranqäta y sobraq tantata ayka canastata qoriyanqaykita?#Mat. 15.34-38. 11¿Imanirtä tantiyayankitsu tantapä mana parlanqäta? Tantapä parlanäpa rantinqa fariseukunapa y saduceukunapa levadüranta mana chaskiyänaykipämi nï>>.

12Tsaynö niptinrämi tantiyayarqan levadürapä mana parlanqanta, sinöqa fariseukunapa y saduceukunapa yachatsikuyninta mana chaskiyänanpä ninqanta.

Jesús Cristo kanqanta Pedro ninqan

Marcos 8.27-30; Lucas 9.18-21

13Cesarea de Filipos distrïtuman chaykurmi discïpulunkunata Jesús tapurqan: <<Runapa Tsurin ¿pï kanqantatä runakuna niyan?>>

14Discïpulunkunanam niyarqan: <<Wakinmi niyan Bautizaq Juan kanqaykita. Wakinnam niyan profëta Elías kanqaykita. Wakinnam niyan profëta Jeremías o mayqan profëtapis kanqaykita>>.#Mat. 14.1-2; Mar. 6.14-15; Luc. 9.7-8.

15Jesúsnam tapurqan: <<Qamkunaqa ¿pï kanqätatä yarpäyanki?>>

16Tsaymi Simón Pedro nirqan: <<Qamqa imayyaqpis kawaq Tayta Diospa Tsurinmi kanki. Pay mandamunqan Cristum kanki>>.#Juan 6.68-69.

17Jesúsnam nirqan: <<Jonáspa tsurin Simón, allitam nirquyki. Tsaynö ninaykipä manam runatsu tantiyatsishurquyki, sinöqa ciëluchö kaykaq Papänïmi. 18Qamtam nï Pedro#16.18 Pedro ninanqa rumi ninanmi. kanqaykita. Kay rumi jananchömi iglesiäta shäritsishä. Tsay iglesiataqa Satanáspis manam vincinqatsu. 19Qamtam entregashayki Tayta Diospa mandakuyninman yaykuna llävikunata. Tsaymi kay patsachö watanqaykiqa ciëluchöpis watashqa kanqa. Kay patsachö paskanqaykiqa ciëluchöpis paskashqam kanqa>>.#16.19 Tsaynöpam Jesucristo nirqan paypa jutinchö yachatsinanpä apóstol Pedro poderyuq kanqanta.#Mat. 18.18; Juan 20.23.

20Tsaynö niskirmi discïpulunkunata nirqan: <<Tayta Dios mandamunqan Cristo kanqäta pitapis ama willayankitsu>>.#16.20 Tsay witsan Israel runakuna yarpäyarqan Cristuta Tayta Dios mandamuptin Roma runakunata guërrachö vincinanpä kanqantam. Tsaynö yarpäyaptinpis Jesucristo manam guërrata ruraqtsu shamushqa, sinöqa noqantsik raykur cruzchö wanunanpämi. Tsaymi discïpulunkunata nirqan Cristo kanqanta pitapis mana willayänanpä. Peru wanunqanpita kawaskamurmi sïqa pïmaytapis willayänanpä nirqan (Mat. 17.9; 28.19).

Wanunanpä kanqanta Jesús willakunqan

Marcos 8.31—9.1; Lucas 9.22-27

21Tsaypitanam discïpulunkunata Jesús willarqan: <<Jerusalénmanmi aywanä. Tsaychömi Israel mayor runakuna, mandaq sacerdötikuna y ley yachatsikuqkuna pasaypa ñakatsimar wanutsiyämanqa. Peru kimsa junaqtaqa kawamushämi>>.

22Tsaynö niptinmi jukläman qayaskir Pedro ollqutupar nirqan: <<Taytay, tsaytaqa Tayta Dios ama munaykullätsuntsu. ¡Tsayqa ama päsaykulläshuytsu!>>

23Tsaynö niptinnam Pedruman tikraykur Jesús nirqan: <<¡Ñöpäpita witiy, Satanás! ¡Ama tsapata churamuytsu! Qam manam munankitsu Tayta Dios munanqanta ruranäta, sinöqa runa munanqanta ruranätam munanki>>.

24Tsaypitanam discïpulunkunata Jesús nirqan: <<Pipis discïpulü kayta munarqa kikin munanqannö ama kawatsuntsu, sinöqa cruzninta apaqnö noqata qatimätsun.#16.24 Jesucristo kawanqan witsanqa pipis cruzninta aparqan wanutsishqa kananpämi. Tsaymi cruzninta apaqnö noqata qatimätsun nirqa jutsa ruraypä wanushqanö kar Jesucristuta qatinanpä kanqanta nin.#Mat. 10.38; Mar. 8.34; Luc. 9.23; 14.27; Juan 12.25. 25Kawayninta salvayta munaqkunaqa kawaynintam oqrayanqa. Kawayninta noqa raykur oqraqkunam sïqa kawayninta salvayanqa.#16.25 Tsaynö nirmi Jesucristo nirqan: <<Kikin munanqannö mana alli kawaqkunaqa manam salvakuyanqatsu. Noqa munanqänö kawaqkunam sïqa salvakuyanqa>>.#Mat. 10.39; Luc. 17.33; Juan 12.25. 26Infiernuman qaykushqa kananpä kaptinqa ¿imapätä välin entëru mundupa duëñun kanqanpis? Pasaypa rïcu karpis manam rïcu kanqanwanqa salvacionta rantinqatsu.

27<<Runapa Tsurin angelninkunawan y Papäninpa poderninwan shamurmi#Mat. 25.31. imanöpis kawayanqanman pitapis juzganqa.#Sal. 62.11-12; Prov. 24.12; Jer. 17.10; Eze. 18.30; 33.20; Rom. 2.6. 28Rasunpam nï: Manarä wanurmi wakiki rikayanki Runapa Tsurin llapantapis mandananpä shamuykaqta>>.

Currently Selected:

Mateo 16: qxo

Highlight

Compare

Copy