Hechos 3
3
Puriyta mana puëdiq runata allïtsiyanqan
1Juk tardim las tres kaykaptin Tayta Diosta mañakuyänanpä Pedruwan Juan templuman aywayarqan. 2Templu punkuchömi yurinqanpita mana puriq runa jamaraykarqan. Tsay runatam Kuyayllapä niyanqan punkuman qoyay qoyay apayaq. Tsaychömi templupa patiunman yaykuqkunata limushnata mañakuq. 3Pedruwan Juan yaykuykäyaqta rikarmi paykunatapis limushnata mañakurqan. 4Mañakuptinmi tsay runata rikaykur Pedro nirqan: <<¡Rikayämay!>>
5Tsaymi imallatapis qarananpä kanqanta yarpar paykunata kushishqa rikararqan. 6Pedrunam nirqan: <<Manam qellaynïpis ni qorïpis kantsu. Peru tsaynö kaptinpis yanapashaykim. ¡Nazaretpita Jesucristupa jutinchö ras shärir puriy!>>
7Tsaynö nirmi Pedro derëcha kaq makinpita jancharkur shäritsiptin jinan höra chaki moqunkuna alliskirqan. 8Tsaymi ras shärir puriyta qallaykurqan. Tsaypitam saltaraykar Tayta Diosta alabarnin paykunawan templupa patiunman yaykurqan. 9Tayta Diosta alabar puriqta rikarmi llapan runakuna 10espantakur niyarqan: <<¡Payqa Kuyayllapä niyanqan punkuchö limushna mañakuq runam!>>
11Tsay alliq runaqa Pedruta y Juanta manam dëjarqantsu. Salomónpa Alarnin niyanqanchö paykuna kayanqanta musyaskirmi runakuna espantakur tsayman cörrilla rikaq aywayarqan.
Pedro willakunqan
12Chaykuyaptinnam Pedro nirqan: <<Israel runakuna, ¿imanirtä noqakunata rikapäyämanki? ¿Imanirtä yarpäyanki kikïkunapa podernïkunawan o jutsaynaq kaynïkunawan kay runata allïtsiyanqäta?
13<<Abrahampa, Isaacpa, Jacobpa y unay castantsikkunapa Diosninmi#Éxo. 3.15. sirviqnin Jesústa churashqa llapanpitapis mas poderyuq kananpä.#Isa. 52.13; Fil. 2.7-9. Tsaynö kaykaptinmi qamkunaqa wanutsiyänanpä autoridäkunaman entregayarquyki. Pilato jaqiriyta munaptinpis manam munayarquykitsu. 14Jutsaynaq santu runata jaqinanpä mañakuyänaykipa rantinmi wanutsikuq runata jaqinanpä mañakuyarquyki.#Mat. 27.15-23; Mar. 15.6-14; Luc. 23.13-23. 15Tsaynöpam mana ushakaq kawayta qaramaqnintsikta wanutsiyarquyki. Paytam Tayta Dios kawatsimushqa. Kawaskir yuripäyämanqantam noqakuna rikayarqü. 16Paymi kay reqiyanqayki runata allïtsishqa. Jesucristuman criyikuyaptïmi rikayanqaykinö sänuna kaykan.
17<<Wawqikuna, Jesús salvamaqnintsik Cristo kanqanta mana musyarmi qamkunapis autoridänintsikkunapis wanutsiyarquyki. 18Tsaynö kaptinpis profëtankunawanmi Tayta Dios musyatsimarqantsik Cristuta wanutsiyänanpä kanqanta. Tsaytam Tayta Dios cumplishqa.
19<<Kananqa perdonayäshunaykipä jutsaykikunata dëjar Tayta Diosta cäsuyay. 20Tsaynöpam Jesucristuta Tayta Dios yapay mandamunqa. Paytam salvamaqnintsik Cristo kananpä unaypita akrarqan. 21Kutimunan junaq chämunqanyaqmi Jesucristuqa ciëluchö kanqa. Kutimurnam llapantapis churanqa Tayta Dios munanqannöna kananpä. Tsaynö kananpä kanqantaqa Tayta Diospa santu profëtankuna unaypitam willakuyarqan.
22<<Moiséspis [unay castantsikkunatam] nirqan: <Tayta Diosmi qamkunapita juk runata churanqa noqanö profëta kananpä. Pay niyäshunqaykita cäsuyanki. 23Pipis payta mana cäsuq kaqmi qarqushqa kanqa>.#Deut. 18.15-19; 34.10.
24<<Samuel willakunqanpitam Tayta Diospa llapan profëtankunapis kanan witsan päsanqankunata willakuyarqan. 25Profëtakuna willakuyanqan promësakuna noqantsik chaskikunantsikpämi kaykan. Tsaynöllam unay castantsikkunawan Tayta Dios pactu ruranqanpis noqantsikpä kaykan. Tsay pactuta rurarmi Abrahamta Tayta Dios nirqan: <Qampita miraqpitam kay patsachö pïmay runakunapis bendicionta chaskiyanqa>.#Gén. 12.3; 22.18. 26Abrahamta promitinqanta cumplirmi sirviqnin#3.26 Tsay palabraqa griëguchö sirviqnin o wamran ninanmi. Jesústa kawaskatsimur noqantsikman Tayta Dios mandamurqan. Tsaynö mandamurqan jutsantsikta dëjar noqantsik puntata tsay bendicionta chaskinantsikpämi>>.
