O YAKOBUS 4
4
Mateke dodiawo de o dunia
1Kiaino ma ahali hagala o gangamo deʼ o ributu nia hidogoronaka? Koigoungua gënanga ma ahali nia nahihu-nahihuino hoko genangika dika iparangi nia diri magoronaka mangale nia mäke o dunia masanangi! 2Ngini nio nahihu, mä nia mäkeua, ho ngini nimau nitoma! Ngini nima kua-kuata, mä niadonikaua okia ngini nia lingi-lingiri, mangini nima teke ributu deʼ nimakangamo. Ngini okia-kiaua nia mäke, hababu ngini nigahokua ma Jou Madutuika. 3Deʼ ngaroka nginiö nigahokoka, mangini nia mäkeua, hababu nia gogahoko madumutu ihowono; okia ngini nigahoko ganga mangale nia diri mahirete masanangi. 4Ngini ganga o nyawa yososetiaua! Ngini manihi öriki nako ngini nima teke dodiawo de o dunia, ngini nidadi ma Jou Madutu ai haturu? Ho onagona honanga yomau yodadi imateke dodiawo o dunia nënanga, ünanga wohidadi ai diri ma Jou Madutu ai haturu. 5Uha niato bote Ma Jou Ai Demo ma Buku koiwa mahohol̄e itemo, ”Ma Jou Madutu wohingï nanga diri magoronaka o Womaha manahihu kohagiria.” 6#Ams. 3:34 Ngaroka hoko gënanga, ma Jou Madutu wonahi döaka Ai dora duru ilo amo-amoko ngoneino, iholoi ikuata ngaro de tongone nanga womaha manahihu gënanga. Hababu gënanga, Ma Jou Ai Demo ma Buku magoronakaö itulihi, ”Ma Jou Madutu walawani o nyawa manga hininga ikokurutil̄e, mä ikilioro yaino Unanga wahininga o nyawa manga hininga ipopoluluku.”
7Hababu gënanga, nima hilapahi ma Jou Madutuika deʼ nia lawani o Ibilihi, done o Ibilihi aha ioara ngini oka 8Niwitigika ma Jou Madutu, deʼ ma Jou Madutuö aha wini tigika ngini. Nia tebini nia giama, ngini nibobaradoha! Deʼ nia dodono nia hininga ngini, nia hininga ihohago-hago! 9Kokiani ngini nia gou-goungu nimatoduba deʼ niari ima nïki nidodora; kiani nia giete idadi nia gorehe deʼ nia mörene idadi nia hininga mahuha! 10Kiani ngini nima hitipokouku nia diri ma Jou ai himangoka, done ma Jou aha ngini winihikurutil̄e.
O hohininga laʼ uha yahohedu o nyawa
11Roriadodoto, uha nimateke hohedu ekola nimahikohowono. O nyawa yahohedu ekola yahihowono manga riadodoto imahikoka Haranioka, ünanga wahohedu deʼ wohihowono ma Jou Madutu ai tita. Deʼ nako ngini ni hi howono ma Jou Madutu ai tita, gënanga mamangarati ngini nia motekua o tita-o tita gënanga, mä nidadi mahakimi. 12Enahioko duga-duga womatëngo ai haku wohidöaka o tita o nyawaika, de watailako o nyawa. Unanga ma Jou Madutu wokuaha, wohi halamati deʼ wohibinaha. Hoʼ, o nagona ngini, hiädono ngini nimau nia hihowono nia dodiawo o nyawa?
O hohininga laʼ uha yotemo-temo madiaiua
13 #
Ams. 27:1
Roriadodoto nitemo, ”O wange nënanga ekola iyarehengomi aha mimagoraka o berera moika deʼ migogere dokengoka o taongo moi madekana mangale mima hukunu deʼ mima lingiri o tiwi,” – ni ihene ahi hitiari nënanga. 14I yarehe okia aha idadi de nia wowango, nginiö mahirete manihi orikua! Ngini duga-duga hokä uku manofo jai-jai dika hamäke, ipaha ihihanga. 15Kokiani ngini nitemo hoko nënanga, ”Nako ma Jou woigo, ngomi aha miwango de miadiai nënanga ekola gënanga.” 16Mä oraha nënanga ngini nia hininga ikurutil̄e deʼ nitemo madiaiua. O demo madiaiua mata-mata hoko gënanga ihowono.
17Hababu gënanga, o nyawa ihi öriki okia maoa-oa kiani yadiai, mä yadiaiua, o nyawa gënanga yobaradoha.
