O ROMA 3
3
1Nako hokogënanga, okia mautumu hodadi o Yahudi manyawa? Deʼ okia mafaidä hamoteke o huna madatoro? 2Maraioka mafaidä iwöe! Madodihiraka, karana o Yahudi manyawaika ma Jou Madutu wohidöakoka mata-mata ma Jou Madutu aidemo. 3Mä sarakia nako o Yahudi manyawa o hidoku moi yosetiaua? Boteka karana gënanga ma Jou Madutu idadi wosetiaua? 4#Mzm. 51:4 Marai kowali! Hababu itararono itiai ma Jou Madutu salalu wotiai, ngarokö o nyawa moi-moi yoeluku. Ma Jou Ai Demo ma Buku magoronaka yatulihi,
”Kokiani inyata igoungu ngona notiai okia anidemo magoronaka,
deʼ ngona noutumu maöraha ngona inihihakimi.”
5Mä nako ma Jou Madutu aiadili idadi idogo-dogo inyata, mangale karana ngone hodiai ihowo-howono, okia kokiani ngone hotemo? Ma Jou Madutu woadilua nako Unanga wonähukumu ngone? (I goungu o loleha nënanga madiai cara o nyawa.) 6Ha kali-kali kowali! Hababu nako ma Jou Madutu woadilua, sarakia Unanga wakunu wohihakimi o dunia nënanga?
7Mä nako karana o manarama madiaiua, okianaga madiai mangale ma Jou Madutu idogo-dogo imahi matoko hiädono Unanga iwihigiriri, yadodoa ho o nyawa o dorou yododiai gënanga kayahi howonohi hokä o baradoha manyawa? 8Deʼ yadodoa hohakunua ngone hotemo, ”Kayaoa de ngone hodiai o dorou hupaya o oa-oa ipuda?” I goungu naga o nyawa ihihikauku ngohi deʼ yahetongo bari ngohi totemoka hoko gënanga. O nyawa hokä önanga gënanga ipatutu ma Jou Madutu wähukumu.
Kamoiö de moiua yadodiai ma Jou Madutu aimau
9Aa, boteka nanga gogere hokä o Yahudi manyawa iholoi yaoa de o hoana de o berera mahomoa manyawa manga gogere? Ha kali-kali kowali! Tohingahuoka niahimangika kayaoa o Yahudi manyawa, kayaoa o hoana de o berera mahomoa manyawa, mata-mata o baradoha yäkuahaoka. 10#Mzm. 14:1-3, 53:1-3 Hokä yatulihi Ma Jou Ai Demo ma Buku magoronaka,
”O nyawa moiö de koiwa yotiai,
11o nyawa moiö de koiwa imangarati, deʼ o nyawa moi ö de koiwa iwi huba ma Jou Madutu.
12O nyawa mata-mata manga diri imahi kurutikaoka de ma Jou Madutu;
mata-mata yahongohuoka o diai.
O nyawa moiö de koiwa yadiai i totiai; koiwa o nyawa moi ö de!
13 #
Mzm. 5:10, 140:4 To önanga manga goodongo hokä o lungunu i helengaika.
O tengeluku mademo ihahuru manga akiriha,
deʼ to ona manga uru makai ihiopuru o fitana,
hokä o dodiha mabiha.
14 #
Mzm. 10:7
To önanga manga uru i ömanga de o lolai deʼ o ngongelo.
15 #
Yes. 59:7-8
To önanga manga aguru itaiti nako yomau yähangihara deʼ yätoma o nyawa.
16O binaha deʼ o huha,
önanga ihibarihi kiaka dika.
17Onanga yopiloko o dame mangekomika,
18 #
Mzm. 36:2
deʼ ma Jou Madutu iwihoromatiua.”
