Amós 3
3
Israel y Judá runakunata Tayta Dios juzgananpä ninqan
1Israel y Judá runakuna, Egiptupita jipimushuqniki Tayta Dios ninqanta wiyayay:
2<<Entëru munduchö tsaytsika runakuna kayaptinpis qamkunallatam kuyanqä runakuna kayänaykipä akrarqü.#Deut. 7.6.
Tsaymi jutsata rurayanqaykipita castigayäshayki>>.
3Piwanpis viäjita aywananpä puntataqa willanakunrämi.
4Leonpis ashmata mikunanpä tariskirrämi muntichö qayaran.
Llullu leonpis machayninchö mikunanpä tsariskirrämi qayaran.
5Pishqukunatapis trampa tsarin ima mikuytapis churapashqarämi.
Ima trampapis brincan ashma yaykuptinrämi.
6 Cornëtatapis tukayan markachö imapis mantsariypä kaptinrämi.
Tsaynöllam markachö ima desgraciapis päsan Tayta Dios castigaptinrä.#Job 2.10; Isa. 45.7.
7Sirviqnin profëtakunata manarä willarqa Tayta Dios manam imatapis mantsariypä kaqkunata rurantsu.#Gén. 18.17-19; Jer. 7.25; Dan. 9.10.
8León qayaranqanta wiyar ¿pirä mantsarinmantsu?
Tayta Dios ninqanta wiyar ¿pirä willakunmantsu?#Jer. 20.9; 1Cor. 9.16.
9Willakuqkuna, Asdod markaman aywaykur ninqäta palaciunchö reyta willayay.
Egiptumanpis aywaykur ninqäta palaciunchö reyta willayay.
Willar niyanki:
<<Samaria markaman y ñöpan jirkankunaman llapaykikuna shayämuy.
Tsaychömi rikayanki markachö llutanta ruraykäyaqta y mana kuyapaypa runakunata ñakatsiyanqanta.
10Paykunaqa alli kaqta rurayta manam yachayantsu.
Suwakuyanqallantam palaciunkunachöpis tsaraykäyan>>.
11Tsaynö kayanqanpitam Samaria runakunata Tayta Dios nin:
<<Contraykikuna maytsaypita shamurmi atacayäshunki.
Amparakuyänaykipä shäritsiyanqayki jatusaq murällakunatapis llapantam juchutsiyanqa.
Palaciuykikunachö llapan tariyanqantam apayanqa>>.
12 Tayta Diosmi nin:
<<Imanömi leonpa shiminpita qechuptin üshapa chakillanpis o rinrillanpis quëdan, tsaynöllam Samariachö täraq Israel runakunapis wallkaqllana quëdayanqa.
Damascupita rantiyämunqan kuyayllapä sïllachö jamaraq runakunapis wallkaqllanam quëdayanqa>>.
13Llapanta mandaq Tayta Diosmi nin:
<<Ninqäta shumaq wiyayay.
Jacobpita miraq llapan runakunata willar niyay:
14<Jutsata rurayanqanpita Israel runakunata juzganä junaq Bet-elchö kaykaq altarkunata llapantam ushakätsishä.#2Rey. 23.15.
Tsaynö ushakätsiptïmi altarpa esquïnanchö kaykaq waqrankunapis pakir patsaman shushuyanqa.
15Usya witsan täyänanpä ruratsiyanqan wayitapis y tamya witsan täyänanpä ruratsiyanqan wayitapis llapantam juchutsishä.
Marfilwan adornashqa wayikunatapis llapantam juchutsishä.
Llapan alli wayikunatam juchutsishä> >>.
Tayta Diosmi tsaynö nin.
Currently Selected:
Amós 3: qxo
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
Amós 3
3
Israel y Judá runakunata Tayta Dios juzgananpä ninqan
1Israel y Judá runakuna, Egiptupita jipimushuqniki Tayta Dios ninqanta wiyayay:
2<<Entëru munduchö tsaytsika runakuna kayaptinpis qamkunallatam kuyanqä runakuna kayänaykipä akrarqü.#Deut. 7.6.
Tsaymi jutsata rurayanqaykipita castigayäshayki>>.
3Piwanpis viäjita aywananpä puntataqa willanakunrämi.
4Leonpis ashmata mikunanpä tariskirrämi muntichö qayaran.
Llullu leonpis machayninchö mikunanpä tsariskirrämi qayaran.
5Pishqukunatapis trampa tsarin ima mikuytapis churapashqarämi.
Ima trampapis brincan ashma yaykuptinrämi.
6 Cornëtatapis tukayan markachö imapis mantsariypä kaptinrämi.
Tsaynöllam markachö ima desgraciapis päsan Tayta Dios castigaptinrä.#Job 2.10; Isa. 45.7.
7Sirviqnin profëtakunata manarä willarqa Tayta Dios manam imatapis mantsariypä kaqkunata rurantsu.#Gén. 18.17-19; Jer. 7.25; Dan. 9.10.
8León qayaranqanta wiyar ¿pirä mantsarinmantsu?
Tayta Dios ninqanta wiyar ¿pirä willakunmantsu?#Jer. 20.9; 1Cor. 9.16.
9Willakuqkuna, Asdod markaman aywaykur ninqäta palaciunchö reyta willayay.
Egiptumanpis aywaykur ninqäta palaciunchö reyta willayay.
Willar niyanki:
<<Samaria markaman y ñöpan jirkankunaman llapaykikuna shayämuy.
Tsaychömi rikayanki markachö llutanta ruraykäyaqta y mana kuyapaypa runakunata ñakatsiyanqanta.
10Paykunaqa alli kaqta rurayta manam yachayantsu.
Suwakuyanqallantam palaciunkunachöpis tsaraykäyan>>.
11Tsaynö kayanqanpitam Samaria runakunata Tayta Dios nin:
<<Contraykikuna maytsaypita shamurmi atacayäshunki.
Amparakuyänaykipä shäritsiyanqayki jatusaq murällakunatapis llapantam juchutsiyanqa.
Palaciuykikunachö llapan tariyanqantam apayanqa>>.
12 Tayta Diosmi nin:
<<Imanömi leonpa shiminpita qechuptin üshapa chakillanpis o rinrillanpis quëdan, tsaynöllam Samariachö täraq Israel runakunapis wallkaqllana quëdayanqa.
Damascupita rantiyämunqan kuyayllapä sïllachö jamaraq runakunapis wallkaqllanam quëdayanqa>>.
13Llapanta mandaq Tayta Diosmi nin:
<<Ninqäta shumaq wiyayay.
Jacobpita miraq llapan runakunata willar niyay:
14<Jutsata rurayanqanpita Israel runakunata juzganä junaq Bet-elchö kaykaq altarkunata llapantam ushakätsishä.#2Rey. 23.15.
Tsaynö ushakätsiptïmi altarpa esquïnanchö kaykaq waqrankunapis pakir patsaman shushuyanqa.
15Usya witsan täyänanpä ruratsiyanqan wayitapis y tamya witsan täyänanpä ruratsiyanqan wayitapis llapantam juchutsishä.
Marfilwan adornashqa wayikunatapis llapantam juchutsishä.
Llapan alli wayikunatam juchutsishä> >>.
Tayta Diosmi tsaynö nin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.