Amós 7
7
Revelacionchö chukllushkunata Amós rikanqan
1Reypa cosëchanta qorir ushaskirmi kikinkunapa cosëchankunata manarä qoriyta qallayaptin Tayta Dios revelamarnin kay patsaman tsaytsika chukllushkunata mandamunanpäna alistanqanta rikatsimarqan.#Joel 1.4; 2.2-11. 2Tsay chukllushkuna llapan qewakunata ushaykaqta rikatsimaptinmi rugakur nirqä: <<Tayta Dios, perdonaykayällämay. Mana perdonayämaptikiqa Jacobpita miraqkuna wallkaqlla kaqpis llapäkunachi ushakäyäshä>>.
3Tsaymi Tayta Dios kuyapämar nimarqan: <<Rugakaykämaptikiqa chukllushkunata manam mandamushätsu>>.
Revelacionchö ninata Amós rikanqan
4Tsaypitanam Tayta Dios revelacionchö rikatsimarqan Israel nacionta ninawan castiganqanta. Tsay ninaqa patsa rurinpita pashtamuq yakuta tsakitsirmi entëru Israel nacionta usharqan.#Joel 1.19-20.
5Tsayta rikarmi rugakur nirqä: <<Tayta Dios, ama tsaynö ushakaykatsiyällamaytsu. Mana perdonayämaptikiqa Jacobpita miraqkuna wallkaqlla kaqpis llapäkunachi ushakäyäshä>>.
6Tsaymi Tayta Dios kuyapämar nimarqan: <<Rugakamanqaykipita manam tsaytapis rurashätsu>>.
Revelacionchö plomädata Amós rikanqan
7Tsaypitanam pirqa murälla lädunchö plomädan aptashqa ichiraykaqta Tayta Diosta revelacionchö rikarqä. 8Tsaymi tapumar nimarqan: <<Amós, ¿imatatä rikaykanki?>>
Nimaptinmi nirqä: <<Taytay, albañilpa plomädanta aptashqa ichiraykaqtam rikaykä>>.
Tsaymi nimarqan: <<Plomädawan murälla derëchu kanqanta o wiksu kanqanta musyayanqaykinömi Israel runakuna imanö kawayanqantapis musyashä. Jutsata rurar kawayanqanpita mananam perdonashänatsu.
9<<Isaacpita miraqkuna#7.9 Isaacpita miraqkunaqa Israel runakunam kaykäyan. ruratsiyanqan altarkunatam ushakätsishä.
Ïdulukunata adorayänan wayikunatam Israel nacionchö chipyaq juchutsishä.
Espädäta aptarkurmi aywashä rey Jeroboampita miraqkunata ushakätsinäpä>>.
Sacerdöti Amasías profëta Amóspa contran shärinqan
10Amós tsaynö willaptinmi Bet-elchö kaq sacerdöti Amasías Israel runakunapa mandaqnin rey Jeroboamman willakatsir nirqan: <<Amósqa qampa contrayki parlarmi puriykan. Israel runakuna pay ninqanta cäsuyaptinqa nacionnintsik ushakanqam. 11Payqa puriykan kaynö nirmi: <Jeroboamta espädawan wanuskatsirmi Israel runakunata juk nacionman prësu apayanqa> >>.
12Amóstanam sacerdöti Amasías nirqan: <<¡Profëta, kaypita ras aywakuy! Willakunqaykipita gänapakuyta munarqa Judá nacionman kutiykur tsaychö willakuy. 13Kay Bet-elchö Israel nacionpa templun kaptinmi Diosta adorananpä reypis shamun. Tsaynö kaykaptinqa kaychö ama willakuytsu>>.
14Tsaynö niptinmi Amós nirqan: <<Noqaqa manam profëtatsu ni profëtapa tsurintsu kä, sinöqa üshakunata mitsikur y munti hïguskunata qorillarmi kawä. 15Üshakunata mitsikur puriykaptïmi Tayta Dios nimarqan: <Israel runakunaman ayway willakuynïta willakunaykipä>. 16Kanan shumaq wiyamay Tayta Dios qampä ninqanta.
<<Qammi nikanki: <Israel runakunapa contran ama willakuytsu.
Tsaynölla Isaacpita miraqkunapäpis imatapis ama parlakuytsu>.
17<<Tsaymi Tayta Dios nin:
<Qampa warmikim kay markachö prostitüta kanqa.
Warmi tsurikikunata y ollqu tsurikikunatam espädawan wanutsiyanqa.
Chakraykikunatapis suertiyaypam rakipanakuyanqa.
Kikikinam wanunki Diosta mana cäsuqkuna täyanqan nacionchö.
Israel mayikikunatam karu nacionman prësu apayanqa> >>.
