Jonás 1
1
Jonás qeshpir aywakunqan
1Amitaipa tsurin Jonástam#2Rey. 14.25. Tayta Dios nirqan: 2<<Nínive markachö täraq runakunapa jutsankuna allapänam kaykan. Tsay jatun markaman aywar paykunata ushakätsinäpä kanqanta willay>>.#Nah. 1.1; 3.1-19.
3Tsaynö niptinmi Jonásqa qeshpir Jope markaman aywakurqan. Tsaychömi Tarsis markaman büqui yarqunanpäna kaykaqta tarirqan. Tsaymi Tayta Diospita qeshpiyta yarpar pasäjita jinan höra rantiskir tsay büquiwan Tarsisman aywakurqan.
4Tsay büquiwan aywaykaptinmi Tayta Dios pasaypa vientutsimurqan. Tsaymi yaku pasaypa laqchikachaptin büquipis pakikänanpäna kaykarqan. 5Tsaymi büqui manijaqkunaqa pasaypa mantsarirnin cada ünun diosninkunata mañakuyarqan. Tsaypitam büqui mana jundikänanpä apayanqan bultunkunata lamarman jitayarqan.
Tsayyaqnam büquipa ruri kaq cuartuchö Jonás pasaypa punukashqa kaykarqan. 6Büqui manijaqkunapa capitanninmi rikchatsir nirqan: <<¡Imanirtä kushishqa punur kaykanki! Shärir diosnikita mañakuy. Capazchi salvamäshun kaychö mana ushakänantsikpä>>.
7Tsaypitanam büqui manijaqkuna willanakur niyarqan: <<Kaynö ñakanantsikpä pï jutsayuq kanqantapis musyanantsikpä suertiyashun>>.
Tsaynö suertiyayaptinmi Jonáspä suerti yarqurqan.
8Tsaymi Jonásta tapur niyarqan: <<Taytay, willayämay. ¿Imatatä rurarquyki kaynö ñakanantsikpä? ¿Imachötä arunki? ¿Maypitatä shamurquyki? ¿May runatä kanki? ¿Mayqan castatä kanki?>>
9Jonásnam nirqan: <<Noqaqa hebreo casta runam kä. Ciëluchö kaykaq Tayta Diosta mantsapakurmi payta sirvï. Paymi lamartapis kay patsatapis kamashqa>>.
10Tsaynö niptinmi büquichö aruqkuna pasaypa mantsarir niyarqan: <<¡Imanirtä Tayta Diosta cäsurquykitsu!>>
Tsaynö niyarqan Tayta Diospita qeshpiykanqanta willashqa kaptinmi. 11Mas peorrä yaku laqchikachaptinmi tapur niyarqan: <<Kanan ¿imatatä rurashun yaku pärananpä?>>
12Jonásnam nirqan: <<Lamarman jitarpayämay laqchikachanqanpita yaku pärananpä. Noqam jutsayuq kä lamar kaynö laqchikachar shärinanpä>>.
13Tsaynö niptinpis büqui manijaqkuna imaykanöpapis lamar kuchunmanmi büquita kutitsiyta munayarqan. Peru pasaypa vientuptinmi kutitsiyta munarpis puëdiyarqantsu.
14Tsaymi Tayta Diosta mañakur niyarqan: <<Taytay, qam munaptikim llapan kaykuna päsan. Ama ushakaykatsiyällämaytsu kay runapa jutsanpita. Lamarman jitarpuyaptï jutsan mana kaptinqa ama noqakunata culpatsaykayämaytsu>>.
15Tsaynö mañakuskir Jonásta lamarman jitarpuyaptinmi pasaypa laqchikachaykanqanchö päraskirqan.
16Tsaynö päraskiptinmi Tayta Dios poderösu kanqanta tantiyaskir büqui manijaqkuna pasaypa mantsakäyarqan. Tsaymi sacrificiuta rupatsir awniyarqan payta sirviyänanpä.
17 17 (2.1) Jonásta ultaskinanpämi Tayta Dios shuyätsinä jatunkaray pescäduta. Ultaskiptinmi pescädupa pachanchö kimsa paqas y kimsa junaq karqan.#Mat. 12.40.
Currently Selected:
Jonás 1: qxo
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
