Colosenses 2
2
1Qamkunapä llakikurmi llapan shonqüwan Tayta Diosta imaypis mañakuykä. Tsaynöllam mañakuykä Laodicea markachö#2.1 Laodicea markaqa Colosaspita ishkay lëwa pullanmi karqan.#Apoc. 3.14-22. criyikuq mayintsikkunapä y wakin mana reqimaqkunapäpis. 2Qamkunapämi mañakuykä Tayta Dios munanqannö kushishqa kawayänaykipä y jukniki juknikipis juk shonqulla kuyanakur kawayänaykipä.
Tsaynöllam mañakuykä Tayta Diospa willakuyninta shumaq tantiyakuyänaykipä. Tsaynöpam runakuna mana musyashqa kayaptinpis musyantsik Jesucristo raykur salvamanqantsikta. 3Jesucristum tantiyatsimantsik Tayta Diospa willakuynin imanö kanqanta y pay munanqannö kawanantsikpä kanqantapis. 4Tsaynö nï pipis alli shimillanpa parlapäyäshurniki llutanta mana criyitsiyäshunaykipämi.
5Karuchö karpis qamkunapämi imaypis yarparaykä. Tayta Dios munanqannö kawayanqaykita y Jesucristuman imaypis yärakuyanqaykita musyarmi kushikü.
Mushuq kawayta chaskinqantsik
6Señor Jesucristuta chaskikushqana kaykarqa pay munanqannö imaypis kawayay. 7Alli matsükushqa planta jinchi kanqannö y alli cimientushqa wayi firmi kanqannö paychö imaypis kawayay. Yachakuyanqaykinölla Jesucristuman yärakur imaykapitapis Tayta Diosta agradëcikuyay.
8Cuidädutä pipis llutanta criyitsiyäshurniki manakaqkunata yachatsiyäshunkiman. Llutanta yachatsikuqkunaqa manam Jesucristo munanqannötsu yachatsikuyan, sinöqa runakunapa yarpayllanta y Satanáspa munayllantam yachatsiyan.
9Jesucristuqa runa karpis Diosmi kaykan. 10Tsaymi Jesucristuchö kaykarqa salvashqana kaykantsik. Manam angelkunapis ni supaykunapis payman iwalayantsu.
11Tsaynömi Jesucristuchö kar señalashqana kaykantsik. Tsaynö kanantsikpäqa manam runakunatsu cuerpuntsikta señalamarquntsik, sinöqa Jesucristum shonquntsikta señalamarquntsik. Tsaynö señalamarquntsik jutsapa poderninchö kanqantsikpita jipimarnintsikmi.#Deut. 10.16; 30.6; Jer. 4.4; Rom. 2.28-29; 8.2.
12Bautizakurmi Jesucristuwan pampakuqnö karquntsik. Jesucristuwan kawamushqanöna karmi kananqa mushuq kawaytana kawantsik. Tsaynö kawantsik poderninwan Jesucristuta kawatsimuq Tayta Diosman yärakurmi.#Rom. 6.4.
13Shonquntsik manarä señalashqa kaptin y jutsantsikpita manarä perdonashqa karmi wanushqanö karqantsik. Peru kananmi sïqa jutsantsikpita perdonashqana kar Jesucristuwan kawamushqanöna kaykantsik.#Efe. 2.1-5.
14Tsaynöllam leyninkunata mana cumplir Tayta Diospa jaqan kar castigashqa kanantsikpä karqantsik. Peru kananmi sïqa Jesucristo cruzchö wanuptin Tayta Diospa jaqan kantsiknatsu, sinöqa llapan jutsantsikpita perdonashqanam kaykantsik.#Gál. 3.13.
15Jesucristo tsaynö wanurmi Satanásta y supaykunatapis vincishqa. Contran soldädukunata rey vinciskir runakunapa rikananchö watarkur penqakuypä puritsiqnömi Satanásta y supaykunata vincir penqakuyman churashqa.
Llutan yachatsikuqkunata mana chaskinantsikpä ninqan
16Tsaynö kaykaptinqa llutan yachatsikuqkuna rimayäshuptikipis ama cäsuyaytsu. Paykunam niyan: <<Kayta ama mikuyaytsu ni upuyaytsu>>.
Tsaynöllam niyan: <<Llullu killa fiestata y wakin fiestakunatapis rurashun. Jamay junaqtapis respitashun>>.#Rom. 14.1-6.
17Tsaynö niyaptinpis paykuna yachatsiyanqankuna llantunö päsaqlla karmi Jesucristo shamunqanyaqlla kashqa.
18Tsaynö kaykaptinqa ama cäsuyaytsu llutan yachatsikuqkuna manakaqkunata yachatsiyäshuptiki. Paykunam obligayan niyanqankunata cumplinantsikpä y angelkunata adoranantsikpä. Tsaykunata yachatsiyänanpä Tayta Dios sueñuyninchö revelanqanta nirpis llullakuyanmi. Kikinkunapa yarpayllanpita parlarmi pasaypa yachaq tukuyan. 19Jesucristo iglesiapa uman kaptinpis tsay runakunaqa manam cäsukuyantsu. Moquntsikkunata ankuntsikkuna tsararanqannömi noqantsiktapis Jesucristo poderninchö tsararämantsik paywan jukllayllanö kanantsikpä. Tsaynö karmi Tayta Dios munanqannö kawayta yachakuntsik.#Efe. 1.22; 4.15-16.
20Jesucristuwan wanushqana kaykarqa#Rom. 6.6-7; Gál. 2.19-20. y supaykunapa yachatsikuyninkunata mana cäsuykarqa ¿imanirtä llutan yachatsikuqkuna yachatsiyäshunqaykita chaskiyanki? 21Paykunam niyäshunki: <<¡Tsayta ama yataytsu! ¡Kayta ama mikuytsu! ¡Taqayta ama ni yatayllapis yataytsu!>>
22Tsaynö yachatsirqa ushakaqkunallapä kikinkunapa yarpayllanpitam yachaykätsiyan. 23Obligayanqankunata cumplirmi runakuna pasaypa ñakayan. Tsay ñakaqkuna religiösu kayanqanta yarparmi wakin runakuna niyan tsay yachatsikuy alli kanqanta. Tsaynö niyaptinpis tsay yachatsikuyta cumpliqkuna manam jutsankunata dëjayta puëdiyantsu.
Currently Selected:
Colosenses 2: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.