Currently Selected:
Hechos 3: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
Hechos 3
3
Puriyta mana puëdiq runata allïtsiyanqan
1Juk tardim las tres kaykaptin Tayta Diosta mañakuyänanpä Pedruwan Juan templuman aywayarqan. 2Templu punkuchömi yurinqanpita mana puriq runa jamaraykarqan. Tsay runatam Kuyayllapä niyanqan punkuman qoyay qoyay apayaq. Tsaychömi templupa patiunman yaykuqkunata limushnata mañakuq. 3Pedruwan Juan yaykuykäyaqta rikarmi paykunatapis limushnata mañakurqan. 4Mañakuptinmi tsay runata rikaykur Pedro nirqan: <<¡Rikayämay!>>
5Tsaymi imallatapis qarananpä kanqanta yarpar paykunata kushishqa rikararqan. 6Pedrunam nirqan: <<Manam qellaynïpis ni qorïpis kantsu. Peru tsaynö kaptinpis yanapashaykim. ¡Nazaretpita Jesucristupa jutinchö ras shärir puriy!>>
7Tsaynö nirmi Pedro derëcha kaq makinpita jancharkur shäritsiptin jinan höra chaki moqunkuna alliskirqan. 8Tsaymi ras shärir puriyta qallaykurqan. Tsaypitam saltaraykar Tayta Diosta alabarnin paykunawan templupa patiunman yaykurqan. 9Tayta Diosta alabar puriqta rikarmi llapan runakuna 10espantakur niyarqan: <<¡Payqa Kuyayllapä niyanqan punkuchö limushna mañakuq runam!>>
11Tsay alliq runaqa Pedruta y Juanta manam dëjarqantsu. Salomónpa Alarnin niyanqanchö paykuna kayanqanta musyaskirmi runakuna espantakur tsayman cörrilla rikaq aywayarqan.
Pedro willakunqan
12Chaykuyaptinnam Pedro nirqan: <<Israel runakuna, ¿imanirtä noqakunata rikapäyämanki? ¿Imanirtä yarpäyanki kikïkunapa podernïkunawan o jutsaynaq kaynïkunawan kay runata allïtsiyanqäta?
13<<Abrahampa, Isaacpa, Jacobpa y unay castantsikkunapa Diosninmi#Éxo. 3.15. sirviqnin Jesústa churashqa llapanpitapis mas poderyuq kananpä.#Isa. 52.13; Fil. 2.7-9. Tsaynö kaykaptinmi qamkunaqa wanutsiyänanpä autoridäkunaman entregayarquyki. Pilato jaqiriyta munaptinpis manam munayarquykitsu. 14Jutsaynaq santu runata jaqinanpä mañakuyänaykipa rantinmi wanutsikuq runata jaqinanpä mañakuyarquyki.#Mat. 27.15-23; Mar. 15.6-14; Luc. 23.13-23. 15Tsaynöpam mana ushakaq kawayta qaramaqnintsikta wanutsiyarquyki. Paytam Tayta Dios kawatsimushqa. Kawaskir yuripäyämanqantam noqakuna rikayarqü. 16Paymi kay reqiyanqayki runata allïtsishqa. Jesucristuman criyikuyaptïmi rikayanqaykinö sänuna kaykan.
17<<Wawqikuna, Jesús salvamaqnintsik Cristo kanqanta mana musyarmi qamkunapis autoridänintsikkunapis wanutsiyarquyki. 18Tsaynö kaptinpis profëtankunawanmi Tayta Dios musyatsimarqantsik Cristuta wanutsiyänanpä kanqanta. Tsaytam Tayta Dios cumplishqa.
19<<Kananqa perdonayäshunaykipä jutsaykikunata dëjar Tayta Diosta cäsuyay. 20Tsaynöpam Jesucristuta Tayta Dios yapay mandamunqa. Paytam salvamaqnintsik Cristo kananpä unaypita akrarqan. 21Kutimunan junaq chämunqanyaqmi Jesucristuqa ciëluchö kanqa. Kutimurnam llapantapis churanqa Tayta Dios munanqannöna kananpä. Tsaynö kananpä kanqantaqa Tayta Diospa santu profëtankuna unaypitam willakuyarqan.
22<<Moiséspis [unay castantsikkunatam] nirqan: <Tayta Diosmi qamkunapita juk runata churanqa noqanö profëta kananpä. Pay niyäshunqaykita cäsuyanki. 23Pipis payta mana cäsuq kaqmi qarqushqa kanqa>.#Deut. 18.15-19; 34.10.
24<<Samuel willakunqanpitam Tayta Diospa llapan profëtankunapis kanan witsan päsanqankunata willakuyarqan. 25Profëtakuna willakuyanqan promësakuna noqantsik chaskikunantsikpämi kaykan. Tsaynöllam unay castantsikkunawan Tayta Dios pactu ruranqanpis noqantsikpä kaykan. Tsay pactuta rurarmi Abrahamta Tayta Dios nirqan: <Qampita miraqpitam kay patsachö pïmay runakunapis bendicionta chaskiyanqa>.#Gén. 12.3; 22.18. 26Abrahamta promitinqanta cumplirmi sirviqnin#3.26 Tsay palabraqa griëguchö sirviqnin o wamran ninanmi. Jesústa kawaskatsimur noqantsikman Tayta Dios mandamurqan. Tsaynö mandamurqan jutsantsikta dëjar noqantsik puntata tsay bendicionta chaskinantsikpämi>>.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.