Oseas 14
14
Tayta Diosman yapay yärakuyänanpä ninqan
1 1 (2) Israel runakuna, jutsata rurayanqaykipitam castïguman chäyarquyki.
Tsaynö kaykarqa kuyashuqniki Tayta Diosman kutiyay.
2 2 (3) Tayta Diosman kutir payta mañakur niyay:
<<Taytay, llapan jutsäkunata perdonaykayämay.
Kuyapäyämar chaskiykayällämay.
Alabayanqämi qampä ofrenda kanqa.#Isa. 55.6-7.
3 3 (4) Asiria runakunaqa manam salvayämanqatsu.
Ni caballukunata muntarkur pelyarpis manam vinciyäshätsu.
Runa ruranqankunataqa manam <Diosnïmi kanki> nir adorayäshänatsu.
Qamman yärakuyaptinmi waktsakunatapis kuyapanki>>.
Israel runakunata perdonananpä Tayta Dios ninqan
4 4 (5) Tayta Diosmi nin:
<<Rabyaynï päsaskiptinmi imaypis cäsuyämänaykipä yanapashayki.
Jutsata rurayashqa kayaptikipis perdonayäshaykim.
5 5 (6) Bendicionnïta churamurmi shullyanö qamkunapä kaykäshä.
Qamkunanam liriu wayta tuktur kuyayllapä kanqannö kayanki.
Líbanuchö jatusaq cedrukuna shumaq matsükuqnömi kayanki.
6 6 (7) Olïvuskunapa rämankuna atskaman mashtakanqannömi qamkunapis atskaman mirayanki.
Líbano muntichö cedru mushkuptin kushikuypä kanqannömi qamkunapis kushikuypä kayanki.
7 7 (8) Qamkunaqa yapaymi noqapa podernïchö kawayanki.
Trïgu espigaraykaqnö y üva tseqlliraykaqnömi kayanki.
Líbanuchö wayuq üvapita rurashqa vïnu alli kanqanta maytsaychöpis parlayanqannömi qamkunapäpis alli kawayanqaykita maytsaychöpis parlayanqa.
8 8 (9) Noqam qamkunata cuidaykä.
Noqam rämasapa pïnunö llantunäpä kaykä.
Noqam llapanchöpis yanapanäpä kaykä.
Tsayta tantiyaskirmi niyanki: <¡Ïdulukunaqa manam imapäpis välintsu!> >>
9 9 (10) Yachaqkuna y alli yarpayyuqkuna kay willakuyta tantiyakuyätsun.
Tayta Diospa näninqa derëchum.#14.9 Tayta Diospa näninqa derëchum ninanqa Tayta Dios munanqannö kawar jutsata ama rurayaytsu ninanmi.
Tsaymi alli runakunaqa tsay nänipa purir ishkiyantsu.
Peru jutsasapakunam sïqa tsay nänichö ishkiyan.
Currently Selected:
Oseas 14: qxo
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