Currently Selected:
O YAKOBUS 4: TLB
Highlight
Copy
Compare
Share
Want to have your highlights saved across all your devices? Sign up or sign in
O YAKOBUS 4
4
Mateke dodiawo de o dunia
1Kiaino ma ahali hagala o gangamo deʼ o ributu nia hidogoronaka? Koigoungua gënanga ma ahali nia nahihu-nahihuino hoko genangika dika iparangi nia diri magoronaka mangale nia mäke o dunia masanangi! 2Ngini nio nahihu, mä nia mäkeua, ho ngini nimau nitoma! Ngini nima kua-kuata, mä niadonikaua okia ngini nia lingi-lingiri, mangini nima teke ributu deʼ nimakangamo. Ngini okia-kiaua nia mäke, hababu ngini nigahokua ma Jou Madutuika. 3Deʼ ngaroka nginiö nigahokoka, mangini nia mäkeua, hababu nia gogahoko madumutu ihowono; okia ngini nigahoko ganga mangale nia diri mahirete masanangi. 4Ngini ganga o nyawa yososetiaua! Ngini manihi öriki nako ngini nima teke dodiawo de o dunia, ngini nidadi ma Jou Madutu ai haturu? Ho onagona honanga yomau yodadi imateke dodiawo o dunia nënanga, ünanga wohidadi ai diri ma Jou Madutu ai haturu. 5Uha niato bote Ma Jou Ai Demo ma Buku koiwa mahohol̄e itemo, ”Ma Jou Madutu wohingï nanga diri magoronaka o Womaha manahihu kohagiria.” 6#Ams. 3:34 Ngaroka hoko gënanga, ma Jou Madutu wonahi döaka Ai dora duru ilo amo-amoko ngoneino, iholoi ikuata ngaro de tongone nanga womaha manahihu gënanga. Hababu gënanga, Ma Jou Ai Demo ma Buku magoronakaö itulihi, ”Ma Jou Madutu walawani o nyawa manga hininga ikokurutil̄e, mä ikilioro yaino Unanga wahininga o nyawa manga hininga ipopoluluku.”
7Hababu gënanga, nima hilapahi ma Jou Madutuika deʼ nia lawani o Ibilihi, done o Ibilihi aha ioara ngini oka 8Niwitigika ma Jou Madutu, deʼ ma Jou Madutuö aha wini tigika ngini. Nia tebini nia giama, ngini nibobaradoha! Deʼ nia dodono nia hininga ngini, nia hininga ihohago-hago! 9Kokiani ngini nia gou-goungu nimatoduba deʼ niari ima nïki nidodora; kiani nia giete idadi nia gorehe deʼ nia mörene idadi nia hininga mahuha! 10Kiani ngini nima hitipokouku nia diri ma Jou ai himangoka, done ma Jou aha ngini winihikurutil̄e.
O hohininga laʼ uha yahohedu o nyawa
11Roriadodoto, uha nimateke hohedu ekola nimahikohowono. O nyawa yahohedu ekola yahihowono manga riadodoto imahikoka Haranioka, ünanga wahohedu deʼ wohihowono ma Jou Madutu ai tita. Deʼ nako ngini ni hi howono ma Jou Madutu ai tita, gënanga mamangarati ngini nia motekua o tita-o tita gënanga, mä nidadi mahakimi. 12Enahioko duga-duga womatëngo ai haku wohidöaka o tita o nyawaika, de watailako o nyawa. Unanga ma Jou Madutu wokuaha, wohi halamati deʼ wohibinaha. Hoʼ, o nagona ngini, hiädono ngini nimau nia hihowono nia dodiawo o nyawa?
O hohininga laʼ uha yotemo-temo madiaiua
13 #
Ams. 27:1
Roriadodoto nitemo, ”O wange nënanga ekola iyarehengomi aha mimagoraka o berera moika deʼ migogere dokengoka o taongo moi madekana mangale mima hukunu deʼ mima lingiri o tiwi,” – ni ihene ahi hitiari nënanga. 14I yarehe okia aha idadi de nia wowango, nginiö mahirete manihi orikua! Ngini duga-duga hokä uku manofo jai-jai dika hamäke, ipaha ihihanga. 15Kokiani ngini nitemo hoko nënanga, ”Nako ma Jou woigo, ngomi aha miwango de miadiai nënanga ekola gënanga.” 16Mä oraha nënanga ngini nia hininga ikurutil̄e deʼ nitemo madiaiua. O demo madiaiua mata-mata hoko gënanga ihowono.
17Hababu gënanga, o nyawa ihi öriki okia maoa-oa kiani yadiai, mä yadiaiua, o nyawa gënanga yobaradoha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in