Amós 4
4
1Samaria warmikuna, shumaq wiyayay.
Qamkunaqa rïca karmi Basán partichö wera wäkakunanörä kaykäyanki.
Waktsakunatam ñakaykätsiyanki.
Pobrikunatapis maqaykäyankim.
Upyallachö kakurmi vïnuta apayämunanpä runaykikunatapis nikäyanki.
2 Santu Tayta Diosmi jurar nin:
<<Höra chämunqanam imayka pescädutanö qamkunata y wamraykikunatapis shimikikunapita anzuëluwan prësu apayäshunaykipä.
3Marka murälla uchkukunapa jipiskirmi prësu apayäshunki.
Tsaypitam Hermón jirka lädupa qarquyäshunki>>.
Tayta Diosmi tsaynö nin.
Tayta Dios ollqutupanqan
4<<Ïdulukunata adorayta munarqa ¡Bet-elman y Gilgalman#Ose. 4.15; Amós 5.5-6. aywar adorayay!
¡Jutsa kanqanta musyaykar tsaynö adorarqa mas jutsata rurayay!
¡Cada wäray sacrificiuta rupatsiyay!
¡Cada kimsa junaqchö diezmuta apayay!
5¡Agradëcikur levadürayuq tantakunatapis rupatsiyay!
Qamkunataqa ofrendakunata churayanqaykipitapis alabakuymi gustayäshunki>>.
Tsaynö kayanqaykitam poderösu Tayta Dios nin.
6 Tayta Diosmi nin:
<<Mallaqaychö kayänaykipä y may markachö mikuy mana kaptinpis manam perdonta mañakayämarquykitsu.
7Tsaynöllam mikuykuna poqunanpä kimsa killa faltaykaptin usyatsirqä.
Wakin markachö tamya kananpä y wakin markachö usya kananpäpis noqam permitirqä.
Tsaymi juk partiman tamya chaptinpis juk partichöqa mikuykuna tsakirqan.
8Yakuynaq markakunachö täraq runakunam yakuyuq markakunaman aywayarqan yakuta mañakuyänanpä.
Tsaychö yakuta upurpis manam jimayarqantsu.
Tsaynö castigaykaptïpis manam perdonta mañakayämarquykitsu>>.
Tayta Diosmi tsaynö nin.
9<<Noqam qamkunata castigarqä ranchawan y mikuyta ushaq kurukunawanpis.
Chakraykikunachö hïgusta y üvatapis chukllushkunawanmi ushatsirqä.
Tsaynö castigaykaptïpis manam perdonta mañakayämarquykitsu>>.#Deut. 28.38; Joel 1.4-6; 2.4-9.
Tayta Diosmi tsaynö nin.
10<<Egipto nacionta castiganqä plägakunawanmi qamkunatapis castigarqä.#Éxo. 9.1-6; Deut. 28.27, 60.
Jövinkunata guërrachö contraykikuna wanutsiyänanpä y caballuykikunata apayänanpämi permitirqä.
Contraykikuna vinciyäshuptiki wanuq runakuna ismushqa jitaräyänanpäpis noqam permitirqä.
Tsaynö castigaykaptïpis manam perdonta mañakayämarquykitsu>>.
Tayta Diosmi tsaynö nin.
11<<Sodomata y Gomorrata#Gén. 19.24. ushakätsinqänömi wakin markaykikunatapis ushakätsirqä.
Tsaymi qamkunaqa ninapita sobraq mitsunöllana quëdayarqayki.
Tsaynö castigaykaptïpis manam perdonta mañakayämarquykitsu>>.
Tayta Diosmi tsaynö nin.
12<<Tsaynölla mana cäsuyämaptikiqa masrämi castigayäshayki.
¡Shamur castiganäpä listu shuyäyämay!>>
13Noqam jirkakunatapis y vientutapis kamarqü.
Noqam imata yarpanqätapis runakunata musyatsï.
Junaqtapis paqasmanmi tikratsï.
Jirkakunapapis purï.
Jutïpis llapanpä poderyuq Yahwehmi.
Currently Selected:
Amós 4: qxo
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