19Orahanënanga ngone hohiöriki mata-mata ituli-tulihi o agama Yahudi matita magoronaka, ganga manga hidoku o nyawa yogögogere o tita gënanga mapareta matimiuku. De hokogënanga moiua o nyawa yakunu ihidöaka o hababu nënanga de gënanga, deʼ o dunia mata-mataika ma Jou Madutu yakunu wädotagahoko. 20#Mzm. 143:2; Gal. 2:16 Hababu moiua o nyawa yakunu yadadi imateke oa-oa de ma Jou Madutu, mangale karana o nyawa gënanga yodiai o hali-o hali yamäke-mäke o agama matita magoronaka. I idulu yaino o agama matita gënanga duga-duga kahimatoko o nyawaika i goungu o nyawa yobaradoha.
Sarakia ma Jou Madutu wohigumal̄a o nyawa imateke oa-oa de Unanga
21Mä o örahanënanga ma Jou Madutu wohimatokoka o ngëkomo sarakia o nyawa imateke oa-oa de Unanga; deʼ madodagi gënanga koiwa naga imako ngohama de o agama Yahudi matita. O Musa aibuku-buku deʼ o nabi-nabi manga buku ihinyata o hali gënanga, 22#Gal. 2:16 ma Jou Madutu idadi wohigumal̄a o nyawa imateke oa-oa de Unanga, duga-duga nako o nyawa iwingaku o Yesus Kristusika; hababu koiwa naga imahowono: 23O nyawa mata-mata yobaradohaka deʼ yokurutika de ma Jou Madutu kiaka womau wahihalamati önanga. 24Duga-duga karana ma Jou Madutu aihayanga de Aidora dika wohidöakoka kapöparahaja, o nyawa de ma Jou Madutu manga hidohanga idadi yaoa okali; madodagi gangala: o Yesus Kristus wahilapahi o nyawa. 25Ma Jou Madutu wihihuba o Yesus Kristus hupaya de o Yesus aihonenge gënanga ihinyata o nyawa yolapahi de toona manga howono nako önanga iwingaku Unangika. Ma Jou Madutu wodiai hokogënanga mangale wohimatoko Ai adili. Hababu o öraha ipaha-pahaika ma Jou Madutu wosabari o nyawa manga baradoha-baradohaika, hiädono Unanga wähukumua önanga. 26Maöraha nënanga Unanga okia naga wodiai o baradohaika la wohidumutu igoungu Ai adili. De madodagi gënanga Unanga wohimatoko Ai diri itiai; deʼ moi-moi o nyawa iwingaku o Yesus Kristusika, wohinyata hokä o nyawa imateke oa-oaokali de ma Jou Madutu.
27Mangale hababu gënanga koiwa nagali idadi matiti ngoneoka la homahi amo-amoko. Yadodoa hohoko gënanga? Boteka karana ngone hodiai itötuli-tulihi o agama Yahudi matita magoronaka? Kowali. Mä karana ngone hongaku. 28Hababu hatipokoino ganga hoko nënanga: O nyawa ihinyata imateke oa-oaokali de ma Jou Madutu, karana Unanga wodiaiua itötuli-tulihi o agama Yahudi matita magoronaka, duga-duga karana ünanga wïngaku o Yesus Kristusika.
29Ekola ma Jou Madutu gënanga kato Yahudi manyawa manga Jou Madutu? Mode koigoungua Unanga o hoana de o berera mahomoa manyawaö manga Jou Madutu? Igoungu, itiai Unanga o hoana de o berera manyawaö manga Jou Madutu! 30#Ul. 6:4; Gal. 3:20 Hababu ma Jou Madutu duga-duga womatëngo. Unanga ganga wohigumal̄a o Yahudioka manyawa imateke oa-oaoli de ma Jou Madutu karana önanga yongaku. Deʼ unangoli wohigumal̄a o hoana de o berera mahomoa manyawa imateke oa-oaoli de ma Jou Madutu; genangö karana önanga yongaku. 31Boteka nënanga mamangarati karana ngone hingaku o Kristusika, hongone haumo o agama Yahudi matita? Hakali-kali kowali! Duga-duga yadäene de tongone nanga ngongaku gënanga, ngone hohilamoko o tita gënanga.