Currently Selected:
Amós 7: qxo
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
Amós 7
7
Revelacionchö chukllushkunata Amós rikanqan
1Reypa cosëchanta qorir ushaskirmi kikinkunapa cosëchankunata manarä qoriyta qallayaptin Tayta Dios revelamarnin kay patsaman tsaytsika chukllushkunata mandamunanpäna alistanqanta rikatsimarqan.#Joel 1.4; 2.2-11. 2Tsay chukllushkuna llapan qewakunata ushaykaqta rikatsimaptinmi rugakur nirqä: <<Tayta Dios, perdonaykayällämay. Mana perdonayämaptikiqa Jacobpita miraqkuna wallkaqlla kaqpis llapäkunachi ushakäyäshä>>.
3Tsaymi Tayta Dios kuyapämar nimarqan: <<Rugakaykämaptikiqa chukllushkunata manam mandamushätsu>>.
Revelacionchö ninata Amós rikanqan
4Tsaypitanam Tayta Dios revelacionchö rikatsimarqan Israel nacionta ninawan castiganqanta. Tsay ninaqa patsa rurinpita pashtamuq yakuta tsakitsirmi entëru Israel nacionta usharqan.#Joel 1.19-20.
5Tsayta rikarmi rugakur nirqä: <<Tayta Dios, ama tsaynö ushakaykatsiyällamaytsu. Mana perdonayämaptikiqa Jacobpita miraqkuna wallkaqlla kaqpis llapäkunachi ushakäyäshä>>.
6Tsaymi Tayta Dios kuyapämar nimarqan: <<Rugakamanqaykipita manam tsaytapis rurashätsu>>.
Revelacionchö plomädata Amós rikanqan
7Tsaypitanam pirqa murälla lädunchö plomädan aptashqa ichiraykaqta Tayta Diosta revelacionchö rikarqä. 8Tsaymi tapumar nimarqan: <<Amós, ¿imatatä rikaykanki?>>
Nimaptinmi nirqä: <<Taytay, albañilpa plomädanta aptashqa ichiraykaqtam rikaykä>>.
Tsaymi nimarqan: <<Plomädawan murälla derëchu kanqanta o wiksu kanqanta musyayanqaykinömi Israel runakuna imanö kawayanqantapis musyashä. Jutsata rurar kawayanqanpita mananam perdonashänatsu.
9<<Isaacpita miraqkuna#7.9 Isaacpita miraqkunaqa Israel runakunam kaykäyan. ruratsiyanqan altarkunatam ushakätsishä.
Ïdulukunata adorayänan wayikunatam Israel nacionchö chipyaq juchutsishä.
Espädäta aptarkurmi aywashä rey Jeroboampita miraqkunata ushakätsinäpä>>.
Sacerdöti Amasías profëta Amóspa contran shärinqan
10Amós tsaynö willaptinmi Bet-elchö kaq sacerdöti Amasías Israel runakunapa mandaqnin rey Jeroboamman willakatsir nirqan: <<Amósqa qampa contrayki parlarmi puriykan. Israel runakuna pay ninqanta cäsuyaptinqa nacionnintsik ushakanqam. 11Payqa puriykan kaynö nirmi: <Jeroboamta espädawan wanuskatsirmi Israel runakunata juk nacionman prësu apayanqa> >>.
12Amóstanam sacerdöti Amasías nirqan: <<¡Profëta, kaypita ras aywakuy! Willakunqaykipita gänapakuyta munarqa Judá nacionman kutiykur tsaychö willakuy. 13Kay Bet-elchö Israel nacionpa templun kaptinmi Diosta adorananpä reypis shamun. Tsaynö kaykaptinqa kaychö ama willakuytsu>>.
14Tsaynö niptinmi Amós nirqan: <<Noqaqa manam profëtatsu ni profëtapa tsurintsu kä, sinöqa üshakunata mitsikur y munti hïguskunata qorillarmi kawä. 15Üshakunata mitsikur puriykaptïmi Tayta Dios nimarqan: <Israel runakunaman ayway willakuynïta willakunaykipä>. 16Kanan shumaq wiyamay Tayta Dios qampä ninqanta.
<<Qammi nikanki: <Israel runakunapa contran ama willakuytsu.
Tsaynölla Isaacpita miraqkunapäpis imatapis ama parlakuytsu>.
17<<Tsaymi Tayta Dios nin:
<Qampa warmikim kay markachö prostitüta kanqa.
Warmi tsurikikunata y ollqu tsurikikunatam espädawan wanutsiyanqa.
Chakraykikunatapis suertiyaypam rakipanakuyanqa.
Kikikinam wanunki Diosta mana cäsuqkuna täyanqan nacionchö.
Israel mayikikunatam karu nacionman prësu apayanqa> >>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.