Malaquías 4
4
Tayta Dios juzganan junaq chämunanpä ninqan
1 1 (3.19) Llapanta mandaq Tayta Diosmi nin: <<Wallkallanam faltaykan juzganä junaq chämunanpä. Tsay junaqmi imayka lunyaypa lunyar nina rupar oqshata ushanqannö llapan chölu tukuqkunata y mana alli ruraqkunatapis chipyaq ushakätsishä. 2 2 (3.20) Peru qamkuna mantsapakamaqkunapämi sïqa rupay yarqamuqnö salvación shamunqa. Salvacionta chaskirmi becërrukuna tushuqnörä kushishqa saltayanki. 3 3 (3.21) Juzganä junaq chämuptinmi mana alli runakunata vinciskir uchpatanö jarur ushayanki. Noqa llapanta mandaq Tayta Diosmi tsaynö nï>>.
Elíasta mandamunanpä Tayta Dios ninqan
4 4 (3.22) Tayta Diosmi nin: <<Sirvimaqnï Moisésta Horeb jirkachö#Éxo. 19.16—20.20; 24.1-17; Deut. 5.1-3. entreganqä leynïkunata imaypis ama qonqayaytsu. Tsay leynïkuna y mandamientükunaqa llapan Israel runakunapämi kaykan.
5 5 (3.23) <<Juzganä junaqmi pasaypa mantsariypä kanqa. Tsay junaq manarä chämuptinmi profëta Elíasta qamkunaman mandamushä.#1Rey. 17—21; 2Rey. 2.1-12; Mat. 11.14; 17.10-13; Mar. 9.11-13; Juan 1.21. 6 6 (3.24) Pay willakuptinmi warmipis wamrankunawan y runapis tsurinkunawan amishtayanqa. Wamrankunapis papäninwan y mamanwan amishtayanqa.#Luc. 1.17. Mana amishtayaptinqa shamunqä höram nacionninta ushakätsishä>>.
Currently Selected:
Malaquías 4: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.