Currently Selected:
O ROMA 3: TLB
Highlight
Copy
Compare
Share
Want to have your highlights saved across all your devices? Sign up or sign in
O ROMA 3
3
1Nako hokogënanga, okia mautumu hodadi o Yahudi manyawa? Deʼ okia mafaidä hamoteke o huna madatoro? 2Maraioka mafaidä iwöe! Madodihiraka, karana o Yahudi manyawaika ma Jou Madutu wohidöakoka mata-mata ma Jou Madutu aidemo. 3Mä sarakia nako o Yahudi manyawa o hidoku moi yosetiaua? Boteka karana gënanga ma Jou Madutu idadi wosetiaua? 4#Mzm. 51:4 Marai kowali! Hababu itararono itiai ma Jou Madutu salalu wotiai, ngarokö o nyawa moi-moi yoeluku. Ma Jou Ai Demo ma Buku magoronaka yatulihi,
”Kokiani inyata igoungu ngona notiai okia anidemo magoronaka,
deʼ ngona noutumu maöraha ngona inihihakimi.”
5Mä nako ma Jou Madutu aiadili idadi idogo-dogo inyata, mangale karana ngone hodiai ihowo-howono, okia kokiani ngone hotemo? Ma Jou Madutu woadilua nako Unanga wonähukumu ngone? (I goungu o loleha nënanga madiai cara o nyawa.) 6Ha kali-kali kowali! Hababu nako ma Jou Madutu woadilua, sarakia Unanga wakunu wohihakimi o dunia nënanga?
7Mä nako karana o manarama madiaiua, okianaga madiai mangale ma Jou Madutu idogo-dogo imahi matoko hiädono Unanga iwihigiriri, yadodoa ho o nyawa o dorou yododiai gënanga kayahi howonohi hokä o baradoha manyawa? 8Deʼ yadodoa hohakunua ngone hotemo, ”Kayaoa de ngone hodiai o dorou hupaya o oa-oa ipuda?” I goungu naga o nyawa ihihikauku ngohi deʼ yahetongo bari ngohi totemoka hoko gënanga. O nyawa hokä önanga gënanga ipatutu ma Jou Madutu wähukumu.
Kamoiö de moiua yadodiai ma Jou Madutu aimau
9Aa, boteka nanga gogere hokä o Yahudi manyawa iholoi yaoa de o hoana de o berera mahomoa manyawa manga gogere? Ha kali-kali kowali! Tohingahuoka niahimangika kayaoa o Yahudi manyawa, kayaoa o hoana de o berera mahomoa manyawa, mata-mata o baradoha yäkuahaoka. 10#Mzm. 14:1-3, 53:1-3 Hokä yatulihi Ma Jou Ai Demo ma Buku magoronaka,
”O nyawa moiö de koiwa yotiai,
11o nyawa moiö de koiwa imangarati, deʼ o nyawa moi ö de koiwa iwi huba ma Jou Madutu.
12O nyawa mata-mata manga diri imahi kurutikaoka de ma Jou Madutu;
mata-mata yahongohuoka o diai.
O nyawa moiö de koiwa yadiai i totiai; koiwa o nyawa moi ö de!
13 #
Mzm. 5:10, 140:4 To önanga manga goodongo hokä o lungunu i helengaika.
O tengeluku mademo ihahuru manga akiriha,
deʼ to ona manga uru makai ihiopuru o fitana,
hokä o dodiha mabiha.
14 #
Mzm. 10:7
To önanga manga uru i ömanga de o lolai deʼ o ngongelo.
15 #
Yes. 59:7-8
To önanga manga aguru itaiti nako yomau yähangihara deʼ yätoma o nyawa.
16O binaha deʼ o huha,
önanga ihibarihi kiaka dika.
17Onanga yopiloko o dame mangekomika,
18 #
Mzm. 36:2
deʼ ma Jou Madutu iwihoromatiua.”
