O YESAYA 2
2
O dame ikokakali
(Mi. 4:1-3)
1Nenanga ma Jou Madutu Aibehehongo mangale o Yehuda deʼ o Yerusalem watotarima o Yesaya o Amos aingohaka:
2O wange iböboa-boa
o doporono ma Jou Ai Tau mangï ituboil̄e ikurutil̄e
deʼ ioko itotiaiil̄e hagala o l̄oku deʼ hagala o doporono mal̄okuoka.
Hagala o hoana deo berera yotuo-tuono dokengika,
3önanga mata-mata yotemo,
”Niaino ngone hodoa ma Jou Ai Doporonil̄e,
o Israeloka manga Jou Madutu Ai tauika.
Unanga aha wonädotoko ngoneino
okia kokiani ngone hadiai.
Ngone aha hanïki Ai ngekomo,
hababu ma Jou Ai dodotoko o Yerusalemino i boa,
Unanga wotemo o Sion de yaino.”
4 #
Yl. 3:10; Mi. 4:3 Unanga aha wäjuruhakimi o hoana deo berera manga hidogoronaka,
deʼ waputuhu o perekara o hoana deo berera manga hidogoronaka.
O oworo aha yatutuku idadi o pajeko,
deʼ o kuama yadiai o gakana ihi pöpoporo.
O hoana deo berera imateke parangiokauaoli,
imaböbotoka o yomau imateke parangi.
5Hei, Yakub aidifauku,
niaino ngone homä dagi ma Jou Ai dararono magoronaka!
O nyawa manga hininga ikokurutil̄e aha wabinaha
6Ya Jou Madutu, Ngona namal̄aka Ani umati, o Yakub aidifauku! Hababu kiaka hononga o bereraka nënanga o nyawa yapake o maihi maahali o wange mahiwariha deʼ o Filistin manyawaino. Hagala o nyawa imäduru o adati deo biaha maporetino. 7Manga berera iomanga o haaka deʼ o gurasi, deʼ manga arata koiwa mabatingi. Manga kuda duru kohangöe, deʼ manga kereta haetongo hakunua mangöe. 8Kiaka honanga naga o gomanga, deʼ önanga yahuba hagala o dulada önanga mahirete yadodiai.
9O nyawa magetongo aha nahikauku deʼ nahitipokouku. Uha nahi apongo önanga ya Jou!
10 #
Him. 6:15; 2Tes. 1:9 Onanga aha yowohama hagala o aruku magoronaika hagala o doporono de makaro-karoka, ekola imabaiti o pidaha o tonaka magoronaka hupaya yootana ma Jou Ai dohata deʼ Ai kuaha imomulia. 11O nyawa mangahininga ikokurutil̄e aha wahitipokouku deʼ o nyawa yoede-edenge wahitudukuku. Duga-duga ma Jou mahirete iwihimulia. 12O wange gënanga ma Jou Duru woko Kuaha aha wahitipokouku mata-mata ihikökurutil̄e manga diri deʼ wähukumu mata-mata manga hininga ikokurutil̄e yoöede-edenge. 13O liwewuru mautu-utu magogurutil̄e o Libanonoka deʼ mata-mata o gota mapako-pako o Basanoka aha Nabinaha. 14Hagala ol̄oku deʼ o doporono imomulia aha ihirata. 15O menara-menara magogurutil̄e deʼ o bebeno-bebeno o mehele aha Waruba. 16Hagala o kapa ma ago-agomo deʼ duru mahohailoa aha Walutu. 17O nyawa manga hininga ikokurutil̄e aha nahitipoko, deʼ o nyawa yoö ede-edenge nahitudukuku. Duga-duga Jou mahirete inihimulia. 18Hagala o gomanga aha ihihanga kamamoiuku.
19-21Maöraha ma Jou womomiki deʼ wagiwi o dunia, o nyawa aha yowohama hagala o aruku magoronaika hagala o doporono i karo-karoka ekola imabaiti o pidaha o tonaka magoronaoka hupaya yootana ma Jou Aigangamoino deʼ Ai kuaha imomulia. Nako o wange gënanga iboa, hagala o gomanga o haaka deʼ o gurasi önanga yadodiai deʼ yahuba-huba gënanga aha yodogumal̄aika hoko gënanga dika mangale o karahe deʼ o guri-guriti.
22Ho, uha nianganono o nyawaika yokokakaliua hababu ünanga koiwa ai ija.
Currently Selected:
O YESAYA 2: TLB
Highlight
Copy
Compare
Share
Want to have your highlights saved across all your devices? Sign up or sign in