19Orahanënanga ngone hohiöriki mata-mata ituli-tulihi o agama Yahudi matita magoronaka, ganga manga hidoku o nyawa yogögogere o tita gënanga mapareta matimiuku. De hokogënanga moiua o nyawa yakunu ihidöaka o hababu nënanga de gënanga, deʼ o dunia mata-mataika ma Jou Madutu yakunu wädotagahoko. 20#Mzm. 143:2; Gal. 2:16 Hababu moiua o nyawa yakunu yadadi imateke oa-oa de ma Jou Madutu, mangale karana o nyawa gënanga yodiai o hali-o hali yamäke-mäke o agama matita magoronaka. I idulu yaino o agama matita gënanga duga-duga kahimatoko o nyawaika i goungu o nyawa yobaradoha.
Sarakia ma Jou Madutu wohigumal̄a o nyawa imateke oa-oa de Unanga
21Mä o örahanënanga ma Jou Madutu wohimatokoka o ngëkomo sarakia o nyawa imateke oa-oa de Unanga; deʼ madodagi gënanga koiwa naga imako ngohama de o agama Yahudi matita. O Musa aibuku-buku deʼ o nabi-nabi manga buku ihinyata o hali gënanga, 22#Gal. 2:16 ma Jou Madutu idadi wohigumal̄a o nyawa imateke oa-oa de Unanga, duga-duga nako o nyawa iwingaku o Yesus Kristusika; hababu koiwa naga imahowono: 23O nyawa mata-mata yobaradohaka deʼ yokurutika de ma Jou Madutu kiaka womau wahihalamati önanga. 24Duga-duga karana ma Jou Madutu aihayanga de Aidora dika wohidöakoka kapöparahaja, o nyawa de ma Jou Madutu manga hidohanga idadi yaoa okali; madodagi gangala: o Yesus Kristus wahilapahi o nyawa. 25Ma Jou Madutu wihihuba o Yesus Kristus hupaya de o Yesus aihonenge gënanga ihinyata o nyawa yolapahi de toona manga howono nako önanga iwingaku Unangika. Ma Jou Madutu wodiai hokogënanga mangale wohimatoko Ai adili. Hababu o öraha ipaha-pahaika ma Jou Madutu wosabari o nyawa manga baradoha-baradohaika, hiädono Unanga wähukumua önanga. 26Maöraha nënanga Unanga okia naga wodiai o baradohaika la wohidumutu igoungu Ai adili. De madodagi gënanga Unanga wohimatoko Ai diri itiai; deʼ moi-moi o nyawa iwingaku o Yesus Kristusika, wohinyata hokä o nyawa imateke oa-oaokali de ma Jou Madutu.
27Mangale hababu gënanga koiwa nagali idadi matiti ngoneoka la homahi amo-amoko. Yadodoa hohoko gënanga? Boteka karana ngone hodiai itötuli-tulihi o agama Yahudi matita magoronaka? Kowali. Mä karana ngone hongaku. 28Hababu hatipokoino ganga hoko nënanga: O nyawa ihinyata imateke oa-oaokali de ma Jou Madutu, karana Unanga wodiaiua itötuli-tulihi o agama Yahudi matita magoronaka, duga-duga karana ünanga wïngaku o Yesus Kristusika.
29Ekola ma Jou Madutu gënanga kato Yahudi manyawa manga Jou Madutu? Mode koigoungua Unanga o hoana de o berera mahomoa manyawaö manga Jou Madutu? Igoungu, itiai Unanga o hoana de o berera manyawaö manga Jou Madutu! 30#Ul. 6:4; Gal. 3:20 Hababu ma Jou Madutu duga-duga womatëngo. Unanga ganga wohigumal̄a o Yahudioka manyawa imateke oa-oaoli de ma Jou Madutu karana önanga yongaku. Deʼ unangoli wohigumal̄a o hoana de o berera mahomoa manyawa imateke oa-oaoli de ma Jou Madutu; genangö karana önanga yongaku. 31Boteka nënanga mamangarati karana ngone hingaku o Kristusika, hongone haumo o agama Yahudi matita? Hakali-kali kowali! Duga-duga yadäene de tongone nanga ngongaku gënanga, ngone hohilamoko o tita gënanga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in